Featured

– వరుస కేసుల్లో గులాబీ లీడర్లు
– అధికారులను అడ్డం పెట్టుకుని వ్యవహారాలు
– ఎర్రబెల్లిపై బీజేపీ నేత శరణ్ చౌదరి ఫిర్యాదు
– సీసీఎస్ పోలీసులు రాధాకిషన్, ఉమామహేశ్వరరావుపైనా సంచలన ఆరోపణలు
– ఇప్పటికే ఫోన్ ట్యాపింగ్ కేసులో వినిపిస్తున్న రాధాకిషన్ పేరు
– ఒక్కొక్కటిగా వెలుగులోకి ఉమామహేశ్వరరావు బాగోతాలు
– కేసీఆర్ ఫ్యామిలీ బినామీలను కాపాడతారనే అపవాదు
– సీసీఎస్ లో ఆయన పనే అదేనంటూ ప్రచారం
– గతంలో జరిపిన బెదిరింపులు, దాడులపై కొత్తగా చర్చ

బీఆర్ఎస్ అధికారంలో ఉన్నన్ని రోజులు భారీగా అవినీతికి పాల్పడినట్లు తీవ్ర ఆరోపణలు ఉన్నాయి. ఇప్పటికే కాళేశ్వరం కాక పుట్టించగా, ఈమధ్య టానిక్ క్యూ లిక్కర్ దందా నిషా తెప్పించింది. నేషనల్ లెవల్ లో కవిత లిక్కర్ స్కాం వ్యవహారం నిదుర పట్టనీయకుండా హైరానా పెడుతోంది. ఫోన్ ట్యాపింగ్ కేసు తెరపైకి వచ్చి తలనొప్పిగా తయారైంది. ఇలా వరుసబెట్టి బీఆర్ఎస్ అధిష్టానాన్ని, గులాబీ నేతలను ఊపిరి పీల్చుకోకుండా చేస్తోందనే చర్చ జరుగుతోంది. ఈ కేసుల్లో ఎక్కువగా కీలకంగా వ్యవహరించింది అధికారులే. ఇప్పుడు వారందరికి కూడా ఉచ్చు బిగుసుకుంటోంది. సరిగ్గా ఇదే టైమ్ లో మరో వ్యవహారం తెరపైకి వచ్చింది. ఇందులో కూడా పోలీస్ అధికారుల పాత్ర బయటపడింది.

వివాదం ఏంటి..?

మాజీ మంత్రి ఎర్రబెల్లికి ఫేవర్ చేసేందుకు తనను చిత్రహింసలకు గురిచేశారని సీఎం రేవంత్ రెడ్డికి, డీజీపీకి కంప్లయింట్ చేశారు బీజేపీ రాష్ట్ర కార్యవర్గ సభ్యుడు శరణ్ చౌదరి ఆన్ లైన్ లో చేసిన ఈ కంప్లయింట్ ప్రస్తుతం అటు రాజకీయవర్గాల్లో, ఇటు పోలీస్ వర్గాల్లో చర్చనీయాంశంగా మారింది. బీఆర్ఎస్ అధికారంలో ఉన్నప్పుడు అక్రమంగా డిపాజిట్లు సేకరించానని పేర్కొంటూ తనపై కేసులు పెట్టి ఇబ్బందుల పాలు చేశారని ఫిర్యాదు చేశారు శరణ్. బీఆర్ఎస్ హయాంలో సీసీఎస్ ఏసీపీ ఉమా మహేశ్వరరావు, డీసీపీ రాధాకిషన్ రావు తనను అక్రమంగా నిర్భంధించి అప్పటి మంత్రి ఎర్రబెల్లి దయాకర్ రావు బంధువు పేరిట తన ఫ్లాట్ రిజిస్ట్రేషన్ చేయించారని, తాను పీఎస్ లో ఉన్న సమయంలో మరో 50 లక్షల నగదును తన ఫ్యామిలీని బెదిరించి తీసుకొన్నారని శరణ్​ చౌదరి ఫిర్యాదులో పేర్కొన్నారు.

