Uncategorized

అసెంబ్లీ ఎన్నికల్లో (Assembly Elections) ఓటమి పాలైనప్పటి నుంచి బీఆర్ఎస్ (BRS) పార్టీతో పాటు.. ఆనేతలకు అంతగా కలిసి రావడం లేనట్లుగా తెలుస్తోంది. ఇప్పటికే కంటోన్మెంట్ ఎమ్మెల్యే మరణించడం.. అలాగే ఎన్నికల ప్రచారంలో కేటీఆర్ (KTR) పడిపోవడం.. ఎలక్షన్లు ముగిశాక.. కేసీఆర్ (KCR) తుంటి విరగడం.. కవిత (Kavitha) జైలుకి వెళ్ళడం లాంటి వ్యతిరేకతలు ఎదురైయ్యాయి..

మొత్తానికి పది సంవత్సరాలు ఓ వెలుగు వెలిగిన బీఆర్ఎస్ కు ప్రస్తుతం గడ్డురోజులున్నట్లు టాక్ వినిపిస్తోంది. ఈ క్రమంలో ఉగాది పంచాంగంలో కూడా కాస్త జాగ్రత్తగా ఉండమని పండితులు తెలిపారు.. అయితే తెలుగు వారి కొత్త సంవత్సరం రోజున మరో ఘటన జరిగింది. బీఆర్ఎస్ నేత ప్రయాణిస్తున్న కారు ప్రమాదానికి గురైంది. ఈ ప్రమాదంలో తెలంగాణ (Telangana) రాష్ట్ర కల్లుగీత కార్పొరేషన్ మాజీ చైర్మన్ పల్లె రవి కుమార్ గౌడ్‌ (Palle Ravi Kumar Goud) స్వల్ప గాయాలతో బయటపడ్డారని సమాచారం..

ఖైర‌తాబాద్‌లో ఉన్న ఓ ఆస్ప‌త్రిలో చికిత్స పొందుతున్న త‌న మిత్రుడిని ప‌రామ‌ర్శించి ఇంటికి తిరిగి వెళ్తుండగా.. కొత్తపేట క్రాస్ రోడ్డు సమీపంలో టైరు పగిలిపోవడంతో ఆయన ప్రయాణిస్తున్న కారు అదుపు తప్పింది. వాహనం పక్కనున్న మెట్రో పిల్లర్‌ డివైడర్‌ను ఢీకొట్టింది. వెంటనే కారులోని ఎయిర్ బెలూన్స్ ఓపెన్ కావడంతో పల్లె రవికుమార్ కు తృటిలో ప్రమాదం తప్పింది. అయితే ఈ ప్రమాదంలో ఆయన మిత్రుడు రాజు, డ్రైవర్ ఖదీర్ కు స్వల్పంగా గాయాలైనట్లు తెలుస్తోంది.

ట్విట్టర్(Twitter)లో లేఆఫ్‌లతో ప్రారంభమైన తీసివేతల పర్వం.. ఇప్పుడు ప్రముఖ టెక్ కంపెనీలకు పాకింది. దీంతో వేలాదిమంది ఉద్యోగులు రోడ్డున పడినట్లైయింది. ప్రపంచ వ్యాప్తంగా ఏర్పడిన ఆర్థిక మాంద్యమే ఇందుకు కారణంగా తెలుస్తోంది. ఈ మేరకు అనేక కంపెనీలు వారి కంపెనీల నుంచి ఉద్యోగులను తొలగిస్తున్నాయి.

తాజాగా ఇటాలియన్ – అమెరికన్ ఆటోమేకర్ స్టెల్లాంటిస్ కంపెనీ(Stellantis Company) ఆ జాబితాలో చేరింది. ఒకేఒక్క ఫోన్ కాల్‌తో 400మంది ఉద్యోగులకు లేఆఫ్ ప్రకటించింది ఈ టెక్ కంపెనీ. అమెరికాలోని తమ ఇంజినీరింగ్, టెక్నాలజీ భాగాల్లోని పని చేస్తున్న ఈ 400 మందికి సదరు సంస్థ మార్చి 22వ తేదీన రిమోట్ కాల్ చేసి లేఆఫ్ ప్రకటించింది.

