e-Paper
Telugu News » Sports » Page 21
Category:

Sports

IND VS BAN: Match with India.. Big shock for Bangla!
Sports

IND VS BAN: భారత్‌తో మ్యాచ్.. బంగ్లాకు భారీ షాక్!

by Mano
written by Mano

ప్రపంచకప్ 2023లో బంగ్లాదేశ్ జట్టు ఇప్పటివరకు మూడు మ్యాచ్‌లు ఆడింది. అందులో న్యూజిలాండ్, ఇంగ్లండ్, జట్లపై ఓడిన బంగ్లా.. ఒక్క ఆఫ్గనిస్తాన్‌పై విజయం సాధించింది. ఇక మరో కీలక పోరుకు బంగ్లా సిద్ధమవుతోంది.

IND VS BAN: Match with India.. Big shock for Bangla!

అక్టోబర్ 19న పూణెలోని మహారాష్ట్ర క్రికెట్ అసోసియేషన్ స్టేడియంలో బంగ్లాదేశ్ టీం భారత్‌తో తలపడనుంది. ఈ కీలక మ్యాచ్‌కు ముందుగా బంగ్లా జట్టుకు భారీ షాక్ తగిలే అవకాశాలు ఉన్నాయి. బంగ్లాదేశ్ కెప్టెన్ షకీబ్ అల్ హసన్ (Bangladesh Captain Shakib Al Hasan) భారత్‌ మ్యాచ్ ఆడటం అనుమానంగా మారింది.

చెన్నెలో న్యూజిలాండ్‌తో జరిగిన మ్యాచ్‌లో షకీబ్ అల్ హసన్ పరుగు తీస్తుండగా గాయపడ్డాడు. దీంతో అతడికి చెన్నైలో స్కానింగ్ చేయించగా పెద్ద గాయమే అయినట్లు తేలింది. దీంతో షోయబ్ భారత్‌తో ఆడే మ్యాచ్‌కు దూరంగా ఉండనున్నట్లు తెలుస్తోంది.

0 comment
0 FacebookTwitterPinterestEmail
Sports

క్రికెటర్ల జెర్సీ నెంబర్ ని ఎలా కేటాయిస్తారు..? జెర్సీ నెంబర్ వెనుక ఇంత ఉంటుందా..?

by Sravya
written by Sravya

చాలామందికి క్రికెట్ అంటే ఎంతో ఇష్టం. ఒక మ్యాచ్ కూడా మిస్ అవ్వకుండా చూసేవాళ్ళు కూడా ఎంతోమంది ఉన్నారు. అయితే క్రికెట్ కి సంబంధించి చాలా విషయాలు మనకి తెలిసి ఉండవు. కొన్ని కొన్ని విషయాలు ఎప్పుడైనా తెలిస్తే.. ఓహో.. దీని వెనుక ఇంత పెద్ద కారణం ఉందా అని అనుకుంటూ ఉంటాము. అయితే క్రికెటర్ల జెర్సీ నెంబర్లకు సంబంధించి కూడా చాలా మందికి కొన్ని విషయాలు తెలియవు. ఆ విషయాల గురించి ఇప్పుడు చూద్దాం. క్రికెటర్లకి జెర్సీ నెంబర్లను ఇస్తూ ఉంటారు. అయితే ఈ జెర్సీ నెంబర్లను ఎలా కేటాయిస్తూ ఉంటారు..? ఒక ఆటగాడి కి ఉండే జెర్సీ నెంబర్ వెనుక కారణం ఏంటి..? వంటి విషయాలను ఇప్పుడు తెలుసుకుందాం.

