Politics

అసెంబ్లీ ఎన్నికలకు సంబంధించి భారతీయ జనతా పార్టీ (BJP) తమ అభ్యర్థుల నాలుగవ జాబితా(4th LIST) ను విడుదల చేసింది. ఈ జాబితాలో 12 మంది అభ్యర్థుల పేర్లను విడుదల చేసింది. ఇప్పటికే మూడు దశల్లో 88 నియోజకవర్గాలకు అభ్యర్థులను ఖరారు చేసింది.

బీజేపీ తెలంగాణ నాలుగవ జాబితాలో చెన్నూరు బీజేపీ అభ్యర్థిగా దుర్గం అశోక్, ఎల్లారెడ్డి బీజేపీ అభ్యర్థిగా సుభాష్ రెడ్డి, కొడంగల్ అభ్యర్థిగా బంటు రమేష్ కుమార్, గద్వాల్ అభ్యర్థిగా బోయ శివ, మిర్యాలగూడెం అభ్యర్థిగా సాధినేని శ్రీనివాస్, హుస్నాబాద్‌ అభ్యర్థిగా బొమ్మ శ్రీరామ్ చక్రవర్తి, సిద్దిపేట అభ్యర్థిగా దూది శ్రీకాంత్‌రెడ్డి, వికారాబాద్ అభ్యర్థిగా పెద్దింటి నవీన్ కుమార్, వేములవాడ బీజేపీ అభ్యర్థిగా తుల ఉమ, మునుగోడు అభ్యర్థిగా కృష్ణారెడ్డి, నకిరేకల్ అభ్యర్థిగా మొగులయ్య, ములుగు అభ్యర్థిగా అజ్మీరా ప్రహాద్‌నాయక్ పేర్లను ప్రకటించారు.

ఇప్పటికే గోషామహల్ అభ్యర్థి రాజాసింగ్, కరీంనగర్ అభ్యర్థి బండి సంజయ్‌లు భారీ ర్యాలీతో నామినేషన్లను అధికారులకు సమర్పించారు. మంగళవారం ఈటల రాజేందర్ గజ్వేల్ నియోజకవర్గంలో నామినేషన్ చేశారు. ఈ కార్యక్రమం అనంతరం ఇవాళ హైదరాబాద్‌లోని ఏర్పాటు చేస్తున్న బీసీ ఆత్మగౌరవ సభకు ప్రధాని మోడీ విచ్చేయనుండడంతో ఆ ఏర్పాట్లను పర్యవేక్షిస్తున్నారు. దాదాపు 20 నిమిషాల పాటు సాగనున్న ప్రధాని ప్రసంగంలో పలు కీలక హామీలు ప్రకటించే అవకాశం ఉన్నట్లు పార్టీ వర్గాలు వెల్లడించాయి.

బీజేపీ ఇప్పటి వరకు మొత్తం 100 స్థానాలకు అభ్యర్థులను ప్రకటించింది. మరో 19 స్థానాలు పెండింగ్‌లో పెట్టింది. ఈ 19 స్థానాల్లో 12 బీజేపీకి.. మరో 7 స్థానాలు జనసేనకు కేటాయించాలని నిర్ణయించినట్లు సమాచారం. ఆ పేర్లనూ అతి త్వరలోనే మిగిలిన అభ్యర్థుల ప్రకటించే అవకాశాలు ఉన్నాయి. మరోవైపు.. ఇప్పటికే అభ్యర్థులను ప్రకటించిన నియోజకవర్గాల్లో బీజేపీ ప్రచారాలను ముమ్మరం చేసింది. బీ ఫారంలు అందుకున్న నేతలు నామినేషన్లు దాఖలు చేసి ఓటర్లను ప్రసన్నం చేసుకునే పనిలో నిమగ్నమయ్యారు.

సీఎం కేసీఆర్ అక్రమాలకు మేడిగడ్డ బ్యారేజే నిదర్శనమని నల్లగొండ ఎంపీ, హుజూర్ నగర్ అసెంబ్లీ కాంగ్రెస్ పార్టీ(Congress party) అభ్యర్థి ఉత్తమ్ కుమార్ రెడ్డి(Uttam Kumar Reddy) అన్నారు. హుజూర్ నగర్ నియోజకవర్గంలోని మఠంపల్లి, గరిడేపల్లి, నేరేడుచర్ల, పాలకవీడులో బూత్ కమిటీ సమావేశాల్లో ఆయన పాల్గొని మాట్లాడారు.

బీఆర్ఎస్(BRS) మంత్రులు ఎమ్మెల్యేలు ఏదీ వదిలిపెట్టలేదని, అన్నింటిని దోసుకున్నారని ఆరోపించారు. డ్యాములు భూకంపాలు వచ్చినా తట్టుకోవాలని … కానీ ముట్టుకోకుండానే కుంగిపోతున్నాయని ఉత్తమ్ విమర్శించారు. మేడిగడ్డ ప్రాజెక్టు ఏ విధంగా అయితే కుంగిపోయిందో ఈ ఎన్నికల్లో తెలంగాణ ప్రభుత్వం కూడా అలాగే కుంగిపోతుందని స్పష్టం చేశారు. మేడిగడ్డ బ్యారేజ్ కుంగటం, అన్నారంలో బుంగలు పడటం ప్రపంచంలోనే అరుదైన ఘటనలు అని వ్యాఖ్యానించారు.

