Politics

పదిమెట్లు ఎక్కాలంటే ఒక్క అడుగుతోనే ప్రారంభించాలి అన్న విషయం తెలిసిందే. అలాగే ఒక్క ఛాన్స్ అంటూ ప్రజల్లోకి వెళ్ళిన కాంగ్రెస్ (Congress).. అసెంబ్లీ ఎన్నికల్లో ఊహించని విధంగా గెలుపు సాధించి అధికారంలోకి వచ్చింది. ఆ తర్వతా రాబోయే లోక్ సభ ఎన్నికలపై దృష్టి సారించి.. ఆ దిశగా అడుగులు వేస్తోంది. ఈ క్రమంలో ఇప్పటికే ప్రధాన పార్టీలన్నీ ప్రచారాస్త్రాలపై దృష్టి సారించాయి.

ఎవరికి వారే మెజారిటీ స్థానాలపై ఆశలు పెంచుకొన్నారు.. ఈ నేపథ్యంలో రానున్న లోక్ సభ ఎన్నికల్లో (Lok Sabha Elections) ఏ పార్టీకి విజయావకాశాలు ఉన్నాయనే దానిపై పీపుల్స్ పల్స్-సౌత్ ఫస్ట్ సంస్థలు తెలంగాణ (Telangana)లో సంయుక్తంగా నిర్వహించిన ట్రాకర్ పోల్ సర్వేలో సంచలన విషయాలు వెల్లడయ్యాయి. కాంగ్రెస్ (Congress) పార్టీ ఏకంగా 8 నుంచి పది పార్లమెంట్ స్థానాలు కైవసం చేసుకొని అగ్రస్థానంలో నిలవబోతున్నట్లు ఈ సర్వే వెల్లడించింది.

ప్రధాన ప్రతిపక్షంగా ఉన్న బీఆర్ఎస్ (BRS) 3 నుంచి 5 స్థానాలకే పరిమితం కాబోతున్నదని నిరాశపరిచింది. ఇక బీజేపీ (BJP) 2 నుంచి 4 సీట్లు, ఇతరులు ఒక స్థానం గెలిచే అవకాశం ఉందని అంచనా వేసింది. ఈమేరకు తెలంగాణలో లోక్‌సభ ఎన్నికలపై ఫిబ్రవరి 11 నుంచి 17 వరకు ట్రాకర్‌ పోల్‌ సర్వేను నిర్వహించారు. ఈ సర్వే కోసం ప్రతీ పార్లమెంట్‌ నియోజకవర్గంలో 3 అసెంబ్లీ సెగ్మెంట్లల్లో 4,600 శాంపిల్స్‌ సేకరించారు.

మరోవైపు ఎంపీ ఎన్నికల్లో కాంగ్రెస్ పార్టీకి 40 శాతం, బీఆర్ఎస్ కు 31 శాతం, బీజేపీకి 23 శాతం, ఇతరులు 6 శాతం ఓట్లు కైవసం చేసుకునే అవకాశం ఉందని పేర్కొంది. అయితే గత అసెంబ్లీ ఎన్నికలతో పోలిస్తే కాంగ్రెస్ 1 శాతం, బీజేపీ 9 శాతం ఓట్లు అధికంగా కైవసం చేసుకుంటుండగా ప్రధాన ప్రతిపక్షంగా ఉన్న బీఆర్ఎస్ మాత్రం 6 శాతం ఓట్లను కోల్పోబోతున్నదని ఈ సర్వే తేల్చింది.

ఇదిలా ఉండగా ప్రధానిగా ఎవరనే దానిపై నిర్వహించిన సర్వేలో 34 శాతం మంది మోడీకే జైకొట్టినట్లు పేర్కొంది. కాంగ్రెస్ నేత రాహుల్ గాంధీకి 23 శాతం, ప్రియాంక గాంధీకి 11 శాతం, మమతాబెనర్జీకి 10 శాతం, అరవింద్ కేజ్రీవాల్ కు 7 శాతం, ఇతరులను 14 శాతం ఎంచుకున్నట్లు సర్వేలో తెలిపింది. అలాగే అధికార పార్టీ అనే ట్యాగ్ లైన్ కాంగ్రెస్ కు, మోడీ ఆధరణ బీజేపీకి కలిసి రానున్నట్లు పేర్కొంది.

