Crime

భువనగిరి సోషల్ వెల్పేర్ రెసిడెన్షియల్ స్కూల్‌(Bhuvanagiri Social Welfare Residential School)లో ఫుడ్ పాయిజన్(Food poisoning) ఘటనలో విషాదం మిగిలింది. అస్వస్థతకు గురైన విద్యార్థులను హైదరాబాద్‌ (Hyderabad)లోని నిలోఫర్ ఆసుపత్రిలో చేర్చి చికిత్స అందిస్తున్న విషయం తెలిసిందే.

అయితే చికిత్స పొందుతున్న విద్యార్థుల్లో ఓ బాలుడు చికిత్స పొందుతూ మృతిచెందాడు. అల్పాహారంలో భాగంగా పులిహోర తిన్న తర్వాత 24మంది విద్యార్థులు అస్వస్థతకు గురయ్యారు. ఆ వెంటనే కొందరు చిన్నారులను భువనగిరి ఏరియా ఆసుపత్రికి చికిత్స నిమిత్తం తరలించారు. పరిస్థితి విషమంగా ఉన్న వారిని హైదరాబాద్‌కు తరలించారు.

పోచంపల్లి మండలం(Pochampally Mandal) జబ్లక్‌పల్లి(Jablakpally)కి చెందిన చిన్నలచ్చి ప్రశాంత్(Chinnalachi Prashanth) అనే విద్యార్థి హైదరాబాద్‌లోని ఆస్పత్రిలో మంగళవారం రాత్రి చికిత్స పొందుతూ మృతిచెందాడు. ఈనెల 12వ తేదీన సోషల్ వెల్ఫేర్ రెసిడెన్షియల్ స్కూల్‌లో ఫుడ్‌పాయిజన్ కాగా పలువురు విద్యార్థులు తీవ్రంగా అస్వస్థతకు గురయ్యారు.

ఇందులో ప్రశాంత్‌తో పాటు మరో విద్యార్థి పరిస్థితి విషమించడంతో హైదరాబాద్‌లోని నిలోఫర్ హాస్పిటల్‌కి తరలించారు. వీరి ఆరోగ్య పరిస్థితిని ఆరా తీసిన భువనగిరి ఎమ్మెల్యే కుంభం అనిల్ కుమార్ రెడ్డి ప్రత్యేక చొరవ తీసుకుని జూబ్లీహిల్స్‌లోని మరో ప్రైవేట్ ఆస్పత్రికి తరలించి చికిత్స అందిస్తున్నారు. ఈ క్రమంలో చికిత్స పొందుతున్న ప్రశాంత్ మృతి చెందాడు. ప్రశాంత్ మృతితో స్వగ్రామంలో తీవ్ర విషాదఛాయలు అలుముకున్నాయి.

బాసరల్ ట్రిపుల్ ఐటీలో (BASARA IIIT) మరోసారి విద్యార్థి (SUICIDE)ఆత్మహత్యాయత్నం చేశాడు.పీయూసీ సెకండ్ ఇయర్ చదువుతున్న అర్వింద్ అనే విద్యార్థి హాస్టల్ గదిలో ఎవరూ లేని సమయంలో ఉరేసుకుని ఆత్మహత్యకు పాల్పడ్డగా తోటి విద్యార్థులు గమనించి వెంటనే హాస్టల్ అధికారులు సమాచారం అందించారు.

వారు వెళ్లి అర్వింద్‌ను కిందకు దించి పరిశీలించగా అప్పటికే అతను మృతి చెందాడు. మృతుడి స్వస్థలం సిద్ధిపేట జిల్లా బండారుపల్లిగా గుర్తించారు. అయితే, మృతదేహాన్ని నిర్మల్ జిల్లా ప్రభుత్వ ఆస్పత్రికి తరలించారు. అయితే, విద్యార్థి ఆత్మహత్యకు గల పూర్తి వివరాలు తెలియాల్సి ఉంది. సమాచారం అందుకున్న పోలీసులు వెంటనే ఘటనా స్థలికి చేరుకుని వివరాలు సేకరిస్తున్నారు. పోస్టుమార్టం నివేదిక ఆధారంగా చర్యలు తీసుకుంటామన్నారు.

చదువుల తల్లి సరస్వతి నిలయంగా భావించే బాసర ట్రిపుల్ ఐటీలో విద్యార్థుల వరుస ఆత్మహత్యలు ఆందోళన కలిగిస్తున్నాయి. గతేడాది ఆగస్టు నెలలో చివరగా బాసర ట్రిపుల్ ఐటీలో ఓ విద్యార్థి ఆత్మహత్యకు పాల్పడింది. ఇప్పటివరకు ఏకంగా 10కి పైగానే విద్యార్థులు ఆత్మహత్యలు చేసుకున్నా ప్రభుత్వాలు పట్టించుకోవడం లేదు.

గతేడాది బీఆర్ఎస్ సర్కార్ హయాంలో తమ సమస్యలు పరిష్కరించాలని బాసర ట్రిపుల్ ఐటీ విద్యార్థులు ఆందోళన చేపట్టగా.. అప్పటి ఐటీ మంత్రి కేటీఆర్ 26 సెప్టెంబర్ 2023న బాసర ట్రిపుల్ ఐటీని విజిట్ చేసి.. వారి సమస్యలు తెలుసుకుని వారితో కలిసి భోజనం చేశారు. ప్రతి 6నెలల కొకసారి తానే స్వయంగా వచ్చి మీ సమస్యలు తెలుసుకుంటానని.. మీరు మాత్రం చదువుమీద ఫోకస్ పెట్టాలని విద్యార్థులకు సూచించారు.తీరా చూస్తే ఎక్కడ వేసిన గొంగడి అక్కడే అన్న చందంగా బాసర క్యాంపస్ సమస్యలు ఉండిపోగా.. ప్రభుత్వం మారిపోయింది. ముఖ్యంగా క్యాంటీన్, లెక్చరర్ల కొరత, అపరిశుభ్రత, కుక్కల బెడద, హాస్టల్ నిర్వాహకుల ప్రవర్తనతో విద్యార్థులు ఇబ్బందులు పడుతున్నట్లు తెలుస్తోంది.