Crime

తెలంగాణ(Telangana)లో సంచలనంగా మారిన ఫోన్ ట్యాపింగ్(Phone Taping) కేసులో మరో కీలక పరిణామం చోటుచేసుకుంది. ఈ కేసులో మాజీ డీఎస్పీ ప్రణీత్‌రావు(DSP Praneeth Rao)తోపాటు మరో ఇద్దరు అధికారులను పోలీసులు ఇప్పటికే అరెస్టు చేసిన విషయం తెలిసిందే. తాజాగా అజ్ఞాతంలో ఉన్న మరో ముగ్గురు మాజీ అధికారులపై పోలీసులు లుక్‌ఔట్‌ నోటీసులు జారీచేశారు.

ఇప్పటి వరకు అరెస్టయిన భూపాలపల్లి ఓఎస్డీ భుజంగరావు, ఎస్‌ఐబీ అదనపు ఎస్పీ తిరుపతన్నను పోలీసులు నాంపల్లి కోర్టు జడ్జి ముందు హాజరుపరిచారు. కాగా, కొందరు ప్రజాప్రతినిధులు, మాజీ పోలీస్‌ అధికారులకూ పోలీసులు నోటీసులు జారీ చేసేందుకు సిద్ధమైనట్లు సమాచారం.

కొందరు ఎమ్మెల్యేలు, ఎంపీలతోపాటు పోలీస్‌అధికారులు, మాజీ అధికారుల పేర్లు వెలుగులోకి వచ్చినట్లు తెలుస్తోంది. ఎస్‌ఐబీ మాజీ చీఫ్‌ ప్రభాకర్‌ రావు, టాస్క్‌ఫోర్స్‌ మాజీ డీఎస్పీ రాధాకిషన్‌ రావు, శ్రవణ్‌రావు కూడా ఈ వ్యవహారంలో కీలకంగా వ్యవహరించినట్లు గుర్తించారు.

అయితే ప్రణీత్‌రావు అరెస్టు తర్వాత ఈ ముగ్గురు విదేశాలకు వెళ్లినట్లు పోలీసుల దర్యాప్తులో వెల్లడైంది. ఈ నేపథ్యంలో ముగ్గురు మాజీ అధికారులపై పోలీసులు లుక్‌ఔట్‌ నోటిసులు జారీచేశారు. ఇప్పటికే వారి ఇళ్లలో సోదాలు చేసిన పోలీసులు శ్రవణ్‌రావు ఇంట్లో కీలకమైన పత్రాలను స్వాధీనం చేసుకున్నారు. విచారణకు హాజరుకావాలని ముగ్గురికీ నోటీసులు జారీచేశారు.

నిన్న, మొన్నటివరకు హైదరాబాద్(Hyderabad) మహా నగరానికే పరిమితమైన మాదకద్రవ్యాలు(Intoxicants)( ప్రస్తుతం రాష్ట్రంలోని ఇతర జిల్లాలకు పాకాయి. తాజాగా ఓ పదో తరగతి అమ్మాయి(10th class girl Addict) మత్తుపదార్థాలకు బానిసైన ఘటన జగిత్యాల(Jagityala) జిల్లాలో శుక్రవారం ఆలస్యంగా వెలుగులోకి వచ్చింది. ఈ ఘటన జిల్లాలోనే పెను సంచలనం సృష్టించింది.

వెంటనే రంగంలోకి దిగిన పోలీసులు విచారణ చేపట్టారు. బాధిత విద్యార్థిని తండ్రి ఫిర్యాదుతో ఈ ఘటన వెలుగులోకి రాగా శనివారం ఈ కేసులో సంచలన నిజాలను జిల్లా ఎస్పీ సన్ ప్రీత్ సింగ్ వెల్లడించారు. జగిత్యాలలో పదో తరగతి చదివే ఓ అమ్మాయి గత కొన్నిరోజులుగా వింతగా ప్రవర్తిస్తోంది. దీనిపై తండ్రి ఆరా తీయగా.. ఆమె మత్తుపదార్థాలకు బానిసైనట్లు తండ్రి గుర్తించి పోలీసులకు ఫిర్యాదు చేశాడు.

వెంటనే రంగంలోకి దిగిన శిశు సంరక్షణ కమిటీ దర్యాప్తు జరిపింది. ఆ అమ్మాయితో పాటు ఇతర విద్యార్థినిలు సైతం మత్తుకు బానిసైనట్లు విచారణలో తేల్చారు. మొత్తం 10 మంది అమ్మాయిలు మాదకద్రవ్యాలు తీసుకుంటున్నారని తేలింది.

