News

రాష్ట్రంలో ఎన్నికల హడావుడి.. వరుసగా పార్టీలను హడలెత్తిస్తుంది.. అసెంబ్లీ ఎన్నికలు ముగిశాక.. ఐదు నెలల్లోనే పార్లమెంట్ ఎన్నికలు (Parliament Elections) వచ్చి.. బీఆర్ఎస్ (BRS)ను మరింత ఇరుకున పడవేసాయి. ఈ ఎన్నికల్లో గెలిచి ఇంకా పార్టీ ఉనికి ఉందని చాటుదామని భావిస్తున్న తరుణంలో మూడు ఉమ్మడి జిల్లాల్లో ప్రభావం చూపేలా మరో ఉపఎన్నిక రావడం ఉక్కిరిబిక్కిరి చేస్తుంది.

అసలే అధికారం లేక.. కేసుల వెంట పరిగెత్త లేక బీఆర్ఎస్ అధినేత సమస్యలతో సతమతం అవుతున్నారనే టాక్ వినిపిస్తోంది. ఇక ఎలాగో కూతురు కవిత జైలు టెన్షన్ హైరానా పెడుతున్న సంగతి తెలిసిందే.. మొత్తానికి కారు పార్టీని చుట్టుముట్టిన సమస్యల చిట్టా పెద్దగానే ఉందని తెలుస్తోంది. మరోవైపు ఖమ్మం, నల్గొండ, వరంగల్ (Warangal), పట్టభద్రుల ఉపఎన్నిక సవాల్ గా మారింది. మూడేళ్ల క్రితం ఎమ్మెల్సీగా పల్లా రాజేశ్వర్ రెడ్డి ఈ స్థానం నుంచి గెలిచారు.

అసెంబ్లీ ఎన్నికల్లో జనగామ ఎమ్మెల్యేగా పోటీ చేసి విజయం సాధించారు. దాంతో పల్లా రాజీనామా తప్పనిసరి అయింది. ఉపఎన్నిక వచ్చేసింది. ఇక కాంగ్రెస్ (Congress) అభ్యర్థిగా తీన్మార్ మల్లన్న (Tinmar Mallanna)ను ప్రకటించారు. ఆయన గతంలోనూ స్వతంత్ర అభ్యర్థిగా పోటీ చేసి రెండో స్థానంలో ఉన్నారు. ఇదిలా ఉండగా బీఆర్ఎస్ కు ఇది సిట్టింగ్ స్థానం కావడం వల్ల ఎలాగైనా విజయం తప్పని సరిగ్గా మారింది.

తమ ఎమ్మెల్సీ పల్లా రాజేశ్వర్ రెడ్డి (Palla Rajeshwar Reddy) రాజీనామా వల్ల వచ్చిన ఉపఎన్నిక కావడం వల్ల గెలుపు మరింత ప్రతిష్టాత్మకం. కానీ ఇక్కడే సమస్య వచ్చింది. అభ్యర్థిగా ఎవరిని దింపాలన్నది పజిల్ గా మారింది. ఎంపీ పోటీకే ముందుకు రాని నేతలు.. ఎమ్మెల్సీ అంటే ఆమడ దూరం వెళ్ళడం జరుగుతున్నారని అంటున్నారు.. అందులో కనీసం ప్రచార గడువు కూడా లేదు. మే 2 నుంచి నామినేషన్లు వేయాల్సి ఉంటుంది.

మరోవైపు లోక్ సభ ఎన్నికల పోలింగ్ 13వ తేదీన ఉంది. ఈ సమయంలో అభ్యర్థిని నిలబెడితే గెలవాలి.. లేదా కనీసం రెండో స్థానంలో అయినా ఉండాలి. ఈ రెండింటిలో ఏది జరగకున్నా పరువుపోతుంది. మరి ఈ సమస్యను గులాబీ బాస్ ఎలా పరిష్కరిస్తారో అనే ఆసక్తి పొలిటికల్ సర్కిల్లో నెలకొంది.

పార్లమెంట్ ఎన్నికలకు ఇంకా రెండు వారాల సమయం ఉన్న విషయం తెలిసిందే.. కాగా ఎన్నికల ప్రచారంలో పాల్గొంటున్న పార్టీలు.. విమర్శలతో ఒకరిపై ఒకరు విరుచుకుపడుతున్నారు.. ఈ క్రమంలో కరీంనగర్ బీజేపీ (BJP) ఎంపీ అభ్యర్థి బండి సంజయ్ కుమార్.. రిజర్వేషన్ల రద్దు కాంగ్రెస్ చేస్తున్న విష ప్రచారమని ధ్వజమెత్తారు.. ఈ పేరుతో ప్రజల్లో భయాందోళనలు సృష్టించి లబ్ధి పొందేందుకు ప్రయత్నిస్తోందని ఆరోపించారు.

