Politics

ఒకరు అధికారం చేయి జారిపోయిందనే బాధలో.. మరొకరు సంవత్సరాల తర్వాత అధికారం దక్కిందనే ఆలోచనలతో.. ఇలా వీరి మధ్య తెలంగాణ రాజకీయాలు హిట్ పుట్టిస్తున్నాయి.. ప్రస్తుతం బీఆర్ఎస్ (BRS), కాంగ్రెస్ (Congress) మధ్య వార్ అసెంబ్లీ సమావేశాల్లో వేసవి వేడిని మారిపించేలా సాగుతున్నాయి.. ఈ క్రమంలో నేడు అసెంబ్లీలో రేవంత్ వర్సెస్ హరీష్ రావు కత్తులు నూరుకొన్నారని తెలుస్తోంది.

ఈ చర్చలో సీఎం రేవంత్ రెడ్డి (Revanth Reddy) మాట్లాడుతూ.. మహబూబ్ నగర్, నల్గొండ జిల్లాలకు కృష్ణ నీళ్లే ప్రాణ ప్రదాయిని అన్నారు. అనంతరం బీఆర్ఎస్ లోని ముఖ్య నాయకున్ని కరీంనగర్ ప్రజలు తరిమేసారని.. పాలమూరు ప్రజలు ఆదరించి ఎంపీగా గెలిపించారని గుర్తు చేశారు. అలాంటి మహానుభావుడు సభకు రాకుండా, బాధ్యత మరచి ఫామ్ హౌస్ లో ఉండటం ఏంటని ప్రశ్నించారు. ప్రజలకు వాస్తవాలు చెప్పాల్సిన అవసరం ఆయనకు లేదా? అంటూ సీఎం మండిపడ్డారు.

అసెంబ్లీలో జరుగుతున్న తీర్మానానికి మద్దతు చెప్పాల్సిన ప్రతిపక్ష నేత, సభకు రాకుండా ఫామ్ హౌస్ దాక్కోవడం సిగ్గుచేటని విమర్శించారు. ఈ సందర్భంగా కొందరిది దొంగ బుద్ది మార్చుకోవాలని సూచించారు. దొంగలకు సద్దులు మోయడం మానుకోవాలన్నారు. కేసీఆర్ (KCR) కుర్చీ మొన్న ఖాళీగా ఉండేదని.. ఇప్పుడు ఆ సీట్లో పద్మారావు కూర్చోవడం చాలా సంతోషంగా ఉందని రేవంత్ రెడ్డి పేర్కొన్నారు. ఉద్యమ కారుడైన పద్మన్నకి ఆ సీటు ఇవ్వడం మంచిదన్నారు.

మరోవైపు అసెంబ్లీలో హరీష్ రావు ( Harish Rao) మాట్లాడుతూ.. రేవంత్ కూడా తెలంగాణ గురించి మాట్లాడితే.. దయ్యాలు వేదాలు వల్లించినట్టు ఉందని విమర్శించారు. కొడంగల్ నుంచి రేవంత్ ను తరిమితే.. మల్కాజిగిరి వచ్చి చేరాడని సెటైర్ వేశారు. పవర్ పాయింట్ ప్రెజెంటేషన్ కు అవకాశం ఇవ్వండని అడిగినా.. స్పందించలేదని ఆరోపించారు. సభలో ఏకపక్షంగా నిర్ణయం తీసుకోవడం మంచిది కాదని హరీష్ రావ్ మండిపడ్డారు. నల్గొండలో సభ పెట్టినం కాబట్టి.. కాంగ్రెస్ వాళ్ళు తప్పులను తెలుసుకున్నారని తెలిపారు.

