National

భూ కుంభకోణం కేసులో అరెస్టయిన ఝార్ఖండ్ మాజీ ముఖ్యమంత్రి హేమంత్ సోరెన్(Hemant Soren) అరెస్టయిన విషయం తెలిసిందే. లోక్‌సభ ఎన్నికల నేపథ్యంలో ఆయన జైలు నుంచి బయటకు రావడానికి శతవిధాలుగా ప్రయత్నాలు చేస్తున్నారు. ఈ నేపథ్యంలో అరెస్ట్, ఈడీ చర్యకు వ్యతిరేకంగా ఆయన పిటిషన్ వేశారు. రెండు నెలలుగా అరెస్టుకు వ్యతిరేకంగా తన పిటిషన్‌పై నిర్ణయాన్ని హైకోర్టు రిజర్వ్ చేసింది.

తాజాగా ఈ పిటిషన్‌పై సుప్రీంకోర్టు(Supreme Court) నోటీసులు జారీ చేసింది. హైకోర్టు తన నిర్ణయాన్ని పరిగణనలోకి తీసుకోవాలని సుప్రీంకోర్టు పేర్కొంది. కేసులో తదుపరి విచారణను మే 6వ తేదీకి వాయిదా వేసింది. కాగా, జనవరి 31న ఈడీ సోరెన్‌ను అరెస్టు చేసింది. దీనిని వ్యతిరేకిస్తూ సోరెన్ సుప్రీంకోర్టును ఆశ్రయించారు. అయితే జస్టిస్ సంజీవ్ ఖన్నా, జస్టిస్ బేల ఎం త్రివేది ధర్మాసనం హేమంత్ సోరెన్‌ను ముందుగా ఝార్ఖండ్ హైకోర్టుకు వెళ్లాలని కోరింది.

వాస్తవానికి హేమంత్ సోరెన్ అరెస్టు తర్వాత ఝార్ఖండ్ హైకోర్టులో పిటిషన్ దాఖలు చేశారు. ఫిబ్రవరి 28 న విచారణ పూర్తి చేసిన తర్వాత తాత్కాలిక ప్రధాన న్యాయమూర్తి ఎస్ చంద్రశేఖర్, జస్టిస్ నవనీత్ కుమార్ ధర్మాసనం నిర్ణయాన్ని రిజర్వ్ చేసింది. కానీ ఇప్పటివరకు ఎలాంటి నిర్ణయం తీసుకోలేదు. ఇదిలా ఉండగా ప్రతిపక్ష కూటమి ‘ఇండియా’లో భాగమైన కాంగ్రెస్‌తో సహా ఇతర ప్రతిపక్ష పార్టీలు రాజకీయ ఏజెన్సీలను బీజేపీ దుర్వినియోగం చేస్తోందని ఆరోపిస్తున్నాయి.

లిక్కర్ పాలసీకి సంబంధించిన కేసులో ఢిల్లీ సీఎం అరవింద్ కేజ్రీవాల్ అరెస్టు, హేమంత్ సోరెన్ అరెస్టు లోక్‌సభ ఎన్నికలను దృష్టిలో ఉంచుకుని జరిగినట్లు ఆరోపిస్తున్నాయి. ప్రజలే సమాధానం చెబుతారన్నారని అంటున్నాయి. దీనిపై బీజేపీ స్పందిస్తూ.. దర్యాప్తు సంస్థ తన పని తాను చేసుకుంటోందని, తప్పు చేసిన వారిపై చర్యలు తీసుకుంటామని ధీమా వ్యక్తం చేశారు.

పార్లమెంట్ ఎన్నికల వేళ హోంమంత్రి అమిత్ షా (Central home minister Amith sha)కు సంబంధించిన ఫేక్ ప్రసంగం వీడియో సోషల్ మీడియాలో వైరల్ అవుతోంది. దీనిపై ఢిల్లీ పోలీసులు స్పందించారు.అమిత్ షా ఎన్నికల ప్రసంగానికి సంబంధించి ఫేక్ వీడియోలు(Fake Videos) వైరల్ అవ్వడంపై కేంద్ర హోం మంత్రిత్వ శాఖ ఫిర్యాదు మేరకు ఢిల్లీ పోలీసులు (Delhi Police) కేసు నమోదు చేశారు.