వివరాలు తెలుసుకున్న పోలీసులు

శరణ్ ఫిర్యాదుతో పోలీసులు అప్రమత్తం అయ్యారు. ఆయనకు ఫోన్ చేసి వివరాలు తెలుసుకొన్నారు. ఇందుకు సంబంధించిన ఆధారాలను తెప్పించుకొని కేసు నమోదు చేసేందుకు సిద్ధమవుతున్నట్లు సమాచారం. తాను ప్రస్తుతం అందుబాటులో లేనని, హైదరాబాద్ వచ్చిన వెంటనే అన్ని వివరాలు వెల్లడిస్తానని శరణ్ చెప్పారు.

వివాదాల ఉమామహేశ్వరరావు

బీఆర్ఎస్ ముఖ్య నేతల అండ చూసుకొని కొంత మంది పోలీస్ అధికారులు రెచ్చిపోయారనే ఘటనలు ఈమధ్య బాగా వెలుగుచూస్తున్నాయి. ఫోన్ ట్యాపింగ్ కేసులో పోలీస్ శాఖలో కీలకంగా వ్యవహరించిన వారి బాగోతాలు బయటకొచ్చాయి. ఇప్పుడు శరణ్ ఇష్యూలో రాధా కిషన్ రావుతోపాటు ఉమామహేశ్వరరావు పేరును బాగా హైలైట్ చేశారు. తనను హింసించాడని, రిజిస్ట్రేషన్ కు ఒప్పుకోకపోవడంతో బూటు కాళ్లతో తన్నాడని, విపరీతంగా కొట్టాడని సీఎంకు వివరించారు. గతంలోనూ ఈ ఉమామహేశ్వరరావుపై అనేక వివాదాలు ఉన్నాయి. ఓ భూ వివాదానికి సంబంధించి హలాయుధ ఇన్ఫ్రా సంస్థ డైరెక్టర్లు వల్లభనేని వెంకట బుచ్చిబాబు, నడగడ్డ వేణు గోపాల్ ను వేధించారనే ఆరోపణలు వచ్చాయి. దీనిపై వారు తెలంగాణ హైకోర్టును కూడా ఆశ్రయించారు. తమ తప్పు ఏమీ లేకపోయినా కావాలని తమను సీసీఎస్ కు పిలిచి దాడి చేసి వేధించారని కోర్టు దృష్టికి తీసుకెళ్లారు. ఇలా ఉమామహేశ్వరరావు ఇంకెన్ని అరాచకాలకు పాల్పడ్డాడో అనే చర్చ ఇప్పుడు మొదలైంది. ఒక్కొక్కరుగా ఆయన బాధితులు బయటకు వస్తారని అనుకుంటున్నారు.

ప్రభుత్వ అధికారులా? గులాబీ పని మనుషులా?

ఫోన్ ట్యాపింగ్ కేసులో ఎస్ఐబీ మాజీ చీఫ్ ప్రభాకర్ రావు, రాధా కిషన్ రావుతో పాటు మరికొంత మంది ఉన్నతాధికారుల పేర్లు బయటకొచ్చాయి. ఇక సీసీఎస్ లో ఉమామహేశ్వరరావు బండారం బట్టబయలైంది. అసలు, వీళ్లు ప్రభుత్వ అధికారులా? లేక కల్వకుంట్ల ఫ్యామిలీకి సేవకులా? అనే ప్రశ్న ఇప్పుడు సర్వత్రా వ్యక్తం అవుతోంది. ముఖ్యంగా ఉమామహేశ్వరరావు సీసీఎస్ అడ్డాగా కల్వకుంట్ల ఫ్యామిలీ బినామీలను కాపాడేందుకే పని చేస్తున్నాడనే ఆరోపణలు వ్యక్తం అవుతున్నాయి. ఇలా ఇంకెంతమంది ఇలా ఉన్నారో. ఇప్పుడు ప్రభుత్వం మారిన నేపథ్యంలో వీరందరిపై తగిన చర్యలు తీసుకోవాలని కోరుతున్నారు బాధితులు.

