Crime

మారుతోన్న కాలంతో పాటు సైబర్ నేరగాళ్లు కొత్తకొత్త దారులను ఎంచుకుంటున్నారు. రకరకాల మార్గాల్లో ప్రజలను దోచుకుంటున్నారు కేటుగాళ్లు. ఫిషింగ్ మెసేజ్‌లు, స్పామ్‌ మెసేజ్‌లతో బురిడి కొట్టిస్తున్న స్కామర్లు తాజాగా కొత్త మార్గాన్ని ఎంచుకున్నారు. సెలబ్రిటీల పేరుతో ప్రజలను దోచుకుంటున్నారు. ఈ క్రమంలోనే తాజాగా ఓ కొత్త మోసం వెలుగులోకి వచ్చింది. ప్రముఖ క్రికెటర్ ధోనీ(MS Dhoni) పేరుతో ఇప్పుడు కొత్త స్కామ్‌కు తెరలేపారు.

ఈ విషయాన్ని డిపార్ట్‌మెంట్‌ ఆఫ్‌ టెలిగ్రామ్‌(DOT) ఇండియా ప్రకటించింది. ఎక్స్(X) వేదికగా ఈ విషయమై క్లారిటీ ఇచ్చారు. సైబర్ నేరగాళ్లు మహేంద్ర సింగ్ ఫొటోతో కూడిన ఓ మెసెజ్‌ను పంపిస్తున్నారు. ఇందులో భాగంగా ‘నేను ధోనీ. నేను రాంచి శివారులో ఉన్నాను. అనుకోని పరిస్థితుల్లో నా వాలెట్‌లో డబ్బులు లేవు. నేను తిరిగి ఇంటికి వెళ్లడానికి కూడా డబ్బులు నాకు కొంత డబ్బులు పంపిస్తే ఇంటికి వెళ్లగానే తిరిగి చెల్లిస్తాను’ అంటూ ఓ మెసేజ్‌ను ఫార్వర్డ్‌ చేస్తున్నారు.

ఆ స్కామర్ “mahi77i2” అనే హ్యాండిల్‌తో సందేశాన్ని పంపారు. అయితే ధోని అధికారిక హ్యాండిల్ “mahi7781” అని ఉంటుంది. అయితే వెనకా ముందు ఆలోచించని కొందరు నిజమేమో అనుకొని డబ్బులు పంపిస్తున్నారు. ఇదే విషయమై డాట్‌ క్లారిటీ ఇచ్చింది. ఎవరైనా ధోనీ పేరుతో ఇలా బస్సు టికెట్ల కోసం అడుగుతూ మెసేజ్‌ చేస్తే అది కచ్చితంగా గూగ్లీ బాల్‌ అవుతుంది. మీరు కనుక షాట్‌ ఆడడానికి ట్రై చేస్తే కచ్చితంగా క్యాచ్‌ అవుట్ అవుతారు.

మీకు ఇలాంటి మెసేజ్‌ వస్తే ధోనీ ఎలా అయితే క్షణాల్లో స్టంప్‌ అవుట్‌ చేస్తారో అలాగే ఫిర్యాదు చేయండని ఓ లింక్‌ను అందించారు. ఈ స్కాం నేపథ్యంలో ప్రజలతోపాటు క్రీడాభిమానులు జాగ్రత్తగా ఉండాలని పోలీసులు సూచిస్తున్నారు. మరోవైపు ఐపీఎల్ టిక్కెట్ల విషయంలో కూడా అవకతవకలు జరుగుతున్నట్లు ఇటివల పలు చోట్ల వెలుగులోకి వచ్చాయి. స్కామర్‌లు అసలైన టిక్కెట్ పోర్టల్, బుక్ మై షో లాగా కనిపించే వెబ్‌సైట్‌లను సృష్టించి స్కామ్ చేస్తున్నట్లు సమాచారం.

భారీ వర్షాల కారణంగా ఒకరు కాదు ఇద్దరు కాదు ఏకంగా 118 మంది ఖైదీలు(Prisoners) జైలు నుంచి తప్పించుకున్నారు. ఈ ఘటన నైజీరియా(NIGERIA) దేశంలోని రాజధాని అబూజ సమీపంలో గల సులేజాలో చేటుచేసుకోగా ఆలస్యంగా వెలుగులోకి వచ్చింది.
అయితే, గత కొద్ది రోజులుగా నైజీరియాలో భారీ వర్షాలు(HEAVY RAINS) కురుస్తున్నాయి.

దీంతో పట్టణంలోని జైలు ప్రహరీతో పాటు పలు భవనాలు సైతం దెబ్బతిన్నాయి. ఇదే అదనుగా భావించిన 118 మంది ఖైదీలు జైలు నంచి పరారయ్యారని అధికారులు వెల్లడించారు. ప్రస్తుతం పారిపోయిన వారి గురించి గాలింపు చర్యలు కొనసాగుతున్నాయి. ఇప్పటివరకు 10 మంది ఖైదీలను తిరిగి అాదుపులోకి తీసుకున్నారు.