కాంగ్రెస్ ప్రభుత్వ హయాంలో ఏర్పాటు చేసిన నాగార్జునసాగర్, పోచంపాడు, శ్రీశైలం ప్రాజెక్టులు 60 ఏళ్ల కింద కట్టిన నేటికీ చెక్కుచెదరకుండా ఉన్నాయని గుర్తు చేశారు. నవంబర్ 30న తలరాతలు మారబోతున్నాయని, కాంగ్రెస్ పార్టీ ప్రజల పక్షాన నిలబడి మాట్లాడుతోందని తెలిపారు. రైతుబంధు విషయంలో కానీ ప్రభుత్వ పథకాలలో తాను ఎలాంటి వ్యాఖ్యలు చేయలేదని, స్వయంగా రాష్ట్ర ఎన్నికల కమిషనర్ రజత్ కుమార్ స్పష్టం చేశారని తెలిపారు. ఓటమి భయంతోనే కేసీఆర్ అబద్ధాలు ఆడుతున్నారని అన్నారు.

రాష్ట్రంలో బై బై కేసీఆర్ అని.. హుజూర్ నగర్ లో బైబై సైదిరెడ్డి అని ప్రజలు చెబుతారని అన్నారు. రానున్న ఎన్నికల్లో 50వేల మెజార్టీకి ఒక్క ఓటు తగ్గిన తను రాజకీయాల నుంచి తప్పుకుంటానని మరోసారి స్పష్టం చేశారు. ఈనెల 10న కోదాడ హుజూర్ నగర్ లో కర్ణాటక ఉప ముఖ్యమంత్రి డీకే శివకుమార్ వస్తున్నారని, రోడ్ షోలో పాల్గొంటారని తెలిపారు.

డిసెంబర్ మొదటి వారంలో కాంగ్రెస్ ప్రభుత్వం ఏర్పాటు కాబోతుందని ధీమా వ్యక్తం చేశారు. కాంగ్రెస్ పార్టీ కర్ణాటక హిమాచల్ ప్రదేశ్ పాటు పలు రాష్ట్రాల్లో ఎన్నికల్లో ఇచ్చిన హామీలను నెరవేరుస్తున్నట్లు తెలిపారు. గతంలో కాంగ్రెస్ ప్రభుత్వం రుణమాఫీ చేసిందని కానీ ఈ ప్రభుత్వం రైతుల రుణమాఫీ నేటికీ చేయలేదని అన్నారు. తెలంగాణ రాష్ట్రంలో అధికారంలోకి రాగానే ఆరు గ్యారంటీలను తప్పక అమలు చేస్తామన్నారు.

భారతీయ జనతా పార్టీ(BJP) బీసీ ఆత్మగౌరవ సభను ప్రతిష్టాత్మకంగా నిర్వహిస్తోంది. ఈ సందర్భంగా ప్రధాని మోడీ (Modi) నేడు తెలంగాణకు రానున్నారు. బీజేపీ ఆధ్వర్యంలో హైదరాబాద్‌లో నిర్వహించే బీసీ ఆత్మగౌరవ సభలో ప్రధాని హాజరుకానున్నారు. ఈ సభలో ప్రధానితో పాటు జనసేన చీఫ్ పవన్ కల్యాణ్ పాల్గొననున్నారు.

అసెంబ్లీ ఎన్నికల్లో అధికారంలోకి వస్తే బీసీ వ్యక్తినే సీఎం చేస్తామని బీజేపీ వాగ్దానం చేసిన సంగతి తెలిసిందే. ఇటీవల అమిత్ షా మాట్లాడుతూ.. తెలంగాణలో తాము అధికారంలోకి వచ్చాక బీసీ వ్యక్తిని ముఖ్యమంత్రి సీటుపై కోర్చోబెడతామని చెప్పారు. ఈ నేపథ్యంలో బీసీ ఆత్మగౌరవ సభకు తెలంగాణ బీజేపీ నేతలు పూర్తి చేశారు. ప్రధాని మోడీని సాదరంగా ఆహ్వానించడానికి సాయంత్రం ఎయిర్‌పోర్టుకు బయల్దేరనున్నారు.

అదేవిధంగా, ప్రధాని సభకు హైదరాబాద్‌లోని పరేడ్ గ్రౌండ్ మరోసారి వేదిక కానుంది. ఈనెల 11న ప్రధాని మోడీ మరోమారు తెలంగాణ పర్యటనకు వస్తారు. పరేడ్ గ్రౌండ్‌లో నిర్వహించే ఎస్సీ వర్గీకరణ లక్ష్యంగా నిర్వహిస్తున్న ‘ఎస్సీ అణగారిన వర్గాల సభ’లో ప్రధాని ప్రసంగిస్తారు. అందుకు తగిన షెడ్యూల్‌ను నిర్ణయించారు.

మంగళవారం సాయంత్రం 5.05గంటలకు యూపీ ప్రయాగ్ రాజ్ నుంచి హైదరాబాద్ బేగంపేట ఎయిర్ పోర్ట్‌కు ప్రధాని మోడీ చేరుకుంటారు. 5.10గంటలకు అక్కడి నుంచి బయలు దేరి 5.25కు ఎల్బీ స్టేడియం చేరుకుంటారు. 5.30 నుంచి 6.10 గంటల వరకు బహిరంగ సభలో పాల్గొంటారు. 6.15 గంటలకు బయలు దేరి బేగంపేట ఎయిర్ పోర్ట్ నుంచి ఢిల్లీకి పయనమవుతారు. మోడీ మళ్లీ తెలంగాణకు 11వ తేదీన వస్తారు. ఎస్సీ అణగారిన వర్గాల సభలో పాల్గొంటారు.