అయితే, అమిత్ షా ఇటీవలే తెలంగాణలో జరిగిన ఎన్నికల ప్రచార కార్యక్రమంలో ప్రసంగిస్తూ.. బీజేపీ అధికారంలోకి వస్తే రాజ్యాంగ విరుద్ధమైన ముస్లిం రిజర్వేషన్లను రద్దు చేస్తామని ప్రకటించారు. ఎస్సీ, ఎస్టీ, ఓబీసీలకు సంబంధించిన ఆ హక్కులను తిరిగి వారికే ఇచ్చేస్తామని అమిత్ షా హామీ ఇచ్చారు.

.@INCTelangana is spreading an edited video, which is completely fake and has the potential to cause large scale violence.
Home Minister Amit Shah spoke about removing the unconstitutional reservation given to Muslims, on the basis of religion, after reducing share of SCs/STs and… pic.twitter.com/5plMsEHCe3

— Amit Malviya (मोदी का परिवार) (@amitmalviya) April 27, 2024

అయితే, అమిత్ షా ప్రసంగాన్ని కొందరు వక్రీకరించి.. ఎస్సీ, ఎస్టీ, ఓబీసీల రిజర్వేషన్లు రద్దు చేస్తామని చెప్పినట్లు ఎడిట్ చేసి సోషల్ మీడియాలో వైరల్ చేశారు. ఈ వీడియోలపై బీజేపీ తీవ్ర ఆగ్రహం వ్యక్తం చేసేంది.కాగా, తెలంగాణలో ముస్లింలకు రాజ్యాంగ విరుద్ధమైన రిజరేషన్లను తొలగించాలని మాత్రమే అమిత్ షా మాట్లాడారని స్పష్టం చేసింది. ఈ ప్రసంగాన్ని ఎడిట్ చేసిన వీడియోలను వ్యాప్తి చేస్తున్నారని ఫైర్ అయ్యింది.

దీని వలన పెద్ద ఎత్తున హింసకు దారితీసే అవకాశం ఉన్నందున దీనిపై చట్టపరమైన చర్యలు ఎదుర్కోవాల్సి ఉంటుందని హెచ్చరించింది. సోషల్ మీడియాలో వైరల్ అవుతున్న వీడియోలపై కేంద్ర హోంమంత్రిత్వ శాఖ కూడా సీరియస్ అయ్యింది. నకిలీ వీడియోలపై ఢిల్లీ పోలీసులకు ఫిర్యాదు చేయగా.. వారు కేసు నమోదు చేసి దర్యాప్తు చేపట్టారు.

2024 సార్వత్రిక ఎన్నికల్లో కేంద్రంలోని అధికార బీజేపీ(BJP) పార్టీ ప్రచారంలో(Election compaign) అన్ని పార్టీల కంటే జెట్ స్పీడ్‌లో దూసుకుపోతున్నది. ఇప్పటికే దేశవ్యాప్తంగా రెండు దశల్లో పలు రాష్ట్రాల్లోని ఎంపీ స్థానాలకు పోలింగ్ పూర్తయ్యింది. మొత్తం ఏడు దశల్లో ఎన్నికలు జరుగుతుండగా.. ఇంకా ఐదు విడతల్లో ఎన్నికలు జరగాల్సి ఉంది.

ప్రధాని నరేంద్రమోడీ(Pm MODI), కేంద్రహోంమంత్రి అమిత్ షా(AMiTH SHA), రక్షణ మంత్రి రాజ్‌నాథ్‌లు దేశవ్యాప్తంగా సుడిగాలి పర్యటనలు చేస్తుండగా..వచ్చే ఎన్నికల్లో గెలుపే లక్ష్యంగా కేంద్రమంత్రి స్మృతి ఇరానీ (Central minister Smriti Irani) కూడా ప్రచారంలో దూకుడు పెంచారు. ఎవరూ ఊహించని విధంగా ఆదివారం రాత్రి స్కూటీ మీద ఎక్కి రైడ్ చేశారు.

స్కూటర్ మీద తిరుగుతూ ఎన్నికల ప్రచారం నిర్వహించారు. హెల్మెట్ ధరించిన ఆమె స్కూటర్ మీద యూపీలోని తన సొంత నియోజకవర్గం అమేథిలో రయ్యు రయ్యు మంటూ దూసుకెళ్లారు. కేంద్రమంత్రిని గుర్తించిన పలువురు స్థానిక ప్రజలు, యువత ఆమె వెంట చేరారు. అనంతరం పలువురు కేంద్రమంత్రితో సెల్ఫీలు తీసుకున్నారు.

