Politics

తెలంగాణలో (Telangana) కాంగ్రెస్ (Congress) ప్రభుత్వం అధికారంలోకి రావడానికి కృషి చేసిన రేవంత్ రెడ్డి.. ఎట్టకేలకు అధికార పీఠం అధిరోహించి రాష్ట్ర రెండో ముఖ్యమంత్రిగా నిలిచిపోయారు. అయితే ప్రభుత్వాన్ని ప్రజల అభీష్టాలకి అనుగుణంగా నడుపుదామని అనుకోని.. ప్రచారం సమయంలో ఇచ్చిన ఆరు గ్యారంటీల్లో మొదటగా.. మహిళలకు ఉచిత బస్సు ప్రయాణం అమల్లోకి తెచ్చారు. కానీ ఉచితం అనే పదం ప్రభుత్వం మెడకు గుదిబండ మారుతోందని ఆరోపణలు వస్తున్నాయి..

ప్రభుత్వం ప్రకటించిన ఆర్టీసీ ఉచిత బస్సు సర్వీస్ (RTC Free Bus Service) వల్ల ఆటో డ్రైవరలకు తీవ్ర నష్టం జరుగుతుందని బీఎంఎస్ ఆటో యూనియన్ నేతలు ఆగ్రహం వ్యక్తం చేస్తున్నారు. గతంలో రోజుకు 70 శాతం మహిళలు ఆటోల్లో ప్రయాణించడం వల్ల రోజుకి 1000 రూపాయలు ఆదాయం వస్తే.. ప్రస్తుతం 300 కూడా రావట్లేదని వాపోతున్నారు. ఉచిత పథకాలతో ఆటో డ్రైవర్ల ఉపాధిపై దెబ్బకొట్టొద్దని ప్రభుత్వాన్ని కోరుతోన్నారు.

మా గోస ప్రభుత్వానికి తెలిసేలా భారతీయ మజ్దూర్ సంఘం ఆధ్వర్యంలో వరుసగా నిరసన కార్యక్రమలకు పిలుపునిస్తున్నామని వెల్లడించారు. కేసీఆర్ ప్రభుత్వం రవాణా చట్టానికి విరుద్దంగా ఓల, ఊబర్ సర్వీస్ లను తెచ్చిందని ఆటో యూనియన్ నేతలు మండిపడ్డారు. రవాణా శాఖ మంత్రి పొన్నం ప్రభాకర్ ఆటో డ్రైవర్ల తో చర్చలు జరపాలని తెలిపిన యూనియన్ నేతలు.. ప్రభుత్వం స్పందించకుంటే ఈనెల 18న ధర్నాలు, ఎమ్మెల్యేలకు, కలెక్టర్లకు 19న వినతిపత్రాలు సమర్పిస్తామని అన్నారు. 20న ఆర్టీసీ డిపోల దగ్గర శాంతియుతంగా ఆందోళన చేపడతామని పేర్కొన్నారు.

మరోవైపు రాజన్న సిరిసిల్ల (Rajanna Sirisilla) జిల్లాలో ఆటో కార్మికులు నిరసన, భారీ ర్యాలీ చేపట్టారు. ఈ సందర్భంగా సిరిసిల్ల పట్టణం కొత్త బస్టాండ్ నుంచి కలెక్టరేట్ కార్యాలయం వరకు 8 వందలకు పైగా ఆటోలతో భారీ ర్యాలీ నిర్వహించారు. ప్రభుత్వానికి వ్యతిరేకంగా ఆటో యూనియన్ నాయకులు నినాదాలు చేశారు. మహిళలకు ఉచిత బస్ సౌకర్యం కల్పించడాన్ని వెంటనే రద్దు చేయాలి అంటూ డిమాండ్ చేశారు. కలెక్టర్ కార్యాలయం గేటు దగ్గర ఏవో రాంరెడ్డికి వినతిపత్రం సమర్పించారు.

రాష్ట్రంలో కాంగ్రెస్ ప్రభుత్వం ఏర్పడటంపై ఆనందం వ్యక్తం చేశారు పీసీసీ జనరల్ సెక్రటరీ (PCC General Secretary) బక్క జడ్సన్ Bakka Judson).. కొత్తగా ఏర్పడిన ప్రభుత్వం 1200 మంది అమరవీరుల ఆశయాలకు అనుగుణంగా పనిచేస్తుందని ఆశాభావం వ్యక్తం చేశారు. స్థానికంగా ఏర్పాటు చేసిన మీడియా సమావేశంలో పాల్గొన్న బక్క జడ్సన్.. బీఆర్ఎస్ ప్రభుత్వం పై మండిపడ్డారు..