ఈ విషయంపై ప్రపంచ వ్యాప్తంగా పేరొందిన ఫార్చ్యూన్ మేగజైన్ ఓ కథనాన్ని రాసుకొచ్చింది. స్టెల్లాంటిస్ కంపెనీకి భారత్, మెక్సికో, బ్రెజిల్ తదితర దేశాల నుంచి ఔట్ సోర్సింగ్ ఉద్యోగులు సేవలు అందిస్తుండగా.. వారు తక్కువ వేతనాలకే సమర్థవంతంగా పనిచేస్తుండడంతో వారిని ప్రోత్సహిస్తున్నట్లు తెలుస్తోంది.

అయితే వారిని పనిలో పెట్టి రెగ్యులర్ ఉద్యోగులను తొలగించిందీ కంపెనీ. ఇక తొలగించిన ఉద్యోగులను ఉత్త చేతులతో పంపకుండా తగిన పరిహారం అందజేసినట్లు ఆ కంపెనీ చెప్పుకొచ్చింది. ప్రపంచవ్యాప్తంగా ఆటో ఇండస్ట్రీ ఒడిదొడుకులను ఎదుర్కొంటున్న నేపథ్యంలో ఈ నిర్ణయం తీసుకోవాల్సి వచ్చిందని పేర్కొంది.

రాష్ట్రంలో లోక్ సభ ఎన్నికల కోడ్ అమలుకు ముందే జీవో ఎంఎస్ నెంబర్ 26 ద్వారా ప్రభుత్వం కుల గణన చేపడుతున్నట్టు ప్రకటించినందున తక్షణమే ఈ ప్రక్రియపై కసరత్తును మొదలు పెట్టాలని జాతీయ బీసీ దళ్ అధ్యక్షుడు దుండ్ర కుమారస్వామి కోరారు. ఈ మేరకు ఆయన నాయకత్వంలో శుక్రవారం నాడు ఒక ప్రతినిధి బృందం సచివాలయం (Secretariat)లో బీసీ (BC) సంక్షేమశాఖ ముఖ్య కార్యదర్శి బుర్ర వెంకటేశం (Burra Venkatesham)తో ప్రత్యేకంగా భేటీ అయింది.

బలహీనవర్గాలు దశాబ్దాలుగా తమ వాటా తమకు ఇవ్వాలని కోరుతున్న నేపథ్యంలో రాష్ట్రం ప్రభుత్వం సామాజిక ఆర్థిక కులగణనకు ముందుకు రావడం శుభ పరిణామమని పేర్కొన్నారు. ప్రభుత్వం నిర్ణయం తీసుకొని ఉత్తర్వులను జారీ చేయడం హర్షించదగ్గ పరిణామం అని కుమారస్వామి అన్నారు. ఈ సందర్భంగా బుర్ర వెంకటేశం తో మాట్లాడుతూ.. కులగణన ప్రక్రియ చేపట్టడానికి ముందు ఇంటింటికి వెళ్లి వివరాలు సేకరించడానికి ఒక సమగ్రమైన ప్రశ్నావళిని రూపకల్పన చేయవలసి ఉంటుందని సూచించారు.

అదేవిధంగా ఎన్ యు మరెటర్లకు శిక్షణ ఇవ్వాల్సి ఉంటుంది. నియమ నిబంధనలతో కూడిన కర దీపికను రూపొందించాల్సి ఉంటుంది. ఇవన్నీ ముందస్తుగా పూర్తి చేసుకొంటే కుల సర్వేకు మార్గం సులువు అవుతుందని ప్రతినిధి బృందం బుర్ర వెంకటేశం దృష్టికి తీసుకెళ్లారు. కాగా జూన్ నెల వరకు ఎన్నికల కోడ్ అమలులో ఉంటుంది. ఆలోపుగా పైన పేర్కొన్న మిగతా విషయాలన్నీ పూర్తి చేసుకుంటే త్వరితగతిన సర్వేను చేపట్టి పూర్తిచేసే అవకాశం ఉంటుందని సూచించినట్లు ప్రతినిధి బృందం పేర్కొంది.

మరోవైపు దుండ్ర కుమారస్వామి (Dundra Kumaraswamy) నేతృత్వంలో కలిసిన ప్రతినిధి బృందానికి కుల సర్వే పూర్తి చేయడంలో ప్రభుత్వం అన్ని చర్యలను చేపడుతుందని బుర్ర వెంకటేశం హామీ ఇచ్చారు. ఇప్పటికే జీవో 26 విడుదల చేసినందున విధివిధానాల ఖరారులో మిగతా అన్ని అంశాలను ప్రభుత్వం దశలవారీగా చేపడుతుందని ఎలాంటి ఆందోళన చెందాల్సిన అవసరం లేదని అన్నారు.. ఇందుకు ప్రభుత్వం చిత్తశుద్ధిగా కట్టుబడి ఉందని తెలిపారు..