ఉదాహరణకి విరాట్ కోహ్లీని చూసినట్లయితే 18 ఆయన జెర్సీ నెంబర్. ధోని జెర్సీ నెంబర్ 7 ఇలా ఒక్కొక్క ఆటగాడి జెర్సీ నెంబర్ వేరుగా ఉంటుంది. ఇక ఈ జెర్సీ నెంబర్లను ఎలా పెడతారు అనే విషయానికి వస్తే.. ఈ నెంబర్లని ఆటగాళ్ళే ఎంపిక చేసుకుంటూ ఉంటారు. ఎవరు కూడా అసైన్ చేయరు. ప్లేయర్లే పెట్టుకుంటారు. అయితే ఈ నెంబర్లు వెనుక ఎవరి ప్రమేయం కూడా ఉండదు. ఆటగాళ్ళే సొంతంగా పెట్టుకుంటారు కానీ ఒక్కొక్కరికి ఒక్కొక్కటి ఉండాలి.

Also read:

ఏ ఇద్దరికీ ఒకే అంకె వుండకూడదు. ఎక్కువగా లక్కీ నంబర్లు, సెంటిమెంట్లు, విజయాల ఆధారంగా నెంబర్లను ఎంపిక చేసుకుంటూ ఉంటారు. టెండూల్కర్ లక్కీ నెంబర్ పది. పైగా టెండూల్కర్ లో 10 అని ఉంటుంది. కాబట్టి జెర్సీ నెంబర్ గా 10 ని ఎంపిక చేసుకున్నాడు. అలానే జూలై 7 ధోని పుట్టిన తేదీ. కాబట్టి ఏడుని జెర్సీ నెంబర్ కింద పెట్టుకున్నారు. ఒకసారి ఒక జెర్సీ నెంబర్ ని ఎంపిక చేసుకున్నాక, ఎప్పటికీ అదే నెంబర్ ఉంచాలని రూలేమీ లేదు ఎప్పుడైనా మార్చుకోవచ్చు.

0 comment
0 FacebookTwitterPinterestEmail
Mohammad Rizwan: Namaz on the field.. Pakistan cricketer in controversy!
Sports

Mohammad Rizwan: మైదానంలో నమాజ్.. వివాదంలో పాకిస్థాన్ క్రికెటర్!

by Mano
written by Mano

పాకిస్థాన్ క్రికెటర్ మహమ్మద్ రిజ్వాన్(Mohammad rizwan) మైదానంలో నమాజ్‌ చేసి వివాదంలో పడ్డాడు. అతడి చర్యతో ఇది క్రీడాస్ఫూర్తికి విరుద్ధమంటూ సుప్రీంకోర్టు న్యాయవాది వినీత్ జిందాల్ ఆరోపించారు. దీనిపై ఇంటర్నేషనల్ క్రికెట్ కౌన్సిల్ (ఐసీసీ)కు ఫిర్యాదు చేశారు.

Mohammad Rizwan: Namaz on the field.. Pakistan cricketer in controversy!
ప్రపంచకప్ 2023లో భాగంగా అక్టోబర్ 6న పాకిస్థాన్ జట్టు హైదరాబాద్ వేదికగా నెదర్లాండ్స్‌తో తలపడింది. ఈ మ్యాచ్ సందర్భంగానే క్రికెట్ మైదానంలో రిజ్వాన్ నమాజ్ చేసినట్లు సుప్రీంకోర్టు న్యాయవాది నవీన్ జిందాల్ తన ఫిర్యాదులో పేర్కొన్నారు. ‘భారత ప్రేక్షకుల ముందు, తన మతాన్ని ఉద్దేశపూర్వకంగా ప్రదర్శించడం అన్నది క్రీడా స్ఫూర్తికి విరుద్ధం’ అని నవీన్ జిందాల్ అభ్యంతరం వ్యక్తం చేశారు.

