Politics

దీపావళి పండుగకి ఇంకా సమయం ఉండగానే తెలంగాణ (Telangana)లో అప్పుడే దీపావళి జరుగుతుందా..! అనే అనుమానం ప్రజలకి కలుగుతుందని అనుకుంటున్నారు. ఎందుకంటే దీపావళి పటాసులు అయినా అంతలా పేలుతాయో లేదో తెలియదు కానీ రాష్ట్ర నేతల మాటలు మాత్రం తాడు బాంబుల కంటే ఎక్కువే మోగుతున్నాయని ఆశ్చర్య పోతున్నారు జనం.

ఇక బీఆర్ఎస్ (BRS) ఎమ్మెల్సీ (MLC) క‌ల్వ‌కుంట్ల క‌విత (Kavita).. కమలం, హస్తం నేతలపై విరుచుకు పడ్డారు.. నిజామాబాద్‌లో ఏర్పాటు చేసిన సమావేశంలో మాట్లాడుతూ, నాలుగు ఓట్ల కోసం ప్రజల కడుపు కొట్టే నీచమైన దుర్మార్గానికి కాంగ్రెస్ (Congress) తెరలేపిందని క‌విత మండిప‌డ్డారు.. రాహుల్ గాంధీ, రైతుల‌కు మ‌ధ్య జ‌రుగుతున్న ఎన్నిక‌లలో.. ప్రజలు ఎవరి పక్షాన ఉన్నారో త్వరలో తెలుస్తుందని అన్నారు.

రైతుబంధు ఆపాల‌ని చూస్తున్న కాంగ్రెస్ పార్టీకి రైతులు త‌గిన‌బుద్ది చెప్తార‌ని కవిత ఘాటు వ్యాఖ్యలు చేశారు. పేదల కోసం అమలవుతున్న సంక్షేమ పథకాలు ఎన్నిక‌ల కోడ్ పేరుతో ఆపేందుకు కాంగ్రెస్ కుట్ర చేస్తుందా..? అని మండిపడ్డారు కవిత.. బీజేపీ (BJP)ఎంపీ ధ‌ర్మ‌పురి అర‌వింద్‌ మాటలు చేతల వల్ల రాష్ట్రానికి ఉపయోగం లేదన్న కవిత ఆయనను కోరుట్ల‌లో ఓడిస్తామ‌ని తేల్చిచెప్పారు.

మరోవైపు రేవంత్ రెడ్డి.. కామారెడ్డి నుంచి, ఈట‌ల రాజేంద‌ర్.. గ‌జ్వేల్‌ నుంచి పోటీ చేసిన త‌మ పార్టీకి వ‌చ్చే న‌ష్టమేమీ లేద‌ని కవిత స్ప‌ష్టం చేశారు.. కాంగ్రెస్ హామీ యూపీఎస్సీ తరహా జాబ్ క్యాలెండర్ హామీ మాత్రమే అని క‌విత విమర్శించారు.

‘నా నలభై ఏళ్ల రాజకీయ జీవితంలో ఇంత అరాచకం చూడలేదు’ అని మాజీ మంత్రి తుమ్మల నాగేశ్వరరావు అన్నారు. రవాణాశాఖ మంత్రి, ఖమ్మం బీఆర్‌ఎస్‌ అభ్యర్థి పువ్వాడ అజయ్‌కుమార్‌ ఖమ్మంలోని నెహ్రూనగర్‌లో బుధవారం నిర్వహించిన ఆత్మీయ సమ్మేళనంలో ‘గోదావరి జలాలతో పాలేరు ప్రజల కాళ్లు కడుగుతానన్న పెద్దమనిషి ఖమ్మం ఎందుకు వచ్చారు?’ అంటూ మాజీ మంత్రి తుమ్మలను ఉద్ధేశిస్తూ ఆరోపించారు. ఆయన వ్యాఖ్యలపై తుమ్మల నాగేశ్వరరావు తాజాగా స్పందించారు.