నమ్మితిని శిద్దా అంటే నడి నెత్తిన చేయి పెట్టనా అన్నాడట వెనుకట.. ప్రస్తుతం రాష్ట్రంలో ఇలాంటి లీలలు ఎన్నో చూపించిన కేసీఆర్ సారు.. తెలంగాణ (Telangana)కు మనం తప్ప ఎవరు లేరనేలా ప్రవర్తించి నిండా ముంచారని జనం అనుకుంటున్నారు. చివరికి ఒక్క ఓటమితో.. కారు నిండా మునిగే సమయం ఆసన్నమైనా అవే పోకడలు.. అవే ప్రగల్భాలు మాట్లాడుతున్నారని అనుకొంటున్నారు..

అందుకే ప్రస్తుతం బీఆర్ఎస్ (BRS) నేతలు పార్టీకి రామ్ రామ్ అంటూ వెళ్లిపోతున్నా గులాబీ పెద్ద బాస్, చిన్న బాస్ పాత పాట ప్లే చేయడం వల్ల పార్టీకి పిసరంత లాభం లేదంటున్నారు.. మూలిగే నక్క మీద తాటికాయ పడినట్లు ఇంతలో పార్లమెంట్ ఎన్నికలు రావడంతో అసలు పార్టీలో మిగిలే వారెందరు అనే అనుమానాలు మొదలైనట్లు తెలుస్తోంది. అందులో నేతల వలసలు టెన్షన్ పెట్టిస్తున్నాయి.

కొండ నాలుకకి మందు వేస్తే ఉన్న నాలుక ఉడినట్లు.. జాతీయ రాజకీయాల్లో కీ రోల్ పోషిస్తామని మహారాష్ట్రలో అడుగు పెట్టిన కేసీఆర్ కు అసలుకే ఎసరు వచ్చింది. మహారాష్ట్ర (Maharashtra) బీఆర్ఎస్ పార్టీ జనరల్ సెక్రటరీ మాణిక్ రావు పార్టీకి గుడ్ బై చెప్పారు. ఎన్సీపీ (NCP)లో చేరారు. ఆయనకు అజిత్ పవార్ కీలక పోస్ట్ ఇచ్చారు. ఎన్సీపీ కిసాన్ సెల్ అధ్యక్షుడిగా మాణిక్ రావును నియమించారు. కాగా ఈయనతో పాటు పలువురు బీఆర్ఎస్ నాయకులు సైతం ఎన్సీపీ గూటికి చేరారు.

మరోవైపు తెలంగాణ అసెంబ్లీ ఎన్నికల్లో బీఆర్ఎస్ పరాజయం తర్వాత నెలల తరబడి అధినాయకత్వం సైలెంట్ గా ఉండటం, కేంద్ర నాయకత్వం నుంచి ఎలాంటి దిశానిర్దేశనం లేకపోవడంతో తమ రాజకీయ భవిష్యత్తు కోసం తాము ఈ నిర్ణయం తీసుకున్నట్లు పేర్కొన్నారు. ఇప్పటికే ఏపీలో సైతం గులాబీ వాడిపోగా.. రాష్ట్రంలో పార్టీ కేడర్ అయోమయంగా మారింది. ఈ పరిస్థితుల్లో మహారాష్ట్రను పట్టించుకోవడం మానేసింది. దీంతో ఇక్కడి నేతలు బీఆర్ఎస్ కు హ్యాండ్ ఇవ్వక తప్పలేదని తెలుస్తోంది..

సీఎం రేవంత్ రెడ్డి (CM Revanth Reddy) పాలమూరు (Palamuru)లో చేసిన వ్యాఖ్యలు రాష్ట్ర రాజకీయాల్లో సంచలనంగా మారాయి.. ఇప్పటికే పలువురు బీఆర్ఎస్ నేతలు ఈ వ్యాఖ్యలను ఖండిస్తున్నారు. తాజాగా మాజీ మంత్రి హరీష్ రావు కూడా ఈ విషయంలో స్పందించారు. ఒక ముఖ్యమంత్రి స్థానంలో ఉండి అలా మాట్లాడటం సరికాదని సూచించారు.. ప్రభుత్వం పై విమర్శలకు దిగారు.. అంతగా తిట్టాలని ఉంటే రేవంత్.. తన గురువు చంద్రబాబును తిట్టాలి. కాంగ్రెస్ చేసిన మోసాలను నిందించాలని తెలిపారు..