‘మహమ్మద్ రిజ్వాన్ ఉద్దేశపూర్వకంగా తాను ముస్లింనని ప్రదర్శించడం, క్రీడాస్ఫూర్తికి ఓటమి లాంటిదని, జట్టు సభ్యులు డ్రింక్స్ కోసం వేచి చూసిన సమయంలో రిజ్వాన్ మైదానంలో ప్రార్థనలు చేశాడు’ అని జిందాల్ తన ఫిర్యాదులో వివరించారు. నమాజ్ చేయడమే కాకుండా, మ్యాచ్ అనంతరం విజయాన్ని గాజా ప్రజలకు అంకితం చేయడంతో ఇజ్రాయెల్ గట్టిగానే జవాబిచ్చింది. భారత్ చేతిలో ఓడిపోవడం ద్వారా తమ విజయాన్ని హమాస్ మిలిటెంట్లకు అంకింత చేసే అవకాశం లేకుండా పోయిందని ఎద్దేవా చేసింది.

0 comment
0 FacebookTwitterPinterestEmail
HyderabadSportsTelangana

Kasani Gnaneshwar : తెలంగాణ టీడీపీ పై కీలక వ్యాఖ్యలు చేసిన కాసాని..!!

by Venu
written by Venu

తెలంగాణ (Telangana) అసెంబ్లీ ఎన్నికల్లో (assembly elections) టీడీపీ (TDP) బరిలోకి దిగుతోందని.. ఆ పార్టీ రాష్ట్ర అధ్యక్షుడు కాసాని జ్ఞానేశ్వర్ (kasani Gnaneshwar) తెలిపారు. తెలంగాణలో టీడీపీ ఖతం అంటూ వస్తోన్న వార్తల పై స్పందించిన కాసాని, ఆ వార్తలలో నిజం లేదని పేర్కొన్నారు. టీడీపీకి ప్రజా బలం లేకుంటే బాబు అరెస్ట్ విషయంలో ఇంత స్పందన ఉండేది కాదని, ఎందరో ఆయన అరెస్ట్ ను ఖండించారని వెల్లడించారు.

ఇక కాంగ్రెస్ Congress) కంటే టీడీపీనే బలంగా ఉందని, అభ్యర్థులతో లిస్టు కూడా రెడీ చేశారని జ్ఞానేశ్వర్ తెలిపారు. మరి కొంత మందిపై సర్వేలు నిర్వహిస్తున్నామని అన్నారు. ఇతర పార్టీల నుండి.. టీడీపీలోకి వచ్చేందుకు చాలామంది నేతలు సిద్ధంగా ఉన్నారని తెలిపారు. మరోవైపు జనసేనతో ముందుకెళ్లాలా? లేదా? అనేది త్వరలో తెలుస్తుందని వెల్లడించారు. రాష్ట్రంలో తమ పార్టీ నేత బాలకృష్ణ ప్రచారం చేస్తారని వివరించారు.

మరోవైపు అభ్యర్థుల జాబితాతో పాటు టీడీపీ మేనిఫెస్టో కూడా త్వరలోనే విడుదల చేస్తామని కాసాని తెలిపారు. కాగా శనివారం రాజమండ్రి జైలులో చంద్రబాబుతో భేటీ అయినట్టు పేర్కొన్న కాసాని, చంద్రబాబుపై తప్పుడు కేసులు నమోదు చేసి, అక్రమంగా అరెస్టు చేశారని ఆవేదన వ్యక్తం చేశారు. చంద్రబాబు ఆరోగ్యంపై దేశమంతా ఆందోళనలో ఉందన్న ఆయన త్వరలోనే బాబు బయటకు వస్తారని ఆశాభావం వ్యక్తం చేశారు.

