National

ఆంధప్రదేశ్ విభజన(ap bifurcation) అంశాన్ని పార్లమెంట్ ప్రత్యేక సమావేశాల్లో ప్రధాని మోడీ(pm modi) ప్రస్తావించారు. తెలంగాణ(Telangana) ఏర్పాటు ఎంతో ప్రాయసతో జరిగిందన్నారు. తెలంగాణ ఏర్పాటు సమయంలో రక్తపుటేర్లు పారాయని పేర్కొన్నారు. ఇరు వర్గాలను రాష్ట్ర విభజన సంతృప్తి పరచలేకపోయిందన్నారు. కొత్త రాష్ట్రం(new state) వచ్చినా తెలంగాణ సంబురాలు చేసుకోలేకపోయిందన్నారు.

తెలంగాణ విభజనకు, ఉత్తరాఖండ్, ఛత్తీస్‌గఢ్, జార్ఖండ్‌ రాష్ట్రాల విభజన మధ్య చాలా తేడాలు వున్నాయని మోడీ తెలిపారు. వాజ్ పాయ్ ప్రధానిగా వున్న సమయంలో ఉత్తరాఖండ్, చత్తీస్ గఢ్, జార్ఖండ్ రాష్ట్రాల విభజన సమయంలో చాలా ప్రణాళిక బద్దంగా వ్యవహరించి చర్యలు తీసుకున్నారని తెలిపారు.

ఆయా రాష్ట్రాల్లో అన్ని వర్గాల మధ్య సంతృప్తిని, విస్తృతంగా వేడుకలు జరుపుకునేలా అప్పటి ప్రధాని వాజ్ పాయ్ చేశారని ఆయన వివరించారు. సమైక్య ఆంధ్రప్రదేశ్ విభజన అలాంటి పంథాలో నడవలేదన్నారు. ఫలితంగా అంతగా సామరస్యపూర్వకమైన ఫలితం రాలేదని ప్రధాని మోదీ ఆవేదన వ్యక్తం చేశారు.

తెలంగాణ రాష్ట్ర ఏర్పాటు సమయంలో చాలా మంది బలిదానాలు చేసుకున్నారని ప్రధాని గుర్తు చేశారు. కొత్త రాష్ట్రం ఏర్పడిన తర్వాత కూడా తెలంగాణలో ప్రజలు సంబురాలు చేసుకోలేకపోతున్నారన్నారు. గతంలో 2022లోనూ లోక్ సభలో ప్రధాని ఏపీ విభజన గురించి ప్రస్తావించారు. స్వార్థ ప్రయోజనాల కోసమే ఏపీని యూపీఏ హడావుడిగా విభజించిందన్నారు.

మహిళల(Woman)ను వేధించే, వారిపై నేరాలకు పాల్పడే ఈవ్ టీజర్లకు యూపీ సీఎం(up cm) యోగీ ఆదిత్యనాథ్(yogi adityanath) మాస్ వార్నింగ్(warning) ఇచ్చారు. ఈవ్ టీజర్ల కోసం మృత్యు దేవుడైన యముడు ఎదురు చూస్తున్నారంటూ తీవ్ర స్థాయిలో హెచ్చరికలు చేశారు. సీఎం యోగీ వ్యాఖ్యలపై ఇప్పుడు తీవ్ర చర్చ నడుస్తోంది. మోటార్ సైకిల్ పై వచ్చిన వ్యక్తుల దాడిలో మరణించిన బాలిక ఘటన నేపథ్యంలో ఆయన ఈ వ్యాఖ్యలు చేశారు.

యూపీలో మోటార్ సైకిల్ పై వచ్చిన ఇద్దరు వ్యక్తులు ఓ బాలికను వేధించారు. మోటార్ సైకిల్ పై వెళుతూ ఆమె దుపట్టాను పట్టుకొని లాగారు. దీంతో ఆ బాలిక కింద పడగా వెనక నుంచి వచ్చిన మోటార్ సైకిల్ ఆమె పై నుంచి వెళ్లింది. దీంతో ఆమె మృతి చెందింది. సమాచారం అందుకున్న పోలీసులు నిందితులను అదుపులోకి తీసుకున్నారు.

