Politics

ప్రస్తుతం బీఆర్ఎస్ (BRS) ఉన్న పరిస్థితి.. ఉద్యమ సమయంలో కూడా ఎదుర్కొనలేదని అనుకొంటున్నారు.. ఒకవైపు ఖాళీ అవుతున్న పార్టీ.. కూతురు జైల్లో.. పట్టుబట్టి బయటికి తీసున్న అవినీతి.. అక్రమాలు.. స్కామ్ లు.. మేధావి అని ఇన్నాళ్ళూ అనుకొన్న పెద్ద బాస్ ప్రస్తుతం.. పార్టీని బ్రతికించే పనిలో తలమునకలు అవ్వడం ఆశ్చర్యాన్ని కలిగిస్తుంది.. ఒకవైపు లోక్ సభ ఎన్నికల వేడి రాజుకుంది.

ప్రధాన పార్టీలు గెలుపే లక్ష్యంగా పావులు కదుపుతున్నాయి.. ప్రత్యర్థులపై విమర్శల బాణాలతో బరిలోకి దిగాయి.. ఈ నేపథ్యంలో అసెంబ్లీ ఎన్నికల్లో ఓటమి చవిచూసిన బీఆర్ఎస్.. పార్లమెంట్ ఎన్నికల్లో తమ బలాన్ని నిరూపించుకోవాలని తీవ్రంగా ప్రయత్నాలు చేస్తోంది. ఇప్పటికే కీలక నేతలందరు పార్టీకి బై చెప్పి పక్క పార్టీలోకి వలస వెళ్ళిన సంగతి తెలిసిందే.. దీంతో పార్లమెంట్ ఎన్నికల్లో కాస్త మెజారిటీ సాధించి.. వచ్చే అసెంబ్లీ ఎన్నికల వరకు పుంజుకోవాలని భావిస్తున్నట్లు తెలుస్తోంది.

ఈ క్రమంలో సార్వత్రిక ఎన్నికలను సీరియస్ గా తీసుకొన్న గులాబీ పార్టీ.. అధికార కాంగ్రెస్ (Congress) పార్టీని ఇరుకున పెట్టడమే లక్ష్యంగా ప్రణాళికలు సిద్దం చేస్తున్నట్లు తెలుస్తోంది. ఈమేరకు ప్రభుత్వ వైఫ్యలాలను ఎండగట్టి అధికార పార్టీని దెబ్బ కొట్టాలనే నిర్ణయానికి వచ్చినట్లు టాక్ వినిపిస్తోంది.. ఇందుకు కొత్త మార్గాన్ని ఎంచుకొన్న బీఆర్ఎస్.. హస్తం 100 రోజుల వైఫల్యాలపై పోస్టు కార్డు ఉద్యమానికి సిద్దం అవుతున్నట్లు సామాచారం..

మరోవైపు మాజీ మంత్రి, సిద్దిపేట ఎమ్మెల్యే హరీష్ రావు (Harish Rao) కాంగ్రెస్ పార్టీ వైఫల్యాలపై పోస్టు కార్డ్ ఉద్యమం చేస్తామని ప్రకటించారు. రాష్ట్ర రైతుల పక్షాన సీఎం రేవంత్ రెడ్డి (Revanth Reddy)కి పోస్ట్ కార్డులు పంపుతామని పేర్కొన్నారు.. అసెంబ్లీ ఎన్నికల్లో ఇచ్చిన హామీలు నేరవేర్చాకే పార్లమెంట్ ఎలక్షన్స్‌లో ఓట్లు అడగాలని డిమాండ్ చేశారు.. నాలుగు నెలల్లోనే ప్రభుత్వంపై వ్యతిరేకత ఏర్పడిందని ఆరోపించారు..

కాంగ్రెస్ ప్రభుత్వంపై నిజామాబాద్ (Nizamabad) బీజేపీ ఎంపీ ధర్మపూరి అరవింద్ (Dharmapuri Arvind) కీలక వ్యాఖ్యలు చేశారు.. రేవంత్ ఏం మాట్లాడుతున్నారో ఆయకే అర్థం కావడం లేదని ఎద్దేవా చేశారు.. ఆయన మాటలు ఇండియా టీవీలో లోక్ అదాలత్ మొదటి కామేడి షో లా అనిపించిందని తెలిపారు.. దేశ వ్యాప్తంగా కాంగ్రెస్ కు 40 సీట్ల కంటే మించిరావని జోస్యం చెప్పిన ఎంపీ.. కాంగ్రెస్ లో రేవంత్ భవిష్యత్ కనిపించడం లేదని వ్యాఖ్యానించారు..

అదేవిధంగా రేవంత్ కు ఇంకా 15 ఏళ్ల వరకు ఆక్టీవ్ రాజకీయం చేసే అవకాశం ఉందని తెలిపిన అరవింద్.. ఆయన సమర్థుడే కానీ కాంగ్రెస్ (Congress)లో అసమర్థుడిగా మిగిలిపోతున్నారని విమర్శించారు.. మరోవైపు కేజ్రీవాల్ అరెస్ట్ ను వ్యతిరేకిస్తున్న రేవంత్ ఆయన దారిలో వెళ్లేందుకు సిద్దమవున్నారా ? అని ప్రశ్నించారు.. ఆయన మరో రాజ్ పాల్ యాదవ్ లా తయారు అవుతున్నారని పేర్కొన్నారు..

కవిత లేని నిజామాబాద్ రాజకీయాలు.. ఆల్కహాలిక్ ఫ్రీ పోటీలా ఉందని సెటైర్ వేసిన ఎంపీ.. రేవంత్ బీజేపీలోకి వస్తారని కేటీఆర్ (KTR)కు ఎందుకు అనిపించిందో అని ప్రశ్నించారు.. ఒకవేళ ఆయన మా పార్టీలోకి వస్తే స్వాగతిస్తామన్నారు.. మరోవైపు జీవన్ రెడ్డి నిజామాబాద్ లో అజాది అజాది అనుకుంటూ తిరుగుతుంటే.. పాకిస్థాన్ లో తిరుగుతున్నట్టు ఉందని విమర్శించారు..

రాముడు అడుగు జాడలో కేటీఆర్ నడిచి వుంటే అర్ధ రాత్రి ట్వీట్లు పెట్టే పరిస్థితులు వచ్చేవి కావని పేర్కొన్న అరవింద్.. ఆయనకు రాముడి మందిరం కనిపిస్తున్నదుకు సంతోషంగా ఉందని తెలిపారు.. అలాగే కాంగ్రెస్ అధికారంలోకి వచ్చి నాలుగు నెలలు అవుతున్నా ఇచ్చిన వాగ్దానాలను అమలు చేయలేదని మండిపడ్డారు.. తెలంగాణ ప్రజలకు కేసీఆర్ అల్లం పెడితే, కాంగ్రెస్ బెల్లంపెట్టిందని విమర్శించారు..

కేసీఆర్ (KCR)కి పట్టిన గతే కాంగ్రెస్ కు పడుతుందని జోస్యం చెప్పారు.. దిగజారుడు రాజకీయాలు చేస్తుంది కాబట్టి అభ్యర్థులు కూడా దొరకడం లేదని మండిపడ్డ అరవింద్.. కాంగ్రెస్ డమ్మీ అభ్యర్థులను తీసుకొచ్చి పోటీలో నిలుపుతుందని ఆరోపించారు.. ఇచ్చిన హామీల నుంచి ప్రజలను డైవర్ట్ చెయ్యడానికి ఫోన్ ట్యాపింగ్ తెర మీదకు తీసుకొచ్చారని ధ్వజమెత్తారు..