మిగిలిన వారికోసం సెర్చ్ ఆపరేషన్ కొనసాగుతోందని అధికారులు తెలిపారు.కాగా, తప్పించుకున్న వారి జాబితాలో ఎవరెవరు ఉన్నారనే విషయం బయటకు రాలేదు. గతంలో ఇదే జైలులో బోకో హరమ్ గ్రూమ్ సభ్యులను బంధించారు. పరారైన వారిలో వారుకూడా ఉన్నారా? అనే అనుమానాలు వ్యక్తం అవుతున్నాయి.

నైజీరియాలో జైళ్ల నుంచి ఖైదీలు తప్పించుకోవడం ఇదేమీ కొత్తకాదు. ఉగ్రవాదుల దాడులు, వసతుల లేమి కారణంగా ఈ మధ్యకాలంలో జైలు నుంచి ఖైదీలు పారిపోయిన ఘటనలు అనేకం ఉన్నాయి. 2022లో జులైలో అత్యంత కట్టుదిట్టమైన భద్రత మధ్య ఉండే అబూజా జైలు నుంచి సుమారు 600 మంది ఇస్లామిక్ స్టేట్ ఖైదీలు పరారైన విషయం తెలిసిందే.కాగా, అందులో తిరిగి 300 మంది ఖైదీలను పోలీసులు పట్టుకున్నారు.

దేశవ్యాప్తంగా పార్లమెంట్ ఎన్నికల కోడ్(Election Code) నడుస్తోంది. ఇప్పటికే పలు రాష్ట్రాల్లో పోలింగ్ సైతం పూర్తయ్యింది. విడతల వారీగా పార్లమెంట్ ఎన్నికలు జరుగుతుండగా.. ఛత్తీస్ గఢ్ రాష్ట్రంలో మాత్రం తుపాకుల మోత(GUN Fire) మోగుతూనే ఉంది. మావోయిస్టు ప్రభావిత ప్రాంతాల్లో పోలీసు బలగాలు కూంబింగ్ నిర్వహిస్తున్నాయి. ఇటీవల జరిగిన వరుస ఎన్ కౌంటర్లలో మావోయిస్టులకు భారీ ఎదురు దెబ్బ తగిలిన విషయం తెలిసిందే.

వరుసగా జరిగిన ఎన్‌‌ కౌంటర్స్‌లో సుమారు వందకు పైగా మావోయిస్టులు(Maoists) మృతి చెందినట్లు అధికారిక లెక్కలు చెబుతున్నాయి. ఈ క్రమంలోనే తాజాగా ఛత్తీస్‌గఢ్‌లోని దంతెవాడ జిల్లాలో మరోసారి కాల్పులు(Encounter) చోటుచేసుకున్నాయి. జవాన్లకు, మావోయిస్టులకు మధ్య జరిగిన కాల్పుల్లో ఒక జవాన్ మరణించినట్లు తెలిసింది.

దంతెవాడ జిల్లా బార్సూర్ పరిధిలోని హందవాడ, హితవాడలో మావోయిస్టులు సంచరిస్తున్నట్లు సమాచారం రావడంతో డిస్ట్రిక్ట్ రిజర్వ్ గార్డు (DRG) పోలీసులు కూంబింగ్ నిర్వహించారు. పోలీసుల కదలికలను ముందుగానే గుర్తించిన మావోయిస్టులు ఒక్కసారిగా కాల్పులు జరిపారు.

ఈ కాల్పుల్లో దంతెవాడ డీఆర్జీ కానిస్టేబుల్ జోగరాజ్ కర్మ మృతి చెందగా.. మరో కానిస్టేబుల్‌ పరశురామ్‌కు తీవ్రగాయాలయ్యాయి. బాధితుడిని రాయ్‌పూర్ ఆస్పత్రికి తరలించి ట్రీట్మెంట్ అందిస్తున్నారు. కాగా, ఎదురు కాల్పలు చోటుచేసుకున్న ప్రాంతంలో పోలిసులు కూంబింగ్ నిర్వహిస్తున్నారు.

ఢిల్లీ(Delhi)లోని తీహార్ జైలు(Tihar Jail)లో ఖైదీల మధ్య గొడవ జరిగింది. ఖైదీలు(prisoners) ఒకరిపై ఒకరు సూదుల(Needles)తో దాడి చేసుకుని హల్‌చల్ చేశారు. ఈ ఘటనలో ముగ్గురు నలుగురు ఖైదీలు గాయపడినట్లు సమాచారం. ఈ ఖైదీలందరినీ ఒకే సెల్‌లో బంధించినట్లు తెలుస్తోంది.