ఈ ఘటన శుక్రవారం చోటు చేసుకుంది. ఈ కేసులో ముగ్గురిని అరెస్టు చేసినట్టు పోలీసులు వెల్లడించారు. కస్టడీకి తరలించే సమయంలో ఇద్దరు నిందితులు పారిపోయే ప్రయత్నం చేశారని పోలీసులు పేర్కొన్నారు. దీంతో వారిపై కాల్పుల జరిపామన్నారు. నిందితులకు బుల్లెట్ గాయాలయ్యాయని పేర్కొన్నారు.

అంబేడ్కర్ నగర్ జిల్లాలో 343 కోట్ల రూపాయల విలువైన 76 ప్రాజెక్టులకు శంకుస్థాపన కార్యక్రమానికి సీఎం యోగీ ఆదిత్య నాథ్ హాజరయ్యారు. ఈ సందర్బంగా ఈ ఘటనపై ఆయన స్పందించారు. మహిళలపై నేరాలకు పాల్పడే వారిని వదలబోమన్నారు. వారి కోసం మృత్యు దేవుడైన యమరాజు ఎదురు చూస్తున్నారంటూ తీవ్ర హెచ్చరికలు జారీ చేశారు.

పార్లమెంటు ప్రత్యేక సమావేశాలు(parliament special session) చాలా తక్కువ సమయే వున్నప్పటికీ ఇందులో చారిత్రక నిర్ణయాలు(Historical decisions) వుంటాయని ప్రధాని మోడీ(pm modi) అన్నారు. 75 ఏళ్ల ప్రయాణం కొత్త గమ్యం నుంచి ప్రారంభం కావడం ఈ సెషన్ కు వున్న ప్రత్యేకత అని ఆయన పేర్కొన్నారు.

దేశంలో అభివృద్ధి అనేది నిర్విఘ్నంగా కొనసాగుతుందని తాను ఆశిస్తున్నట్టు ఆయన వెల్లడించారు. 2047 నాటికి దేశాన్ని అభివృద్ధి చెందిన దేశంగా చూడటమే లక్ష్యంగా పని చేయాలని ఆయన పిలుపునిచ్చారు. పార్లమెంట్ ప్రత్యేక సమావేశాల ప్రారంభానికి ముందు ప్రధాని మోడీ ప్రసంగించారు.

భారత్‌ను అభివృద్ధి చెందిన దేశంగా చూడటమే లక్ష్యంగా అందరూ పనిచేయాలని ఆయన పిలుపునిచ్చారు. ప్రపంచంలో ఏ శక్తీ భారత అభివృద్ధినీ అడ్డుకోలేని ఆయన తెలిపారు. జీ-20 సదస్సు చాలా అద్భుతంగా జరిగిందని చెప్పారు. దేశ ఉజ్వల భవిష్యత్తుకు జీ-20 సదస్సు మార్గదర్శనం చేసిందన్నారు. చంద్రయాన్-3 విజయంతో దేశానికి గొప్ప పేరు వచ్చిందన్నారు.

శివశక్తి పాయింట్ అనేది ఇప్పుడు కొత్త స్ఫూర్తి కేంద్రంగా మారిందన్నారు. భారత్ ఇప్పుడు ఉజ్వల భవిష్యత్తు దిశగా ప్రయాణిస్తోందన్నారు. ఇప్పుడు కొత్త సంకల్పం దిశగా మరి కొన్ని అడుగులు పడాల్సి వుందన్నారు. భారత్ సాధిస్తున్న పురోగతిని ప్రపంచ దేశాలు ప్రశంసిస్తున్నాయన్నారు. ఇప్పుడు దేశ వ్యాప్తంగా ఒక కొత్త ఉత్సాహం కనిస్తోందన్నారు.