ఓ సెక్స్ రాకెట్ ముఠా వీరికి మత్తు పదార్థాలను అందించడంతో పాటు అప్పుడప్పుడు వీరిని హైదరాబాద్‌లో జరిగే రేవ్ పార్టీలకు తరలిస్తుంటారు. అలా చేస్తే ఈ ముఠాకు రూ.30వేలు అందుతున్నట్లు తెలిసింది. ఈ తరుణంలో నార్కోటిక్ బ్యూరో అధికారులు రంగంలోకి దిగారు.సెక్స్ రాకెట్ ముఠాపై లోతుగా దర్యాప్తు ప్రారంభించారు.

తాజాగా ఈ ఘటనలో ఐదుగురు సభ్యుల సెక్స్ రాకెట్ ముఠాను శనివారం అరెస్టు చేసినట్లు ఎస్పీ తెలిపారు. విశాఖ నుంచి జగిత్యాలకు మత్తు పదార్థాలు సరఫరా జరుగుతున్నట్లు దర్యాప్తులో తేలిందన్నారు.ఈ ముఠా చదువు మధ్యలోనే మానేసి ఇలాంటి నేరాలకు పాల్పడుతున్నదన్నారు.సీలేరు నుంచి గంజాయి తెచ్చి జగిత్యాలలో చిన్న చిన్న ప్యాకెట్లలో పెట్టి అమ్ముతున్నట్లు గుర్తించినట్లు ఎస్పీ తెలిపారు.

రాష్ట్రంలో పెను సంచలనం సృష్టించిన ఫోన్ ట్యాపింగ్(Phone Tapping Case) కేసులో ప్రత్యేక దర్యాప్తు బృందం(Special Investigative Team) దూకుడు పెంచింది. వీరి కస్టడీలో ఉన్న సస్పెండ్ ఎస్ఐబీ డీఎస్పీ ప్రణీత్ రావు (Praneeth Rao) విచారణలో వెల్లడించిన వివరాల మేరకు పంజాగుట్ట పోలీసులు(panjagutta police) ఏకకాలంలో పది చోట్ల సోదాలు నిర్వహిస్తున్నట్లు సమాచారం. ఈ జాబితాలో పోలీసు ఉన్నతాధికారుల ఇళ్లు కూడా ఉన్నట్లు తెలుస్తోంది.

ఇంటెలిజెన్స్ మాజీ చీఫ్ ప్రభాకర్ రావుతో పాటు మరి కొందరు అధికారుల ఇళ్లల్లో పోలీసులు తనిఖీలు నిర్వహిస్తున్నారు. ఇంటెలిజెన్స్ మాజీ ఎస్పీ భుజంగరావు, ఎస్ఐబీ డీఎస్పీ తిరుపతన్న ఇళ్లల్లో అధికారులు సోదాలు జరుపుతున్నారు. హైదరాబాద్ సిటీ మాజీ టాస్క్ఫోర్స్ డీసీపీ రాధా కిషన్ రావు ఇంట్లోనూ సోదాలు నిర్వహిస్తున్నారు.

పోలీసులు అధికారుల ఇళ్లతో పాటే ఓ న్యూస్ చానెల్ ఎండీ శ్రవణ్ రావు ఇంట్లో కూడా పోలీసులు సోదాలు నిర్వహిస్తున్నట్లు సమాచారం అందింది. అయితే, ఆ న్యూస్ చానెల్ ఎండీ ఇప్పటికే విదేశాలకు పారిపోయినట్లు టాక్ వినిపిస్తోంది. అయితే, ఈ ఫోన్ ట్యాపింగ్ కేసులో త్వరలోనే మరిన్ని అరెస్టులు జరిగే అవకాశం ఉందని పోలీసు వర్గాలు వెల్లడించాయి.

ప్రణీత్ రావు మొన్నటివరకు దర్యాప్తు బృందం విచారణలో నోరు విప్పడం లేదని తెలిసింది. తాజాగా ఆయన్ను ఫోన్ ట్యాపింగ్ ఎవరు చేయమన్నారు? ఎందుకు చేయమన్నారు? దీనంతటికి కారణం ఎవరు? ఆయన వెనుకాల ఎవరు ఉన్నారు? ఎందుకు ఇదంతా చేయాల్సి వచ్చింది. అనే అంశాలపై ఇప్పుడిప్పుడే నోరువిప్పుతున్నట్లు అధికారులు తెలిపారు. గత సర్కారు టైంలో ఓ మంత్రి ఆదేశాల మేరకు ట్యాపింగ్ చేశానని, వారి ఆర్డర్స్ ఫాలో అయినట్లు ప్రణీత్ రావు విచారణలో అంగీకరించినట్లు సమాచారం. డేటా ఎరేజ్ కూడా అందుకే చేసినట్లు పేర్కొన్నట్లు తెలుస్తోంది.

