Politics

తెలంగాణ (Telangana)లో బీఆర్ఎస్ (BRS), కాంగ్రెస్ (Congress) మధ్య పొలిటికల్ వార్ ఇంకా కొనసాగుతూనే ఉంది. కామన్ గా అధికారంలో ఉన్నప్పుడు బీఆర్ఎస్.. వారికి అనుకూలంగా ప్రవర్తించిందనే ఆరోపణలున్నాయి.. ప్రతిపక్షంలోకి మారాక ప్రజా సమస్యలపై కూడా వారికే అనుకూలంగా గళం విప్పుతోందనే విమర్శలు వినిపిస్తున్నాయి..

ప్రజల చేత ఎన్నుకోబడిన నేతలు.. అధికారంలోకి వచ్చాక ప్రజలను మరచిపోవడం రాజకీయాల్లో ఉన్న జబ్బుగా పోల్చుతున్న కొందరు.. ప్రస్తుతం గులాబీ, హస్తం మధ్య మాటల యుద్ధాన్ని టామ్ అండ్ జెర్రీ ఆటలా ట్రీట్ చేస్తున్నారు.. అధికారంలో ఉన్నప్పుడు గుర్తు రాని సమస్యలు ఇప్పుడు గుర్తు చేస్తుండటంతో ఆశ్చర్యానికి గురవుతున్నారు.. ఇక తాజాగా రైతులు ఎదుర్కొంటున్న సమస్యలపై స్పందించిన కేటీఆర్.. సీఎం రేవంత్ రెడ్డిపై ఆసక్తికర ట్వీట్ చేశారు.

బ్యాంకుల్లో రుణాలు తీసుకోన్న రైతులు ఎవ్వరూ రూపాయి కట్టొద్దు. కాంగ్రెస్‌ అధికారంలోకి రాగానే డిసెంబర్ 9న రూ.2 లక్షలు రుణమాఫీ చేస్తాం. ఇవి ఎన్నికలకు ముందు రేవంత్‌రెడ్డి (Revanth Reddy) చెప్పిన మాటలంటూ ట్విట్టర్ ద్వారా తెలిపిన కేటీఆర్ (KTR).. లోన్‌ తీసుకోనోళ్లు పోయి తెచ్చుకోండన్నారు.. కానీ నేడు.. పంట రుణాలపై కాంగ్రెస్‌ సర్కారు మౌనం.. రైతన్నలకు లీగల్‌ నోటీసులు..

ఇదా మిమ్మల్ని ఎన్నుకొన్నందుకు ప్రజలకు ఇచ్చే బహుమానం.. ఇంత మోసం, దగా, నయవంచన ఎప్పుడు చూడలేదంటూ.. కేటీఆర్ తీవ్ర విమర్శలు గుప్పించారు. ఇదిలా ఉండగా కేటీఆర్ ట్వీట్ పై నెటిజన్లు సైతం స్పందిస్తున్నట్లు తెలుస్తోంది.. రేవంత్ మాటలు నమ్మి బ్యాంకుల్లో లోన్లు తెచ్చుకున్నామని ఓ నెటిజన్ కామెంట్ చేస్తే.. ఎన్నికల ముందు ఇచ్చిన హామీ 2 లక్షల రుణ మాఫీ ఉత్త మాటేనా? అని మరొకరు.. లోన్లు కట్టాలని రైతలకు లీగల్ నోటీసులు బ్యాంకులు పంపుతున్నాయని, ఆ రోజులే బాగుండేరా అని ఇంకో నెటిజన్ కామెంట్స్ చేస్తున్నారని అంటున్నారు

ప్రస్తుతం సోషల్ మీడియా (Social Media) సొసైటీలో స్ట్రాంగ్ వేపన్ లా మారిందన్న విషయం తెలిసిందే.. ఒక మంచి జరగాలన్న.. లేదా ఒక చెడుకు కారణం కావాలన్న ఈ సోషల్ మీడియా అనేది ముఖ్య పాత్ర పోషిస్తుందని పలుమార్లు నిరూపించబడింది. అయితే అసెంబ్లీ ఎన్నికల్లో బీఆర్ఎస్ (BRS) ఓటమి చెందటంలో ఈ సోషల్ మీడియా కీలక భూమిక పోషించిందనే అభిప్రాయాన్ని ఎన్నో సార్లు కేటీఆర్ వ్యక్తం చేశారు..