పార్లమెంట్(parliament) ప్రత్యేక సమావేశాలు నేటి నుంచి ప్రారంభం కానున్నాయి. నేటి నుంచి ఐదు రోజుల పాటు ఈ సమావేశాలు కొనసాగనున్నాయి. ఈ సమావేశాల్లో ఎనిమిది బిల్లుల(bills)ను కేంద్రం చర్చకు తీసుకు రానుంది. పార్లమెంట్ 75 ఏండ్ల చరిత్ర(History) గురించి ఈ సమావేశాల్లో చర్చించనున్నారు. ఈ సమావేశాల్లో పాత పార్లమెంట్‌లో చివరి సారిగా ఉభయ సభలు కొలువుదీరనున్నాయి.

ప్రత్యేక సమావేశాల సందర్బంగా ప్రధాని మోడీ ప్రసంగించే అవకాశం ఉందని తెలుస్తోంది. మరోవైపు ఈ సమవేశాల్లో మహిళా బిల్లును ఆమోదించాలని కాంగ్రెస్ డిమాండ్ చేస్తోంది. ఈ మేరకు కాంగ్రెస్ సీనియర్ నేత జైరాం రమేశ్ ట్వీట్ చేశారు. మరోవైపు ఏపీకి ప్రత్యేక హోదా కల్పించాలని టీడీపీ డిమాండ్ చేస్తోంది.

పార్లమెంట్ ను నూతన భవనంలోకి తరలిస్తున్ నేపథ్యంలో ఎంపీలందరికీ నూతన ఐడీ కార్డులను జారీ చేయనున్నారు. పార్లమెంట్ సమావేశాలు మంగళవారం నుంచి నూతన భవనంలో నిర్వహించనున్నట్టు ఉపరాష్ట్రపతి జగదీప్ ధన్ ఖడ్ తెలిపారు. బీజేపీ ఎంపీలు సునీల్ సింగ్, గణేస్ సింగ్ ల నేతృత్వంలోని ప్రివిలైజ్ కమిటీ ఈ రోజు నివేదిక ఇవ్వనుంది.

ఈ సమావేశాల్లో అడ్వకేట్స్( సవరణ) బిల్లు-2023, ప్రెస్ అండ్ రిజిస్ట్రేషన్ ఆప్ పీరియాడికల్స్ బిల్ -2023, పోస్టాఫీస్ బిల్లు-2023, చీఫ్ ఎలక్షన్ కమిషనర్(నియామకం, సర్వీసు నిబంధనలు, కార్యాలయ నిబంధనల) బిల్లు- 2023, సీనియర్ సిటిజన్స్ సంక్షేమ బిల్లులపై ఈ సమావేశాల్లో చర్చించనున్నట్టు పార్లమెంట్ వర్గాలు వెల్లడించాయి.

ఏఐఎంఐఎం(Aimim) చీఫ్, హైదరాబాద్ ఎంపీ అసదుద్దీన్ ఓవైసీ(Asaduddin owaisi) కీలక వ్యాఖ్యలు చేశారు. ఇండియా కూటమి(Indi Alliance) లో చేరని పార్టీలన్నింటితో కలిసి థర్డ్ ఫ్రంట్(Third front) ఏర్పాటు చేయాలని సీఎం కేసీఆర్ ను తాను కోరానని చెప్పారు. ప్రస్తుతం దేశంలో రాజకీయ శూన్యత ఉందన్నారు.

ఆ రాజకీయ శూన్యతను ఇండియా కూటమి పూరించ లేకపోయిందని ఆయన అన్నారు. సీఎం కేసీఆర్ నాయకత్వం వహిస్తే ఆ రాజకీయ శూన్యత భర్తీ అవుతుందని వెల్లడించారు. కేసీఆర్ నాయకత్వం వహిస్తే థర్డ్ ఫ్రంట్ లోకి చేరేందుకు పలు పార్టీలు, పలువురు నేతలు సిద్దంగా ఉందని ఆయన పేర్కొన్నారు.

