Politics

జమ్ము-కాశ్మీర్‌ (Jammu Kashmir) మాజీ గవర్నర్‌ (Former Governor) సత్యపాల్‌ మాలిక్‌ (Satya Pal Malik)కు సీబీఐ (CBI) అధికారులు షాకిచ్చారు.. ఆయనపై జల విద్యుత్‌ ప్రాజెక్టు కాంట్రాక్టుకు సంబంధించిన ఆరోపణలున్న నేపథ్యంలో, దర్యాప్తు చేస్తున్న సీబీఐ అధికారులు.. మాలిక్‌ ఇంట్లో సోదాలు నిర్వహిస్తున్నారు. ఢిల్లీ (Delhi)తో పాటు వివిధ పట్టణాల్లో ఆయనకు సంబంధించిన మొత్తం 30 చోట్ల.. నేటి ఉదయం నుంచి తనిఖీలు చేపట్టినట్లు సమాచారం.

ఈమేరకు సుమారు 100 మంది సీబీఐ అధికారులు ఈ ఆపరేషన్‌లో పాల్గొన్నారని తెలుస్తోంది. కాగా, సత్యపాల్ మాలిక్ గవర్నర్‌గా ఉన్న సమయంలో కిరు హైడ్రో ఎలక్ట్రిక్‌ పవర్‌ ప్రాజెక్టు (Kiru Hydropower) నిర్మాణ పనులకు సంబంధించిన.. 2,200 కోట్ల రూపాయల విలువైన అనుమతుల విషయంలో భారీగా అవకతవకలు జరిగినట్లు ఆరోపణలు వచ్చాయి. ఈ వ్యవహారంపై ఏప్రిల్‌ 2022వ సంవత్సరంలో సత్యపాల్‌ మాలిక్‌ సహా ఐదుగురిపై సీబీఐ కేసు ఫైల్ చేసింది.

మరోవైపు సత్యపాల్‌ మాలిక్‌, జమ్ముకశ్మీర్‌ గవర్నర్‌గా 2018 ఆగస్టు 23 నుంచి 2019 అక్టోబర్‌ 30 వరకు పని చేశారు. ఆ సమయంలో ఈ అవకతవకలు జరిగినట్లు ప్రచారం జరిగింది. అయితే, తాజాగా సీబీఐ సోదాలపై సత్యపాల్‌ రియాక్ట్ అయ్యారు. తాను అనారోగ్యంతో బాధపడుతున్న సమయంలో.. తన ఇంటిపై నిరంకుశ శక్తులు దాడులు చేస్తున్నాయని మండిపడ్డారు.

ఈ సోదాల ద్వారా తన డ్రైవర్, సహాయకుడిని అనవసరంగా వేధిస్తున్నారని మాజీ గవర్నర్ ఆగ్రహం వ్యక్తం చేశారు. ఈ చర్యలు తనను నిలువరించలేవని సోషల్ మీడియా వేదిక ఎక్స్‌ (X) ద్వారా వెల్లడించారు. సోదాలకు తాను భయపడేది లేదన్న ఆయన.. రైతుల పక్షాన నిలబడతానని స్పష్టం చేశారు. ఇకపోతే గత కొంతకాలంగా అనారోగ్యంతో బాధపడుతున్న సత్యపాల్‌ మాలిక్‌ ప్రస్తుతం ఢిల్లీలోని ఓ ఆస్పత్రిలో చికిత్స తీసుకొంటున్నట్లు సమాచారం.

జమ్మూ-శ్రీనగర్ (Jammu Srinagar)లో విపరీతంగా కురుస్తున్న మంచు కారణంగా పరిస్థితులు తీవ్రంగా మారాయి. వీటి ప్రభావంతో రాంబన్ (Ramban) జిల్లాలో కొండచరియలు విరిగిపడుతున్నాయి. ఈ కారణంగా జమ్మూ-శ్రీనగర్ జాతీయ రహదారిని బ్లాక్ చేసినట్లు అధికారులు తెలిపారు. కాశ్మీర్‌ (Kashmir)ను దేశంలోని ఇతర ప్రాంతాలతో కలిపే ఏకైక రహదారి లింక్ అయిన 270 కిలోమీటర్ల జమ్మూ-శ్రీనగర్ హైవేపై అనేక చోట్ల భారీ కొండచరియలు విరిగిపడినట్లు వెల్లడించారు.

ఈ కారణంగా వందలాది వాహనాలు నిలిచిపోయాయని.. అనేక చోట్ల గత మూడు రోజులుగా కొండచరియలు విరిగిపడటంతో రహదారిని పునరుద్ధరించే ప్రయత్నాలు విజయవంతం కాలేదని అధికారులు తెలిపారు. బనిహాల్-రాంబన్ సెక్టార్‌లో చిక్కుకుపోయిన వాహనాలను క్లియర్ చేయడానికి బుధవారం మధ్యాహ్నం ట్రాఫిక్ పాక్షికంగా పునరుద్ధరించబడిందన్నారు. అయితే, కిష్త్వారీలో భారీ కొండచరియలు విరిగిపడటంతో హైవే మళ్లీ బ్లాక్ చేయబడినట్లు పేర్కొన్నారు.

మరోవైపు శ్రీనగర్-లడఖ్ మార్గంలో కుప్వారా- గురెజ్‌లోని నియంత్రణ రేఖ (LOC) ప్రాంతాలను కలిపే రహదారులతో పాటు అనేక ఇతర ప్రధాన రహదారులు భారీ హిమపాతం కారణంగా మూసివేయబడ్డాయి. కిష్త్వారీ పథేర్, బనిహాల్ వద్ద సైతం పెద్ద కొండచరియలు విరిగిపడ్డాయి. అదీగాక నష్రీ, బనిహాల్ మధ్య అనేక ప్రదేశాలలో అడపాదడపా కొండ చర్యలు విరిగిపడటంతో జమ్మూ-శ్రీనగర్ జాతీయ రహదారి ఇప్పటికీ క్లోజ్ చేశారని ట్రాఫిక్ పోలీసులు తెలిపారు.

