Politics

తెలంగాణలో పార్లమెంట్ ఎన్నికలు సమీపిస్తున్న వేళ గ్రేటర్ అధికారులు కీలక విషయాన్ని ప్రకటించారు.గ్రేటర్ హైదరాబాద్ పరిధిలో కొత్తగా 15 లక్షల(15Lacs New Voters) మంది కొత్త ఓటర్లు పెరిగినట్లు వారు అంచనా వేస్తున్నారు. దీనిప్రకారం వచ్చే లోక్‌సభ ఎన్నికల్లో హైదరాబాద్ పార్లమెంట్(Hyderabad Parliament Segement) సెగ్మెంట్కు జరిగే ఎన్నికల్లో టఫ్‌ఫైట్ ఉంటుందని రాజకీయాల్లో జోరుగా చర్చ జరుగుతోంది. గ్రేటర్ హైదరాబాద్ నగర పరిధి క్రమంగా విస్తరిస్తోంది.

అందుకు అనుగుణంగానే ఓటర్ల సంఖ్య కూడా గణనీయంగా పెరుగుతూ వస్తోంది. 2019 పార్లమెంట్ ఎన్నికల టైంలోని ఓటర్ల సంఖ్యతో పోలిస్తే ఇప్పుడు 15 లక్షల అధిక ఓటర్ల సంఖ్య పెరిగినట్లు అధికారులు అంచనా వేస్తున్నారు.ఈ సంఖ్య పెరగడం లేదా తగ్గే చాన్స్ కూడా ఉన్నట్లు సమాచారం. ఎన్నికల కమిషన్ అధికారిక లెక్కల ప్రకారం గ్రేటర్ హైదరాబాద్, రంగారెడ్డి, మేడ్చల్ జిల్లాల పరిధిలో ఓటర్ల సంఖ్య 1.05 కోట్లు దాటింది.

తెలంగాణలోని మొత్తం ఓటర్లలో ఈ సంఖ్య 30శాతం ఉంటుందని అధికారులు అంచనా వేస్తున్నారు.రాష్ట్రం నలుమూలల నుంచి ప్రజలు బతుకుదెరువు కోసం నగరానికి వలసొచ్చి అక్కడే పనులు చేసుకుంటూ స్థిరపడిపోతున్నారు.ఇందులో కొందరు హైదారాబాద్‌లోనే తమ ఓటు హక్కును నమోదు చేసుకుంటున్నారు. దీంతో నగరంలో ఓటర్ల సంఖ్య క్రమంగా పెరుగుతున్నట్లు తెలుస్తోంది.

మరికొందరు హైదరాబాద్‌లో స్థిరపడిన ఎన్నికల సమయంలో తమ సొంతూర్లకు వెళ్లి ఓటేసి వస్తున్నారు. అయితే, ఈసారి పెరిగిన ఓటర్లలో ఎక్కువ మంది యువతే ఉన్నట్లు తెలుస్తోంది.వీరి ఓటు రాజకీయ నాయకుల భవిష్యత్‌ను డిసైడ్ చేయనుంది.గత రెండు పర్యాయాలు లోక్‌సభ పోలింగ్ పర్సంటేజీని తీసుకుంటే హైదరాబాద్‌ పార్లమెంట్ సెగ్మెంట్‌లో 2014లో 53.27%, 2019లో 39.49%, సికింద్రాబాద్ ఎంపీ స్థానంలో 2014లో 53.06%, 2019లో 44.99%, మల్కాజిగిరిలో 2014లో 51.05%, 2019లో 49.11%, చేవెళ్లలో 2014లో 60.51%, 2019లో 53.80% పోలింగ్ శాతం నమోదైంది.గ్రేటర్ పరిధిలోని ఎంపీ స్థానాల్లో ఓటర్ల సంఖ్య పెరిగినా పోలింగ్ పర్సంటేజీ మాత్రం తగ్గుతూ వస్తోంది. ఈసారైనా నగరవాసులు ఓటింగ్‌లో చురుకుగా పాల్గొంటారో లేదో వేచిచూడాలి.