తెలంగాణ (Telangana)లో నీళ్ళ వివాదం నిప్పులు కక్కుతోంది. బీఆర్ఎస్ (BRS), కాంగ్రెస్ (Congress) మధ్య అసెంబ్లీ సాక్షిగా మాటల యుద్ధం కొనసాగుతోంది. ఈ క్రమంలో కాసేపటి క్రితం ప్రారంభమైన తెలంగాణ అసెంబ్లీ బడ్జెట్ సమావేశాల సందర్భంగా కాంగ్రెస్ (Congress) ప్రభుత్వం కీలక నోట్‌ను రిలీజ్ చేసింది. కేసీఆర్ తప్పిదాలు.. లోప భూయిష్ట విధానాలు పేరుతో.. కృష్ణా ప్రాజెక్టులపై వాస్తవాలు వివరిస్తూ, ప్రభుత్వం నోట్ విడుదల చేసింది.

కృష్ణా బేసిన్‌లో తెలంగాణ ప్రయోజనాలు కాపాడటంలో కేసీఆర్ (KCR) ప్రభుత్వం విఫలమైందని నోట్‌లో కాంగ్రెస్ పేర్కొంది. తెలంగాణ ప్రయోజనాలను కాపాడేందుకు తమ ప్రభుత్వం కట్టుబడి ఉందని సర్కారు వెల్లడించింది. కేసీఆర్ పాపాలు.. తెలంగాణకు శాపంగా మారాయని.. కృష్ణా బేసిన్ ప్రాజెక్టులు కేఆర్ఎంబీకి అప్పగించే ప్రసక్తి లేదని తెలిపింది. కృష్ణా జలాల్లో తెలంగాణ వాటా రాబట్టేందుకు చర్యలు తీసుకుంటామని ఈ సందర్భంగా పేర్కొంది.

మరోవైపు నీటిపారుదల రంగంపై శాసనసభలో సోమవారం శ్వేతపత్రం (White Paper On Irrigation Projects) విడుదల చేయాలని ప్రభుత్వం నిర్ణయించిన సంగతి తెలిసిందే.. ఇప్పటికే సభలో ప్రవేశపెట్టిన ఓటాన్‌ అకౌంట్‌ బడ్జెట్‌పై (Budget) నేడు చర్చలు జరగనుండగా.. దీంతోపాటు గత బీఆర్‌ఎస్‌ ప్రభుత్వ హయాంలో నిర్మించిన నీటిపారుదల ప్రాజెక్టుల నిర్మాణాల్లో జరిగిన లోపాలపై సభలో శ్వేతపత్రం విడుదల చేయాలని ప్రభుత్వం నిర్ణయించింది.

తొమ్మిదిన్నరేళ్లలో విధ్వంసమై తెలంగాణ జలదృశ్యాన్ని జనం ముందు ఉంచడానికి సిద్ధమైన ప్రజా ప్రభుత్వం. తమపై అబద్ధపు ప్రచారాలు చేస్తున్న బీఆర్ఎస్ కు ధీటుగా సమాధానం ఇవ్వడానికి సిద్దం అయ్యింది. కృష్ణా జలాల వినియోగంలో, వాటాలో, హక్కుల్లో తెలంగాణకు జరిగిన అన్యాయంపై సాగునీటిపారుదల మంత్రి ఉత్తమ్ కుమార్ రెడ్డి అసెంబ్లీలో పవర్ పాయింట్ ప్రెజెంటేషన్ ఇచ్చారు.

గడచిన పదేండ్లలో తెలంగాణకు జరిగిన అన్యాయాన్ని ఆధారాలతో సహా వివరించారు మరోవైపు మేడిగడ్డ ప్రాజెక్టు సందర్శనకు ఈ నెల 13న ప్రభుత్వం కార్యక్రమం ఖరారు చేసి ప్రతిపక్ష పార్టీలను ఆహ్వానించినప్పటికీ, ప్రధాన ప్రతిపక్షం బీఆర్‌ఎస్‌తోపాటు బీజేపీ ఎమ్మెల్యేలు తిరస్కరించిన విషయం తెలిసిందే.

*రైతు బంధులో అవినీతి చోటు చేసుకొందంటున్న కాంగ్రెస్..

*బీడు భూములకు, ఫామ్‌ హౌస్‌లకు, కొండలూ, గుట్టలకూ సైతం రైతు బంధు..