రాష్ట్రంలో తిరుగులేని అధికారాన్ని ప్రదర్శించిన బీఆర్ఎస్ (BRS).. ప్రత్యేక తెలంగాణ తెచ్చిన పార్టీగా రెండుసార్లు వరుసగా సాధారణ ఎన్నికలలో అప్రతిహత విజయం సాధించి పదేళ్ళ పాటు తిరుగులేకుండా కొనసాగింది. పార్టీ అధినేత ఒక మహారాజులా రాష్ట్రాన్ని ఏలేశారు. వరుసగా మూడోసారి అధికారంలోకి రావాలన్న ఆయన ఆశలను రాష్ట్ర ప్రజలు వాడిపోయేలా చేశారు..

విధి ఎంత విచిత్రం. గత డిసెంబర్లో జరిగిన అసెంబ్లీ ఎన్నికల్లో (Assembly Elections) అధికారం కోల్పోవడం.. అనంతరం వరుసగా వచ్చి పడుతున్న సమస్యలతో పాటు కుమార్తె కవిత (Kavitha)ను ఈడీ (ED) అరెస్టు చేయటం ఆయనను పూర్తి బలహీనుడిగా మార్చిందని అనుకొంటున్నారు.. ఇదే సమయంలో వరుసగా లీడర్లు కూడా ఎవరిదారి వారు చూసుకుంటున్నారు. దీంతో పార్టీ ఉనికిని కోల్పోయే పరిస్థితి నెలకొందనే ప్రచారం మొదలైంది.

గత అసెంబ్లీ ఎన్నికలలో దాదాపు 40 సీట్లు గెలుచుకున్న పార్టీ ఎంతో గట్టిగా పోరాటం చేయాలి. కానీ ఇప్పుడు బీఆర్ఎస్‌లో ఆ పరిస్థితిలో కనపడటం లేదని.. ల్ సభ ఎన్నికల సన్నాహాలను కేసీఆర్ (KCR) పూర్తిగా పక్కన పెట్టేసారన్న అభిప్రాయం పార్టీ వర్గాల్లోనే వినిపిస్తోంది. ఎన్నికలు అయ్యేవరకు కేసీఆర్ బహిరంగంగా ఏ నిర్ణయాన్ని తీసుకోలేని పరిస్థితి ఏర్పడిందని అనుకొంటున్నారు.

ఇందుకు తగ్గట్టుగానే ప్రస్తుతం ఎంపీ అభ్యర్థులుగా బరిలోకి దిగుతున్న వారెవరూ.. బీజేపీ (BJP), కాంగ్రెస్ (Congress)కు గట్టి పోటీ ఇవ్వలేక పోతున్నారనే చర్చలు మొదలైయ్యాయి. అదేవిధంగా 16 లోక్‌సభ నియోజకవర్గాల అభ్యర్థుల్లో కేవలం హైదరాబాద్ నియోజకవర్గానికి మాత్రమే అభ్యర్థిని ఖరారు చేయాల్సి ఉంది. ఇలాంటి పరిస్థితుల్లో ఈ పదహారు మందిలో ఎంత మంది గట్టి పోటీ ఇచ్చే వారు అనే ప్రశ్నలు ఉదయిస్తే.. ఆ పార్టీ నేతలే తడబడే పరిస్థితి ఉందని అంటున్నారు..

ఒకప్పుడు బీఆర్ఎస్ తరపున కుక్కను నిలబెట్టిన గెలుస్తుందని చిన్న బాస్ ప్రకటించారు.. కానీ ఇప్పుడున్న పరిస్థితుల్లో సీనియర్ నాయకులు నిలబడినా గెలిచే సీన్ లేదని అంటున్నారు.. అందుకే వారంతా పోటీకి వెనుకడుగు వేయడం.. పార్టీ మారిపోవడం వంటి ఘటనలు చోటు చేసుకున్నాయి.. అయితే ఇప్పటికే పార్లమెంట్ ఎన్నికలను లైట్ తీసుకోన్న కేసీఆర్.. బరిలో నిలిచే నేతలకు ముందుగానే ఈ ఎన్నికలను సీరియస్ గా తీసుకోవద్దని చెప్పినట్లు లీకులు వినిపిస్తున్నాయి.. అదేవిధంగా కేసీఆర్ నిర్ణయం కాంగ్రెస్, బీజేపీ పార్టీల గెలుపుకు కలిసి వస్తున్న అంశంగా పేర్కొంటున్నారు..

