Politics

తెలంగాణ (Telangana) రాష్ట్రంలో బీజేపీ (BJP) అధికారంలోకి రావడానికి తీవ్ర ప్రయత్నాలు చేసింది. కానీ కొన్ని రాజకీయ పరిణామాల వల్ల అధికారం చేపట్టకపోయిన గత ఎన్నికల కంటే మెరుగైన స్థానాలను సాధించింది. అయితే రాష్ట్రంలో కమలం వికసించక పోవడానికి సవాలక్ష కారణాలను రాజకీయ విశ్లేషకులు వెల్లడిస్తున్నారు. ఈ క్రమంలో కొందరు నేతలు కూడా పెదవి విప్పుతున్నారు..

ఈ నేపథ్యంలో మాజీ ఎంపీ (EX MP) జితేందర్ రెడ్డి (Jitender Reddy) బీజేపీ పై కీలక వ్యాఖ్యలు చేశారు. బండి సంజయ్ (Bandi Sanjay) అధ్యక్షుడిగా ఉండి ఉంటే.. రాష్ట్రంలో కాషాయం అధికారం చేపట్టేదని అన్నారు. అధ్యక్ష పదవి నుంచి బండి సంజయ్ ని మార్చిన తర్వాత రాష్ట్ర బీజేపీలో మార్పులు చోటు చేసుకున్నాయని తెలిపారు. బీఆర్ఎస్ (BRS)కు ప్రత్యామ్నాయంగా బీజేపీ అని మొదట భావించిన జనం.. బీజేపీ జోష్ తగ్గడంతో.. కాంగ్రెస్ వైపు మల్లారని తెలిపారు.

మరోవైపు తెలంగాణలో కాంగ్రెస్ పరిపాలన సాగించ లేదని.. కర్ణాటకలో ప్రస్తుతం కాంగ్రెస్ ప్రభుత్వం చతికిల పడిందని జితేందర్ రెడ్డి పేర్కొన్నారు. కాగా కాంగ్రెస్ ఇచ్చిన హామీలు అమలు చేయడం సాధ్యం కాదని తెలిపిన మాజీ ఎంపీ.. వారికి కేంద్ర ప్రభుత్వ అండ లేదని చెప్పారు. రేవంత్ రెడ్డి.. యెన్నం శ్రీనివాస్​ రెడ్డి మంచి పాలన అందించాలని కోరారు.

ఇక దేశంలో బీజేపీ పాలన మరో 30 ఏళ్లు ఉంటుందని.. దీనికి నిదర్శనం.. మూడు రాష్ట్రాల్లో బీజేపీ విజయమేనని జితేందర్ రెడ్డి వివరించారు. ప్రస్తుతం అధికారంలోకి రాకున్న.. వచ్చే ఎన్నికల్లో మాత్రం రాష్ట్రంలో బంఫర్ మెజారిటీతో గెలుస్తామని జితేందర్ రెడ్డి ధీమా వ్యక్తం చేశారు. అయితే తాను, తన కొడుకు మిథున్ మాత్రం మహబూబ్ నగర్ ప్రజల సేవలోనే ఉంటామని తెలిపారు.

తెలంగాణ (Telangana) అసెంబ్లీ ఎన్నికల్లో కాంగ్రెస్ విజయకేతనం ఎగరేసిన విషయం తెలిసిందే.. దాదాపుగా రాష్ట్రంలోని అన్ని నియోజక వర్గాలలో విక్టరీ సాధించిన హస్తం కు ఈ ఎన్నికలు స్పెషల్ గా మారాయి అంటున్నారు. ఎందుకంటే దశాబ్దాల తరబడి చేయి గుర్తు మాట వినిపించని నియోజకవర్గాల్లో కూడా ఆ పార్టీ పాగా వేసింది. ఇంతకు ఆ నియోజకవర్గాలేంటో తెలుసుకుందామా..

రాష్ట్రంలో అధికారాన్ని హస్తగతం చేసుకున్న కాంగ్రెస్ ప్రభుత్వం ఏర్పాటుకు సిద్ధమవుతోంది. అయితే గత 56 సంవత్సరాలుగా అధికారం దక్కని నర్సంపేట నియోజకవర్గంలో ప్రస్తుతం కాంగ్రెస్ విజయం సాధించింది. కాగా ఈ ఎన్నికల్లో కాంగ్రెస్‌ అభ్యర్థి దొంతి మాధవరెడ్డి బీఆర్ఎస్ అభ్యర్థి సిట్టింగ్‌ ఎమ్మెల్యే పెద్ది సుదర్శన్‌రెడ్డిపై గెలుపొందారు. చివరగా 1967లో కాంగ్రెస్‌ అభ్యర్థి కె.సుదర్శన్‌రెడ్డి.. సీపీఎం అభ్యర్థి ఎ.వెంకటేశ్వరరావుపై గెలిచారు. అప్పటి నుంచి ఈ నియోజక వర్గంలో గెలుపు అనే మాట హస్తానికి దూరం అయ్యింది.

