Politics

కాంగ్రెస్ అగ్రనేత రాహుల్ గాంధీపై ఎంఐఎం చీఫ్ అసదుద్దీన్(Asaduddin) సంచలన వ్యాఖ్యలు చేశారు. బీజేపీకి ఎంఐఎం, బీఆర్ఎస్‌లు బీటీం అని రాహుల్ చేసిన వాఖ్యలకు అసదుద్దీన్ ఘాటుగానే స్పందించారు. తెలంగాణ(telangana)లో బీజేపీ, కాంగ్రెస్ నా రాయల్ ఎన్‌ఫీల్డ్‌ (Royal Enfield) బైక్‌కు ఉన్నన్ని సీట్లు గెలవలేరని అసదుద్దీన్ సెటైర్లు విసిరారు.

రాహుల్ బాబా తమను బీజేపీకి బీ టీం అంటూ ఏడుపు ప్రారంభించారని ఎద్దేవా చేశారు. మరి రాహుల్ తన అమేథి సీటును బీజేపీకి ఎందుకు గిఫ్ట్‌గా ఇచ్చారో చెప్పాలని డిమాండ్ చేశారు. మరి బీటీంలు ఉన్న బీజేపీ తెలంగాణలో ఎందుకు బలహీనపడిందో చెప్పాలని సవాల్ విసిరారు.

సేఫ్ సీటు కోసమే రాహుల్ బాబా వయానాడ్‌కు వెళ్లాల్సి వచ్చిందని విమర్శించారు. తెలంగాణలో బీజేపీ, కాంగ్రెస్ నా రాయల్ ఎన్‌ఫీల్డ్‌ బైక్‌కు ఉన్నన్ని సీట్లు గెలవలేరని ఈ సందర్భంగా రాహుల్.. అసదుద్దీన్‌పై సెటైర్లు విసిరారు.

మరోవైపు రాహుల్‌పై మంత్రి కేటీఆర్ ఫైర్ అయ్యారు. తెలంగాణ భవన్‌లో దివ్యాంగుల పెన్షన్ లబ్ధిదారుల సభలో మంత్రి కేటీఆర్ మాట్లాడుతూ 11సార్లు ఛాన్స్‌ ఇస్తే మంచినీళ్లు కూడా ఇవ్వని కాంగ్రెస్ ఇప్పుడెలా ఇస్తుందని ప్రశ్నించారు. ఎన్నికల్లో ఆగమాగం ఓట్లు వేయొద్దని ప్రజలకు సూచించారు.

ములుగులో నిర్వహించిన కాంగ్రెస్ బహిరంగ సభలో రాహుల్‌ గాంధీ చేసిన వ్యాఖ్యలపై ఎమ్మెల్సీ కవిత స్పందించారు. రాహుల్ మాటలు రాష్ట్రాన్ని విడగొట్టేలా ఉన్నాయని విమర్శించారు. నిజామాబాద్ జిల్లా అంకాపూర్‌లో నిర్వహించిన బీఆర్ఎస్ సమావేశంలో ఎమ్మెల్సీ కవిత మాట్లాడారు.

రాహుల్ గాంధీ ములుగు సభలో ‘వారి తెలంగాణ.. వీరి తెలంగాణ..’ అంటూ రాష్ట్రాన్ని విడగొట్టేలా మాట్లాడారని ఆరోపించారు. ఈ క్రమంలోనే రూ.లక్ష కోట్లలోపు ప్రాజెక్టుల్లో.. రూ.లక్ష కోట్ల అవినీతి ఎలా సాధ్యమవుతుందని సూటి ప్రశ్నను సంధించారు. హస్తం పార్టీ మాదిరిగా కమీషన్లు తీసుకుంటే చెరువుల్లో నీరు కాకుండా రైతుల కంట కన్నీళ్లు వచ్చేవన్నారు.