ఇక పార్లమెంట్ ఎన్నికలు సమీపిస్తున్న తరుణంలో సోషల్ మీడియా బీఆర్ఎస్ పార్టీపై, నేతలపై అసత్యప్రచారాలు ప్రసారం చేస్తూన్నాయని మండిపడ్డారు.. ఈ క్రమంలో ప్రజలను తప్పుదోవ పట్టించే యూట్యూబ్ చానెళ్లపై కేటీఆర్ (KTR) ట్విట్టర్ వేదికగా ఫైర్ అయ్యారు. తప్పుదోవ పట్టించేలా తంబ్ నెయిల్స్ పెడుతూ, వార్తల పేరుతో శుద్ద అబద్దాలను ప్రచారం చేస్తున్నాయని మండిపడ్డారు.

సమాజంలో బాధ్యతాయుతంగా వ్యవహరించాల్సిన యూట్యూబ్ ఛానళ్లు (YouTube channels) స్వలాభం కోసం.. కొందరికి వత్తాసు పలుకుతూ.. చట్టవిరుద్ధమైన వీడియోలను, ఫేక్ న్యూస్ లను ప్రచారం చేస్తున్నాయని కేటీఆర్ మండిపడ్డారు.. ఈ వ్యవహారం అంతా నాతోపాటు, మా పార్టీని దెబ్బతీయాలన్న కుట్రలో భాగంగా జరుగుతున్నదని భావిస్తున్నట్లు వెల్లడించారు. ఈ చర్యలు కేవలం ప్రజలను అయోమయానికి గురి చేసి, తప్పుదోవ పట్టించేందుకు చేస్తున్న చర్యగా పేర్కొన్నారు..

గతంలో ఇలాంటి సంఘటనలకు పాల్పడిన మీడియా సంస్థలపై న్యాయపరమైన చర్యలు చేపట్టినట్లు గుర్తు చేశారు. మరోవైపు కొన్ని యూట్యూబ్ ఛానల్స్ చేస్తున్న ఈ దుర్మార్గపూరిత, కుట్రపూరిత చర్యలను చట్టబద్ధంగా ఎదుర్కొంటామని వెల్లడించారు.. యూట్యూబ్ ఛానళ్లపైన పరువు నష్టం కేసులు నమోదు చేయడంతో పాటు క్రిమినల్ చర్యలు కూడా తీసుకుంటామని హెచ్చరించారు..

అడ్డమైన తంబునెల్స్ తో, అసత్యాలను వార్తల పేరిట అదే పనిగా ప్రచారం చేస్తున్న ఆయా యూట్యూబ్ ఛానళ్లను నిషేధించాలని అధికారికంగా ఫిర్యాదు చేస్తున్నట్లు కేటీఆర్ వెల్లడించారు.. ఇప్పటికైనా తమ తీరు మార్చుకోని, ప్రజలను తప్పుతోవ పట్టించడం మానుకోవాలని హితవు పలికారు. కుట్రపూరితంగా మమ్మల్ని దెబ్బతీయాలని వ్యవహారం నడిపే యూట్యూబ్ ఛానళ్లు చట్ట ప్రకారం తగిన శిక్షకు సిద్దంగా ఉండాలని ఎక్స్ వేదికగా వార్నింగ్ ఇచ్చారు..

ఎన్నికలు వచ్చాయంటే డబ్బులకు రెక్కలు వస్తాయి.. లోపలున్న బ్లాక్ మనీ అంతా బయటకి వస్తుందని తెలిసిందే.. అయితే త్వరలో జరగనున్న పార్లమెంట్ ఎన్నికల్లో (Parliament Elections) డబ్బు ప్రభావానికి అడ్డుకట్ట వేయాలని భావించిన కేంద్ర ఎన్నికల సంఘం.. ఆయా రాష్ట్రాలకు కీలక ఆదేశాలు జారీ చేసింది.. ఇందులో భాగంగా బ్యాంకుల నుంచి రూ.ల‌క్ష దాటిన లావాదేవీలపై నిఘా ఉంచాలని తెలిపింది.

