Politics

ఎన్నికల ప్రచారం మంగళవారం సాయంత్రం 5గంటలకు ముగిసింది. దీంతో అభ్యర్థులు ప్రలోభాల పర్వాన్ని షురూ చేశారు. అభ్యర్థులు విజయమే లక్ష్యంగా వ్యూహాలు రచిస్తున్నారు. ఇందుకు భారీగా నగదు, మద్యం, బహుమతులను ఎరగా వేసి ఎన్నికల్లో లబ్ధి పొందేందుకు ప్రయత్నాలు చేస్తున్నారు. అయితే అదేస్థాయిలో అధికార యంత్రాంగం అప్రమత్తమైంది.

ఎన్నికల వేళ అభ్యర్థులు చేస్తున్న అన్నిరకాల ప్రయత్నాలను అడ్డుకట్టవేసే పనిలో నిమగ్నమయ్యారు. ఈ మేరకు కట్టుదిట్టమైన చర్యలు తీసుకుంటున్నది. ఇందులో ప్రత్యేక టీమ్‌లను ఏర్పాటు చేసింది. వ్యూహాత్మక ప్రాంతాల్లో చెక్ పోస్టులను ఏర్పాటు చేయడంతో పాటు ఫ్లైయింగ్ స్క్వాడ్‌లు, షాడోషాడో టీమ్‌లను రంగంలోకి దింపాయి.

ఎన్నికల కోడ్అమల్లోకి వచ్చిన అక్టోబర్ 9వ తేదీ నుంచి బుధవారం నాటికి రూ.720 కోట్లకుపైగా సొత్తును సీజ్ చేశారు. ఈ డబ్బు వేర్వేరు రాజకీయ పార్టీలకు చెందిన అభ్యర్థులది కావడం గమనార్హం. సీ విజిల్, ఎన్నికల సంఘం టోల్ ఫ్రీ నెంబర్లకు వస్తున్న సమాచారంతోపాటు తమకు నేరుగా అందుతున్న వివరాల నేపథ్యంలో ఈ ఫ్లెయింగ్ స్క్వాడ్‌లు దాడులు జరుపుతూ తనిఖీలు చేస్తున్నాయి. మరోవైపు ఉన్నతాధికారులు మఫ్టీలో ఉండే షాడో టీమ్‌తో నిఘా పెట్టింది.

ఎన్నికల కోడ్ అమల్లోకి వచ్చిన అక్టోబర్ 9వ తేదీ నుంచి బుధవారం నాటికి రాష్ట్రవ్యాప్తంగా తనిఖీల్లో రూ.720కోట్లకు పైగా నగదు పట్టుబడింది. రూ.25 కోట్ల విలువ చేసే మద్యం పట్టుబడటం పరిస్థితికి దర్పణం పడుతోంది. ఒక్క మంగళవారం రోజునే రాష్ట్రవ్యాప్తంగా వేర్వేరు చోట్ల రూ.14కోట్లకు పైగా నగదును అధికారులు సీజ్ చేశారు.

రెండున్నర వేలకు పైగా ఎన్నికల్లో డబ్బు, మద్యం, కానుకల పంపిణీని అడ్డుకునేందుకు ఇప్పటికే 1,866 బృందాలు రంగంలో ఉన్నాయి. రాష్ట్రవ్యాప్తంగా వ్యూహాత్మక ప్రాంతాల్లో 150 చెక్‌పోస్టులను ఏర్పాటు చేశారు. ప్రతీ వాహనాలను తనిఖీ చేస్తున్నారు. అనుమానాస్పద వ్యక్తులను అదుపులోకి తీసుకుంటున్నారు. మావోయిస్టు ప్రభావిత ప్రాంతాల్లో తనిఖీలను మరింత పటిష్టం చేశారు.

ఎన్నికల వేళ నేతలు ఇచ్చిన హామీలు నిలబెట్టుకుంటారో లేదో తెలియదు కానీ.. ప్రముఖ బైక్ ట్యాక్సీ సంస్థ బంపర్ ఆఫర్ ప్రకటించింది. భారత రాజ్యాంగంలో ఓటు ఎంత కీలకమో వివరిస్తూ.. ఓటు హక్కు ఉన్న ప్రతి ఒక్కరూ ఓటింగ్ లో పాల్గొనాలని పిలుపునిచ్చింది. ఓటు వేసే వారికోసం ఉచితంగా సర్వీసు అందిస్తామని తెలిపింది. ఆ వివరాలు చూస్తే..

తెలంగాణ (Telangana) అసెంబ్లీ ఎన్నికల (Assembly Elections) నేపథ్యంలో, ప్రముఖ బైక్ ట్యాక్సీ సంస్థ ర్యాపిడో హైదరాబాద్ ఓటర్లకు బంపర్ ఆఫర్ ప్రకటించింది. ఓటింగ్ రోజున నగరంలోని 2,600 పోలింగ్ కేంద్రాలకు ఓటర్లను ఉచితంగా తీసుకెళతామని ప్రకటించింది.. తద్వారా ఓటింగ్ శాతం పెరిగేలా తమవంతు తోడ్పాటు అందిస్తున్నామని వెల్లడించింది. దానికోసం వోట్‌ నౌ (VOTENOW) అనే కోడ్‌ అప్లయ్‌ చేయాలని సంస్ధ సహ వ్యవస్థాపకుడు పవన్‌ గుంటుపల్లి తెలిపారు.