0 comment
0 FacebookTwitterPinterestEmail
Breaking NewsSports

India : రోహిత్ మెరుపులు…. శ్రేయస్ సమయోచిత బ్యాటింగ్… దాయాదిపై భారత్ ఘన విజయం…!

by Ramu
written by Ramu

– రోహిత్ శర్మ విధ్వంసం
– నిలబడ్డ శ్రేయాస్
– పాక్ పై భారత్ ఘన విజయం
– 192 పరుగులకే..
– కుప్పకూలిన దాయాది దేశం
– భారత బౌలర్ల దెబ్బకు విలవిల
– 30 ఓవర్లకే లక్ష్యం ఛేదించిన భారత్

చిరకాల ప్రత్యర్థి పాక్‌ పై భారత్ ఘన విజయం సాధించింది. ప్రపంచ కప్‌ లో పాక్ పై భారత్ కు తిరుగులేదని మరోసారి నిరూపితమైంది. హిట్ మ్యాన్ రోహిత్ శర్మ మెరుపులు, శ్రేయస్ అయ్యర్ సమయోచిత బ్యాటింగ్‌ తో భారత్ అద్భుతమైన విజయాన్ని అందుకుంది. దీంతో ఈ సిరీస్‌ లో భారత్ హ్యాట్రిక్ విజయాన్ని అందుకుంది.

 

పాక్ జట్టు నిర్దేశించిన 192 పరుగుల విజయ లక్ష్యంతో బరిలోకి దిగిన భారత జట్టుకు ఆదిలో ఎదురు దెబ్బ తగిలింది. ఓపెనర్ శుభమన్ గిల్ తక్కువ పరుగులకే ఔటయ్యాడు. 16 పరుగులు చేసిన గిల్.. షహీన్ అఫ్రిదీ బౌలింగ్ లో షాదాబ్ ఖాన్ కు క్యాచ్ ఇచ్చి వెనుదిరిగాడు. ఆ తర్వాత వచ్చిన రన్ మిషన్ విరాట్ కోహ్లీ కూడా నిరుత్సాహపరిచాడు. కేవలం 16 పరుగులు చేసి హసన్ అలీ బౌలింగ్ లో మహ్మద్ నవాజ్ క్యాచ్ ఇచ్చి పెవీలియన్ చేరాడు.

రోహిత్ శర్మ బాధ్యతాయుతమైన ఇన్నింగ్స్ ఆడాడు. శ్రేయాస్ తో కలిసి స్కోరు బోర్డును పరుగులు పెట్టించాడు. సిక్సులు బాదుతూ పాక్ బౌలర్లకు చుక్కలు చూపించాడు. 86 పరుగులు చేసి రోహిత్.. షహీన్ అఫ్రిదీ బౌలింగ్ లో ఇప్తీకర్ అహ్మద్ కు క్యాచ్ ఇచ్చి వెనుదిరిగాడు. ఆ తర్వాత శ్రేయాస్, కేఎల్ రాహుల్ మరో వికెట్ పడకుండా ఆడారు. శ్రేయాస్ 53, కేఎల్ రాహుల్ 19 పరుగులతో నాటౌట్ గా నిలిచారు.

పాక్ బౌలర్లలో షహీన్ రెండు వికెట్లు, హసన్ అలీ ఒక వికెట్ తీశారు. మొదట బ్యాటింగ్ చేసిన పాకిస్తాన్ జట్టుకు ఓపెనర్లు శుభారంభాన్ని ఇచ్చారు. అబ్దుల్లా షఫీక్, ఇమామ్ ఉల్ హక్ లు కాస్త నిలకడగా ఆడారు. అయితే.. షఫీక్ 20 పరుగుల వద్ద సిరాజ్ బౌలింగ్ లో ఔటయ్యాడు. ఆ తర్వాత వచ్చిన కెప్టెన్ బాబర్ అజమ్ స్కోర్ బోర్డును చక్కదిద్దే ప్రయత్నం చేశాడు. మరో ఓపెనర్‌ తో ఇమామ్ ఉల్ హక్ తో కలిసి ఆచితూచి ఆడాడు. ఇద్దరు క్రీజ్‌ లో కుదురుకుంటున్న సమయంలో హక్ 36 పరుగులు చేసి హర్దిక్ పాండ్యా బౌలింగ్‌ లో కేఎల్ రాహుల్ కు క్యాచ్ ఇచ్చి వెనుదిరిగాడు.

