Politics

సీఎం కేసీఆర్(CM KCR) తుపాకీ రాముడి కథలు చెప్పి రూ.లక్ష కోట్ల రూపాయలు వెనకేసుకున్నాడని కాంగ్రెస్ పార్టీ(Congress Party) పాలేరు నియోజకవర్గ ఎమ్మెల్యే అభ్యర్థి పొంగులేటి శ్రీనివాస్‌రెడ్డి((Ponguleti Srinivas Reddy) ఆరోపించారు. సోమవారం ఆయన మీడియాతో మాట్లాడుతూ సీఎం కేసీఆర్‌పై నిప్పులు చెరిగారు.

పది సంవత్సరాల బీఆర్ఎస్ పాలనలో సీఎం కేసీఆర్ చేసిందేమీ లేదని ధ్వజమెత్తారు. తుపాకీ రాముడు కథలు చెప్పి రూ.లక్ష కోట్ల ఆస్తులు సంపాదించారని ఆరోపించారు. అదేవిధంగా రాష్ట్రాన్ని కోలుకోని విధంగా అప్పల పాలు చేశారని విమర్శించారు. 10 సంవత్సరాల్లో కేసీఆర్ రూ.ఐదు లక్షల కోట్ల అప్పు చేసాశారన్నారు. రాష్ట్రంతో గాంధీ కుటుంబానికి అనుబంధం ఉందని తెలిపారు పొంగులేటి. ‘ఒక్కసారి గెలిపించి పార్టీ మారిన వ్యక్తిని మళ్లీ గెలిపించి మన మీద కక్ష తీర్చుకోమని చెబుదామా’ అని అన్నారు.

రాబోయే ఎన్నికల్లో డబ్బుల సంచులతో వస్తారని.. ఎంత అడిగితే అంత ఇస్తారన్నారు. టాక్స్‌లు కట్టిన డబ్బులు కొల్లగొట్టి ప్రజల దగ్గరకే తీసుకు వస్తున్నారని మండిపడ్డారు. యాదవులు గొర్రెల కోసం డీడీలు కడితే ఇంత వరకు ఇవ్వకపోవడంతోనే ఇక్కడి ఎమ్మెల్యే పనితీరు కనిపిస్తోందన్నారు. అబద్దాలు చెప్పేటప్పుడు తడుముకోకుండా చెప్పడంలో కేసీఆర్, స్థానిక ఎమ్మెల్యే ఉపేందర్ రెడ్డి ఇద్దరు ఒక్కటే అంటూ వ్యాఖ్యానించారు.

సొల్లు మాటలు చెప్పే కేసీఆర్‌ను ఫామ్ హౌస్‌కే ప్రజలు పరిమితం చేయాలన్నారు. కాంగ్రెస్ పార్టీని గెలిపిస్తే ఇందిరమ్మ రాజ్యం వస్తుందని తెలిపారు. కాంగ్రెస్ అధికారంలోకి రాగానే మహిళలకు ఉచిత బస్సు ప్రయాణం కల్పిస్తుందన్నారు. నిరుద్యోగుల ఆశలు అడిఆశలు చేసిన ప్రభుత్వం కేసీఆర్ ప్రభుత్వం అంటూ పొంగులేటి తీవ్రస్థాయిలో మండిపడ్డారు.

తెలంగాణ అసెంబ్లీ ఎన్నికలు నేతల ఆశల పై నీళ్ళు చల్లుతున్నాయని వివిధ పార్టీల నేతలు ఆగం ఆగం అవుతున్నారు. రాష్ట్రంలో ఏదో మూల నుంచి అయినా టికెట్ దక్కుతుందని బీజేపీ (BJP) కాంగ్రెస్ (Congress) బీఆర్ఎస్ (BRS)నేతలు ఆశించారు.. కానీ వారి ఆశలు కలగా మిగిలిపోవడంతో జోరుగా జంపింగ్​లకు తెరలేపారు. అసంతృప్తులంతా టికెట్ రాలేదని ఇతర పార్టీల్లో చేరేందుకు సన్నాహాలు చేసుకుంటున్నారు.

ఇప్పటికే కాంగ్రెస్ సీనియర్ నేత నాగం జనార్దన్ రెడ్డి (Nagam Janardhan Reddy) పార్టీ నుంచి టిక్కెట్ ఆశించి భంగపడి బీఆర్ఎస్​లో చేరేందుకు నిర్ణయించుకున్నారు. మరోవైపు జడ్చర్లలో కాంగ్రెస్ నుంచి టిక్కెట్ ఆశించి భంగపడ్డ ఎర్రశేఖర్ హస్తం పై తిరుగుబాటు బావుటా ఎగురవేశారు. కాంగ్రెస్ తిరుగుబాటు అభ్యర్ధిగా బరిలో ఉంటానని ప్రకటించిన ఎర్రశేఖర్.. కేటీఆర్ సమక్షంలో బీఆర్ఎస్​లో చేరారు.. బీజేపీలో సరైన ప్రాధాన్యం దక్కలేదని నిరాశ చెందిన బీజేపీ మాజీ మంత్రి పి.చంద్రశేఖర్ సైతం బీఆర్ఎస్​లో చేరారు.

మరోవైపు వనపర్తి బీఆర్ఎస్ నాయకుడొకరు బీజేపీలో చేరేందుకు సన్నాహాలు చేసుకుంటున్నట్టు ప్రచారం జరుగుతుంది. ఇప్పటికే బీఆర్ఎస్ , కాంగ్రెస్‌లోని అసంతృప్త నాయకులు బీజేపీ తీర్థం పుచ్చుకునే అవకాశం ఉందని జోరుగా గుసగుసలు వినిపిస్తున్నాయి. మొత్తానికి నాయకుల పార్టీ మార్పులు ఇంతటితో ఆగేలా కనిపించడం లేదని.. బీఆర్ఎస్ లో అసంతృప్తిగా ఉన్న కొంతమంది నేతలు..కాంగ్రెస్ బాట పట్టే అవకాశం కనిపిస్తోందని పాలమూరు జిల్లా రాజకీయాల్లో చర్చలు మొదలైనట్టు సమాచారం..

ఇలా బీఆర్ఎస్, కాంగ్రెస్, బీజేపీ పార్టీల మధ్య నాయకుల వలసలు పాలమూరు రాజకీయాలను ఆగం ఆగం చేస్తున్నాయని కార్యకర్తలు ఆందోళన పడుతున్నారని, అయోమయానికి గురవుతున్నారని వార్తలు వినిపిస్తున్నాయి.. మరోవైపు నామినేషన్ల పర్వం తుదిఘట్టానికి చేరుకునే వరకూ, కీలక నేతల వలసల పర్వం కొనసాగే అవకాశం ఉందన్నట్టు ప్రచారం జరుగుతుంది..