*ధరణి పోర్టల్ లో దాగున్న నిజాలపై సర్కార్ ఫోకస్ ..

తెలంగాణ (Telangana) రాష్ట్రంలో రైతు బంధుపై నీలినీడలు కమ్ముకొన్నాయని అంటున్నారు.. అయితే బీఆర్ఎస్ (BRS) హయాంలో అమలైన రైతు బంధులో పెద్ద మొత్తంలో అవినీతి చోటు చేసుకొందనే వాదనలు సైతం తెరమీదికి వస్తున్నాయి. కేసీఆర్ (KCR) అమలు చేసిన రైతు బంధు పథకం (Rythu Bandhu Scheme) పేద రైతులకు కాకుండా సంపన్న రైతులకు మేలు చేసిందనే టాక్ జోరుగా వినిపిస్తోంది.

రాష్ట్రంలో కేవలం పది శాతం ఉన్న సంపన్న రైతులకు.. రైతు బంధు నిధులలో 55శాతం అందాయని గణాంకాలు తేటతెల్లం చేస్తున్నాయని అంటున్నారు.. బీడు భూములకు, ఫామ్‌ హౌస్‌లకు, కొండలూ, గుట్టలకూ రైతు బంధు నిధులను విడుదల చేశారనే ఆరోపణలు వినిపిస్తున్నాయి. ప్రాజెక్టు కాలువలకు, ప్రభుత్వం స్వాధీనం చేసుకొన్న భూములకు సైతం రైతు బంధు అమలైందని కాంగ్రెస్ నేతలు ఆరోపిస్తున్నారు.

సాగులో లేని భూములు, రియల్‌ ఎస్టేట్‌ భూములకు కూడా నిధులను అందాయంటే కేసీఆర్ హయాంలో సంక్షేమం ఎవరికి అందిందో అవగతమౌతోందని తీవ్రంగా విమర్శలు గుప్పిస్తున్నారు. మొత్తానికి రైతు బంధు పథకం.. అడ్డదారులు తొక్కిందని.. ఈ నిజాలు కూడా బయటకి తీస్తామనే ధీమాని కాంగ్రెస్ నేతలు వ్యక్తం చేస్తున్నారు. మరోవైపు రైతు బంధు పథకం కింద లబ్ధి పొందిన వారిలో ఎకరం లోపు భూమి ఉన్నవారు 22.55లక్షల మంది. అలాగే 5 ఎకరాల లోపు భూమి ఉన్న రైతులు 62.34 లక్షల మంది ఉన్నారని వెల్లడిస్తున్నారు.

ఇలా అధిక భూమి ఉన్న వారికి కూడా.. తక్కువ భూమి ఉన్న రైతులతో పాటు రైతు బంధు నిధులు ఇవ్వడం రాష్ట్ర ఆర్థిక స్థితి దివాలకు కారణమని కాంగ్రెస్ నేతలు ఆరోపిస్తున్నారు.. సాగులో లేని భూములకు, అసలు రైతులే కాని వారికి కేవలం భూ యజమానులన్న కారణంతో అప్పనంగా డబ్బులను పంచిపెట్టిన బీఆర్ఎస్ ప్రభుత్వం చివరికి రైతు బంధును రాబడిగా మార్చిందని అంటున్నారు.. పెట్టుబడి లేని రైతు బంధుతో సంపన్నుల ఖాతాల్లో భారీగా డబ్బులు జమ అయ్యాయని ఆరోపిస్తున్నారు.

కాగా ఈ వివరాలన్నీ ధరణి పోర్టల్ లో ఉన్నాయి. వీటన్నిటినీ పరిగణనలోకి తీసుకునే రేవంత్ సర్కార్ సాగులో లేని భూములకు రైతు బంధు ఉండదని స్పష్టం చేసినట్లు వెల్లడిస్తున్నారు. సెలబ్రిటీలను, బడా రైతులను, తదితరులను మినహాయించి చిన్న, సన్నకారు రైతులకు, సాగులో ఉన్న భూములకు మాత్రమే రైతు భరోసా అందించాలనే ఆలోచనలో రేవంత్ సర్కార్ ఉన్నట్లు తెలుస్తోంది.

