Politics

తనది కాంగ్రెస్ రక్తమని, టికెట్ ఇవ్వకుంటే తానేం తిరుగుబాటు చేయనని కాంగ్రెస్ సీనియర్ నేత (Congress Senior Leader) వి. హనుమంతరావు (V. Hanumantharao)అన్నారు. ఆయన గురువారం మీడియాతో మాట్లాడుతూ కీలక వ్యాఖ్యలు చేశారు. సీఎం రేవంత్ రెడ్డికి తన మద్దతు ఇవ్వడం కొందరికి నచ్చడంలేదన్నారు.

రేవంత్ పనిచేస్తున్నారు కాబట్టే తన మద్దతు తెలుపుతున్నానని స్పష్టం చేశారు. ఖమ్మం (Khammam) ఎంపీ టికెట్ (MP Ticket) కోసం కాంగ్రెస్ హై కమాండ్‌ను అడిగానని చెప్పారు. ఒకేవేళ తనకు టికెట్ ఇవ్వకపోయినా తానేం తిరుగుబాటు చేయనంటూ వ్యాఖ్యానించారు. సీఎం రేవంత్ రెడ్డి మాత్రం పార్టీ హైకమాండ్ టికెట్ ఇస్తే కచ్చితంగా తన కోసం పని చేస్తామని అంటున్నారని చెప్పారు.

సోషల్ ఇంజనీరింగ్ విషయంలో బీజేపీ, బీఆర్ఎస్ కాంగ్రెస్ పార్టీపై విమర్శలు చేయకుండా చూసుకోవాలని వి.హనుమంతరావు సూచించారు. 2019లోనే తాను ఖమ్మం నుంచి పోటీ చేయాలని ప్రయత్నం చేశానని గుర్తు చేశారు. అయితే రాజీవ్ గాంధీ ఆలోచన మేరకు ఖమ్మం నుంచి పోటీ చేయాలనుకున్నానని చెప్పారు.

ఖమ్మం నుంచి పోటీ చేయడానికి అక్కడ గ్రౌండ్ వర్క్ చేశానంటూ చెప్పుకొచ్చారు వీహెచ్. తనకు టికెట్ ఇస్తే అక్కడ తప్పకుండా గెలుస్తానని ధీమా వ్యక్తం చేశారు. డిప్యూటీ సీఎం భట్టి విక్రమార్క తనను ఖమ్మంలో పోటీ చేయమని చెప్పి, ఇప్పుడు ఆయన భార్యకు టిక్కెట్ కావాలని అడుగుతున్నారని ఆరోపించారు.

రాష్ట్రంలో ప్రస్తుత రాజకీయ పరిస్థితులు శరవేగంగా మారిపోతున్నాయి. ఏప్రిల్ చివరి నెల నుంచి దేశవ్యాప్తంగా ఎన్నికల హడావుడి జోరందుకోనుంది. ఎక్కడా చూసినా పార్టీల ప్రచార హోరు, టీవీ డిబెట్ల వేదికగా ఆయా పార్టీల నేతల మాటల యుద్దాలు, రాజకీయ తంత్రాలు, పొలిటికల్ అస్త్రాలను సంధించడం ఇవే కనిపిస్తుంటాయి. రాష్ట్రంలో ఇప్పటికే బీజేపీ ప్రచార హోరు స్పీడ్ అప్ చేయగా.. కాంగ్రెస్ అభ్యర్థులను ఫైనల్ చేయడంలోనే ఇంకా తర్జనభర్జన పడుతోంది.

ఇక బీఆర్ఎస్ పార్టీ రాష్ట్రంలో తన ఉనికిని కాపాడుకునేందుకు శాయశక్తులా ప్రయత్నం చేస్తోంది. కేసీఆర్(KCR) ఇప్పటికే జిల్లాల పర్యటనకు ముహూర్తం ఫిక్స్ చేశారు. నల్గొండ, కరీంనగర్ జిల్లాల పర్యటన సందర్భంగా రాష్ట్రంలో రైతు ఆత్మహత్యల(Farmers Suicides)పై ఆయన గళం విప్పారు. తెలంగాణలో సమృద్ధిగా నీరున్నా చేతగానీ దద్దమ్మల పాలనలో కరువును చూస్తున్నామని ఫైర్ అయ్యారు.