కరీంనగర్ (Karimnagar) జిల్లా, హుజూరాబాద్ (Huzurabad)లో ఎన్నికల ప్రచారంలో పాల్గొన్న బండి సంజయ్‌.. రిజర్వేషన్ల పై చర్చకు కాంగ్రెస్, బీఆర్ఎస్ సిద్ధమా? అని సవాల్ విసిరారు. రాష్ట్ర ప్రజలను వంచించి కేసీఆర్ (KCR) కుటుంబం వేల కోట్లు సంపాదించిందని విమర్శలు గుప్పించారు.. అధికారంలోకి రాక ముందు రబ్బర్ చెప్పులు ముడుతల చొక్కాతో ఉన్న కేటీఆర్ (KTR)కి ఇన్ని ఆస్తులు ఎక్కడ నుంచి వచ్చాయని ప్రశ్నించారు.

అధికారాం సొంతం చేసుకోవడానికి ఎన్ని అబద్ధాలు ఆడారో.. అది కాపాడు కోవడానికి ఎన్ని మోసాలు చేశారో రాష్ట్ర ప్రజలకు అంతా తెలుసని పేర్కొన్నారు.. అసలు మొదట రాజ్యాంగం మార్చాలి అన్నది కేసీఆర్ అని ఆరోపించిన బండి సంజయ్.. రిజర్వేషన్లను తగ్గించమని తెలిపారు. హైదరాబాద్ కేంద్రపాలిత ప్రాంతం చేయమన్నారు. అసత్యాలతో పబ్బం గడుపుకోవాలని చూస్తున్న పార్టీలకు తగిన బుద్ధి చెప్పాలని సూచించారు..

మరోవైపు కాంగ్రెస్ (Congress), బీఆర్ఎస్ (BRS) కుమ్మక్కై ఉమ్మడి ఆరోపణలు చేస్తున్నాయని మండిపడ్డ బండి సంజయ్.. ఈ ఎన్నికల్లో బీఆర్ఎస్ కి డిపాజిట్లు కూడా రావని జోస్యం చెప్పారు.. అలాగే తనను ఆశీర్వదించి మళ్లీ గెలిపించాలని ఓటర్లకు విజ్ఞప్తి చేశారు.. బీఆర్ఎస్ హయాంలో భారీ ఆర్థిక విధ్వంసాన్ని చూశామని.. ఇక కాంగ్రెస్ గురించి అందరికీ తెలిసిందే వెల్లడించారు..

తెలంగాణ (Telangana)లో కాంగ్రెస్ అల్లకల్లోలంగా మారడానికి కేసీఆర్ కారణం అయ్యారనే ఆరోపణలు ఉన్న నేపథ్యంలో.. హస్తం పార్టీ అధికారంలోకి వచ్చాక నేతలు బీఆర్ఎస్ పై దూకుడుగా వ్యవహరించడం కనిపిస్తోంది. అందులో లోక్ సభ ఎన్నికల్లో గులాబీ ఉనికి మాయం చేయాలనే సంకల్పంతో విజయం కోసం తపిస్తున్న నేతలు తీవ్ర విమర్శలతో విరుచుకుపడుతున్నారు.

ఈ నేపథ్యంలో కాంగ్రెస్ (Congress) ఎమ్మెల్యే కోమటిరెడ్డి రాజగోపాల్ రెడ్డి (Komatireddy Rajagopal Reddy).. కేసీఆర్, కేటీఆర్‌ (KTR)పై కీలక వ్యాఖ్యలు చేశారు. బీఆర్ఎస్ (BRS) వల్లే పదేళ్లలో తెలంగాణ రాష్ట్రం అప్పుల పాలు అయ్యిందని.. దీనికి బాధ్యత కేసీఆర్ (KCR) వహించాలని విమర్శించారు. పార్లమెంట్ ఎన్నికల్లో భాగంగా ఆదివారం భువనగిరి సెగ్మెంట్ పరిధిలో ఆయన ప్రచారం నిర్వహించారు.

కాళేశ్వరం ప్రాజెక్టు, ధరణి పోర్టల్ లో భారీగా అవినీతి జరిగిందని ఆరోపించారు. ఈ విషయంలో కేసీఆర్, కేటీఆర్ త్వరలోనే జైలుకు వెళ్లడం ఖాయమని రాజగోపాల్ రెడ్డి జోస్యం చెప్పారు. అలాగే బీఆర్ఎస్ ప్రభుత్వ హయాంలో పోలీస్ శాఖను అడ్డుపెట్టుకుని కాంగ్రెస్ నేతల ఫోన్లు ట్యాపింగ్ చేశారని మండిపడ్డారు.. తెలంగాణలో కాంగ్రెస్ పార్టీ 14 ఎంపీ సీట్లు గెలుస్తోందని ధీమా వ్యక్తం చేశారు.. మరోవైపు భువనగిరి పార్లమెంట్ కాంగ్రెస్ పార్టీ అభ్యర్థి చామల కిరణ్ కుమార్ రెడ్డి.. కేసీఆర్ పై విమర్శలు గుప్పించారు.