ప్రభుత్వ ఆసుపత్రి వైద్యుల నిర్లక్ష్యం కారణంగా ఓ బాలింత మృతిచెందింది. ఈ ఘటన నాగర్ కర్నూల్ జిల్లా (Nagar Kurnool District)లో చోటు చేసుకుంది. వివరాల్లోకి వెళ్తే. జిల్లాలోని అమ్రాబాద్ మండలం(Amrabad Mandal) మన్ననూరు(Mannanur) గ్రామానికి చెందిన మేడమోని కల్పన(29) నిండు గర్భిణి. భర్త ఆంజనేయులు ఆమెను ప్రసవం నిమిత్తం గురువారం అచ్చంపేట వంద పడకల ఆసుపత్రికి తీసుకెళ్లాడు.

అయితే ఆసుపత్రి సిబ్బంది ప్రసవం చేయడానికి అన్ని ఏర్పాట్లు చేయగా అక్కడ విధుల్లో ఉన్న డాక్టర్ మాత్రం ప్రసవం చేయడానికి నిరాకరించాడు. ఆ డాక్టర్ నిర్వహిస్తున్న ప్రైవేట్ ఆసుపత్రిలో చూయించుకోలేదనే అక్కసుతో ప్రసవం చేయకుండా నిరాకరించాడంటూ భర్త ఆంజనేయులు ఆరోపించాడు. దీంతో చేసేది లేక భార్య పురుటి నొప్పులతో బాధపడుతుండటంతో అచ్చంపేట పట్టణంలోని ఓ ప్రైవేటు హాస్పిటల్‌కు తీసుకెళ్లాడు.

అక్కడి వైద్యులు తల్లీ బిడ్డ క్షేమంగా ఉండాలంటే రూ.35వేలు అవుతుందని చెప్పారు. దీంతో భర్త ఆంజనేయులు ఆ మొత్తాన్ని చెల్లించేందుకు అంగీకరించాడు. గురువారం రాత్రి ప్రైవేట్ ఆసుపత్రిలో సర్జరీ అనంతరం కల్పన మగబిడ్డకు జన్మనిచ్చింది. బిడ్డ క్షేమంగానే ఉన్నా కల్పనకు రక్తస్రావం కావడంతో జిల్లా ప్రభుత్వ ఆసుపత్రికి తీసుకెళ్లాలని సూచించారు.

దీంతో అక్కడి నుంచి జిల్లా కేంద్రంలోని ప్రభుత్వ ఆసుపత్రికి తీసుకెళ్లగా అక్కడి వైద్యులు గర్భసంచిని తొలగిస్తే రక్తస్రావం ఆగిపోతుందని చెప్పారు. దీంతో భర్త ఆంజనేయులు అంగీకరించగా ఆపరేషన్ చేసి గర్భసంచి తొలగించారు. అయినప్పటికీ రక్తశ్రావం ఆగలేదు. దీంతో ఆస్పత్రి వైద్యులు ఆంజనేయులుతో బలవంతంగా కొన్ని కాగితాలపై సంతకాలు చేయించుకున్నారు.

బయట మరికొన్ని పరీక్షలు చేయించుకోవాలని చెప్పి ఆంజనేయులును బయటకు పంపించారు. ఆయన తిరిగి వచ్చే సరికి కల్పన రక్తశ్రావం అధికం కావడంతో మృతిచెందింది. అయినప్పటికీ జిల్లా ఆస్పత్రి సిబ్బంది ఆంజనేయులు ప్రమేయం లేకుండానే అంబులెన్స్‌లో ఎక్కించారు. అంతేకాదు తన భార్య మృతిచెందిందని చెప్పినా వినకుండా ఆమెకు ఆక్సిజన్ పెట్టి గాంధీ ఆస్పత్రికి తీసుకెళ్లాలని ఆదేశించారని ఆంజనేయులు వాపోయాడు. హైదరాబాద్‌లోని గాంధీకి తరలించగా అక్కడి వైద్యులు కల్పన మృతిచెందినట్లు భర్త ఫోను ద్వారా శుక్రవారం అర్ధరాత్రి రోధిస్తూ తెలిపారు.

తన భార్య మృతికి అచ్చంపేట ప్రభుత్వ వైద్యులే కారణమని భర్త ఆరోపించాడు. సకాలంలో వైద్యం అందించి ఉంటే తన భార్య ప్రాణాలతో ఉండేదని రోధించాడు. మృతిచెందడానికి కారకులైన వారిపై సమగ్ర విచారణ జరిపి న్యాయం చేయాలని భర్త ఆంజనేయులు, కుటుంబసభ్యులు డిమాండ్ చేశారు. పుట్టిన బిడ్డ తల్లి స్పర్శ కోసం జిల్లా కేంద్రంలోని ఆసుపత్రిలో ఉండగా తల్లి నిర్జీవంగా గాంధీ ఆసుపత్రిలో ఉండటం పలువురిని కలచివేసింది. కుటుంబసభ్యుల రోధనలు మిన్నంటాయి.