అందుకే వచ్చే పార్లమెంట్ ఎన్నికల్లో రైతుల ఆత్మహత్యలు, కరువు ఎజెండాతో ప్రజల్లోకి వెళ్లి అధికార పార్టీని ముప్పుతిప్పలు పెట్టాలని బీఆర్ఎస్ పార్టీ యోచిస్తోంది. తాజాగా ఆ పార్టీ రైతు ఆత్మహత్యలపై చేసిన ఓ పోస్టు సంచలనంగా మారింది. కాంగ్రెస్(Congress) అధికారంలోకి వచ్చిన 120 రోజుల్లోనే ఏకంగా 220 మంది అన్నదాతలు ఆత్మహత్యలు చేసుకున్నారని, దానికి సంబంధించిన ఓ న్యూస్ పేపర్ క్లిప్‌ను సోషల్ మీడియా హ్యాండిల్ ఎక్స్‌(X)లో పోస్టు చేసింది.

‘కేసీఆర్ పాలనలో పచ్చని పంటలతో కళకళలాడిన తెలంగాణ నేడు రైతుల ఆత్మహత్యలతో వెలవెలబోతోంది.బంగారం లాంటి పంటను మార్కెట్‌కు పంపించి.. వచ్చిన డబ్బులతో రైతన్న సంతోషంగా ఉండాల్సిన సమయం ఇది. కానీ ఇప్పుడు కాంగ్రెస్ పాలనలో అదే పంటను చూసి కన్నీళ్లు కార్చాల్సిన దుస్థితి వచ్చింది. నీళ్లో రామచంద్రా అని ఎంత వేడుకున్నా కాంగ్రెస్ పాలకులు చుక్క నీళ్లు ఇస్తలేరు. ఏడ్చి ఏడ్చి అన్నదాతల కళ్లలో నీళ్లు కూడా ఇంకిపోయాయి. ఇక మిగిలింది తమ గొంతులో ప్రాణమొక్కటేనని దానిని కూడా వదిలేస్తున్నారు. రాష్ట్రంలో పంటలు ఎండిపోని జిల్లా, కరెంటు కోతలు లేని జిల్లాలే కాదు.. రైతు ఆత్మహత్యలు లేని జిల్లాలు కూడా లేవు’ అని బీఆర్ఎస్ పార్టీ స్పందించింది.

కేసీఆర్ పాలనలో పచ్చని పంటలతో కళకళలాడిన తెలంగాణ నేడు రైతుల ఆత్మహత్యలతో వెలవెలబోతోంది. బంగారం లాంటి పంటను మార్కెట్ కు పంపించి.. వచ్చిన డబ్బులతో రైతన్న సంతోషంగా ఉండాల్సిన సమయం ఇది.

కానీ ఇప్పుడు కాంగ్రెస్ పాలనలో అదే పంటను చూసి కన్నీళ్లు కార్చాల్సిన దుస్థితి వచ్చింది.

నీళ్లో… pic.twitter.com/mekwXFky2I

— BRS Party (@BRSparty) April 11, 2024

లోక్‌సభ ఎన్నికలు సమయం దగ్గర పడుతుంటంతో కమలనాథులు(Bjp Leaders) దూకుడు పెంచారు. బూత్ లెవల్ స్థాయిలో ప్రచార హోరును పెంచారు. కేంద్ర హోంమంత్రి అమిత్ షా (Amith sha) ఇచ్చిన టార్గెట్ ప్రకారం తెలంగాణలో 12 ఎంపీ స్థానాలు సాధించేందుకు తీవ్రంగా కృషి చేస్తున్నారు.

పార్లమెంట్ నియోజవర్గాల వారీగా సన్నాహక సమావేశాలను నిర్వహిస్తూ కేడర్లో జోష్ నింపుతున్నారు. ముఖ్యంగా కేంద్రంలో బీజేపీ చేసిన అభివృద్ధి, సంక్షేమ కార్యక్రమాలను ప్రజలకు వివరిస్తున్నారు. కాంగ్రెస్ ప్రభుత్వం వస్తే దేశం ఎలాంటి దుస్థితిలో ఉంటుందో ప్రస్తుతం రాష్ట్రంలోని కాంగ్రెస్ సర్కారు పాలనను అందుకు ఉదాహరణగా చూపిస్తున్నట్లు తెలుస్తోంది.

