Politics

రాష్ట్రంలో అగ్ని గుండలా రగులుతున్న ఫోన్ ట్యాపింగ్ వ్యవహారంపై ఇప్పటికే ఎన్నో విమర్శలు వస్తున్న విషయ తెలిసిందే.. అందరూ అందరే.. కానీ అసలైన దొంగలు ఎవరని ఒకరినొకరు ఆరోపించుకొంటున్న తీరు ప్రస్తుతం రాష్ట్రంలో కనిపిస్తోందని అనుకొంటున్నారు.. బీఆర్ఎస్ విషయంలో వస్తున్న విమర్శలు.. ఆరోపణలు ఆసక్తికరంగా మారి.. కాంగ్రెస్ కు అనుకూలంగా మారే అవకాశాలున్నట్లు చర్చలు మొదలైయ్యాయి..

అయితే బీజేపీ నేతలు సైతం ప్రతి విషయంలో తీవ్ర విమర్శలు చేయడం కనిపిస్తోంది. ఈ నేపథ్యంలో మాజీ ఎమ్మెల్యే, బీజేపీ మెదక్ ఎంపీ అభ్యర్థి రఘునందన్ రావు కీలక వ్యాఖ్యలు చేశారు. తెలంగాణ రాష్ట్ర ఏర్పాటు నుంచి ఫోన్ ట్యాపింగ్‌కు మొదటి బాధితుడు సీఎం రేవంత్ రెడ్డి (CM Revanth Reddy), రెండో బాధితుడు రఘునందన్ రావు (Raghunandan Rao) అని పేర్కొన్నారు..

మీడియాతో మాట్లాడిన ఆయన.. కర్ణాటక అసెంబ్లీ ఎన్నికల్లో కాంగ్రెస్ ఎమ్మెల్యేల ఫోన్లు కూడా ట్యాప్ అయినట్లు ఆరోపించారు.. అదేవిధంగా విపక్ష నేతలతో పాటు హరీష్ రావు (Harish Rao) భార్య, కవిత (Kavitha) భర్త ఫోన్లను కూడా ట్యాప్ చేశారని సంచలన ఆరోపణలు గుప్పించారు.. బీఆర్ఎస్ అధికారంలో ఉన్నప్పుడు అన్ని రకాలుగా రేవంత్ ను టార్గెట్ చేసిందని.. చివరికి కూతురి పెళ్లికి పేరోల్ మీద రావలసి వచ్చిందని గుర్తు చేశారు..

ఇంత జరిగిన దీనికి బాధ్యులైన అధికారులను సీఎం ఎందుకు క్షమిస్తున్నారని ప్రశ్నించారు. మరోవైపు నిన్న ముగ్గురు మాజీ మంత్రుల రహస్య భేటీ జరిగిందని తెలిపిన రఘునందన్.. మార్చి 19న సీఎం రేవంత్ రెడ్డి, హరీష్ రావు ఒకే విమానంలో ప్రయాణించినట్లు ఆరోపించారు.. ఆ రెండు గంటల పాటు ఇద్దరు విమానంలో ఏం మాట్లాడుకున్నారో ప్రజలకు తెలపాలని డిమాండ్ చేశారు.

ఒకవేళ నేను చెప్పింది తప్పని భావించి నోటీసులు పంపిస్తే.. నా వద్ద ఉన్న ఆధారాలు సమర్పిస్తానని వెల్లడించారు.. కాగా ఫోన్ ట్యాపింగ్ కేసులో కొందరిని ఇరికించి.. మరి కొందరిని కాపాడే కుట్ర జరుగుతోందని ఆరోపించిన రఘునందన్ రావు.. ఈ కేసులో ఏమాత్రం నిర్లక్ష్యం చేయొద్దని సూచించారు.. హైకోర్టు సిట్టింగ్ జడ్జితో విచారణ చేయించాలని.. లేదా సీబీఐ పై నమ్మకం ఉంటే వారితో విచారణకు ఆదేశించాలని పేర్కొన్నారు..

బీఆర్ఎస్ పాలనలో కాంగ్రెస్ కార్యకర్తల, నేతల పరిస్థితి స్వేచ్ఛను కోల్పోయిన బానిసలా మారిందని భావించి.. హస్తం గెలుపుకోసం పిడికిళ్ళు బిగించారు.. ఎలాగైనా రాష్ట్రంలో అధికారంలోకి కాంగ్రెస్ వస్తే.. ఆ పార్టీనే నమ్ముకొన్న వారికి విలువ దక్కుతుందని ఆశించారు.. కానీ తెలంగాణలో ప్రభుత్వాని ఏర్పాటు చేశాక పాత రోత.. కొత్త వింతలా మారిస్థితి ఏర్పడిందని వాపోతున్నట్లు చర్చించుకొంటున్నారు..

పార్టీ కోసం శ్రమించిన వారిని పక్కనపెట్టి.. అధికారంలో ఉన్నప్పుడు మూడు చెరువుల నీళ్ళు తాగించిన బీఆర్ఎస్ నేతలను కాంగ్రెస్ లోకి ఆహ్వానించడం కొంత మంది సీనియర్లు, కార్యకర్తలు, నేతలు జీర్ణించుకోవడం లేదనే టాక్ వినిపిస్తోంది. అందుకే ప్రస్తుతం కాంగ్రెస్ లో చేరికల అంశం హాట్ టాపిక్ గా మారిందని తెలుస్తోంది. మరోవైపు ఇటీవల సీఎం రేవంత్ రెడ్డి కాంగ్రెస్ లో చేరేందుకు తాము గేట్లు ఓపెన్ చేశామని చేసిన వ్యాఖ్యలు చర్చనీయాశంగా మారాయి..