కాంగ్రెస్ గెలిస్తే ధరణి, 24గంటల విద్యుత్ దూరమవుతుందని తెలిపారు. ప్రస్తుత ఎన్నికలు తెలంగాణ ద్రోహులకు, తెలంగాణ ప్రేమికులకు మధ్య జరుగుతున్నాయని కవిత వ్యాఖ్యానించారు. అదేవిధంగా సింగరేణి కార్మికులకు బీఆర్ఎస్ అన్యాయం చేస్తోందని టీపీసీసీ అధ్యక్షుడు రేవంత్‌రెడ్డి చేసిన వ్యాఖ్యలపై స్పందిస్తూ..‘గనులను మూసేసి కార్మికులకు అన్యాయం చేసిందే కాంగ్రెస్ పార్టీనే..’ అని ధ్వజమెత్తారు.

అధికారంలోకి రాగానే ‘ధరణి’ని కాంగ్రెస్ పార్టీ బంగాళాఖాతంలో కలిపేస్తామంటోందని.. ధరణిని రద్దు చేస్తే రైతుబంధు ఎలా వస్తుందని కవిత ఈ సందర్భంగా ప్రశ్నించారు. కాంగ్రెస్ పార్టీకి అధికారాన్ని కట్టబెడితే 24గంటల కరెంటు ఉండదని తెలిపారు. తెలంగాణ పథకాలను అనేక రాష్ట్రాలు కాపీ కొడుతున్నాయన్నారు. బీఆర్ఎస్ పార్టీ హ్యాట్రిక్ విజయాన్ని అందుకుంటుందని ధీమా వ్యక్తం చేశారు.

తెలంగాణలో రాజకీయ వేడి(political heat) కొనసాగుతోంది. పార్టీ అభ్యర్థుల ప్రకటనపై రాజకీయ పార్టీలు తమ ప్రణాళికలను సిద్ధం చేసుకుంటున్నాయి. ఇప్పటికే బీజేపీ అధిష్టానం ఆ పార్టీ అభ్యర్థుల ప్రకటనపై పార్టీ సెంట్రల్ ఎలక్షన్ కమిటీ సమావేశం(BJP Central Election Committee meeting) నేడు ఏర్పాటు చేసింది. దీంతో ఆశావహుల్లో టెన్షన్ మొదలైంది. ఈ నేపథ్యంలో శేరిలింగంపల్లి ఎమ్మెల్యే(sherlingampalli mla) టికెట్‌పై సర్వత్రా ఉత్కంఠ నెలకొంది.

గత అసెంబ్లీ ఎన్నికల్లో శేరిలింగంపల్లి నుంచి బీజేపీ తరఫున పోటీ చేసిన గజ్జల యోగానంద్‌ అప్పట్లో పార్టీ సంస్థాగతంగా బలంగా లేకపోయినా గట్టి పోటీని ఇచ్చారు. ఓటమిని చవిచూసినా అవేమీ లెక్క చేయకుండా ముందుకెళ్లారు. ఎన్నికల  ఫలితాలు వెలువడినప్పటి నుంచి నియోజకవర్గ ప్రజలతో మమేకమై ‘మీ సమస్య.. నా పోరాటం’ అనే నినాదంతో ప్రజా సమస్యలను తెలుసుకుంటూ వాటి పరిష్కారానికి కృషి చేస్తున్నారు.

యోగానంద్ స్వచ్ఛంద సంస్థ ద్వారా ఆయన కరోనా సమయంలో అనేక సేవలు అందించారు. ఆర్యవైశ్య సామాజిక వర్గానికి చెందిన యోగానంద్‌కు మరోసారి ఎమ్మెల్యే అభ్యర్థిగా పోటీ చేసే అవకాశాన్ని ఇవ్వాలని ఆ సామాజిక వర్గానికి చెందిన నాయకులు సైతం కోరుతున్నారు. 60వేలకు పైగా ఓట్లు కలిగిన ఆర్యవైశ్యుల కోరికను పార్టీ పరిగణలోకి తీసుకుంటుందని ఆశిస్తున్నట్లు ఆర్యవైశ్య సంఘం నాయకులు ఆశాభావం వ్యక్తం చేస్తున్నారు.

