Politics

తెలంగాణ (Telangana)లో ఎన్నికలు ఇంకా జరగలేదు.. అప్పుడే నేతలు తమదే విజయం అనే ధీమాలో ఉన్నారని జనం అనుకుంటున్నారు. ఇప్పటికే రాష్ట్రంలో అధికార పగ్గాలు చేపట్టేది తామే అని కాంగ్రెస్ (Congress) ప్రచారం చేసుకుంటుండగా.. కాదు కాదు తెలంగాణలో గుబాళించేది గులాబీ అని కారు పార్టీ నేతలు టాప్ గేర్ లో ప్రచారాలు నిర్వహిస్తున్నారు. మంత్రుల నుంచి నేతలు, కార్యకర్తల వరకు ఇవే మాటలు మాట్లాడుకోవడం నిత్యం వినిపిస్తున్నాయి.

ఇక తెలంగాణ సాహిత్య అకాడమీ చైర్మన్‌ జూలూరి గౌరీ శంకర్‌ వెలువరించిన ‘కాంగ్రెస్‌ చేసిందేంది’అనే సంకలనాన్ని ప్రగతిభవన్‌ (Pragati Bhavan)లో ఆవిష్కరించారు. ఈ కార్యక్రమానికి హాజరైన మంత్రి కేటీఆర్‌ (KTR) మరోసారి కాంగ్రెస్ పై విరుచుకు పడ్డారు. తెలంగాణను పునర్నిర్మిస్తున్నదెవరో ఇక్కడి మట్టికి తెలుసునన్న కేటీఆర్‌.. గోల్‌మాల్‌ కాంగ్రెస్‌ను ప్రజలు నమ్మరని విమర్శించారు.

తెలంగాణ ప్రజలను మభ్యపెట్టడం కాంగ్రెస్‌ వల్ల కాదని.. డిసెంబర్‌ 3న తెలంగాణ అంతా గులాబీమయం కాబోతున్నదని కేటీఆర్‌ ధీమా వ్యక్తం చేశారు.. కాంగ్రెస్‌ ఎన్ని కుట్రలు పన్నినా 30న బ్యాలెట్‌ బాక్సుల్లో నుంచి బయటకు వచ్చే బీఆర్‌ఎస్‌ విజయం దొంగ పార్టీలకు చెమటలు పట్టిస్తుందని విమర్శించారు. కాంగ్రెస్‌ పాలనలో ఎండిన భూములు బీఆర్‌ఎస్‌ పాలనలో పచ్చగా మారాయని కేటీఆర్‌ తెలిపారు.

ఈ సందర్భంగా కాంగ్రెస్‌ వ్యవహారాన్ని కళ్లకు కట్టినట్లుగా పుస్తకాన్ని రూపంలో వెలువరించిన జూలూరి గౌరీశంకర్‌ను కేటీఆర్‌ అభినందించారు. మరోవైపు తెలంగాణలో నవంబర్ 30వ తేదీన ఎన్నికలు జరగనున్నాయి. డిసెంబర్ 3న ఎన్నికల ఫలితాలు వెలువడుతాయి.

రాష్ట్రంలో నేతల భవిష్యత్ తేలడానికి ఇంకా మూడు వారాల సమయం ఉన్న నేపథ్యంలో.. ప్రచారంలో జోరు పెంచారు ఎన్నికల బరిలో అభ్యర్థులు.. ఈ క్రమంలో ఘాటు వ్యాఖ్యలతో విమర్శలకు దిగుతున్నారు. ఇప్పటికే కాంగ్రెస్, బీఆర్​ఎస్ మధ్య మాటల యుద్ధం తీవ్ర స్థాయిలో ఉండగా.. తాజాగా కారు సర్కార్ పై మండిపడ్డారు కేంద్ర మంత్రి, బీజేపీ రాష్ట్ర అధ్యక్షుడు కిషన్ రెడ్డి (Kishan-Reddy)..

అంబర్ పేట (Amberpet) ప్రేమ్ నగర్ లో బీజేపీ (BJP) అభ్యర్థి కృష్ణ యాదవ్ తరపున కిషన్ రెడ్డి పాదయాత్రలో పాల్గొన్నారు. ఈ సందర్భంగా కీలక వ్యాఖ్యలు చేశారు. బీఆర్‌ఎస్‌ (BRS) ప్రభుత్వానికి పేదల సమస్యల పట్ల చిత్తశుద్ది లేదని కిషన్‌ రెడ్డి విమర్శించారు. నిరుద్యోగులను, ఉద్యోగులను, బడుగు బలహీన వర్గాలను గత తొమ్మిది సంవత్సరాలుగా మోసం చేస్తున్న కేసీఆర్ (KCR)..ఏ ఒక్క హామీ నిలబెట్టుకోలేదు కానీ ఓట్లు కావాలని ప్రజల ముందుకు రావడం సిగ్గుచేటని కిషన్ రెడ్డి మండిపడ్డారు.