తెలంగాణ (Telangana) రాజకీయాలు చాలా ఆసక్తికరంగా మారుతున్నాయి.. అసెంబ్లీ ఎన్నికల్లో బీఆర్ఎస్ (BRS) ఓటమి చెందడంతో.. ఒక్క సారిగా ఆ పార్టీ నేతల అంచనాలు తారుమారు అయిన సంగతి తెలిసిందే.. పులిలా గర్జించిన వారు సైతం ప్రస్తుతం పిల్లిలా సైలంట్ అవడం కనిపిస్తోంది.. అందులో గులాబీ బాస్ ఇప్పటి వరకు పార్టీ కార్యక్రమాలకు దూరంగా ఉండటంతో.. సముద్రంలోని అలలా ఎగిసి ఎదిగిన బీఆర్ఎస్.. ఒక్క సారిగా ఎండిపోతున్న రొయ్యల చెరువులా మారిందంటున్నారు.

ఇక లోక్ సభ ఎన్నికల్లో (Lok Sabha Elections) బీఆర్ఎస్ హవా ఇంతకు ముందు ఉన్నట్లు ఉండదని రాజకీయ విశ్లేషకులు భావిస్తున్నారు. మరోవైపు కాంగ్రెస్ (Congress), బీజేపీ (BJP) మధ్య పోటీ తీవ్రంగా ఉండే అవకాశాలు ఉన్నట్లు అంచనా వేస్తున్నారు. మరోవైపు మూడు రాజ్యసభ స్థానాలకు ఎన్నికల నోటిఫికేషన్ విడుదల అయింది. కానీ ఇప్పటి వరకూ ఏ రాజకీయ పార్టీ కూడా తమ అభ్యర్థులపై కనీసం లీకులు ఇవ్వలేదు. నామినేషన్ల గడువు మూడు రోజుల్లో ముగుస్తున్నా ఇంకా పేర్లపై ఎలాంటి స్పష్టతకు రాలేదు.

అయితే ప్రస్తుతం ఉన్న లెక్కల ప్రకారం కాంగ్రెస్ కు రెండు, బీఆర్ఎస్ కు ఒక్క సీటు లభిస్తుందని తెలుస్తోంది. కాంగ్రెస్ లో రాజ్యసభ సీటు అంటే చెప్పాల్సిన పని లేదు. రేసు ఓ రేంజ్ లో ఉంటుంది. కానీ ఎవరెవరు బరిలో ఉంటారనేది ఉత్కంఠంగా మారింది. రాహుల్ యూపీ నుంచి పారిపోయారని.. సోనియా రాజ్యసభకు వెళ్లాలనుకుంటున్నారని ఇటీవల ప్రధాని మోదీ పార్లమెంట్ లో పరోక్షంగా సెటైర్లు వేశారు.

నిజానికి కాంగ్రెస్ నేతలు ఖమ్మం నుంచి పోటీ చేయాలని సోనియాను కోరుతున్నారు. రెండో సీటు తెలంగాణ నేతలకే లభిస్తుంది. కానీ వారు ఎవరన్న అంశం రేవంత్ రెడ్డి చేతిలో ఉంటుందని వెల్లడిస్తున్నారు. మరోవైపు బీఆర్ఎస్ తమ అభ్యర్థి విషయంలో గుంభనంగా వ్యవహరిస్తోంది. బీజేపీ, మజ్లిస్ పార్టీలు ఓటింగ్ కు దూరంగా ఉంటే మూడో స్థానం కూడా కాంగ్రెస్ గెలుచుకునే ఛాన్స్ ఉందంటున్నారు.