మరోవైపు గజ్జల యోగానంద్‌కు శేరిలింగంపల్లి నియోజకవర్గం నుంచి అన్ని వర్గాల నుంచి మద్దతు లభిస్తోంది. దీంతో పార్టీ అధిష్టానం ఆయనకే మరోసారి ఎమ్మెల్యే టికెట్ ఇచ్చే ఛాన్స్‌ ఉన్నట్లు పార్టీ వర్గాలు చర్చించుకుంటున్నాయి. తొలిజాబితాలో బీజేపీ 40 మంది అభ్యర్థులను ఖరారు చేయనున్నట్లు తెలుస్తోంది. ఇప్పటికే తెలంగాణ ఎన్నికల కమిటీ అభ్యర్థుల ఖరారుపై తుది కసరత్తు పూర్తి చేసింది. ఇందులో బీసీలు, మహిళలకు ప్రధాన్యత ఇచ్చినట్లు పార్టీ వర్గాలు అంటున్నాయి. ఇందులో యోగానంద్‌కు మరో అవకాశం కల్పిస్తే శేరిలింగంపల్లిలో బీజేపీ జెండా ఎగరడం ఖాయంగా కనిపిస్తోంది.

ఎమ్మెల్సీ కల్వకుంట్ల కవిత(Mlc kalvakuntla kaviha)  కాంగ్రెస్ పార్టీ(congress party)పై ట్విట్టర్(x) వేదికగా విమర్శలు గుప్పించారు. ‘కరెంటు కష్టాలు తెచ్చే కాంగ్రెస్‌ మనకెందుకు?.. మోసం చేయడం కాంగ్రెస్‌ నైజమని.. ఆ పార్టీకి ఓటేస్తే కర్ణాటక గతే పడుతుందని పేర్కొన్నారు. కర్ణాటక ఎన్నికల్లో(karnataka elections) ఇచ్చిన హామీలను ఏ ఒక్కటీ సరిగా అమలు చేయడం లేదని ధ్వజమెత్తారు.

20గంటల కరెంటు ఇస్తామని కాంగ్రెస్‌ హామీ ఇచ్చిందని గుర్తు చేశారు. ఇప్పుడు 5 గంటల కరెంటుతో సరిపెట్టుకోవాలని కర్ణాటక విద్యుత్‌ శాఖ మంత్రి చెబుతున్నారని ఎద్దేవా చేశారు. కర్ణాటక మంత్రిలానే టీపీసీసీ అధ్యక్షుడు రేవంత్‌రెడ్డి కూడా 3గంటల కరెంటు చాలంటున్నారని కవిత మండిపడ్డారు.

24గంటల కరెంటు అవసరమా? అని రేవంత్ ఓ ప్రెస్‌మీట్‌లో అన్న మాటలను కవిత ప్రస్తావించారు. దేశంలో ఉచితంగా 24 గంటల కరెంటు‌ ఇస్తున్న ఏకైక ముఖ్యమంత్రి కేసీఆర్‌కే మద్దతుగా నిలుద్దామన్నారు. కాంగ్రెస్ పార్టీ కర్ణాటకలో ఇచ్చిన హామీలను నిలబెట్టుకోవడంలో పూర్తిగా విఫలమైందని తెలిపారు.

అసెంబ్లీ ఎన్నికల నేపథ్యంలో బీఆర్ఎస్, కాంగ్రెస్, బీజీపీ మధ్య మాటల యుద్ధం నడుస్తోంది. ఆయా పార్టీల వైఫల్యాలపై కవిత ఎప్పటికప్పుడు ట్విట్టర్(x) వేదికగా విమర్శనాస్త్రాలను సంధిస్తున్నారు. మొన్నటికి మొన్న ఎంపీ అరవింద్‌పై విమర్శలు చేసిన కవిత తాజాగా కాంగ్రెస్‌ పార్టీ వైఫల్యాలపై ట్వీట్ చేశారు.

మోసం కాంగ్రెస్ నైజం..
కాంగ్రెస్ కు ఓటేస్తే కర్ణాటక గతే…
కాంగ్రెస్ వస్తే కరెంటు కటకటలు…

20 గంటల పాటు కరెంటు ఇస్తామని ఎన్నికలప్పుడు చెప్పి ఇప్పుడు 5 గంటల కరెంట్ తో సరిపెట్టుకోండని కర్ణాటక విద్యుత్ శాఖ మంత్రి అంటున్నారు. కర్ణాటక మంత్రిలానే ఇక్కడ తెలంగాణ పీసీసీ అధ్యక్షుడు… pic.twitter.com/9DUi4dRtap

— Kavitha Kalvakuntla (@RaoKavitha) October 19, 2023