National

మానవ అక్రమ రవాణా(Human Trafficking) ఆరోపణల నేపథ్యంలో ఫ్రాన్స్‌(France)లో భారత విమానాన్ని ఫ్రెంచ్ అధికారులు ఆధీనంలోకి తీసుకున్న విషయం తెలిసిందే. అయితే, ఈ రొమేనియా విమానానికి ఎట్టకేలకు విముక్తి లభించింది. 276మంది ప్రయాణికులతో మంగళవారం తెల్లవారు జామున 4గంటలకు ముంబై చేరుకుంది. ఈ విమానం భారత కాలమానం ప్రకారం.. సోమవారం మధ్యాహ్నం 2.30 గంటలకు బయలుదేరింది.

దుబాయ్ నుంచి నికరాగ్వా వెళ్తున్న ఈ విమానంలో 303 మంది ప్రయాణికులు ఉన్నారు. అయితే ఈ విమానం భారత్‌కు తిరిగి వచ్చేసరికి అందులో కేవలం 276 మంది ప్రయాణికులు మాత్రమే ఉన్నారు. మరి అందులో ఉన్న మిగతా 27 మంది భారతీయులు ఎక్కడ ఉన్నారు అనే ప్రశ్న తలెత్తుతోంది.

ఈ విమానాన్ని మానవ అక్రమ రవాణా అనుమానంతో గురువారం పారిస్‌కు తూర్పున 150 కిలోమీటర్ల దూరంలో వాట్రీ విమానాశ్రయంలో ఆపివేశారు. ఈ విమానంలో 21 నెలల చిన్నారితో పాటు 11 మంది మైనర్లు కూడా ఉన్నారు. ఆదివారం విమానం మళ్లీ ప్రయాణించేందుకు ఫ్రాన్స్ అధికారులు అనుమతి ఇచ్చారు. సోమవారం ఈ విమానం 276 మంది ప్రయాణికులతో భారత్‌కు బయలుదేరింది.

మిగిలిన 27 మంది ప్రయాణికుల్లో 25 మంది ఫ్రాన్స్‌లో ఉండేందుకు దరఖాస్తు చేసుకున్నారు. ఇందులో ఇద్దరు మైనర్లు కూడా ఉన్నారు. అదే సమయంలో మరో ఇద్దరు ప్రయాణికులను కోర్టులో న్యాయమూర్తి ఎదుట హాజరుపరిచి అక్కడి నుంచి విడుదల చేశారు. సోమవారం ఈ విమానం భారత్‌కు బయలుదేరిన తర్వాత ఫ్రాన్స్‌లోని భారత రాయబార కార్యాలయం ఫ్రెంచ్ అధికారులకు సోషల్ మీడియాలో కృతజ్ఞతలు తెలిపింది.

మానవ అక్రమ రవాణా చేస్తున్నారనే అనుమానంతో ఫ్రెంచ్‌ అధికారులు శుక్రవారం ఇద్దరు వ్యక్తులను అదుపులోకి తీసుకున్నారు. ఆయన కస్టడీని శనివారం 48 గంటల పాటు పొడిగించారు. ఇంతలో, విమానయాన సంస్థ స్మగ్లింగ్‌లో ప్రమేయం లేదని ఖండించింది. ఫ్రాన్స్‌లో మానవ అక్రమ రవాణాకు 20 సంవత్సరాల వరకు శిక్ష విధిస్తారు.

భారత్‌ ఇటీవల తరచూ భూకంపాలు(Earthquake) చోటు చేసుకుంటున్నాయి. కేంద్రపాలిత ప్రాంతమైన లడఖ్‌(Ladakh)లో వరుస భూకంపాలు హడలెత్తిస్తున్నాయి. తాజాగా మరోసారి లడఖ్‌లో భూకంపం సంభవించింది.  రిక్టర్ స్కేలుపై భూకంప తీవ్రత 4.5గా నమోదయింది.