గురువారం 8వ డివిజన్‌లో నిర్వహించిన ఇంటింటికీ కాంగ్రెస్ కార్యక్రమంలో తుమ్మల మాట్లాడుతూ.. అధికారాన్ని అడ్డుపెట్టుకొని పోలీసులను ప్రైవేట్ సైన్యంగా మార్చారన్నారు. బెదిరింపులు దౌర్జన్యంతో కాంగ్రెస్ నేతలను భయపెడుతున్నారని ఆగ్రహం వ్యక్తం చేశారు. ఖమ్మంలో అరాచక పాలన తరమి కొట్టడానికి కాంగ్రెస్ శ్రేణులు కథం తొక్కాలని పిలుపునిచ్చారు.

దేశంలో మత విద్వేషాలు లేకుండా భారత్ జొడో యాత్రతో యావత్ దేశాన్ని ఐక్యం చేసిన రాహుల్ గాంధీ ఆహ్వానంతో కాంగ్రెస్‌లో చేరినట్లు తెలిపారు. నియంత రాజకీయాలకు కాలం చెల్లిందన్నారు. కొంత మంది పోలీస్ అధికారులు పరిధి దాటి కాంగ్రెస్ నేతల్ని ఇబ్బంది పెడుతున్నారని మండిపడ్డారు.

నెల రోజులు తరువాత అధికారం లేని వారి కోసం అధికారులు తమ జీవితాలు నాశనం చేసుకోవొద్దని సూచించారు. పోలీస్ అధికారులు తమ పద్దతి మార్చుకోకపోతే ప్రజా తిరుగుబాటు చూస్తారని హెచ్చరించారు. అహంకార పాలనకు పాతరేసి ఖమ్మం అభివృద్ధి కోసం కాంగ్రెస్ పార్టీని గెలిపించాలని తుమ్మల నాగేశ్వరరావు కోరారు.

టీడీపీ అధినేత చంద్రబాబు నాయుడు జైలుకు వెళ్లాక ఆ పార్టీతో జనసేన(Janasena) అధినేత పవన్‌కల్యాణ్‌ పొత్తు పెట్టుకున్న విషయం తెలిసిందే. ఈ నేపథ్యంలో ఎన్డీయే(NDA)లో బీజేపీ(BJP) భాగస్వామిగా ఉంటున్న జనసేన పార్టీ బీజేపీతో పొత్తు కొనసాగుతుందా? లేదా? అనే చర్చ మొదలైంది. ఈ క్రమంలో అమిత్‌షా(Amithshah) తో పవన్‌ కల్యాణ్‌(Pawan Kalyan) భేటీ ప్రాధాన్యతను సంతరించుకుంది.

అమిత్‌ షాతో భేటీ అయిన పవన్ కల్యాణ్ దాదాపు 40నిమిషాల పాటు చర్చించారు. తెలంగాణాలో మాత్రమే ఎన్నికల పొత్తు గురించి ప్రస్తుతం బీజేపీ సుముఖంగా ఉందని, ఏపీలో పొత్తు విషయమై సుముఖంగా లేదని బుధవారం కేంద్ర హోమ్ మంత్రి అమిత్ షాతో జరిగిన భేటీ స్పష్టం చేసినట్లు తెలుస్తోంది. జనసేన నేతలు పవన్ కళ్యాణ్, నాదెండ్ల మనోహర్, కేంద్ర మంత్రి, బీజేపీ తెలంగాణ అధ్యక్షుడు జి.కిషన్‌రెడ్డి, బీజేపీ ఓబీసీ మోర్చా అధ్యక్షుడు డా.కె లక్ష్మణ్ పాల్గొన్న ఈ భేటీలో తెలంగాణ ఎన్నికల గురించి మాత్రమే చర్చించినట్లు చెబుతున్నారు.

బీజేపీతో సంప్రదించకుండా టీడీపీతో ఏకపక్షంగా పవన్‌కళ్యాణ్ పొత్తును ప్రకటించడాన్ని అమిత్ షా ఈ సందర్భంగా ప్రస్తావించినట్లు తెలుస్తోంది. భేటీ అనంతరం కిషన్‌రెడ్డి మాట్లాడుతూ.. బీజేపీకి మద్దతిచ్చే విషయంలో పవన్ కల్యాణ్‌తో హైదరాబాద్‌లో ప్రాథమికంగా చర్చించామన్నారు. పార్టీ జాతీయ నాయకత్వంతో మాట్లాడాలని పవన్ కల్యాణ్ కోరడంతోనే ఢిల్లీకి ఆహ్వానించినట్లు తెలిపారు.