ప్రజలు నమ్మి రాష్ట్రాన్ని అప్పగిస్తే.. అప్పులు చేసి నాశనం చేసిన ఘనుడు కేసీఆర్ (KCR)అని విమర్శించారు.. చివరికి అప్పు పుట్టకుంటే వరంగల్ సెంట్రల్ జైలును సైతం తాకట్టు పెట్టడానికి సైతం వెనకాడలేదని బక్క జడ్సన్ ఆరోపణలు చేశారు.. కల్వకుంట్ల కుటుంబం, బీఆర్ఎస్ (BRS) నాయకులు చేసిన అక్రమాలపై అనేక కేసులు వేసి నిజాలను బయటికి తీసుకురావడంలో కాంగ్రెస్ కృషి చేసినట్టు పేర్కొన్నారు.

తెలంగాణ రాష్ట్రంలో కేవలం ప్రజల తిరుగుబాటు వల్లనే కాంగ్రెస్ (Congress) పార్టీ అధికారంలోకి వచ్చిందని బక్క జడ్సన్ వెల్లడించారు. గత ప్రభుత్వం ప్రజల అభీష్టం మేరకు పని చేయడంలో విఫలమైందని తెలిపిన బక్క జడ్సన్.. త్వరలో జరగబోయే పట్టభద్రుల ఎమ్మెల్సీ ఎన్నికలలో తాను పోటీ చేయనున్నట్లు తెలిపారు. నిరుద్యోగులు, విద్యార్థుల వాయిస్ చట్టసభలలో వినిపించేందుకు తనను ఎమ్మెల్సీగా గెలిపించాలని కోరారు.

అన్ని వర్గాల ప్రజలకు రేవంత్ రెడ్డి ప్రభుత్వం వల్ల న్యాయం జరుగుతోందని బక్క జడ్సన్ ఆశాభావం వ్యక్తం చేశారు.. ప్రశ్నిస్తే కేసులు పెట్టి హింసించే దొరల పాలనకు చరమ గీతం పాడి.. స్వేచ్ఛగా జీవించే హక్కుని తెలంగాణ ప్రజలు ఇప్పుడే పొందినట్టు బక్క జడ్సన్ పేర్కొన్నారు.. ఈసారి బీఆర్ఎస్ అధికారంలోకి వస్తే తెలంగాణ ప్రజల బ్రతుకులు ఇంకా ఆగమయ్యేయని సంచలన వ్యాఖ్యలు చేశారు..

పదేళ్ల నిర్బంధపు పాలన నుంచి విముక్తి కోసం ఎన్నికల్లో తెలంగాణ ప్రజలు స్పష్టమైన తీర్పునిచ్చారని గవర్నర్ తమిళిసై(Governor Tamilisai) అన్నారు. శాసనసభ సమావేశాల నేపథ్యంలో శుక్రవారం అసెంబ్లీ(Assembly)కి చేరుకున్న గవర్నర్‌కు సీఎం రేవంత్‌రెడ్డి, మంత్రులు ఘనస్వాగతం పలికారు. కొత్త ప్రభుత్వానికి ఈ సందర్భంగా అభినందనలు తెలిపారు తమిళిసై.

అనంతరం గవర్నర్ తమిళిసై సౌందర్ రాజన్ ఉభయ సభలను ఉద్దేశించి ప్రసంగించారు. అదేవిధంగా బీఆర్ఎస్ ప్రభుత్వ పాలనపై కీలక వ్యాఖ్యలు చేశారు. తెలంగాణ ప్రజలు స్పష్టమైన తీర్పు ఇచ్చారన్న ఆమె ప్రజాపాలన మొదలైందని తెలిపారు. రాచరికం నుంచి తెలంగాణ విముక్తి కోరుకున్నారని, నా ప్రభుత్వంలో తెలంగాణ స్వేచ్ఛా వాయువులు పీల్చుకుంటోందని వెల్లడించారు.

నియంతృత్వ పాలనా పోకడల నుంచి తెలంగాణ విముక్తి పొందిందని తెలిపారు. ఇకపై నిర్బంధాన్ని సహించబోమని గవర్నర్ స్పష్టం చేశారు. పాలకులకు, ప్రజలకు మధ్య ఉన్న ఇనుప కంచెలు తొలగిపోయాయని తమిళిసై వ్యాఖ్యానించారు. అడ్డుగోడలు, అద్దాల మేడలు పటాపంచలైపోయాయని, ప్రజా ప్రభుత్వ ప్రస్థానం మొదలైందని చెప్పడానికి గర్విస్తున్నానని చెప్పుకొచ్చారు.

అణిచివేత, అప్రజాస్వామిక పోకడలను తెలంగాణ ప్రజలు సహించరని గవర్నర్ అన్నారు. మార్పునకు తెలంగాణ ప్రజలు సరైన నిర్ణయం తీసుకున్నారని తెలిపారు. మీ ప్రయాణం ప్రజాసేవకు అంకితం కావాలని.. ప్రజాసేవలో విజయం సాధించాలని నూతన ప్రభుత్వాన్ని కోరారు. ఈ మేరకు తెలుగులో కాళోజీ నారాయణ రావు పలుకులతో తన ప్రసంగాన్ని ప్రారంభించిన గవర్నర్ తమిళిసై దాశరథి గేయంతో ముగించారు.