మహబూబ్ నగర్ వెనుకబాటు తనానికి నాటి టీడీపీ (TDP), కాంగ్రెస్ (Congress) పాలనలే కారణమని ఆరోపించారు. చంద్రబాబు పాపాలు, కాంగ్రెస్ లోపాలు, పాలమూరు పాలిట శాపాలుగా మారాయని విమర్శించారు.. సంగారెడ్డిలో మీడియాతో మాట్లాడిన హరీష్ రావు (Harish Rao).. పాలమూరు వలసలకు కారణం ఆ రెండు పార్టీలేనన్నారు. గత ప్రభుత్వాలు ప్రాజెక్టుల పేర్లు మార్చాయి తప్ప పనులు పూర్తి చేయలేదని విమర్శించారు. పెండింగ్ ప్రాజెక్టును రన్నింగ్ ప్రాజెక్టులుగా మార్చిన కేసీఆర్ ను తిట్టడం అవివేకమని ద్వజమెత్తారు.

పేగులు మెడలో వేసుకొని రాక్షసులు తిరుగాతరని సీఎం అనడం సరికాదన్నారు.. పడిగట్టు పదాలు, పరుష పదజాలంతో పరిపాలన సాగదని హెచ్చరించారు. ప్రతిపక్షంలో ఉన్నట్లు రెచ్చగొట్టే వ్యాఖ్యలు చేయడం సరికాదు. చిల్లర మల్లర భాష మాట్లాడి పదవి గౌరవం తగ్గించుకోవద్దని హితవు పలికారు. నా ఎత్తు గురించి ఆయన మాట్లాడుతరు. నేను అలా మాట్లాడి విలువ తగ్గించుకోను. కుసంస్కారాంగా మాట్లాడటం వల్ల విలువ దిగజారుతుందని హరీష్ రావు తెలిపారు.

మరోవైపు కేసీఆర్ కిట్లు తెస్తే, రేవంత్ రెడ్డి తిట్లతో పోటీ పడుతున్నారని తీవ్ర స్థాయిలో విరుచుకుపడ్డారు. మహబూబ్ నగర్ ప్రజలను రెచ్చగొట్టి రాజకీయ లబ్ధి పొందే ప్రయత్నం చేస్తున్నారని ఆరోపించారు. బీఆర్ఎస్ పాలనలో ఎన్ని బతుకులు బాగుపడ్డాయి. ఎన్ని కొత్త జిల్లాలు ఏర్పడ్డాయి. ఎన్ని రెవెన్యూ డివిజన్లు, మండలాలు ఏర్పడ్డాయో చూస్తే కేసీఆర్ ఏం చేశారో…రేవంత్ రెడ్డికి అర్థం అవుతుందని తెలిపారు.

పార్లమెంట్ ఎన్నికలు ఉన్నాయని ప్రజలను దృష్టి మరల్చే యత్నం సరికాదన్న హరీష్ రావు.. సభలలో మంచి వాదనలు వినిపించండని సూచించారు. ఓట్లు సీట్లే కాదు ముఖ్యం.. నిజాయతీ కూడా గొప్ప లక్షణం అని రేవంత్ రెడ్డి కి హితవు పలికారు.

రైతుల(Farmers)తో కేంద్ర మంత్రులు జరిపిన చర్చలు విఫలం కావడంతో రైతు సంఘాలు (Farmers’ Unions) మరోసారి ‘ఛలో ఢిల్లీ’ కార్యక్రమాన్ని చేపట్టాయి. ఢిల్లీలోకి ప్రవేశించేందుకు పంజాబ్-హరియాణా సరిహద్దు శంభు ప్రాంతం వద్ద రైతులు ప్రయత్నించారు. ఈ నేపథ్యంలో అన్నదాతలను చెదరగొట్టేందుకు భద్రతా బలగాలు(Security forces) టియర్ గ్యాస్(Tear gas)ను ప్రయోగించాయి. దీంతో అక్కడ ఉద్రిక్త వాతావరణం నెలకొంది.

