Politics

బీజేపీ(BJP)కి కవిత(Kavitha) అరెస్టుకు ఎలాంటి సంబంధం లేదని బీజేపీ రాష్ట్ర అధ్యక్షుడు కిషన్ రెడ్డి(Kishan Reddy) స్పష్టం చేశారు. కేసీఆర్ కూతురు ఇవాళ ఈడీ ముందు విచారణ ఎదుర్కొంటుందని వెల్లడించారు. ఇది ఢిల్లీ ప్రభుత్వంలో జరిగిన అవినీతి అని చెప్పారు. ఢిల్లీలో లిక్కర్ వ్యాపారంపై విచారణ చేస్తే కవిత పేరు వచ్చిందన్నారు.

బీఆర్ఎస్ తరహాలోనే కాంగ్రెస్ ప్రభుత్వం మధ్యం అమ్మకాలతో పేదల రక్తం తాగుతోందన్నారు. కవిత అరెస్టు అయితే బీఆర్ఎస్ నేతలు ఎందుకు ధర్నాలు చేస్తున్నారని ప్రశ్నించారు. ప్రధాని మోడీ దిష్టి బొమ్మ ఎందుకు దగ్ధం చేసేస్తున్నారని కిషన్ రెడ్డి మండిపడ్డారు. గతంలో మధ్య నిషేధం చేస్తామని చెప్పిన కవిత ఢిల్లీలో లిక్కర్ వ్యాపారం చేసిందని విమర్శించారు. అయితే, బీనామీ పేర్లతో వ్యాపారం చేశారనీ.. ఆధారాలను ధ్వంసం చేసి బీజేపీపై ఆరోపణలు చేస్తున్నారని కిషన్ రెడ్డి మండిపడ్డారు.

బీజేపీ పట్ల దేశవ్యాప్తంగా సానుకూల వాతావరణం ఉందన్నారు కిషన్ రెడ్డి. మూడోసారి 370 స్థానాలు బీజేపీకి ఒంటరిగా రావాలన్నారు. ఎన్డీయే భాగస్వామ్య పార్టీలతో కలిసి 400 స్థానాల్లో గెలుస్తామని ఆయన ధీమా వ్యక్తం చేశారు. దేశంలో అనేక చారిత్రక నిర్ణయాలు తీసుకున్నామనీ.. పలు అభివృద్ధి కార్యక్రమాలకు శ్రీకారం చుట్టామని వెల్లడించారు. పదేళ్లలో కాంగ్రెస్ హయాంలో రూ. 22లక్షల కోట్లు అవినీతి జరిగిందన్నారు. అయితే, ఏ విపక్షం కూడా మోడీ ప్రభుత్వం అవినీతి చేసిందని విమర్శించే అవకాశం లేకుండా చేశామన్నారు.

అవినీతికి పాల్పడితే బీజేపీ కార్యకర్తలైనా విపక్షాల నేతలైనా విచారణ ఎదుర్కోవాలన్నారు. కవిత అనుచరులు, బినామీలను విచారిస్తే కవిత పాత్ర ఉందని తేలిందని ఆయన వివరించారు. విచారణకు పిలిస్తే సహకరించకుండా మొండికేసిందని తెలిపారు. అందుకే ఇప్పుడు అరెస్టు అయ్యిందని చెప్పారు. ఇది బీరు, బ్రాందీ కేసు.. ఢిల్లీ ప్రభుత్వం కేసుని ఆయన పేర్కొన్నారు. దీనిపై బీఆర్ఎస్, కాంగ్రెస్‌లు తప్పుడు ప్రచారం చేస్తున్నాయని మండిపడ్డారు.

మరోవైపు రేపు ఉదయం జగిత్యాలలో నిర్వహించే సభలో మోడీ పాల్గొంటారని కిషన్ రెడ్డి తెలిపారు. ఉత్తరాదిన బీజేపీకి ఘననీయమైన సీట్లు వస్తాయని ధీమా వ్యక్తం చేశారు. చాలామంది ఐఏఎస్‌లు బీజేపీ పెద్ద ఎత్తున సీట్లు వస్తాయని చెబుతున్నారని అన్నారు. రాష్ట్రంలో, దేశంలో ఏ ఒక్కరిని అడిగినా మోడీ మరోసారి ప్రధాని కావాలని కోరుకుంటున్నారని చెప్పారు. వచ్చే ఎన్నికల్లో బీఆర్ఎస్ కనుమరుగు అవుతుందన్నారు. లక్షలాది ఉద్యమకారులు పోరాటం చేస్తే రాష్ట్రం ఓ కుటుంబం చేతిలో నలిగి పోయిందని కిషన్ రెడ్డి ఆవేధన వ్యక్తం చేశారు.