వివరాల్లోకి వెళ్తే.. తీహార్ జైలు నంబర్ 3లో సోమవారం రెండు గ్రూపుల మధ్య ఈ వివాదం తలెత్తింది.  ఖైదీల శబ్దం విన్న జైలు సిబ్బంది అక్కడికి చేరుకుని ఖైదీలను ఒకరికొకరు వేరు చేశారు. క్షతగాత్రులను వెంటనే సమీప దీన్ దయాళ్ ఉపాధ్యాయ ఆసుపత్రి(DDU Hospital)కి తరలించి చికిత్స అందిస్తున్నారు.

ఖైదీలు ఏదో ఒక సమస్యపై తరచూ గొడవ పడుతుండటంతో విచారణ చేపట్టారు. సీసీటీవీ ఫుటేజీని పరిశీలిస్తున్నారు. గాయపడిన ఖైదీల వాంగ్మూలంపై కేసు నమోదు చేశారు. జైల్లో ఆధిపత్యాన్ని కాపాడుకోవడానికే ఇరువర్గాల మధ్య పోరు సాగుతున్నట్లు జైలువర్గాలు చెబుతున్నాయి.

తీహార్ జైలులో ఖైదీల మధ్య ఘర్షణ ఇదేం మొదటిసారి కాదు. ఇంతకు ముందు కూడా తీహార్ జైలులో రెండు ముఠాలకు చెందిన దుండగులు పరస్పరం ఘర్షణ పడ్డారు. తీహార్ జైలు నంబర్ 1లో ఓ ఖైదీ మరొకరిపై కత్తి, టైల్‌తో దాడి చేశాడు. ఇరువర్గాల సభ్యులకు తీవ్ర గాయాలయ్యాయి.

మద్యం కుంభకోణానికి సంబంధించిన మనీలాండరింగ్ కేసులో ఎన్‌ఫోర్స్‌మెంట్ డైరెక్టరేట్(ED) జారీ చేసిన సమన్లను సవాల్ చేస్తూ సీఎం అరవింద్ కేజ్రీవాల్ (Aravind Kejriwal) దాఖలు చేసిన పిటిషన్‌పై ఢిల్లీ హైకోర్టు సోమవారం విచారణ చేపట్టింది. ఆ పిటిషన్‌ను తిరస్కరించడంతో పాటు పిటిషనర్‌కు జరిమానా విధించింది.

అన్ని క్రిమినల్ కేసుల్లో ముఖ్యమంత్రి అరవింద్ కేజీవాల్ మధ్యంతర బెయిల్ మంజూరు చేయాలని కోరుతూ హైకోర్టులో కేజ్రీవాల్ తరఫు న్యాయవాది పిటిషన్ దాఖలు చేశారు. ఈ మేరకు విచారణ చేపట్టి హైకోర్టు అట్టి పిటిషన్‌ను తరస్కరించడంతో పాటు పిటిషనర్‌కు రూ.75వేల జరిమానా విధించింది.

ఢిల్లీ తాత్కాలిక ప్రధాన న్యాయమూర్తి నేతృత్వంలోని ధర్మాసనం ఈ ఉత్తర్వులు జారీ చేసింది. ఉన్నత పదవిలో ఉన్న వ్యక్తిపై పెండింగ్‌లో ఉన్న క్రిమినల్ కేసులో కోర్టు మధ్యంతర బెయిల్‌ను మంజూరు చేయదని ఢిల్లీ హైకోర్టు స్పష్టం చేసింది. ఈ పిటిషన్‌పై తీర్పు అసాధారణమైనదని వ్యాఖ్యానించింది. జ్యుడిషియల్ ఆర్డర్ ఆధారంగా ఎవరైనా కస్టడీలో ఉంటారని కోర్టు తెలిపింది.

మరోవైపు ఢిల్లీ మంత్రి అతిషి మరోసారి బీజేపీపై కీలక వ్యాఖ్యలు చేశారు. కేజ్రీవాల్‌ను ఎయిమ్స్ వైద్యుడికి చూపించామని బీజేపీ ఈడీ, జైలు అధికారులతో కోర్టులో చెప్పించిందని మండిపడ్డారు. అయితే అది పూర్తిగా అవాస్తవమని కోర్టులో హాజరుపరిచే వరకూ ఏ వైద్య నిపుణుడికీ ఆయన్ను అధికారులు చూపించలేదని ఆరోపించారు. మార్చి 21న ఈ కేసులో ఈడీ కేజ్రివాల్‌ను అరెస్టు చేసింది. ప్రస్తుతం ఆయన జ్యుడీషియల్ కస్టడీలో తీహార్ జైలులో ఉన్నాడు.