లడఖ్‌లో మంగళవారం తెల్లవారుజామున భూమి కంపించింది. నేషనల్ సిస్మోలాజికల్ సెంటర్ ప్రకారం.. ఉదయం 4:33 గంటలకు భూకంపం సంభవించింది. దీని కేంద్రం ఉపరితలం నుంచి 5 కిలోమీటర్ల దిగువన ఉంది. సోమవారం అర్ధరాత్రి దాటాక జమ్మూలో కూడా భూకంపం సంభవించినట్లు సమాచారం.

జమ్మూ కశ్మీర్‌లోని కిష్త్వార్‌లో భూకంప కేంద్రాన్ని గుర్తించారు. ఈ భూకంపం తీవ్రత రిక్టర్ స్కేల్‌పై 3.7గా నమోదైనట్లు నేషనల్ సెంటర్ ఫర్ సిస్మోలాజకల్(NCS) తెలిపింది. NCS ప్రకారం, భూకంపం తెల్లవారుజామున 1.10 గంటలకు 5 కిలోమీటర్ల లోతులో సంభవించింది.

భూకంపానికి జనాలు గాఢనిద్రలో ఉన్న తెల్లవారుజామున సమయంలో భూప్రకంపనలు సంభవించాయి. ప్రాణ, ఆస్తి నష్టం జరిగినట్లు ఇప్పటివరకు ఎలాంటి సమాచారం లేదు. కొండ ప్రాంతాల్లో 5 కిలోమీటర్ల లోతులో ప్రకంపనలు గుర్తించినట్లు నేషనల్ సెంటర్ ఫర్ సిస్మాలజీ ప్రకటించింది. ఈ మేరకు ‘ఎక్స్’ వేదికగా వివరాలు వెల్లడించింది.

అయోధ్య (Ayodhya) రామ మందిరానికి హైదరాబాద్ (Hyderabad) తలుపులను వినియోగిస్తున్నారు. సికింద్రబాద్‌ న్యూ బోయిన్ పల్లికి చెందిన అనురాధ టింబర్స్ ఇంటర్నేష్నల్ కంపెనీ వీటిని రూపొందిస్తోంది. రామ మందిరం, ఆలయ ప్రాంగణానికి అవసరమైన 100కు పైగా తలుపులను తామే తయారు చేస్తున్నామని సంస్థ యజమాని శరత్ బాబు వెల్లడించారు.

బల్లార్ష నుంచి ప్రత్యేకంగా తీసుకు వచ్చిన టేకును ఈ తలుపుల తయారీలో వాడుతున్నట్టు వివరించారు. అందులోనూ అత్యంత నాణ్యత కలిగిన కలపను ఉపయోగిస్తున్నామని చెప్పారు. తలుపులపై అత్యంత అందమైన శిల్పాలను నిపుణులైన కళాకారులు కష్టపడుతున్నారని అన్నారు. ఈ తలుపుల కోసం కళాకారులు రేయింబవళ్లు కష్టడుతున్నారని వెల్లడించారు.

రామమందిరం ప్రారంభోత్సవానికి సమయం దగ్గర పడుతోంది. ఈ నేపథ్యంలో పనిలో వేగాన్ని పెంచామన్నారు. ఈ అవకాశం తమకు దక్కడం గొప్ప అదృష్టంగా భావిస్తున్నామన్నారు. త్వరలోనే ఈ తలుపులను ఆలయ అధికారులకు అందజేస్తామన్నారు. ఇది ఇలా వుంటే రామ మందిరంలో శిల్ప కళ చాలా బాగుందని స్థానికులు చెబుతున్నారు.

ఇది ఇలా వుంటే జనవరి 22న రామ్ లల్లా విగ్రహ ప్రాణ ప్రతిష్టకు సమయం దగ్గర పడుతుండటంతో నిర్మాణ పనుల వేగం పెరిగింది. జనవరి 22న ప్రధాని మోడీ చేతుల మీదుగా ప్రాణ ప్రతిష్టను నిర్వహించనున్నారు. విగ్రహ ప్రతిష్ఠాపనకు జనవరి 22న మధ్యాహ్నం 12:30 గంటలకు మంచి ముహూర్తం ఉందని జ్యోతిష్యులు జ్యోతిషులు వివరించారు. 84 సెకన్ల పాటు శుభగడియలు ఉన్నాయని వెల్లడించారు.