ఈ నేపథ్యంలో అధికారులు అన్నిచోట్లా కట్టుదిట్టమైన ఏర్పాట్లు చేశారు.. ఇక తెలంగాణ (Telangana)లో సైతం గట్టి నిఘా ఏర్పాటు చేశారు. ప్రతి వాహనాన్ని చెక్ చేసిన తర్వాతే వెళ్ళడానికి అనుమతి ఇస్తున్నారు.. ఈ క్రమంలో రంగారెడ్డి (Rangareddy) జిల్లా, షాద్ నగర్ (Shad Nagar), రాయికల్ టోల్ ప్లాజా వద్ద రాత్రి పోలీసులు చేసిన తనిఖీల్లో ఎలాంటి ఆధారాలు లేకుండా నగదుతో పాటు వెండి తరలిస్తున్నట్లు గుర్తించారు.

ఎన్నికల కోడ్ అమలులో ఉన్న నేపథ్యంలో వనపర్తి నుంచి హైదరాబాద్ (Hyderabad) వస్తున్న TS 08 Z 0098 అనే బస్సులో సోదాలు నిర్వహించగా జయదేవ్ అనే యువకుడి వద్ద 16 లక్షల 50వేల నగదు, ఐదున్నర కిలోల వెండి బయటపడింది. అయితే వాటికి సంబందించిన ఎలాంటి ఆధారాలు అతను చూపించక పోవడంతో.. వాటిని సీజ్ చేసి ఐటీ అధికారులకు అప్పగించినట్లు పోలీసులు వెల్లడించారు.

మరోవైపు గజ్వేల్ పట్టణం, అంబేద్కర్ చౌరస్తాలో పోలీసులు వాహనాల తనిఖీలు నిర్వహించారు. ఈ సందర్భంగా బచ్చు రత్నాకర్‌కు చెందిన TS 36 C 0198 కారులో రూ.50 లక్షల నగదును పోలీసులు గుర్తించారు. వీటికి కూడా సరైన ఆధారాలు లేకపోవడంతో.. పోలీసులు స్వాధీనం చేసుకొన్నారు.. ఈ నేపథ్యంలో గజ్వేల్ సీపీ అనురాధ కీలక సూచనలు చేశారు.. ఎవరైనా రూ.50 వేలకు మించి నగదు తీసుకెళ్లరాదని వెల్లడించారు. ఒకవేళ ఎక్కువ మొత్తంలో డబ్బులుంటే.. సరైన ధ్రువపత్రాలు చూపించాలని తెలిపారు..

ఎన్నికల వేళ లిక్కర్ స్కాం(Liquor scam)లో ఎమ్మెల్సీ కవిత(MLC Kavitha)ను ఈడీ అరెస్టు చేయడంతో రాష్ట్ర రాజకీయాలు ఆసక్తికరంగా మారాయి. ఈ నేపథ్యంలో బీఆర్ఎస్ ఎమ్మెల్యే జగదీష్‌రెడ్డి(MLA Jagadeesh Reddy) కీలక వ్యాఖ్యలు చేశారు. ఈ కేసుకు సంబంధించి బీజేపీ రాష్ట్ర అధ్యక్షుడు, కేంద్ర మంత్రి కిషన్ రెడ్డి(Kishan Reddy) ఆధారాలున్నాయంటున్నారని.. ఈడీ జోక్యం చేసుకుని విచారణ చేపట్టాలని డిమాండ్ చేశారు.

తెలంగాణ భవన్‌లో ఆదివారం ఆయన మీడియాతో మాట్లాడారు. తెలంగాణలో కాంగ్రెస్, బీజేపీ అండర్ స్టాండింగ్‌తో అభ్యర్థులను పెడుతున్నారని తెలిపారు. ప్రజల్లో బలం లేని ఈ రెండు పార్టీలు కలిసి పనిచేస్తున్నాయని విమర్శించారు. గతంలో కవితను విచారణ చేసి, ఏం తేలలేదని చెప్పారని గుర్తు చేశారు. ఇప్పుడూ అదే జరుగుతుందన్నారు.