మరోవైపు 2009లో ఏర్పాటైన పాలకుర్తిలో కాంగ్రెస్‌ (Congress)కు ఇదే తొలి విజయం. ఈ నియోజకవర్గంలోని కొన్ని మండలాలు పాత చెన్నూరు పరిధిలో(రద్దయిన) ఉండగా 1983లో కాంగ్రెస్‌ విజయం సాధించింది. 2009 నుంచి గెలుస్తూ వస్తున్న ఎర్రబెల్లి దయాకరరావుపై ఇప్పుడు యశస్వినిరెడ్డి (Yashaswini Reddy) గెలవడం స్థానిక కాంగ్రెస్ క్యాడర్ లో ఉత్సాహాన్ని నింపింది.

భువనగిరి కోటపై కూడా కాంగ్రెస్ నలభై ఏళ్ల తర్వాత జెండా ఎగిరేసింది. హ్యాట్రిక్‌ ప్రయత్నంలో ఉన్న భారాస అభ్యర్థి పైళ్ల శేఖర్‌రెడ్డిపై కాంగ్రెస్ అభ్యర్థి కుంభం అనిల్‌కుమార్‌ రెడ్డి (Kumbam Anil Kumar Reddy) విజయం సాధించారు. ఇక్కడ చివరగా 1983లో కాంగ్రెస్‌ నుంచి పోటీ చేసిన కె.నర్సింహారెడ్డి విజయం సాధించారు.

నాగర్‌కర్నూల్‌లో 34 సంవత్సరాల తర్వాత కాంగ్రెస్ ను విజయం పలకరించింది. హ్యాట్రిక్‌కు ప్రయత్నిస్తున్న భారాస అభ్యర్థి మర్రి జనార్ధన్‌రెడ్డిపై కాంగ్రెస్‌ అభ్యర్థి కూచుకుళ్ల రాజేశ్‌రెడ్డి గెలుపొందారు. చివరగా ఇక్కడ 1989లో కాంగ్రెస్‌ తరఫున వంగా మోహన్‌గౌడ్‌ విజయం సాధించారు.

రామగుండం నియోజకవర్గంలో కూడా 34 సంవత్సరాల అనంతరం హస్తానికి విజయం చేయి అందించింది. కాంగ్రెస్‌ అభ్యర్థి మక్కాన్‌ సింగ్‌ రాజ్‌ఠాకూర్‌.. సిట్టింగ్‌ ఎమ్మెల్యే బీఆర్ఎస్ అభ్యర్థి కోరుకంటి చందర్‌పై విజయం సాధించారు. మరోవైపు 1989లో కాంగ్రెస్‌ నుంచి మాతంగి నర్సయ్య గెలిచారు. అప్పటి నుంచి ఇక్కడ కాంగ్రెస్ ను విజయం పలకరించలేదు.

ఉమ్మడి ఆదిలాబాద్‌ జిల్లా పరిధి ఖానాపూర్‌(ఎస్టీ) ఎట్టకేలకు హస్త గతమైంది. ఆ పార్టీ అభ్యర్థి వెడ్మ బొజ్జు తన సమీప భారాస అభ్యర్థి, మంత్రి కేటీఆర్‌ స్నేహితుడైన జాన్సన్‌ నాయక్‌పై 4,976 ఓట్ల మెజార్టీతో విజయం సాధించి చరిత్రను తిరగరాశారు.

మెట్‌పల్లి నియోజకవర్గంగా ఉన్నప్పుడు కాంగ్రెస్‌ విజయం సాధించింది. అంటే ఇప్పటికీ 25 సంవత్సరాలు అవుతుంది. 1998 ఉప ఎన్నికలో కొమ్మిరెడ్డి జ్యోతి విజయం సాధించారు. 2009లో వేములవాడ నియోజకవర్గం ఏర్పాటైంది. కాగా ప్రస్తుతం కాంగ్రెస్‌ అభ్యర్థి ఆది శ్రీనివాస్‌ గెలుపొందారు.

వరంగల్‌ పశ్చిమ నియోజకవర్గంలో 25 ఏళ్ల అనంతరం కాంగ్రెస్‌ పాగా వేసింది. కాంగ్రెస్‌ అభ్యర్థి నాయిని రాజేందర్‌రెడ్డి.. భారాస ఎమ్మెల్యే దాస్యం వినయ్‌భాస్కర్‌పై విజయం సాధించారు. చివరిసారి 1998 ఉప ఎన్నికలో కాంగ్రెస్‌ అభ్యర్థి పీవీ రంగారావు ఇక్కడ విజయం సాధించారు.