రైతుల ఢిల్లీ చలో కార్యక్రమం నేపథ్యంలో దిల్లీ-గురుగ్రామ్‌, దిల్లీ-బహదూర్‌గఢ్‌ సహా ఇతర ప్రాంతాల్లో పోలీసులు భారీ బలగాలను మోహరించారు. దీంతో ట్రాఫిక్‌కు అంతరాయం ఏర్పడింది. ఢిల్లీ, హరియాణాలోని రెండు సరిహద్దు ప్రాంతాలై టిక్రీ, సింఘూను కాంక్రీట్‌తో చేసిన వివిధ అంచెల బారికేడ్లు, ఇనుప మేకులుసహా పోలీసు, పారా మిలిటరీ బలగాలను భారీగా మోహరించటం ద్వారా సరిహద్దులను దాదాపు మూసివేశారు.

అయితే, ఇప్పటికే పలుమార్లు రైతులతో చర్చించిన కేంద్ర ప్రభుత్వం, మరోసారి చర్చలు జరిపేందుకు సిద్ధమైంది. ఐదో విడత చర్చలకు పిలుపునిచ్చింది. ఈ మేరకు కేంద్ర వ్యవసాయ శాఖ మంత్రి అర్జున్ ముండా ఎక్స్‌(ట్విటర్‌)లో పోస్టు పెట్టారు. “రైతుల డిమాండ్లపై మరోసారి చర్చించేందుకు కేంద్రం సిద్ధంగా ఉంది. చర్చలకు రైతు సంఘం నాయకులను మరోసారి ఆహ్వానిస్తున్నాను. శాంతియుత వాతావరణాన్ని కొనసాగించడం ముఖ్యం” అని పేర్కొన్నారు.

#WATCH | On 5th round of talks with farmers, Union Agriculture Minister Arjun Munda says, "…..No information has come yet (from farmers' side). We appeal that we should move forward for talks and present our stand. The government also wants to move forward and find a solution." pic.twitter.com/zXMzOgDygX

— ANI (@ANI) February 21, 2024

అదేవిధంగా కేంద్ర వ్యవసాయ మంత్రి అర్జున్‌ ముండా మీడియాతో మాట్లాడుతూ.. ‘‘రైతులతో చర్చలకు ప్రభుత్వం సిద్ధంగా ఉంది. ఎంఎస్‌పీ, పంట మార్పిడి, వ్యర్ధాల దహనంపై మరోసారి చర్చలకు రావాల్సిందిగా రైతులను ఆహ్వానిస్తున్నాం. గత ఆందోళనలో రైతులపై నమోదైన ఎఫ్‌ఐఆర్‌ ఎత్తివేతపై చర్చిస్తాం. శాంతి నెలకొనాలంటే చర్చలు చాలా ముఖ్యం. రైతుల వైపు నుంచి ఇంకా ఎలాంటి సమాచారం రాలేదు. చర్చలకు వచ్చి వారి వైఖరిని తెలియజేయాలని విజ్ఞప్తి చేస్తున్నాం” అని పేర్కొన్నారు.

మరోవైపు, సరిహద్దుల వద్ద రైతులు తీసుకొచ్చిన జేసీబీ యంత్రాలను తక్షణమే అక్కడి నుంచి తరలించాలని పోలీసులు ఆదేశాలు జారీ చేశారు. లేకుంటే కఠిన చర్యలు తీసుకుంటామని హెచ్చరించారు. తాజా పరిస్థితుల నేపథ్యంలో హరియాణాలోని ఏడు జిల్లాల్లో ఇంటర్నెట్‌ సేవలపై నిషేధం విధించారు.

VIDEO | Farmers' 'Delhi Chalo' march: Security forces fire tear gas shells as agitating farmers try to proceed to Delhi from Punjab-Haryana #ShambhuBorder.#FarmersProtest

(Full video available on PTI Videos – https://t.co/n147TvrpG7) pic.twitter.com/hJCbowtYmi

— Press Trust of India (@PTI_News) February 21, 2024

ఓ భ‌క్తుడు ఆల‌యంలో గొంతు కోసుకుని ఆత్మ‌హ‌త్య‌ చేసుకున్నాడు. ఈ విషాద ఘటన మ‌ధ్య‌ప్ర‌దేశ్‌(Madhya Pradesh)లోని మెహ‌ర్ జిల్లా(Mehar District)లో సోమ‌వారం రాత్రి చోటు చేసుకుంది. ర‌క్త‌పు మ‌డుగులో ప‌డి ఉన్న భ‌క్తుడిని చూసి స్థానికులు భయాందోళనకు గురయ్యారు.