ఈమేరకు జాతీయ రహదారి-44 (NH-44)లో ట్రాఫిక్ క్లియర్ అయ్యే వరకు ప్రయాణించకుండా ఉండాలని ప్రజలకు సూచించారు. ఇప్పటికే కాశ్మీర్‌లోని అనేక ప్రాంతాలలో భారీగా హిమపాతం కురుస్తుండటంతో అధికారులు హెచ్చరికలను సైతం జారీ చేశారు. ఎత్తైన ప్రాంతాలలో నివసించే ప్రజలు అప్రమత్తంగా ఉండాలని సూచించారు. మరోవైపు సోనామార్గ్ ప్రాంతంలోని సింధ్ నదిలో నిన్న భారీ హిమపాతం కురిసింది. దీనివల్ల తన గమనాన్ని మార్చుకొన్న నది.. పక్కనే ఉన్న శ్రీనగర్-లడఖ్ రహదారిపై ప్రవహించింది.

ఈ క్రమంలో అధికారులు యంత్రాలను ఉపయోగించి, నది నీటిని, దాని అసలు మార్గం వైపు మళ్లించారు. హిమపాతాన్ని క్లియర్ చేశారు.. అయితే ట్రాఫిక్ కంట్రోల్ యూనిట్ల నుంచి రోడ్డు పరిస్థితులను నిర్ధారించుకున్న తర్వాతే ప్రజలు NH-44లో ప్రయాణించాలని ఈ సందర్భంగా పోలీసులు పేర్కొన్నారు..

బీజేపీ (BJP) ఓటమి లక్ష్యంగా ఏర్పడిన ఇండియా కూటమి ప్రస్తుతం డ్యామేజ్ స్థితిలో ఉన్నదని తెలుస్తోంది. ఇప్పట్లో కొలుకునేలా లేకుండా ఒకదాని తర్వాత ఒకటి ఎదురుదెబ్బలు తగులుతున్నాయి. లోక్‌సభ స్థానాల పరంగా పశ్చిమ బెంగాల్ (West Bengal), బీహార్ (Bihar) తర్వాత దేశంలోనే అతిపెద్ద రాష్ట్రమైన ఉత్తరప్రదేశ్‌ (Uttar Pradesh)లో ప్రతిపక్ష కూటమికి షాక్ తగిలింది. కాంగ్రెస్, సమాజ్‌వాదీ పార్టీ మధ్య పొత్తు చర్చలు విఫలమయ్యాయి.

ఉత్త‌ర‌ప్ర‌దేశ్‌లో ప‌ట్టు కోసం తంటాలు ప‌డుతున్న కాంగ్రెస్‌ (Congress)కు స‌మాజ్‌వాదీ పార్టీ అధ్య‌క్షుడు అఖిలేష్ యాద‌వ్ ఝ‌ల‌క్ ఇచ్చారు. 80 లోక్‌స‌భ స్థానాలున్న యూపీలో కాంగ్రెస్‌కు 17 సీట్లిస్తామ‌ని ప్ర‌క‌టించారు. దానికి ఓకే అంటేనే కాంగ్రెస్ అగ్రనేత రాహుల్ గాంధీతో క‌లిసి త‌మ రాష్ట్రంలో భార‌త్ న్యాయ్ యాత్ర‌లో పాల్గొంటాన‌ని స్ప‌ష్టం చేశారు. మరోవైపు నిన్న జరిగిన చర్చలు అర్థాంతరంగానే ముగిసాయి.

మొరాదాబాద్ డివిజన్‌లో కీలకమైన మూడు సీట్ల విషయంలో రెండు పార్టీలు మాకంటే మాకు అన్నట్లుగా వ్యవహరించాయి. దీంతో కాంగ్రెస్, సమాజ్‌వాదీ పార్టీ మధ్య పొత్తు ఉండదని సన్నిహిత వర్గాలు అప్పుడే ప్రచారం మొదలుపెట్టాయి. అయితే ఈ విషయాన్ని రెండు పార్టీలు అధికారికంగా ప్రకటించలేదు. ఇక గ‌త లోక్‌స‌భ ఎన్నిక‌ల్లో కాంగ్రెస్‌ యూపీలో ఘోర ప‌రాభవం ఎదుర్కొంది. 80 స్థానాల‌కు గాను ఒక్క‌చోట మాత్ర‌మే గెలిచింది.

అది కూడా సోనియా నిల‌బ‌డిన రాయ్‌బ‌రేలిలో మాత్ర‌మే. రాహుల్ గాంధీ స‌హా మ‌హామహులంతా ఎన్నికల్లో ఓడిపోయారు. దీంతో ఈసారి ఎస్పీ, బీఎస్పీల‌తో క‌లిసి ఎన్నిక‌లకు వెళ్లాల‌న్న కాంగ్రెస్ ఆశ‌లు అడియాసలుగా మారేలా కనిపిస్తున్నాయని అంటున్నారు. అయితే పొత్తులో భాగంగా రాష్ట్రంలో 17 లోక్ సభ సీట్లను కాంగ్రెస్‌కు ఇచ్చేందుకు ఎస్‌పీ నిన్న ప్రతిపాదన చేసింది. అయితే కాంగ్రెస్ మాత్రం కనీసం 20 సీట్లు కావాలని పట్టుబట్టింది.