భారత్‌లో ముస్లింలు ఎంతో స్వేచ్చగా ఉన్నారని బీజేపీ ఎంపీ లక్ష్మణ్(MP Laxman) తెలిపారు. కేవలం ఆఫ్ఘనిస్తాన్, పాకిస్థాన్ బంగ్లాదేశ్ నుండి అక్రమంగా వచ్చిన ముస్లింలను మాత్రమే సీఏఏ అడ్డుకుంటుందన్నారు. హైదరాబాద్‌లోని హమారా సంకల్ప్ వికసిత్ భారత్.. ఫిర్ ఏక్ బార్ మోడీ సర్కార్(Fir Ek Bar Modi Sarkar) కార్యక్రమంలో భాగంగా అడ్వకేట్స్ మీట్‌లో ఆయన పాల్గొన్నారు. సీఏఏ దేశంలో ఉన్న ముస్లింలకు వ్యతిరేకం కాదని క్లారిటీ ఇచ్చారు. అయితే, దేశ ప్రజలు మరింత అభివృద్ధి చెందాలంటే ప్రధాని మోడీకి సపోర్ట్ చేయాలని లక్ష్మణ్ సూచించారు.

ప్రపంచంలోనే భారత్ అతి పెద్ద ప్రజాస్వామ్య దేశమన్నారు ఎంపీ లక్ష్మణ్. ప్రజల మనోగతాన్ని తీసుకుని మేనిఫెస్టో తయారు చేయడానికి బీజేపీ సిద్ధం అయ్యిందన్నారు. అందులో భాగంగానే ప్రజలు, మేధావులు, వెనుక బడిన వర్గాల సలహాలు తీసుకోవడానికి ముందుకు వచ్చామని తెలిపారు. కేవలం బీజేపీ మేనిఫేస్టోలా కాకుండా ప్రజల మేనిఫెస్టోలా ఉండాలని నిర్ణయించినట్లు పేర్కొన్నారు.

కాగా, అమలు చేయలేని హామీలు కాంగ్రెస్ పార్టీ ఇచ్చిందన్నారు లక్ష్మణ్. కాంగ్రెస్ అధికారంలో ఉన్న కర్ణాటకలో సైతం అమలు పరచలేని హామీలు ఇచ్చి ప్రభుత్వాన్ని ఏర్పాటు చేశారని విమర్శించారు. అక్కడ పరిస్థితి చూస్తే హామీలు నెరవేర్చలేక ప్రభుత్వం విఫలమయ్యిందన్నారు. ఇప్పుడు కర్ణాటక ప్రజలు ప్రభుత్వాన్ని వ్యతిరేకిస్తున్నారని తెలిపారు. అలాగే తెలంగాణలోనూ ఎన్నికల ముందు ఆరు గ్యారెంటీలు కాంగ్రెస్ ప్రకటించిందన్నారు. కాంగ్రెస్ అధికారం చేపట్టి వంద రోజులు కావస్తున్నా హామీలు అమలు కావడం లేదని మండిపడ్డారు.

మరోవైపు ప్రధాని మోడీ ప్రభుత్వం స్వయం శక్తిపై ప్రజలు నిలబడే పథకాలు తీసుకొచ్చారని తెలిపారు. ముందుచూపు ఉన్న గొప్ప వ్యక్తి ప్రధాని మోడీ అని చెప్పారు. భారత్‌లో ఉన్న ప్రాంతీయ పార్టీలు కేవలం కుటుంబం కోసం పని చేస్తున్నాయని అన్నారు. కాంగ్రెస్ పార్టీ కూడా సోనియా గాంధీ, రాహుల్ కోసం పని చేస్తున్నాయని విమర్శించారు. కేసీఆర్ తన కొడుకును, కూతురిని, ముఖ్యమంత్రి చేయడానికే పని చేస్తున్నారని ఎంపీ లక్ష్మణ్ మండిపడ్డారు. అయితే, దేశం, ప్రజల కోసం పనిచేసే ఒకే ఒక్క వ్యక్తి ప్రధాని మోడీ అని ఆయన పేర్కొన్నారు.

అధికారం ఉంటేనే అంతా నా వారు.. లేకుంటే ఎవరికి ఎవరు అనే విధంగా ప్రస్తుత రాజకీయాలు ఉన్నాయని తెలుస్తోంది. గత పది సంవత్సరాలు బీఆర్ఎస్ పార్టీ వైభవం రాజ భోగాలను తలపించేలా సాగింది. కానీ ఒక్క ఓటమి.. బీఆర్ఎస్ (BRS) పార్టీనా.. అదెలా ఉంటది అని ప్రశ్నించే స్థితికి చేరింది. అప్పటి వరకు మా ఉద్యమ పార్టీ.. మా ప్రాణం, బీఆర్ఎస్.. చచ్చే వరకు ఈ పార్టీలో కొనసాగుతాం అని చెప్పిన నేతలు ఊహించని షాక్ ఇస్తూ.. జంప్ అవుతున్నారు.