వివ‌రాల్లోకి వెళ్తే.. ఉత్త‌ర‌ప్ర‌దేశ్‌లోని ప్ర‌యాగ్‌రాజ్‌కు చెందిన ల‌ల్లారామ్(37) మెహ‌ర్ జిల్లాలోని శార‌ద మాతా ఆల‌యానికి సోమ‌వారం రాత్రి చేరుకున్నాడు. త‌న వెంట తెచ్చుకున్న క‌త్తితో ల‌ల్లారామ్ గొంతు కోసుకుని ఆత్మ‌హ‌త్య చేసుకున్నాడు.

ర‌క్త‌పు మ‌డుగులో ప‌డి ఉన్న లల్లారామ్‌ను గ‌మ‌నించిన స్థానికులు వెంటనే పోలీసుల‌కు స‌మాచారం అందించారు. ఘ‌ట‌నాస్థ‌లానికి చేరుకున్న మెహ‌ర్ పోలీసులు మృతదేహాన్ని, భ‌క్తుడికి స‌మీపంలో లభ్యమైన క‌త్తిని స్వాధీనం చేసుకున్నారు.

ఈ ఘ‌ట‌న‌పై కేసు న‌మోదు చేసుకున్న పోలీసులు ద‌ర్యాప్తు చేప‌ట్టారు. అయితే, లల్లారామ్‌ ఆత్మ‌హ‌త్య‌కు గ‌ల కార‌ణాలు తెలియాల్సివుంది. ఈ ఆల‌యానికి ప్ర‌తీ వంద‌ల మంది భ‌క్తులు వ‌చ్చి ద‌ర్శ‌నం చేసుకుంటార‌ని తెలిపారు. అయితే, గ‌తంలో ఈ ఆల‌యంలో కొంత మంది భ‌క్తులు త‌మ నాలుక‌ల‌ను కోసుకునేందుకు య‌త్నించిన‌ట్లు స్థానికులు చెబుతున్నారు.

వైఎస్ జగన్మోహన్ రెడ్డి(Jaganmohan Reddy)ని ఎవరూ ఓడించలేరని మంత్రి జోగి రమేష్(Minister Jogi Ramesh)కీలక వ్యాఖ్యలు చేశారు. మరో 20 ఏళ్లు ఆంధ్రప్రదేశ్‌లో జగన్ పాలనే ఉంటుందని ధీమా వ్యక్తం చేశారు. వచ్చే ఎన్నికల్లో పెనమలూరులో వైసీపీ జెండా ఎగరడం ఖాయమని మంత్రి విశ్వాసం వ్యక్తం చేశారు.

అదేవిధంగా మంత్రి జోగి రమేష్ పెనమలూరు నియోజకవర్గం పర్యటన సందర్భంగా మాట్లాడుతూ.. పడమట సురేష్ నా తమ్ముడు అనీ… నాతోనే వస్తాడు అనే నమ్మకం ఉందని తెలిపారు. అయితే, రాజశేఖరరెడ్డి అనుచరులు అందరూ మళ్లీ జగన్‌ను ముఖ్యమంత్రిని చేయాలనే పట్టుదలతో ఉన్నారని పేర్కొన్నారు.

కాగా, వైఎస్ షర్మిల చంద్రబాబును కలవడంలో తప్పేమీ లేదన్నారు మంత్రి జోగి రమేష్. శుభకార్యానికి ఎవరినైనా పిలవచ్చని తెలిపారు. అందులో భాగంగానే చంద్రబాబును కలిసి తన కుమారుడి వివాహానికి రావాలని షర్మిల ఆహ్వానించారని మంత్రి పేర్కొన్నారు.

అయితే, మా నాయకుడు వైఎస్ జగన్మోహన్ రెడ్డి బలంగా ఉండటంతోనే.. అందరూ కలిసికట్టుగా వస్తున్నారని మంత్రి జోగి రమేష్ చెప్పారు. ప్రజా యుద్ధంలో ఎవరూ వైఎస్ జగన్‌ను ఓడించలేరన్నారు. 20 ఏళ్ల పాటు జగన్ ఈ రాష్ట్రాన్ని పాలిస్తారని మంత్రి స్పష్టం చేశారు.