రాష్ట్రంలో కళలకు, కళాకారులకు కొదవలేదని వారిని ప్రోత్సహించడంలో ప్రభుత్వం ఎప్పుడు ముందు ఉంటుందని తెలంగాణ (Telangana) రాష్ట్ర శాసనసభ స్పీకర్ (Legislative Assembly Speaker) గడ్డం ప్రసాద్ కుమార్ (Gaddam Prasad Kumar) అన్నారు. నేడు మాదాపూర్‌ శిల్పకళా వేదికలో ఉదయం 10 గంటలకు శ్రీ శ్రీ త్రిదండి రామానుజ అహోబిల స్వామి జ్యోతి ప్రజ్వలన చేసి జాతీయ నృత్య కళోత్సవాలను లాంఛనంగా ప్రారంభించారు .ఈ కార్యక్రమానికి నిర్వాహకుడు తార ఆర్ట్స్ అకాడమీ అధ్యక్షుడు సంఖ్య రాజేష్ సమన్వయకర్తగా వ్యవహరించారు.

ముఖ్యఅతిథిగా స్పీకర్ గడ్డం ప్రసాద్ కుమార్, విశిష్ట అతిథిగా తెలంగాణ రాష్ట్ర బీసీ కమిషన్ చైర్మన్ డాక్టర్ వకుళాభరణం కృష్ణమోహన్ రావు ,అతిధిగా జాతీయ బీసీ దళ్ అధ్యక్షులు దుండ్ర కుమారస్వామి (Dundra Kumaraswamy) పాల్గొన్నారు. వీరితో పాటు సినీ నటి హరితేజ, ప్రముఖ నృత్య గురువులు డాక్టర్ భాగవతుల సేతురామ్, డాక్టర్ ఆర్ ప్రసన్న రాణి, మిస్ ఇండియా అనిషారెడ్డి, సినీ నటుడు రవితేజ తండ్రి భూపతి రాజు, రాజా గోపాల్ రాజు, పలువురు సినీ తారలు వివిధ రాష్ట్రాలకు చెందిన నృత్య గురువులు పాల్గొన్నారు

ఈ సందర్భంగా స్పీకర్ గడ్డం ప్రసాద్ మాట్లాడుతూ.. తెలంగాణ గ్రామీణ కళలు అపూర్వమైనవని అన్నారు. శతాబ్దాలుగా కళాకారులు ఈ కళలలను ప్రదర్శిస్తూ సమాజానికి చేస్తున్న సేవ అమూల్యమైనదని అన్నారు. ఇందులో ప్రతిభ కనబరిచిన కళాకారులకు పురస్కారాలను అందజేశారు. ఉదయం 10 నుండి రాత్రి 10 గంటల వరకు ఈ కార్యక్రమం అంగరంగ వైభవంగా జరిగింది .

మరోవైపు బీసీ కమిషన్ చైర్మన్ డాక్టర్ వకుళాభరణం కృష్ణమోహన్ రావు, జాతీయ బీసీ దళ్ అధ్యక్షుడు దుండ్ర కుమారస్వామి, ప్రదర్శనలు ఇచ్చిన నృత్య గురువులను పలువురు ప్రముఖ కళాకారులను జ్ఞాపిక శాలువాలతో ఘనంగా సన్మానించారు. ఈ సందర్భంగా దుండ్ర కుమారస్వామి మాట్లాడుతూ.. హైదరాబాద్ వేదికగా జాతీయస్థాయి నృత్య ప్రదర్శన అంగరంగ వైభవంగా జరగడం ఆనందంగా ఉందని తెలిపారు. తెలంగాణ సాంప్రదాయ, సాంస్కృతి దేశానికి ఆదర్శమని కొనియాడారు.