తమ ఉచిత రైడ్ పథకం ముఖ్యంగా యువ ఓటర్లను పోలింగ్ కేంద్రాలకు రప్పించడంలో ఉపయోగపడుతుందని భావిస్తున్నట్టు ర్యాపిడో (Rapido) సహ వ్యవస్థాపకుడు పవన్ గుంటుపల్లి తెలిపారు. ఓటర్లు పోలింగ్ కేంద్రాలకు ఎలా చేరుకోవాలనే చింత అక్కర్లేదని, ఓటర్లను పోలింగ్ కేంద్రాలకు ర్యాపిడో బైక్ ల ద్వారా ఉచితంగా చేరవేస్తామని పవన్ గుంటుపల్లి పేర్కొన్నారు. ఓటు వేసే క్రమంలో రవాణా వ్యవస్థ ఇబ్బందికరంగా మారకూడదన్నది తమ అభిమతమని ఆయన వివరించారు.

ప్రతిసారీ హైదరాబాద్‌ నగరంలో ఓటింగ్‌ 55 శాతానికి మించడం లేదని.. ఈసారి ఓటర్లలో మార్పు రాల్సిన అవసరం ఉందని పవన్ గుంటుపల్లి తెలిపారు. దానికోసమే తమ ప్రయత్నమని వెల్లడించారు.. చూశారా ఓటర్లు.. మీ ఓటు విలువ తెలుసుకోండి.. సరైన నాయకుని ఓటు వేయండని ఆఫర్ గురించి విన్న వారు తెలుపుతున్నారు..

తెలంగాణ (Telangana) అసెంబ్లీ ఎన్నికల ప్రచార ఘట్టం ముగిసింది. గెలుపే లక్ష్యంగా ప్రధాన పార్టీలన్నీ శ్రమించాయి. బహిరంగా సభలు, రోడ్ షోలు, కార్నర్ మీటింగ్‌లు ఇలా.. అన్ని దారుల్లో ప్రజలకు చేరువ అయ్యేందుకు నేతలు చేసిన ప్రయత్నాలకు ఫలితాలు 3 తారీఖున తెలువనున్నాయి. ఈ నేపథ్యంలో తెలంగాణ ప్రజలకు కాంగ్రెస్ (Congress) పార్టీ అగ్రనేత సోనియా గాంధీ కీలక సందేశం ఇచ్చారు.

అసెంబ్లీ ఎన్నికల (Assembly Elections) ప్రచారంలో ఆరోగ్య కారణాల రీత్యా పాల్గొనలేక పోయినట్టు తెలిపిన సోనియా గాంధీ.. ఎన్నికలకు సరిగ్గా రెండు రోజుల ముందు వీడియో సందేశం ద్వారా రాష్ట్ర ప్రజలకు కీలక విజ్ఙప్తి చేశారు. ప్రియమైన సోదర సోదరీమణులారా నేను మీ దగ్గరకు రాలేకపోతున్న.. కానీ మీరు ఎప్పుడు నా మనస్సుకు దగ్గరగా ఉంటారని తెలిపారు.. ఈరోజు మీకు ఒక విషయం చెప్పాలని భావిస్తున్న.. తెలంగాణ అమరవీరుల స్వప్నాలు నెరవేరడం చూడాలని అనుకుంటున్నట్టు సోనియా గాంధీ వెల్లడించారు.

దొరల తెలంగాణగా మారిన రాష్ట్రాన్ని ప్రజల తెలంగాణగా మనమందరం కలిసి మార్చి.. మీ కలలు సాకారానికి పునాదులు వేసుకోవాలని ఆశిస్తున్నా.. మీకు మంచి ప్రభుత్వం లభించాలని కోరుకుంటున్నా అని సోనియా గాంధీ (Sonia Gandhi) పేర్కొన్నారు. నన్ను సోనియమ్మ అని పిలిచి మీ రాష్ట్రానికి అమ్మను చేశారు. చాలా గౌరవం ఇచ్చారు.. మీ ప్రేమ, అభిమానాలకు ఎప్పటికి మీకు రుణపడి ఉంటానని సోనియా గాంధీ అన్నారు..

తెలంగాణ సోదరులు, అమ్మలు, బిడ్డలకు నా విన్నపం.. మార్పు కోసం కాంగ్రెస్‌కి ఓటేయండి.. మార్పు కావాలి.. కాంగ్రెస్ రావాలి అని వీడియో ద్వారా సోనియా గాంధీ తెలంగాణ ప్రజలకు సందేశం ఇచ్చారు. మరోవైపు తెలంగాణలో ఎన్నికల ప్రచారాన్ని సోనియా గాంధీ స్పీచ్ తో ముగించాలని కాంగ్రెస్ నేతలు భావించారు. కానీ పలు కారణాల రీత్యా సోనియా గాంధీ ప్రచారానికి రాలేకపోయారు. ఈ నేపథ్యంలో స్టేట్ కాంగ్రెస్ లీడర్స్, రాష్ట్ర ప్రజలకు తెలంగాణ ఇచ్చిన వ్యక్తిగా.. సోనియా గాంధీతో వీడియో ద్వారా సందేశం ఇప్పించారు .