తాజా రాజకీయ పరిణామాలను పరిశీలిస్తే పార్లమెంట్ ఎన్నికల తర్వాత గులాబీ తోట వాడిపోయి.. పార్టీ కుటుంబీకులు మాత్రమే మిగిలేలా ఉన్నారనే టాక్ వినిపిస్తోంది. అసలు బీఆర్ఎస్ ఉనికి ఉంటుందా అనే ప్రశ్నలు తలెత్తుతున్నాయి.. ఎందుకంటే ఒకటి కాదు రెండు కాదు.. పదులు సంఖ్యలో పార్టీని వీడటం అధిష్టానాన్ని డిఫెన్స్ లో పడేసిందని తెలుస్తోంది. పొద్దున పార్టీ మారం అని స్టేట్ మెంట్ ఇచ్చి, సాయంత్రం అయ్యే సరికి కాంగ్రెస్, బీజేపీ (BJP) గూటికి చేరుతున్న దృశ్యాలు కనిపిస్తున్నాయి.

అయిన ఎంతో రాజకీయ అనుభవం ఉన్న కేసీఆర్ (KCR) తాను అధికారంలోకి రావడానికి, వచ్చాక పదవి సుదీర్ఘంగా కాపాడుకోవడానికి ప్రయోగించిన అస్త్రాలు అన్ని తిరిగి ఆయనకు ఎక్కుపెట్టాయని తెలుస్తోంది. కాగా ఇప్పటి వరకు బీఆర్ఎస్ ముఖ్య నేతలందరు కారు స్టీరింగ్ వదులుతున్నారు.. మరికొందరు సమయం కోసం మాటు వేశారని అనుకొంటున్నారు.. ఈ సమయంలో ఎవరిని నమ్మాలో తెలియక గులాబీ బాస్ రాజకీయ జ్ఞానం కొంత ఆందోళనలో పడినట్లు చర్చించు కొంటున్నారు..

ఒక వైపు కూతురు చేసిన ఘనకార్యం.. మరో వైపు ఉనికి కోల్పోతున్న పార్టీ.. ఆ పెద్దాయన చతురతను ప్రశ్నిస్తున్నాయని అనుకొంటున్నారు.. ఇదిలా ఉండగా తాజాగా బీఆర్​ఎస్​ పార్టీకి గట్టి ఎదురదెబ్బ తగిలింది. పార్టీకి చెందిన చేవెళ్ల (Chevella) ఎంపీ రంజిత్‌ రెడ్డి ( MP Ranjith Reddy) రాజీనామా చేసి కాంగ్రెస్ (Congress)లో చేరగా.. అన్నా నీవెంటే ఉంటా అని తెలిపిన దానం సడెన్ గా షాకిచ్చారు..

కాగా ఇటీవల సీఎంతో భేటీ అయిన బీఆర్​ఎస్​ ఎమ్మెల్యే దానం నాగేందర్ (MLA Danam Nagender), పొద్దున పార్టీ మారనని క్లారిటీ ఇచ్చారు.. కానీ తాజాగా హస్తం కండువా కప్పుకొని ట్విస్ట్ ఇచ్చారు.. ఇక లోక్ సమరం ముగిశాక.. బీఆర్ఎస్ పరిస్థితి ఏంటనే చర్చలు అప్పుడే మొదలైయ్యాయి..

తెలంగాణ (Telangana) ప్రజల ఆకాంక్షల కొరకు తెచ్చుకొన్న ప్రత్యేక రాష్ట్రం.. కేసీఆర్ చేతిలో బందీగా మారి ధగా పడిందని సీఎం రేవంత్‌రెడ్డి ఆరోపించారు. నిజాం నిరంకుశ పాలన నుంచి విముక్తులు అవ్వడాని ప్రజలు ఎన్ని కష్టాలు అనుభవించారు.. ఎంత మంది మరణించారు గుర్తు చేసుకొంటే పిడికిళ్ళు బిగుసుకుంటాయని అన్నారు. అలాంటి పాలనను ఈ పది సంవత్సరాలు బీఆర్ఎస్ (BRS) గుర్తు చేసిందని విమర్శించారు.