ఇండియా కూటమిలో చేరాలని తనను ఆహ్వానించక పోవడంపై ఆయన స్పందించారు. ఆ విషయం గురించి తాను పెద్దగా పట్టించుకోబోనన్నారు. బీఎస్పీ చీఫ్ మాయావతి, తెలంగాణ సీఎం కేసీఆర్ తో పాటు ఈశాన్య రాష్ట్రాలు, మహారాష్ట్రలోని పలు పార్టీల నేతలు ఇండియా కూటమిలో చేరలేదని ఆయన గుర్తు చేశారు.

గతంలో కూడా థర్డ్ ఫ్రంట్ కు సీఎం కేసీఆర్ నాయకత్వం వహించాలని అసదుద్దీన్ ఓవైసీ వ్యాఖ్యలు చేశారు. అంతకు ముందు ఏఐఎంఐఎం నేత వారిస్ పథాన్ కీలక వ్యాఖ్యలు చేశారు. ఇండియా కూటమిలోని కొన్ని సోకాల్డ్ సెక్యులర్ పార్టీలు తమను అంటరాని వాళ్లుగా చూస్తున్నారంటూ ఆయన వ్యాఖ్యానించారు.

గుజరాత్ లోని ఆటో డ్రైవర్లు(Auto drivers) ప్రధాని మోడీపై(Pm modi) తమ అభిమానాన్ని చాటుకున్నారు. ప్రధాని జన్మదినం(Birth day) సందర్భంగా సూరత్ కు చెందిన ఆటో డ్రైవర్లు ప్రయాణికులకు ప్రత్యేక డిస్కౌంట్లు ప్రకటించారు. సుమారు వేయి మంది ఆటో డ్రైవర్లు తమ కస్టమర్లకు ఈ రోజు డిస్కౌంట్ ఇచ్చారు. ఈ వార్తను గుజరాత్ ఎమ్మెల్యే పూర్ణేశ్ మోడీ షేర్ చేశారు.

1,000 మంది ఆటో డ్రైవర్లు ఈ రోజు ప్రయాణికులకు 30 శాతం తగ్గింపును అందజేశారని ఎమ్మెల్యే పూర్ణేశ్ మోడీ వెల్లడించారు. మోడీ 73వ పుట్టిన రోజు సందర్బంగా 73 మంది ఆటో డ్రైవర్లు 100 శాతం తగ్గింపును అందించి ఈరోజు తమ ప్రయాణీకులకు ఉచిత రైడ్‌లను అందిస్తున్నారని ఎమ్మెల్యే పేర్కొన్నారు.

ప్రధాని మోడీ జన్మదినం సందర్భంగా బీజేపీ శ్రేణులు ప్రత్యేక కార్యక్రమాలను నిర్వహిస్తున్నాయి. నేటి నుంచి రెండు వారాల పాటు ‘సేవా పక్వారా’ క్యాంపెయిన్ ను నిర్వహిస్తున్నారు. ఇందులో భాగంగా సేవా కార్యక్రమాలు, పరిశుభ్రత, అనాధ శరణాలయాలకు డొనేషన్స్ ఇవ్వడం లాంటి కార్యక్రమాలను చేపడుతున్నారు.

ఇది ఇలా వుంటే విశ్వకర్మ జయంతి సందర్భంగా ప్రధాని మోడీ ఈ రోజు చేతి వృత్తుల వారి కోసం ‘విశ్వకర్మ’పథకాన్ని ప్రారంభించారు. దీంతో పాటు ఢిల్లీలోని ద్వారకా సెక్టార్ 21 నుంచి 25 వరకు పొడిగించిన ఢిల్లీ ఎయిర్ పోర్టు మెట్రో ఎక్స్ ప్రెస్ లైన్‌ను ప్రధాని మోడీ ఈ రోజు ప్రారంభించారు. ఈ సందర్బంగా మెట్రోలో మోడీ ప్రయాణించారు.