లోక్‌సభ ఎన్నికలు (Loksabha Elections) బీఆర్ఎస్ పార్టీని ఆగమాగం చేస్తున్నాయని అనుకొంటున్నారు.. ఇప్పటికే నేతలు గులాబీ అధినేత మాటలు పట్టించుకొక పక్క పార్టీలోకి జంప్ అవుతున్నారనే ఆరోపణలున్నాయి.. ఇదే సమయంలో మిగతా పార్టీలు తమ అభ్యర్థులను ఎంపిక చేసే పనిలో బిజీబిజీగా ఉన్నాయి. ఇప్పటికే పార్టీలు మొత్తం 17 పార్లమెంటు స్థానాలకు గానూ పలువురు అభ్యర్థులను ప్రకటించేశాయి.

ఈ నేపథ్యంలో కాళేశ్వరం స్కామ్ పేరిట మునిగిపోతున్న పార్టీని పైకి తేవడానికి బీఆర్ఎస్ (BRS) నేతలు తీవ్రంగా శ్రమిస్తున్నారని అనుకొంటున్నారు. ఈమేరకు పార్టీ అధినేత కేసీఆర్ (KCR).. ఇప్పటికే ఎంపీ (MP) అభ్యర్థుల జాబితాను ప్రకటించారు. కానీ ఐదు స్థానాలపై మాత్రం పార్టీలో సస్పెన్స్ కొనసాగుతోందని తెలుస్తోంది. ఒకప్పుడు దర్జాగా రాష్ట్రాన్ని శాసించిన పార్టీ.. అభ్యర్థులు లేక అలమటిస్తున్న దృశ్యాలు కనిపిస్తున్నాయి.

మరోవైపు పెండింగ్ లో ఉన్న మెదక్, సికింద్రాబాద్, నల్గొండ, భువనగిరి, హైదరాబాద్ స్థానాలకు అభ్యర్థుల ప్రకటన కాస్త ఆలస్యం అయ్యే అవకాశాలు కనిపిస్తున్నాయిని తెలుస్తోంది. ఇప్పటికే కేసీఆర్ పెండింగ్ స్థానాల అభ్యర్థుల కోసం మల్లగుల్లాలు పడుతున్నట్లు చర్చించుకొంటున్నారు. ఇక నల్గొండ (Nalgonda) నుంచి బరిలోకి దింపడానికి మొదట గుత్తా అమిత్ రెడ్డి పేరును బీఆర్‌ఎస్ పరిశీలించింది.

అయితే అమిత్ రెడ్డి పోటీకి నో చెప్పడంతో సైదిరెడ్డికి గ్రీన్ సిగ్నల్ ఇచ్చారు. కానీ సైదిరెడ్డి హ్యాండ్ ఇచ్చి బీజేపీలోకి వెళ్లడంతో మరొక అభ్యర్థి కోసం గులాబీ బాస్ తర్జనభర్జన పడుతున్నట్లు తెలుస్తోంది. ప్రస్తుతం నల్గొండ కోసం కంచర్ల కృష్ణారెడ్డి, కడారు అంజయ్య యాదవ్ పేర్లు పరిశీలనలో ఉన్నట్లు సమాచారం. ఇక భువనగిరిలోనూ సేమ్ సీన్ రిపీట్ అయింది. మరోవైపు సికింద్రాబాద్ నుంచి తలసాని సాయికిరణ్ పోటీకి విముఖత చూపడంతో మరో అభ్యర్థి కోసం ఎదురు చూపులు తప్పడం లేదంటున్నారు..

అదేవిధంగా సికింద్రాబాద్ కోసం పద్మారావు, దాసోజు శ్రావణ్, రావుల శ్రీధర్ రెడ్డి పేర్లను పరిశీలిస్తున్నారు. అటు మెదక్ అభ్యర్థి విషయంలో కూడా తిప్పలు తప్పడం లేదని తెలుస్తోంది. అలాగే హైదరాబాదులో పోటీ నామ మాత్రమే కావడంతో మిగిలిన నాలుగు స్థానాలపైనే ఉత్కంఠ కొనసాగుతోంది.