ఏపీలో జనసేన వైఖరి ఎలా ఉన్నా, తెలంగాణలో బీజేపీతో కలిసి పోటీ చేయాలనే అభిప్రాయానికి వచ్చినట్లు కిషన్‌రెడ్డి తెలిపారు. జనసేన ఎప్పుడూ తెలంగాణకు వ్యతిరేకంగా మాట్లాడలేదని ఈ సందర్భంగా గుర్తుచేశారు. ఈ నేపథ్యంలో తెలంగాణ ఎన్నికల్లో జనసేన 32 సీట్లు కోరుతోంది. ఐదారు సీట్ల కంటే మించి వదిలేందుకు బీజేపీ సుముఖంగా లేనట్లు స్పష్టమవుతోంది. బీజేపీ రెండో విడత జాబితా విడుదలయ్యాక ఓ క్లారిటీ వచ్చే అవకాశాలు ఉన్నాయి.

కేంద్ర హోంమంత్రి(Central home minister) అమిత్ షా(Amith Shah) ఇవాళ తెలంగాణ(Telangana)లో పర్యటించనున్నారు. ఈ పర్యటనలో తెలంగాణలోని ముఖ్య నేతలతో అమిత్ షా భేటీ కానున్నారు. తెలంగాణ అసెంబ్లీ ఎన్నికల నేపథ్యంలో అనుసరించాల్సిన వ్యూహాలపై ఆయన దిశానిర్దేశం చేయనున్నారు.

అమిత్ షా శంషాబాద్ విమానాశ్రయానికి చేరుకుని, నేషనల్ పోలీస్ అకాడమీకి వెళ్తారు. రాత్రి అక్కడే బస చేసి రేపు నేషనల్ పోలీస్ అకాడమిలో నిర్వహించే పాసింగ్ ఔట్ పరేడ్‌కు ముఖ్య అతిథిగా హాజరు కానున్నారు. అదేవిధంగా రేపు మధ్యాహ్నం సూర్యాపేటలో జనగర్జన సభలో అమిత్‌షా పాల్గొననున్నారు.

అమిత్‌షా పర్యటన షెడ్యూల్ ఇలా..

అమిత్‌షా ఉదయం 10.15గంటలకు ప్రత్యేక విమానంలో శంషాబాద్ ఎయిర్‌పోర్టుకు చేరుకుంటారు. ఉదయం 10.20గంటలకు శంషాబాద్ ఎయిర్‌పోర్టు నుంచి రోడ్డు మార్గం ద్వారా నేషనల్ పోలీస్ అకాడమిక్ చేరుకుంటారు. రాత్రికి పోలీస్ అకాడమీలో బస చేస్తారు.

27వ తేదీన(రేపు) అమిత్‌షా ఉదయం 8 గంటలకు నేషనల్ పోలీస్‌ అకాడమిలో పోలీస్ అమరవీరుల స్థూపానికి పుష్పగుచ్ఛాలతో శ్రద్ధాంజలి ఘటిస్తారు. అనంతరం 11గంటల వరకు ఐపీఎస్ పాసింగ్ అవుట్ పరేడ్ కార్యక్రమంలో పాల్గొంటారు. మధ్యాహ్నం 1.00గంటలకు భోజనం చేస్తారు. 2:35గంటలకు రోడ్డు మార్గం ద్వారా బేగంపేట్ ఎయిర్‌పోర్టుకు బయలుదేరుతారు.

మధ్యాహ్నం 3:00 గంటలకు అమిత్‌షా ప్రత్యేక హెలికాప్టర్‌లో బయలుదేరి సూర్యపేటలో నిర్వహించే బీజేపీ జన గర్జన సభ ప్రాంగణానికి చేరుకుంటారు అమిత్‌షా. 3.55గంటల నుంచి 4.45గంటల వరకు ప్రసంగిస్తారు. అనంతరం సాయంత్రం 5గంటలకు సూర్యాపేట నుంచి బేగంపేట ఎయిర్‌పోర్టుకు చేరుకుంటారు.