#WATCH | Uttar Pradesh: Union Minister and BJP candidate from Amethi, Smriti Irani rides a scooter and meets people in Amethi, as she participates in an election campaign. pic.twitter.com/cClvzgd5ho

— ANI (@ANI) April 28, 2024

ఇదిలాఉండగా, 2019 సార్వత్రిక ఎన్నికల్లో సృతి ఇరానీ అమేథి నియోజక వర్గం నుంచి ఎంపీగా పోటీ చేసి తన ప్రత్యర్థి, కాంగ్రెస్ అగ్రనేత రాహుల్ గాంధీని ఓడించారు. ఈసారి కూడా రాహుల్ అమేథీ నుంచి పోటీ చేస్తారని అంతా భావించినా రాహుల్..తన సిట్టింగ్ స్థానం వయనాడ్ నుంచే పోటీకి సై అయ్యారు.

కాగా, కాంగ్రెస్ కంచుకోట అయిన అమేథీలో ఈసారి కూడా బీజేపీ నుంచి సృతి ఇరానీ పోటీ చేస్తుండగా.. కాంగ్రెస్ పార్టీ నేటికి అభ్కర్థిని ప్రకటించలేదు. ఈ స్థానంలో ప్రియాంక గాంధీ భర్త రాబర్ట్ వాద్రా పోటీ చేస్తారని జోరుగా ప్రచారం జరుగుతున్నా.. అధికారిక ప్రకటన మాత్రం ఇంకా వెలువడలేదు.

పార్లమెంట్ ఎన్నికల వేళ బీజేపీ పార్టీ(BJP PARTY)కి బిగ్ షాక్ తగిలింది. ఆ పార్టీకి చెందిన సిట్టింగ్ ఎంపీ, మాజీ కేంద్ర మంత్రి అనారోగ్యం(Health Issue)తో మృతి చెందారు. ఈ విషయం తెలియడంతో పలువురు బీజేపీ పెద్దలు సంతాపం వ్యక్తం చేశారు.

కర్ణాటక బీజేపీ ఎంపీ, మాజీ కేంద మంత్రి వి. శ్రీనివాస ప్రసాద్ (76)(V.Srinivasa Prasad) అనారోగ్యంతో ఆస్పత్రిలో చేరి చికిత్స పొందుతూ సోమవారం తెల్లవారు జామున మృతి చెందారు. ఆయనకు భార్య, ముగ్గురు కూతుర్లు ఉన్నారు. అయితే, శ్రీనివాస ప్రసాద్ బీజేపీ పార్టీ గుర్తుపై చామనగర్ నియోజకవర్గం నుంచి ఆరుసార్లు ఎంపీగా ఎన్నికయ్యారు.

అదేవిధంగా మైసూరులోని నంజన్ గుడ్ నియోజకవర్గం నుంచి రెండు సార్లు ఎమ్మెల్యేగా గెలుపొందారు. 1976లో బీజేపీ చేరిన శ్రీనివాస ప్రసాద్ 1979లో కాంగ్రెస్ పార్టీలో చేరారు. బీజేపీలో చేరడానికి ముందు కొంత కాలం పాటు జేడీయూ, సమతా పార్టీల్లోనూ వివిధ హోదాల్లో పనిచేశారు.

1999-2004 వరకు అటల్ బిహారీ వాజ్‌పేయి ప్రధానిమంత్రిగా ఉన్న సమయంలో కేంద్ర వినియోగదారుల వ్యవహారాలు, ఆహార పంపిణీ శాఖ సహాయ మంత్రిగా పనిచేశారు. ఆ తర్వాత కాంగ్రెస్ పార్టీలో చేరి 2013లో ఎమ్మెల్యేగా కూడా గెలుపొందారు. కొన్ని అనివార్య కారణాల వలన మళ్లీ 2016లో భారతీయ జనతా పార్టీలో చేరి 2019లో తిరిగి చామరాజనగర్ నుంచి ఎంపీగా గెలుపొందారు.

ప్రస్తుతం పార్లమెంట్ ఎన్నికలు జరుగుతున్న టైంలో ఆయన ఒక్కసారిగా అనారోగ్యానికి గురయ్యారు. ఆస్పత్రిలో చేరి గత కొద్దిరోజులుగా చికిత్స పొందుతుండగా, పరిస్థితి విషమించి తెల్లవారుజామున తుదిశ్వాస విడిచినట్లు వైద్యులు వెల్లడించారు.