Politics

పార్లమెంట్‌ (Parliament)లో ఎంపీల సస్పెన్షన్‌కు నిరసనగా శుక్రవారం ఇందిరా పార్క్‌ (Indira Park) వద్ద కాంగ్రెస్ (Congress) ధర్నా నిర్వహించిన విషయ తెలిసిందే.. ఎంపీల సస్పెండ్​ను ఖండిస్తూ రాష్ట్ర వ్యాప్తంగా కాంగ్రెస్ నాయకులు నిరసనలు చేపట్టారు. ఎంపీలపై సస్పెన్షన్ ఎత్తివేసి, పార్లమెంట్​ దాడిపై విచారణ చేపట్టాలని డిమాండ్ చేశారు. ఈ సందర్భంగా మంత్రి భట్టి విక్రమార్క (Bhatti Vikramarka) కీలక వ్యాఖ్యలు చేశారు..

కేంద్ర హోంమంత్రి, ప్రధాని మోడీ (Modi) పార్లమెంటుపై దాడి జరిగితే ఒక్క ప్రకటన కూడా చేయలేదని భట్టి మండిపడ్డారు. ప్రజా ప్రతినిధులకు ప్రజాస్వామ్యంలో ప్రశ్నించే స్పేచ్ఛ కూడా లేకపోవడం ఆందోళనకరం అని తెలిపారు. ప్రధాని మోడీ ప్రజాస్వామ్యాన్ని ఖూనీ చేశారని భట్టి విక్రమార్క ఆరోపించారు. అనేకమంది త్యాగాల ఫలితంగా స్వాతంత్ర్యం వచ్చిన దేశంలో.. ఇప్పుడు అరాచక పాలన సాగుతుందని విరుచుకుపడ్డారు.

పార్లమెంట్​పై దాడి అంటే దేశంపై జరిగినట్లే అని భట్టి విక్రమార్క (Bhatti Vikramarka) పేర్కొన్నారు.. దేశంలో 146 మంది ఎంపీల సస్పెన్షన్ సిగ్గుచేటని దుయ్యబట్టారు.. బీజేపీ (BJP) ప్రభుత్వం దేశ రక్షణను గాలికి వొదిలేసిందని భట్టి విమర్శించారు. ఈ అంశంపై మంత్రి పొన్నం ప్రభాకర్ (Ponnam Prabhakar) సైతం స్పందించారు. మోదీ ప్రభుత్వం నిరంకుశంగా వ్యవహరిస్తుందని మండిపడ్డారు.

బీజేపీ ప్రభుత్వాన్ని విమర్శిస్తే ఈడీ, ఐటీ దాడులు చేస్తున్నారని పొన్నం ప్రభాకర్ ఆరోపించారు. కాగా మంత్రి జూపల్లి కృష్ణరావు సైతం కీలక వ్యాఖ్యలు చేశారు.. మతాల పేరుతో బీజేపీ దేశాన్ని విచ్ఛిన్నం చేస్తుందని ఆరోపించారు.. ఎంపీలను సస్పెండ్ చేసినట్లు, రాబోయే రోజుల్లో బీజేపీని కూడా ప్రజలు సస్పెండ్ చేస్తారని అన్నారు. బీజేపీ నియంతృత్వంగా వ్యవహరిస్తోందని మంత్రి శ్రీధర్ బాబు (Minister Sridhar) అన్నారు. పార్లమెంటుకే భద్రత ఇవ్వలేనోళ్లు దేశానికి భద్రత ఎలా ఇస్తారని ప్రశ్నించారు.

పార్లమెంట్​లో దాడి ఏంటని ప్రశ్నించినందుకు, ఎంపీలను సస్పెండ్ చేయడం సరికాదని సీపీఐ ఎమ్మెల్యే కూనంనేని సాంబశివరావు (Kunamneni) వ్యాఖ్యానించారు. కేంద్రంలో బీజేపీ పాలన ఎక్కువ కాలం కొనసాగదని జోస్యం చెప్పారు. దాడిపై అసలు విషయం ఏంటో బయటకు రావాలని కూనంనేని డిమాండ్ చేశారు.

తెలంగాణ (Telangana) రాష్ట్రంలో కరోనా (Corona) కేసులు రోజు రోజుకు పెరిగిపోతోన్న నేపథ్యంలో ఆరోగ్యశాఖ అప్రమత్తం అవుతోంది. ఇప్పటికే రాష్ట్ర వ్యాప్తంగా కోవిడ కేసులు నమోదవుతోన్న వార్తలు ప్రజలను ఆందోళనకి గురిచేస్తున్నాయి. దీంతో వైద్య, ఆరోగ్యశాఖ (Health Department) మంత్రి దామోదర రాజనర్సింహ (Damodara Rajanarsimha) కరోనా వస్తే తీసుకోవలసిన చర్యలపై అధికారులతో చర్చించారు..

ఇందులో భాగంగా హైదరాబాద్, డాక్టర్ బీఆర్. అంబేద్కర్ తెలంగాణ రాష్ట్ర సచివాలయంలో వైద్య విధాన పరిషత్ పై ఉన్నత స్థాయి సమీక్ష సమావేశం నిర్వహించారు. ఈ సమీక్ష సమావేశంలో మెడికల్ అండ్ హెల్త్ సెక్రటరీ క్రిస్టినా చోంగ్తు.. హెల్త్ అండ్ ఫ్యామిలీ వెల్ఫేర్ డైరెక్టర్ ఆర్వీ కణ్ణన్, వైద్య విధాన పరిషత్ ఉన్నత అధికారులు పాల్గొన్నారు.

రాష్ట్రంలో కొవిడ్ కేసులు పెరిగినా వైద్యులు సిద్ధంగా ఉన్నారుని, ఈ సందర్భంగా మంత్రి దామోదర రాజనర్సింహా తెలిపారు.. ప్రజలంతా అప్రమత్తంగా ఉండాలని.. ఇప్పటికే అన్ని ఆస్పత్రులకు ఆదేశాలు జారీ చేశామని పేర్కొన్నారు. రాష్ట్రంలోని అన్ని ఆస్పత్రులతో వీడియో కాన్ఫరెన్స్ నిర్వహించి వారికి కరోనా సన్నద్ధతపై వివరించినట్టు మంత్రి తెలిపారు.. హస్పటల్స్ లో కరోనా టెస్ట్ ల సంఖ్య పెంచుతున్నట్టు వెల్లడించారు.

కాగా ప్రస్తుతం పండగల సీజన్ కాబట్టి ప్రతి ఒక్కరూ గుంపులోకి వెళ్ళినప్పుడు మాస్క్ తప్పనిసరిగా ధరించాలని సూచించారు.. ఒమిక్రాన్ వేరియంట్ కు సబ్ వేరియంట్ JN.1 అని తెలిపిన దామోదర రాజనర్సింహ.. ఈ వైరస్ వ్యాప్తి ఎక్కువగా ఉన్నప్పటికీ తీవ్రత ఉంటుందని వివరించారు..