ప్రస్తుతం తెలంగాణ ఆర్థిక వ్యవస్థ అతలాకుతలం అయ్యిందన్న కిషన్ రెడ్డి.. రాష్ట్ర ఆర్థిక వ్యవస్థ సజావుగా ముందుకు పోవాలంటే మోడీ నాయకత్వంలో డబుల్ ఇంజిన్ సర్కార్ రావాల్సిందేనని పేర్కొన్నారు. బీఆర్​ఎస్ సర్కార్.. ప్రగతిభవన్‌ను 4 నెలల్లో, సచివాలయాన్ని 8 నెలల్లో నిర్మించింది కానీ తొమ్మిది ఏళ్లు గడుస్తున్నా పేదల ఇల్లు మాత్రం ఇప్పటి వరకు అందివ్వలేకపోతుంది.. అసలు పేదలకు ఇచ్చే ఇళ్లపై కేసీఆర్‌కు చిత్తశుద్ది లేదని కిషన్ రెడ్డి ఆగ్రహం వ్యక్తం చేశారు.

బీఆర్ఎస్ ఎమ్మెల్యే గడిచిన ఐదేళ్లలో అంబర్ పేటలో చేసిన అభివృద్ధి ఏంటో.. సీఎం కేసీఆర్, మంత్రి కేటీఆర్ తెలపాలని కిషన్ రెడ్డి అన్నారు. తాను బీజేపీ ఎమ్మెల్యేగా ఉన్నప్పుడు 21 స్కూళ్లు, ఒక బీసీ హాస్టల్, ఐదు సబ్ స్టేషన్లను ,100 నూతన కమ్యూనిటీ హాల్ లను నిర్మించానని కిషన్ రెడ్డి తెలిపారు. అంబర్ పేటలో ఫ్లైఓవర్ నిర్మాణం చేపట్టి, మూసీ నదిపై బ్రిడ్జి నిర్మించడమే కాకుండా వరదనీరు వస్తే ఇండ్లు ముంపుకు గురికాకుండా చర్యలు తీసుకున్నామని కిషన్ రెడ్డి తెలిపారు. కేసీఆర్‌ మళ్లీ అధికారంలోకి వస్తే పేదలకు ఇక ఎప్పుడూ ఇళ్లు రావని ఆరోపించారు..

తెలంగాణ అసెంబ్లీ ఎన్నికల(Telangana Assembly Elections) కు మరో 17రోజులు మాత్రమే మిగిలి ఉంది. ఇలాంటి పరిస్థితుల్లో మరోసారి ఐటీ దాడులు(IT Raids) కలకలం రేపాయి. తాజాగా తెలంగాణ విద్యాశాఖ మంత్రి సబితా ఇంద్రారెడ్డి(Minister Sabitha Indra Reddy) బంధువుల ఇళ్లలో కూడా సోదాలు నిర్వహిస్తున్నారు. ఉదయం నుంచి నగరంలో మొత్తం 15 చోట్ల ఈ దాడులు జరుగుతున్నాయి.

నాలుగు రోజుల క్రితం ఖమ్మం జిల్లా కాంగ్రెస్ నేత, మాజీ ఎంపీ పొంగులేటి శ్రీనివాస్ రెడ్డి నివాసంపై కూడా ఐటీ అధికారులు సోదాలు చేశారు. ఖమ్మంతో పాటు హైదరాబాద్‌లోని ఆయన ఇళ్లు, కార్యాలయాల్లో ఐటీ దాడులు జరిగాయి. వారం రోజులక్రితం మహేశ్వరం నియోజకవర్గ కాంగ్రెస్ నాయకుడు పారిజాత నరసింహారెడ్డి, ఆ పార్టీ అభ్యర్థి కేఎస్ఆర్, మాజీ మంత్రి జానారెడ్డి నివాసాలపై కూడా ఐటీ దాడులు జరిగిన సంగతి తెలిసిందే.

ఈ దాడులపై కాంగ్రెస్ నేతలు స్పందిస్తూ.. బీజేపీ, బీఆర్ఎస్‌లు పరస్పరం కుమ్మక్కయ్యాయని, తమ పార్టీ నేతల ఇళ్లను టార్గెట్ చేస్తున్నాయని ఆరోపించారు. ఎన్నికలకు ముందు గ్రూపుల వారీగా ఐటీ దాడులు చేస్తున్నారని ఘాటుగా విమర్శించారు. అయితే ప్రస్తుతం బీఆర్ఎస్ మంత్రి సబితా ఇంద్రారెడ్డి బంధువుల ఇళ్లలో ఐటీ సోదాలు జరుగుతున్నాయి. ఫార్మా కంపెనీ యజమాని, డైరెక్టర్, సిబ్బంది, ఇంటి కార్యాలయంలో సోదాలు చేస్తున్నారు.

మొన్నటి వరకు రాజకీయ నాయకులను టార్గెట్ చేసిన ఐటీ అధికారులు ఇప్పుడు ఫార్మా కంపెనీలను టార్గెట్ చేసినట్లు వార్తలు వస్తున్నాయి. ఎన్నికలు సమీపిస్తున్న తరుణంలో రాజకీయ నేతలకు ఫార్మా కంపెనీలు నిధులు ఇస్తారనే అంచనాతో ఈ దాడులు జరుగుతున్న సంగతి తెలిసిందే.