ఇక సికింద్రాబాద్ సిట్టింగ్ ఎంపీగా కిషన్ రెడ్డి(kishan reddy) మరోసారి అదే స్థానం నుంచి పోటీ చేస్తున్నారు. ఏప్రిల్ 19న ఆయన సికింద్రాబాద్ ఎంపీ అభ్యర్థిగా నామినేషన్ వేయనున్నారు. ఈ క్రమంలోనే నిర్వహించిన సికింద్రాబాద్ నియోజకవర్గ సన్నాహక సభలో కేంద్రమంత్రి మాట్లాడుతూ..రాష్ట్ర కాంగ్రెస్ సర్కారుపై సంచలన వ్యాఖ్యలు చేశారు.

తెలంగాణ ప్రజల సొమ్ముతో రేవంత్ రెడ్డి సర్కార్ కాంగ్రెస్ అగ్రనేత రాహుల్ గాంధీకి ట్యాక్స్ కడుతుందని ఆరోపించారు.
దేశంలో కాంగ్రెస్ సర్కార్ వస్తే మతకల్లోలాలు, బాంబ్ బ్లాస్టులు, మోసాలు, కరువులు, నీటి కష్టాలు ఎదురవుతాయని పేర్కొన్నారు.ప్రధాని మోడీ లేకపోతే దేశం అస్తమిస్తుందని సంచలన కామెంట్ చేశారు.పార్లమెంట్ ఎన్నికల్లో తెలంగాణ ప్రజలను మోసం చేస్తున్న కాంగ్రెస్ పార్టీ తీరును ఓటర్లు ఎండగట్టాలని పిలుపునిచ్చారు.

రాజకీయంగా నష్టమని తెలిసినా బీఆర్ఎస్(BRS) హయాంలో బీసీ బంధు, దళితబంధు లాంటి పథకాలను అమలు చేశామని మాజీ మంత్రి, బీఆర్ఎస్ వర్కింగ్ ప్రెసిడెంట్ కేటీఆర్(KTR) అన్నారు. తెలంగాణ భవన్‌(Telangana Bhavan)లో గురువారం జ్యోతిరావుపూలే జయంతి వేడుకలను ఘనంగా నిర్వహించారు.

ఈ సందర్భంగా కేటీఆర్ మాట్లాడుతూ.. పూలే బాటలో కేసీఆర్ నడిచారని తెలిపారు. కేసీఆర్(KCR) బడుగు, బలహీన వర్గాల అభ్యున్నతికి కృషి చేశారని చెప్పారు. రాజకీయంగా రిస్క్ అని తెలిసినా వెనక్కి తగ్గకుండా బీసీబంధు, దళితబంధు లాంటి పథకాలను ప్రవేశపెట్టారని వెల్లడించారు. అదేవిధంగా ఎంబీసీ కార్పొరేషన్ ఏర్పాటు, అసెంబ్లీ ఎన్నికల్లో బీసీలకు అత్యధిక స్థానాలు కల్పించామని గుర్తుచేశారు.

అదేవిధంగా పార్లమెంట్ ఎన్నికల్లోనూ ఆరు స్థానాలు బీసీలకు ఇచ్చారన్నాని తెలిపారు. ప్రస్తుత కాంగ్రెస్ సర్కార్ ఎన్నికల ముందు కర్ణాటక సీఎం సిద్ధరామయ్యను పిలిపించి బీసీ డిక్లరేషన్ పేరుతో హామీ ఇచ్చిందన్నారు. బీసీలకు రూ.లక్ష కోట్లు బడ్జెట్‌లో కేటాయిస్తామని, ఎంబీసీలకు ప్రత్యేక మంత్రిత్వ శాఖను ఏర్పాటు చేస్తామని కాంగ్రెస్ చెప్పిందన్నారు.

ఎమ్మెల్సీ కవిత ఇప్పటికే స్పీకర్‌ను కలిసి వినతిపత్రం ఇచ్చారన్నారు. అవకాశాల కల్పన మన చేతుల్లోనే ఉంటుందన్నారు. నిర్మాణాత్మక ప్రతిపక్షంగా బీసీల సమస్యలను ప్రభుత్వం దృష్టికి తీసుకువెళ్తామన్నారు. తెలంగాణ ప్రజలకు, ముస్లిం సోదరులకు కేటీఆర్ రంజాన్ శుభాకాంక్షలు తెలిపారు. కేసీఆర్ అంబేడ్కర్ విగ్రహం ఏర్పాటు చేశారని కాంగ్రెస్ ప్రభుత్వం రాబోయే మూడేళ్లలో అసెంబ్లీలో పూలే విగ్రహం ఏర్పాటు చేయాలని డిమాండ్ చేశారు.