కాంగ్రెస్‌ చొప్పదండి నియోజకవర్గాన్ని 24 ఏళ్ల అనంతరం కైవసం చేసుకుంది. కాంగ్రెస్‌ అభ్యర్థి మేడిపల్లి సత్యం సిట్టింగ్‌ ఎమ్మెల్యే, భారాస అభ్యర్థి సుంకె రవిశంకర్‌పై విజయం సాధించారు. చివరిగా 1999లో కాంగ్రెస్‌ అభ్యర్థి కె.సత్యనారాయణ గౌడ్‌ విజయం సాధించారు.

ధర్మపురిలో భారాస అభ్యర్థి మంత్రి కొప్పుల ఈశ్వర్‌ పై, ఎ.లక్ష్మణ్ కుమార్‌ విజయం సాధించారు. నాలుగు ఎన్నికల అనంతరం లక్ష్మణ్‌కు విజయం దక్కింది. ధర్మపురి.. ఇందుర్తిగా ఉన్నప్పుడు 1999లో కాంగ్రెస్‌ అభ్యర్థి బొమ్మా వెంకటేశ్వర్‌ విజయం సాధించారు. మరోవైపు 2009లో ధర్మపురి కొత్త నియోజకవర్గంగా ఏర్పడింది.

ఉమ్మడి ఆంధ్రప్రదేశ్ లో భాగంగా ఉన్న తెలంగాణ (telangana) ప్రత్యేక రాష్ట్రంగా ఏర్పాటైన తర్వాత ప్రతిపక్షాలను పాతాళంలో కలిపేశారు కేసీఆర్ (KCR)..ఈ క్రమంలో టీడీపీ (TDP)..కాంగ్రెస్ (Congress) పార్టీలు కూడా కేసీఆర్ వ్యూహా ప్రవాహంలో గల్లంతు అయ్యాయి. ఈ క్రమంలో తెలంగాణలో టీడీపీ కనుమరుగవ్వగా.. కాంగ్రెస్ కోన ఊపిరితో కొట్టుమిట్టాడుతూ గెలుపు కోసం పోరాటం చేసింది.

మరోవైపు రాష్ట్రాన్ని 10 సంవత్సరాలుగా బీఆర్ఎస్ (BRS) ప్రభుత్వం పాలిస్తూ.. ప్రతిపక్షాలకు తావివ్వకుండా అధికారాన్ని కాపాడుకుంటూ వస్తుంది. అయితే అనూహ్యంగా రాష్ట్రంలో కాంగ్రెస్ అధికారంలోకి రావడం వెనక ఓ మాస్టర్ మైండ్ కీలకంగా మారింది.. దీంతో మూగబోయిన కాంగ్రెస్ పార్టీకి గెలుపు పిలుపును అందించిన ఆ మాస్టర్ మైండ్ ఎవరినే చర్చ రాజకీయాల్లో మొదలైంది.

తెలంగాణలో కేసీఆర్ వంటి రాజకీయ దిగ్గజానికి గద్దె దింపి.. కాంగ్రెస్ పార్టీ అధికారాన్ని సొంతం చేసుకోవడం వెనక ఉన్న ఆ మాస్టర్ మైండ్ సునీల్ కనుగోలు (Sunil Kanugolu)..కాంగ్రెస్ రాష్ట్రంలో చాపకింద నీరులా పాకి పాతుకుపోవడానికి కారణం సునీల్ కనుగోలు వ్యూహాలే కారణం అంటున్నారు. అదీగాక ఇటీవల కర్ణాటకలో కాంగ్రెస్ విజయం సాధించటం వెనుక ఉన్నది కూడా సునీల్ కనుగోలు అని చెబుతున్నారు.

మరోవైపు సునీల్ కనుగోలు వ్యూహ చతురతకు మెచ్చిన కర్ణాటక సర్కారు.. క్యాబినెట్ మినిస్టర్ హోదాతో ప్రభుత్వ సలహాదారుగా నియమించింది. అయితే.. ఇప్పటివరకు దేశంలో ఎన్నికల వ్యూహకర్త అంటే ప్రశాంత్ కిశోర్ పేరు మాత్రమే వినిపించేది. కానీ ప్రస్తుతం సునీల్ కనుగోలు పేరు ఎక్కువగా వినిపిస్తోంది. ఇక సునీల్ కనుగోలు గతంలో ప్రశాంత్ కిశోర్ సహచరుడే కావడం విశేషం..