తాము పట్టిన కుందేలుకు మూడు కాళ్ళు అనేలా బీఆర్ఎస్ ముఖ్య నేతల తీరు ఉందనే విమర్శలు వినిపిస్తున్నాయి. బలిదానాలతో తెచ్చుకొన్న తెలంగాణ (Telangana) రాష్ట్రంలో బలికాకుండా సర్వ సుఖాలు అనుభవించి కోట్లకు పడగలెత్తిన కారు నేతలు కారు కూతలు కూస్తున్నారానే ఆరోపణలు రాష్ట్ర వ్యాప్తంగా ప్రచారంలో ఉన్నాయి. ఈ సమయంలో గులాబీ చిన్న బాస్ చేసిన వ్యాఖ్యలు నిప్పుల మీద ఉప్పు చల్లినట్లు ఉందనే విమర్శలు వినిపిస్తున్నాయి.

వికారాబాద్‌ (Vikarabad) జిల్లాలో ఏర్పాటు చేసిన రాడార్‌ కేంద్రంతో పర్యావరణం, పక్షులు, జీవవైవిధ్యం దెబ్బతింటుందని, వికారాబాద్‌ జిల్లాకు, పరిగికి నష్టం అయితదనే పదేండ్లు రాడార్‌ను రానివ్వలేదని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ (KTR) మంగళవారం ట్విట్టర్ వేదికగా స్పష్టం చేశారు. దామగుండంలో కేంద్రం నెలకొల్పుతున్న నౌకాదళ రాడార్ (Naval Radar) వల్ల 3000 ఎకరాల అటవీ ప్రాంతంలో విస్తరించి ఉన్న 12 లక్షల చెట్లను నరికివేయడం దారుణమైన చర్యగా వర్ణించారు.

ఈ పనితో మూసీ నది పుట్టే ప్రాంతంలోని జీవ వైవిధ్యాన్ని నాశనం చేయడం తప్పు బాగుచేసింది ఏం లేదని విమర్శించారు. అందుకే 10ఏళ్ల నుంచి తమ ప్రభుత్వం ప్రతిఘటించిందని తెలిపారు. కానీ కాంగ్రెస్ (Congress) ప్రభుత్వం రాబోయే పరిణామాల గురించి ఆలోచించకుండా 10 రోజుల్లేనే కేంద్రానికి లొంగిపోయిందని కేటీఆర్‌ ఆరోపించారు. తెలంగాణ భవిష్యత్ తరాలను ప్రభావితం చేసే తమ నిర్ణయాన్ని రాష్ట్ర ప్రభుత్వం పునరాలోచించాలని ట్వీట్ చేశారు.

మరోవైపు కేటీఆర్ ట్వీట్ పై నెటిజన్స్ ఘాటుగా స్పందిస్తున్నారు. కాళేశ్వరం ప్రాజెక్టు రోడ్డు నిర్మాణ సమయంలో 7,800 ఎకరాల్లో ఉన్న అడవిలోని 22 నుంచి 25 లక్షల చెట్లను నరికివేసినప్పుడు మీరేందుకు మౌనంగా ఉన్నారని ఓ నెటిజన్ ప్రశ్నించాడు. ‘హరిత హారం పేరు మీద మన సాంప్రదాయ మొక్కలను తీసేసి రోడ్డుకి ఇరువైపులా వేరే దేశం వాళ్లు నిషేధించిన విషపూరిత మొక్కలను నాటారు.. మీరు దీని గురంచి మాట్లాడటం విడ్డూరంగా ఉంది’ అని మరో నెటిజన్ మండిపడ్డాడు. ‘

సిటీ మొత్తం విషపు మొక్కలు నాటి సొల్లు కబుర్లు చెప్తున్నారు. తెలంగాణలో లిక్కర్ నదిని పారించి జనాల్ని మందుబాబుల్ని చేసి లిక్కర్ సామ్రాజ్యాన్ని స్థాపించిన ట్విట్టర్ టిల్లు పర్యావరణం గురించి మాట్లాడుతున్నారా భయ్యా.. రాష్ట్రాన్ని అన్ని విధాలుగా నాశనం చేసిన మీ చిలుక పలుకులు ఇక ఆపండని ఇలా వరుస ట్వీట్లతో నెటిజన్లు కేటీఆర్ పై విరుచుకుపడుతున్నారు.

రాష్ట్రంలో గల్లంతు అవుతున్న బీఆర్ఎస్..

కారు దిగుతున్న గులాబీ నేతలు.. ఖాళీ అవుతున్న సీట్లు..

పార్లమెంట్ ఎన్నికల్లో పోటీ చేయడానికి కనబరచని ఆసక్తి..