రాష్ట్రంలో సంచలనం సృష్టించిన ఫోన్ ట్యాపింగ్(Phone Tapping case) కేసుపై ఎట్టకేలకు మాజీ సీఎం కేసీఆర్(Former Cm kcr) స్పందించారు.ఓ మీడియా చానెల్‌కు ఇచ్చిన ఇంటర్య్యూలో ఆయన మాట్లాడుతూ.. ట్యాపింగ్‌కు తనకు ఎటువంటి సంబంధం లేదని తేల్చేశారు. ఇటీవల ఫోన్ ట్యాపింగ్ విషయంపై ప్రెస్‌మీట్ నిర్వహించి అసలు వాస్తవాలను బయటపెడతానని కేసీఆర్ చెప్పిన విషయం తెలిసిందే.

కానీ, అలాంటిదేమీ చేయలేదు. తాజాగా కేసీఆర్ ఫోన్ ట్యాపింగ్‌పై స్పందిస్తూ.. ఆ కేసులో చట్టవిరుద్ధంగా ఏది జరిగినా అదంతా అధికారుల తప్పేనని(Officers Mistake).. ఇందులో సీఎంకు గానీ, మంత్రులకు గానీ ఎటువంటి సంబంధం ఉండబోదని స్పష్టంచేశారు. ట్యాపింగ్ అనేది ఇంటెలిజెన్స్ డ్యూటీ.. సీఎం, మంత్రులు దీనిలో ఇన్వాల్వ్ కారు. కావాలంటే ఏదైనా రిపోర్టులు అడుగుతారు.

అవి కూడా పూర్తిగా పరిపాలనా పరమైన అంశాలు ఉంటాయని కేసీఆర్ చెప్పుకొచ్చారు. ఎవరైనా అధికారి అక్రమంగా ట్యాపింగ్ చేస్తే దాని సంగతి డిపార్ట్‌మెంట్ లోని హైయ్యర్ అధికారులు చూసుకుంటారు. ట్యాపింగ్ పరికరాలు ఏం కొన్నారు. ఎలా ట్యాపింగ్ చేశారన్నది కూడా సీఎం పట్టించుకోవడని చెప్పుకొచ్చారు. రాజకీయ అవసరాల కోసం ట్యాపింగ్‌ను వాడుకున్నామో లేదో తనకు తెలియదని మాజీ సీఎం వెల్లడించారు.

‘ఫలానా వ్యక్తుల ఫోన్లను మేము ట్యాప్ చేసినం’ అని అధికారులు ఎప్పుడూ ముఖ్యమంత్రికి చెప్పరని వివరించారు.గత బీఆర్ఎస్ సర్కారు పాలనలో ప్రతిపక్ష పార్టీ నేతల ఫోన్లు ట్యాపింగ్ చేస్తున్నారని ఎన్నికల ముందు ప్రస్తుత సీఎం రేవంత్ రెడ్డి పలు మార్లు ఆరోపించిన విషయం తెలిసిందే. ఈ మధ్యకాలంలో కేటీఆర్ కూడా ట్యాపింగ్ జరిగితే జరగొచ్చు ఒకరిద్దరివి.. అది కూడా లత్కోర్,లఫింగి గాళ్లవి చేసి ఉండొచ్చు. అందరివీ ఎందుకు చేస్తారంటూ కేసీఆర్ తనయుడి వ్యాఖ్యలు కాంగ్రెస్ నేతలకు ఊతమిచ్చాయి.

బీఆర్ఎస్ పాలనలో ఫోన్ ట్యాపింగ్ జరిగిందనేది వాస్తవం అని ఇప్పటికే తేలిపోయింది. కొడుకు మొహమాటంగా చెప్పగా.. తండ్రి కేసీఆర్ మాత్రం దానికి తనకు సంబంధం లేదని కొట్టిపారేశారు.

రేవంత్ రెడ్డి, హరీష్ రావు మంచి మిత్రులు, బొమ్మ బొరుసు సంబంధం అని మాజీ ఎమ్మెల్యే, బీజేపీ మెదక్ ఎంపీ అభ్యర్థి రఘునందన్‌ రావు(Raghunandan Rao) విమర్శించారు. హైదరాబాద్‌(Hyderabad)లోని బీజేపీ(BJP) రాష్ట్ర కార్యాలయంలో మంగళవారం ఏర్పాటు చేసిన మీడియా సమావేశంలో ఆయన మాట్లాడారు. బీఆర్ఎస్‌(BRS)కు రాష్ట్రంలో ఒక్కసీటు రాదన్నారు. కామారెడ్డిలో కేసీఆర్ మెడలు వంచి కాషాయజెండా ఎగురవేశామని గుర్తు చేశారు.