తెలంగాణ (Telangana)లో అసెంబ్లీ ఎన్నికలు ముగిసిన వెంటనే పార్లమెంట్ ఎన్నికలు వస్తుండటంతో బీఆర్ఎస్ కు పెద్ద టాస్క్ లా మారిందని తెలుస్తోంది. ఒకవైపు ఓటమి పాలైనప్పటి నుంచి కేసీఆర్ (KCR) ప్రత్యక్షంగా రాజకీయాల్లో చురుకుగా వ్యవహరించక పోవడం.. మరోవైపు పలువురు కీలక నేతలు పక్క పార్టీల వైపు చూడటంతో ప్రస్తుత పరిస్థితుల్లో పార్టీని రక్షించడం పెద్ద పజిల్ లా మారిందని భావిస్తున్నట్లు టాక్ వినిపిస్తోంది.

మరోవైపు ప్రధాన పార్టీలైన కాంగ్రెస్ (Congress), బీజేపీ (BJP) పోటాపోటీగా వ్యూహరచన చేస్తుంటే బీఆర్ఎస్ (BRS) మాత్రం తన వాయిస్ ను అధికారంలో ఉన్నప్పుడు వినిపించినంత బలంగా ప్రతిపక్షంగా మారాక వినిపించలేక పోతుందనే అనుమానాలు మొదలైయ్యాయి. అదీగాక గులాబీ పార్టీకి ముందు ముందు భవిష్యత్తు లేదని భావించిన నేతలు మెల్లగా జారుకోవడం ఆందోళన కలిగిస్తుందని అంటున్నారు.

ఇప్పటికే సిట్టింగ్ ఎంపీ వెంకటేశ్ నేత, మాజీ డిప్యూటీ సీఎం రాజయ్య, కేటీఆర్ (KTR) కీలక అనుచరుడిగా పేరున్న హైదరాబాద్ మాజీ డిప్యూటీ మేయర్ బాబా ఫసీయుద్దీన్ తో పాటు మరికొంత మంది నేతలు కారు దిగిపోగా.. అదే బాటలో ఎమ్మెల్సీ పట్నం మహేందర్ రెడ్డితో పాటు మరికొందరు పార్టీ మారేందుకు సిద్దంగా ఉన్నారనే చర్చ జరుగుతోంది. ఇంత జరుగుతున్నా వలసలను ఆపడంలో గులాబీ అధిష్టానం విఫలం అయిందా ?.. అనే చర్చ రాజకీయ వర్గాల్లో జోరందుకుంది.

ఈ విషయంలో బీఆర్ఎస్ నేతలు పెద్దగా రియాక్ట్ కాకపోవడంతో అధిష్టానం ఫెయిల్ అయిందా? అనే అభిప్రాయాలు రాజకీయ వర్గాల్లో వ్యక్తం అవుతున్నాయి. ఓ వైపు కాంగ్రెస్ వ్యూహాత్మకంగా వ్యవహరిస్తూ.. కారులో ఉన్న నేతలను ఖాళీ చేస్తుంటే.. ఈ అంశంపై కేటీఆర్ రియాక్ట్ అయిన తీరు హాట్ టాపిక్ గా మారింది. నిన్న కార్పొరేటర్ల సమావేశంలో మాట్లాడిన కేటీఆర్ పార్టీని వీడి వెళ్లేవారు వెళ్తారని అది వారి ఖర్మ అంటూ కామెంట్ చేయడం పలు అనుమానాలకు చోటు కల్పించినట్లు అయ్యిందంటున్నారు.

తాజాగా వలసల విషయంలో కేటీఆర్ చేస్తున్న వ్యాఖ్యలు సైతం పార్టీకి డ్యామేజి కలిగిస్తాయే తప్పా ప్రయోజనం ఉండదనే టాక్ వినిపిస్తోంది. అయితే ఇదే ఫార్ములా పాటించి రాష్ట్రంలో బీఆర్ఎస్ బలపడింది.. ఇప్పుడు ఈ అంశాన్ని ఫోకస్ చేస్తే అది చివరకు సెల్ఫ్ గోల్ గా మారే ప్రమాదం ఉందని అందుకే వలసల విషయంలో బీఆర్ఎస్ హైకమాండ్ మౌనంగా ఉండటం మేలని భావిస్తున్నట్లు టాక్ వినిపిస్తోంది.