రాష్ట్ర రాజకీయాల్లో బీఆర్ఎస్ (BRS) ప్రస్తుత పరిస్థితిపై పలు రకాలుగా ప్రచారం జరుగుతోంది. వెనకటికి ఒకరు వాపుని చూసి బలుపు అనుకొన్నట్లు.. గులాబీ అధికారంలో ఉన్నంత కాలం ఎన్ని అవమానాలు ఎదురైన ఒక్క నేత కూడా ఎదురు చెప్పలేదనేది ప్రచారంలో ఉంది. బీఆర్ఎస్ అంటే కల్వకుంట్ల ఫ్యామిలీ అనే ముద్ర పడింది.

ఆ పార్టీ అధికారంలో ఉంది అంటే.. దోచుకొని తినండి.. కానీ మాకు ఎదురు చెప్పకండి అనే తీరుగా వ్యవహరించిందనే ఆరోపణలున్నాయి. తెలంగాణ సెంటిమెంట్ ప్రజల మెదళ్ళకు వైరస్ లా ఎక్కించింది కాబట్టి.. కారు తరపున పోటీ చేస్తే.. కానీ వారైనా విజయం అందుకోవచ్చనే భావనతో.. కారు సీట్లన్నీ నిండిపోయాయి. కానీ ప్రస్తుతం సీన్ రివర్స్ అయినట్లు ప్రచారం జరుగుతోంది. మరోవైపు తెలంగాణ (Telangana) ఉద్యమం ఊపందుకున్నప్పటి నుంచి బీఆర్ఎస్ కు ఎప్పుడూ అభ్యర్థుల సమస్య రాలేదు.

పోటీ తీవ్రంగా ఉండేది. కానీ ఇప్పుడు టిక్కెట్లు ఇస్తామంటే వద్దంటున్నారని టాక్ వినిపిస్తోంది. ప్రస్తుతం పార్లమెంట్ ఎన్నికల్లో (Parliament Elections) బీఆర్ఎస్ తరపున పోటీ చేయడానికి ముందుకొచ్చే నేతలే లేరు. సిట్టింగ్ ఎంపీలు అందరూ దాదాపుగా సైడ్ అయిపోయారని అనుకొంటున్నారు. బీఆర్ఎస్ కు ప్రస్తుతం 9 మంది సిట్టింగ్ ఎంపీలు ఉన్నారు. అందులో పెద్దపల్లి ఎంపీ నేతకాని వెంకటేష్ ఇప్పటికే హస్తం గూటికి చేరుకొన్నారు. మరి కొంత మంది నేతలు కూడా కాంగ్రెస్, బీజేపీ జాతీయ నేతలతో టచ్ లోకి వెళ్లారనే ప్రచారం జరుగుతోంది.

మరికొంత మంది పోటీ చేయడానికి ఆసక్తి చూపడం లేదు. ఇలా పార్లమెంటు ఎన్నికల బరిలో ఉంటారనుకొన్న నేతలు మెల్లమెల్లగా పార్టీ నుంచి దూరమవుతున్నారు. సీటు ఇస్తామన్నా పోటీకి వెనుకాడుతున్నారని తెలుస్తోంది. ఒకప్పుడు కంచుకోట లాంటి ఆదిలాబాద్ (Adilabad)లో ఇప్పుడు ఎంపీ స్థానానికి పోటీ చేయడానికి గట్టి అభ్యర్థి లేరని అంటున్నారు. కేసీఆర్ మెదక్ నుంచి పోటీ చేస్తారని భావించారు. కానీ మాజీ కలెక్టర్ వెంకట్రామిరెడ్డి పేరు ప్రస్తుతం వినిపిస్తోంది. అదీగాక కవిత, కేటీఆర్ (KTR), కేసీఆర్ ఎవరూ లోక్ సభ బరిలోకి దిగడం లేదని తెలుస్తోంది.

ఇలాంటి పరిస్థితుల్లో బలమైన అభ్యర్థుల్ని నిలబెట్టలేకపోతే బీఆర్ఎస్ గల్లంతు అవడం ఖాయమనే వార్తలు ఊపందుకొన్నాయి. ఇప్పటికే అన్ని చోట్లా బీజేపీ, కాంగ్రెస్ తరపున అభ్యర్థులు సరానికి సిద్దం అవుతున్నారు. ఇలాంటి సమయంలో బీఆర్ఎస్ నిర్ణయంపై ఆసక్తి నెలకొంది. కారు షెడ్డుకు.. కేసీఆర్ ఫామ్ హౌస్ కు.. అనే నినాదం ఇప్పటికే కాంగ్రెస్ (Congress) ప్రచారంలోకి తెచ్చింది. ప్రస్తుతం ఇదే నిజం అవుతుందా? అనే అనుమానాలు రాష్ట్ర రాజకీయాల్లో కలుగుతున్నాయని అంటున్నారు..