ఎన్నికలు వస్తున్నాయి కాబట్టే కవిత కేసుపై కిషన్ రెడ్డి ఆధారాలున్నాయంటున్నారని, మరి ఈడీ కల్పించుకుని కిషన్‌రెడ్డిని విచారించాలని జగదీశ్ రెడ్డి సూచించారు. ఒకవైపు రాష్ట్రంలో చాలా చోట్ల పొలాలు ఎండి పోతున్నా మంత్రులు కోమటిరెడ్డి వెంకటరెడ్డి, ఉత్తమ్ కుమార్ రెడ్డిలకు చీమకుట్టినట్లు కూడా లేదని మండిపడ్డారు.

నల్గొండ, ఖమ్మం జిల్లాల్లో పరిస్థితి ఘోరంగా ఉందన్నారు. గతంలో కేఆర్ఎండీ అడ్డు చెప్పినా తాము పొలాలకు నీళ్లు ఇచ్చామన్నారు. నాగార్జున సాగర్ కట్ట మీదకు వెళ్ళడానికి మంత్రులకు లాగులు తడుస్తున్నాయంటూ ఎద్దేవా చేశారు. ప్రభుత్వం ఇక్కడ వసూళ్లు చేసి ఢిల్లీకి ముడుపులు కట్టే పనిలో బిజీగా ఉందని ప్రజా సంక్షేమానికి గాలికి వదిలేసిందంటూ విరుచుకుపడ్డారు.

బీఆర్ఎస్ (BRS) అధికారంలో ఉన్నన్ని రోజులు సంతోష్ రావు (Santosh Rao) అనే పేరు ప్రముఖంగా వినిపించేది.. కేసీఆర్ (KCR)ను కలవాలంటే ముందుగా సంతోష్ రావును ప్రసన్నం చేసుకోవాలనే టాక్ వినిపించేది. ఒక రకంగా కుటుంబ సభ్యులను సైతం గులాబీ బాస్ కు దూరం చేశారనే ప్రచారం కూడా జరిగింది. అయితే అసెంబ్లీ ఎన్నికల్లో బీఆర్ఎస్ (BRS) ఓటమి.. ఊహించని విధంగా ఆ పార్టీని బలహీనంగా మార్చిందని చర్చలు జరుగుతున్నాయి..

అయితే లోక్ సభ ఎన్నికల్లో కారు స్పీడ్ తగ్గలేదని నిరూపించుకొందామని అనుకొన్న అధిష్టానానికి లిక్కర్ స్కామ్ చిక్కులు తెచ్చింది. గత రెండు సంవత్సరాలుగా నానుతున్న ఢిల్లీ మద్యం కేసు కవిత (Kavitha) అరెస్ట్ తో కొత్త మలుపు తీసుకొంది. అసలే పార్లమెంట్ ఎన్నికలు సమీపిస్తున్నాయి.. మరోవైపు ఎంపీ అభ్యర్థుల విషయం బీఆర్ఎస్ కు పెద్ద టాస్క్ లా మారింది.

ఇదే సమయంలో తాజాగా బీఆర్ఎస్ నేత సంతోష్ రావుపై కేసు నమోదవడం ఆ పార్టీని ఇరుకున పడేసిందని అంటున్నారు.. రోడ్ నెంబర్ 14లో ఉన్న ల్యాండ్ కబ్జాకు సంతోష్ రావు ప్రయత్నించారని ఆరోపణలు వచ్చిన నేపథ్యంలో హైదరాబాద్ (Hyderabad), బంజారాహిల్స్ పోలీస్ స్టేషన్ లో ఆయనపై పోలీస్ కేసు ఫైల్ అయ్యింది. నకిలీ డాక్యుమెంట్స్, ఫ్యాబ్రికేటెడ్ డోర్ నెంబర్ల సృష్టించి ల్యాండ్ కబ్జాకు యత్నించినట్టు బాధితులు ఆరోపణలు చేస్తున్నారు..

బంజారాహిల్స్ రోడ్ నెంబర్ 14 లో NECL కంపెనీ కి చెందిన భూమిలో అక్రమంగా చొరబడి నిర్మాణం చేపట్టారని సదరు భూ యజమాని పోలీసులకు ఫిర్యాదు చేశారు.. దీంతో సంతోష్ రావు తో పాటు లింగారెడ్డి శ్రీధర్ పై 420,468,471,447,120,r/w 34 IPC కింద కేస్ నమోదు చేసినట్టు సమాచారం.