హైదరాబాద్‌ (Hyderabad)లో ఏర్పాటు చేసిన మీట్‌ ది మీడియా కార్యక్రమంలో పాల్గొన్న సీఎం రేవంత్ రెడ్డి (CM Revanth Reddy ).. గత ప్రభుత్వ పాలనపై మండిపడ్డారు.. నిజాం రాచరిక పాలన 1948 సెప్టెంబర్‌ 17న అంతమైందని, అలాగే కేసీఆర్‌ పాలన 2023 డిసెంబర్‌ 3న అంతమైందని తెలిపారు. తమ వారసులే అధికారంలో ఉండాలని అప్పటి నిజాం నవాబు కోరుకొన్నట్లు.. కేసీఆర్ కూడా ఆశించారని, అందుకే ప్రజలు స్వేచ్ఛను కోరుకొని మూలన కూర్చోబెట్టారని విమర్శించారు..

నిజాం నకలునే కేసీఆర్‌ (KCR) చూపించారని రేవంత్‌ ఆక్షేపించారు. ప్రజాస్వామ్యం పై నమ్మకం లేని ఆయన ఏనాడు ప్రజల స్వేచ్ఛను గౌరవించలేదని పేర్కొన్నారు. నిజాం ఎన్ని అభివృద్ధి పనులు చేసినా.. ఆయన నిరంకుశత్వ వైఖరి ప్రజల్లో తిరుగుబాటుకు కారణమైందని తెలిపారు. గత చరిత్రను పరిశీలిస్తే.. తెలంగాణ సమాజం బానిసత్వాన్ని సహించదని చెబుతోందన్నారు.. రాచరిక పోకడలతో రాజకీయ వారసత్వాన్ని చలాయించాలనుకొన్న కేసీఆర్ ప్రయత్నం ఆయన పతనానికి కారణమని వివరించారు. ..

ఖాసీం రిజ్వీలా తెలంగాణలో తన ఆధిపత్యం చూపారని, అధికారంపై తిరుగుబాటు చేసినవారిని అణిచివేసే ప్రయత్నం చేశారని తెలిపిన సీఎం.. 75 ఏళ్ల తరువాత తెలంగాణ ప్రజలు మళ్లీ పోరాడి స్వేచ్ఛను తెచ్చుకున్నారన్నారు.. కేసీఆర్ నయా నిజాంలా వ్యవహరిస్తు.. సచివాలయం, కాళేశ్వరం లాంటివి చూపి ప్రజల స్వేచ్ఛను హరించారని ఆరోపించారు. ఇన్నాళ్లు కవులు కళాకారులను తన గడీలో బంధించారని.. దొరగారి భుజకీర్తులను సాగించాలని తెలంగాణ సాంస్కృతిక చరిత్రపై దాడి చేశారని మండిపడ్డారు..

అందుకే మా ప్రభుత్వం ఉద్యమ సూర్తిని రగిలించిన జయ జయహే తెలంగాణ గీతాన్ని రాష్ట్ర గీతంగా ప్రకటించుకున్నాం.. ప్రగతి భవన్ ముళ్ల కంచెను బద్దలు కొట్టి ప్రజలకు స్వేచ్ఛను కల్పించామని రేవంత్ తెలిపారు.. అదీగాక రాష్ట్ర పరిపాలనను నిర్దేశించే సచివాలయంలో అందరికీ ప్రవేశం కల్పించామని.. మేం పాలకులం కాదు.. సేవకులం అని తెలిపేందుకు శాయశక్తులా ప్రయత్నిస్తున్నట్లు పేర్కొన్నారు..

అదేవిధంగా కొద్దిమంది అధికారులతో గత ప్రభుత్వం సాగించిన పాలనకు స్వస్తి చెప్పాం. పరిపాలన వికేంద్రీకరణ చేసి పారదర్శక పాలన అందించే ప్రయత్నం చేస్తున్నామని అన్నారు.. ఆరు గ్యారంటీలను ఒక్కొక్కటిగా అమలు చేస్తూ పేదలను ఆదుకుంటున్నట్లు రేవంత్ తెలిపారు.. హరీష్ ఇంటిపేరులో తన్నీరు ఉన్నంత మాత్రాన ఆయన పన్నీరు కాదని చురకలు అంటించారు..

తులసి వనంలో కొన్ని గంజాయి మొక్కలను కేసీఆర్ నాటి వెళ్లారని.. ప్రస్తుతం అవి దుర్గంధం వెదజల్లుతున్నాయని విమర్శించారు. రోజుకు 18గంటలు పనిచేసి మొత్తం గంజాయి మొక్కల్ని పీకేస్తామని రేవంత్ హెచ్చరించారు.. రాష్ట్రంపై రూ.9లక్షల కోట్ల అప్పుల భారం ఉందని. తెలంగాణ ఏర్పడిన రోజు ఏడాదికి చెల్లించాల్సిన అప్పు రూ.6 వేల కోట్లు..కానీ ఇప్పుడు ఏడాదికి రూ.64 వేల కోట్లు చెల్లించాల్సిన పరిస్థితికి కేసీఆర్ తీసుకొచ్చారని మండిపడ్డారు..