కేసీఆర్ ఇక్కడ మోడీని తిట్టి ఢిల్లీలో కలుస్తాడని ఆరోపించారు. ఆయనకు చిత్తశుద్ధి లేదన్నారు. లౌక్యం ఉందో లేదో కూడా నాకు తెలియదని పేర్కొన్నారు. విభజన హామీల ప్రకారం రావలసిన నిధులు తీసుకొచ్చి మున్సిపాలిటీలను అభివృద్ధి చేసుకోవచ్చని తెలిపిన కిరణ్ కుమార్.. ఈ అంశాన్ని పక్కనపడేసి.. కాలేశ్వరం ప్రాజెక్టు కమీషన్ ల మీద శ్రద్ధ చూపించారని ధ్వజమెత్తారు..

పార్లమెంట్ ఎన్నికల్లో గెలుపుకోసం శత విధాలుగా ప్రయత్నిస్తున్న బీఆర్ఎస్ ముఖ్య నేతలు.. కాంగ్రెస్ టార్గెట్ గా విమర్శలు గుప్పిస్తూనే.. బీజేపీపై ఆరోపణలు చేస్తుండటం కనిపిస్తోంది. ఈ క్రమంలో కేటీఆర్ తరచుగా పలు వివాదాస్పద వ్యాఖ్యలు చేయడం తెలిసిందే.. నేడు వేములవాడలో బీఆర్ఎస్ కార్యకర్తల సమావేశం నిర్వహించారు. ఈ భేటీకి హాజరైన ఆయన పలు కీలక వ్యాఖ్యలు చేశారు..

బీజేపీ (BJP) జాతీయ ప్రధాన కార్యదర్శి, కరీంనగర్ పార్లమెంట్ ఎంపీ అభ్యర్థి బండి సంజయ్‌ (Bandi Sanjay) ఎంపీగా ఉన్న ఐదేళ్లలో ఏం చేశారో చర్చకు సిద్ధమా అని ఛాలెంజ్ చేశారు. లోక్ సభ ఎన్నికల్లో కరీంనగర్‌ (Karimnagar)లో బీజేపీ, బీఆర్ఎస్ మధ్యే పోటీ అని సృష్టం చేశారు.. అభివృద్ధి మాట ఎత్తని బండి.. పనికిరాని మాటలు చెప్పడంలో ఆరితెరారని విమర్శించారు.. ఈ ఎన్నికల్లో ప్రజలు తగిన గుణ పాఠం చెప్పాలని సూచించారు..

మరోవైపు సీఎం రేవంత్ రెడ్డి, బండి సంజయ్ మధ్య మ్యాచ్ ఫిక్సింగ్ జరిగిందని ఆరోపించిన కేటీఆర్.. అందుకే డమ్మీ క్యాండిడేట్‌ను కరీంనగర్‌లో కాంగ్రెస్ నిలబెట్టిందన్నారు. అసలు పార్టీ కండువా లేకుంటే కాంగ్రెస్ అభ్యర్థిని ఆ పార్టీ కార్యకర్తలే గుర్తించలేని పరిస్థితి ఉందని ఎద్దేవా చేశారు. పార్లమెంట్ ఎన్నికల్లో బీఆర్ఎస్‌ (BRS)ను 10-12 స్థానాల్లో గెలిపిస్తే.. రాష్ట్ర రాజకీయాలను కేసీఆర్ శాసించే రోజు ఏడాదిలో వస్తుందని సంచలన వ్యాఖ్యలు చేశారు.

లోక్ సభ ఎన్నికల తర్వాత కాంగ్రెస్ పార్టీ ఇచ్చిన హామీలు మాయమవుతాయని జోస్యం చెప్పిన కేటీఆర్.. ప్రజలకు ఇచ్చిన మాట తప్పడంలో కాంగ్రెస్ (Congress) ఎప్పుడు ముందు వరుసలో ఉంటుందని అన్నారు.. అబద్ధాలతో అధికారంలోకి వచ్చి.. వాటిని ఎన్ని రోజులు కాపాడుతారని ప్రశ్నించారు.. లోక్ సభ ఎన్నికలే కాంగ్రెస్ ఉండాలా వద్దా అనేది నిర్ణయిస్తాయని పేర్కొన్నారు..