రేవంత్‌రెడ్డి(Revanth Reddy)కి ప్రధాని మోడీ(PM Modi)ని విమర్శించే అర్హత లేదని.. మోడీ వెంట్రుకకు కూడా సరిపోడని అన్నారు. కేంద్రంలో కాంగ్రెస్ అధికారంలోకి వచ్చే పరిస్థితులు లేవని తెలిపారు. ఇటీవల మెదక్ పార్లమెంట్ కాంగ్రెస్ అభ్యర్థి నీలం మధు ముదిరాజ్ నామినేషన్ కార్యక్రమంలో పాల్గొన్న సీఎం రేవంత్ బీజేపీ, రఘునందర్ రావుపై విమర్శలు గుప్పించారు. మెదక్‌కు బీజేపీ ఏం చేయలేదని రఘునందన్ రావుకు గడీలు ఉన్నాయని ఆరోపించారు. కాంగ్రెస్ అభ్యర్థి సామాన్యుడని చెప్పుకొచ్చారు. అయితే, సీఎం వ్యాఖ్యలపై తాజాగా రఘునందన్ రావు స్పందించారు.

ఎన్నికల వేళ సీఎం రేవంత్ రెడ్డికి బంపర్ ఆఫర్ ప్రకటించారు. రేవంత్ రెడ్డికి 48 గంటల టైమ్ ఇస్తున్నానని చెబుతూ తనకు గడీ ఉందని నిరూపిస్తే ఆ గడీ ఆయన పేరు మీదే రిజిస్ట్రేషన్ చేయిస్తానని సవాల్ చేశారు. అంతేకాదు.. రిజిస్ట్రేషన్ ఖర్చులు కూడా తానే భరిస్తానని చెప్పారు. అదేవిధంగా మెదక్‌కు బీజేపీ ఏం చేసిందో బుక్ తయారు చేశానని ఆ పుస్తకాన్ని సీఎం రేవంత్ రెడ్డికి కొరియర్ చేస్తున్నానని చెప్పారు.

మాజీ సీఎం కేసీఆర్ కంటే రేవంత్ రెడ్డి ఇంకా ఎక్కువ అబద్ధాలు చెబుతున్నారని ఆగ్రహం వ్యక్తం చేశారు. రేవంత్ రెడ్డి మాట ఇచ్చినట్లుగా ఆగస్ట్ 15 నాటికి రైతులకు రూ.2 లక్షల రుణమాఫీ పూర్తి కాదని రఘునందన్‌రావు కీలక వ్యాఖ్యలు చేశారు. రేవంత్ రెడ్డి మెదక్ లో తప్పుడు స్క్రిప్ట్ చదివారని విమర్శించారు. కెసిఆర్ పిట్టల దొర అనుకుంటే రేవంత్ రెడ్డి వ్యవహార శైలి అంతకు రెండoతలు ఉందని ఎద్దేవా చేశారు.

మతకల్లోలాలు చేయడం బీజేపీ సిద్దాంతం కాదని, బ్యాంకులను జాతీయం చేసి నలభై ఏళ్లు అయినా ఒక్క పేదోడు బ్యాంకు మెట్లు ఎక్కనివ్వని చరిత్ర కాంగ్రెస్‌ది అని తెలిపారు. జీవన్‌రెడ్డికి కేంద్ర వ్యవసాయశాఖ మంత్రి ఇస్తాననడం కాదు.. చేతనైతే ముందు రాష్ట్ర వ్యవసాయ శాఖ మంత్రిగా చేయండని హితవుపలికారు. కాంగ్రెస్ మేనిఫెస్టో వెనక ఉన్నది మావోయిస్టులు, అర్బన్ నక్సలైట్లు, సోకాల్డ్ వాదులు అంటూ రఘునందన్‌రావు ఆరోపించారు.