పలువురు బీఆర్ఎస్ (BRS), బీజేపీ (BJP) నేతలు కాంగ్రెస్ పార్టీలో చేరడం.. వచ్చి రాగానే వారికి ఎన్నికల్లో సీట్లు.. అది కాకుంటే.. పదవులు కట్టబెట్టడంతో కొందరు సొంత పార్టీ నేతలు ఉడికిపోతున్నట్లు ప్రచారం జరుగుతోంది. ఈ నేపథ్యంలో చేరికలపై కాంగ్రెస్ (Congress) సీనియర్ నేత, మాజీ ఎమ్మెల్యే కిచ్చన్నగారి లక్ష్మారెడ్డి (Kichannagari Lakshma Reddy), సీఎం రేవంత్ రెడ్డి (CM Revanth Reddy) ఎదుటే సంచలన వ్యాఖ్యలు చేశారు.

కాంగ్రెస్ ను మోసం చేసిన దొంగలను పార్టీ లోపలికి తీసుకొస్తే మా లాంటి నాయకులు, కార్యకర్తలు మళ్లీ చనిపోయే ప్రమాదం ఉందని ఆవేదన వ్యక్తం చేశారు. మల్కాజిగిరి పార్లమెంట్ నియోజకవర్గ క్యాంపు కార్యాలయంలో నేడు చేవెళ్ల నియోజకవర్గ ముఖ్య నాయకులతో సీఎం ప్రత్యేకంగా సమావేశం అయ్యారు. ఈ సందర్భంగా కేఎల్ఆర్ చేసిన ఈ వ్యాఖ్యలు ఆసక్తికరంగా.. ఆలోచించుకొనే విధంగా మారాయని అనుకొంటున్నారు..

అడవిలో ఉన్నంత వరకే సింహం రారాజు.. ఒక్క సారి అడవి దాటి జనంలోకి ప్రవేశిస్తే.. దాని పని పట్టేదాక ఈ మనుషులు వదలరని తెలిసిందే.. అలాగే రాజకీయ నాయకులకు అధికారంలో ఉన్నంత వరకే విలువ.. ఒక్కసారి అధికారం.. పదవి పోయాయా.. ఎదురయ్యే పరిస్థితి ఊహించుకొని బ్రతకలేక నేతలు బోనులో ఉన్న పులిలా గింజుకోవడం కనిపిస్తోంది.. ప్రస్తుతం రాష్ట్రంలో బీఆర్ఎస్ పరిస్థితి ఇలాగే ఉందంటున్నారు..

ఓటమి పలకరించగానే.. కేసులు బీఆర్ఎస్ (BRS) గడప తట్టాయి.. వరుసగా చేసిన పొరపాట్లు త్రాచుపాములా మెడకు చుట్టుకోవడం ప్రారంభించాయి.. ఇదే అవకాశంగా భావించిన ప్రతిపక్షాలు కారును కొలుకోకుండా పంక్చర్ చేసి స్క్రాప్ కు పంపించాలని వ్యూహాలు రచిస్తున్నట్లు చర్చలు మొదలైయ్యాయి.. ఇప్పటికే కాంగ్రెస్ (Congress), బీజేపీ (BJP) తీవ్ర విమర్శలు చేస్తూ.. బీఆర్ఎస్ ను గుక్కతిప్పుకొనివ్వడం లేదంటున్నారు..

మరోవైపు ఫోన్ ట్యాపింగ్ వ్యవహారం రోజు రోజుకు కొత్త ట్విస్ట్ లను ఇస్తూ.. ఇందులో ఉన్న పెద్దలను బయటకు లాగే వరకు ఆగదని అంటున్నారు.. ఇదే సమయంలో కేంద్ర మంత్రి, బీజేపీ తెలంగాణ (Telangana) అధ్యక్షుడు కిషన్ రెడ్డి (Kishan Reddy) ఈ కేసు విషయంలో ఏమాత్రం నిర్లక్ష్యంగా వ్యవహరించకూడదని పేర్కొన్నారు.. నేడు మీడియాతో మాట్లాడుతూ.. బీజేపీ ఆఫీసు సిబ్బంది ఫోన్లను కూడా ట్యాప్ చేశారని అనుమానం వ్యక్తం చేశారు.

ఈ వ్యవహారానికి స్వయంగా అప్పటి ముఖ్యమంత్రి కేసీఆర్ (KCR) బాధ్యత వహించాలని డిమాండ్ చేశారు. ఫోన్ ట్యాపింగ్ చేయాలంటే ఉన్నతాధికారుల అనుమతి తీసుకోవాలి.. కానీ, అలా కాకుండా ఇష్టమొచ్చినట్లు ట్యాపింగ్ చేశారనే అనుమానాలు లేవనెత్తారు.. బీఆర్ఎస్ ముఖ్య నేతల అనుమతి లేకుండానే ఇంత తతంగం జరిగిందా? అని కిషన్ రెడ్డి ప్రశ్నించారు..

మరోవైపు ఢిల్లీ లిక్కర్ కుంభకోణం కేసులో కవిత అరెస్ట్‌ అవడం.. తెలంగాణ సెంటిమెంట్‌కు సంబంధం లేదని తెలిపారు. ఈ స్కామ్‌లో కవిత (Kavitha) పాత్ర లేదని మీడియా ముందు బీఆర్ఎస్ నేతలు రెచ్చిపోవడం కాదు.. దమ్ముంటే కేసీఆర్‌ను బహిరంగ చర్చకు రమ్మనండని కిషన్ రెడ్డి సవాల్ విసిరారు.