ఆ తర్వత వచ్చిన మహ్మద్ రిజ్వాన్‌ తో కలిసి బాబర్ బాధ్యతాయుతమైన బ్యాటింగ్ చేశాడు. ఇరువురు కలిసి మూడవ వికెట్ కు 82 పరుగులు జోడించారు. 50 పరుగులు చేసిన అనంతరం సిరాజ్ బౌలింగ్ లో బాబర్ క్లీన్ బౌల్డ్ అయ్యాడు. ఆ తర్వాత వచ్చిన బ్యాటర్లు అందరూ వెంట వెంటనే పెవీలియన్ బాట పట్టారు. కేవలం హసన్ అలీ ఒక్కడే రెండంకెల స్కోర్(12) చేశాడు. మరోవైపు మహ్మద్ రిజ్వాన్ ఒంటరి పోరు చేశాడు.

49 పరుగులు చేసిన తర్వాత జట్టు స్కోరు 168 పరుగులు ఉండగా బుమ్రా బౌలింగ్ లో క్లీన్ బౌల్డ్ అయ్యాడు. మరో 23 పరుగులకే మిగతా బ్యాట్స్ మన్లు అంతా ఔట్ అయ్యారు. దీంతో 42.5 ఓవర్లలో 191 రన్స్ చేసింది పాక్. భారత బౌలర్లలో బూమ్రా, సిరాజ్, పాండ్య, కులదీప్ యాదవ్, జడేజా రెండేసి వికెట్ల చొప్పున వికెట్లు తీశారు. పాక్ లక్ష్యాన్ని భారత్ 30 ఓవర్లకే ముగించింది.

 

0 comment
0 FacebookTwitterPinterestEmail
OFF BeatSports

టెస్ట్ మ్యాచ్‌లో లంచ్, టీ టైం లో ఆటగాళ్లు ఏం తింటారు..?

by Sravya
written by Sravya

క్రికెటర్లకి సంబంధించిన విషయాలు తెలుసుకుంటే, ఆసక్తికరంగా ఉంటాయి. ముఖ్యంగా కొన్ని విషయాలు మనకి తెలియదు. టెస్ట్ మ్యాచ్ టైంలో లంచ్ మరియు టీ విరామ సమయంలో క్రికెటర్లు ఏం తింటారు అనే సందేహం చాలా మందిలో ఉంటుంది. మరి క్రికెటర్లు ఆ టైంలో ఏం తింటారు అనేది ఇప్పుడు తెలుసుకుందాం. అయితే ప్లేయర్లు పోషించే పాత్రని బట్టి లంచ్ ఉంటుంది. లంచ్ బ్రేక్ సమయంలో ఇద్దరు బ్యాట్స్మన్ క్రీజ్ లో బ్యాటింగ్ చేస్తూ ఉన్నట్లయితే, వాళ్లకి బ్రేక్ లో తక్కువ పెడతారు. తక్కువ తీసుకుంటారు. వికెట్ల మధ్య పరిగెత్తే సమయంలో అలసట వచ్చి ఆడడం కూడా కుదరదు. కాబట్టి తక్కువ తీసుకుంటారు.

అలసట ఉండకూడదు కాబట్టి ప్రోటీన్ బార్, అరటి పండ్లు వంటివి తక్కువ పరిమాణంలో మాత్రమే తీసుకుంటారు. లంచ్ తిన్న తర్వాత బౌలింగ్ చేయబోయే బౌలర్లు కూడా ఇలా లిమిట్ గానే తీసుకుంటారు. కేవలం తక్కువ మంది మాత్రమే హెవీ గా ఉండే ఆహార పదార్థాలని తీసుకుంటారు. బ్యాటింగ్ టీం లో డ్రెస్సింగ్ రూమ్ లో కూర్చునే వాళ్ళు, బౌలింగ్ టీంలో కేవలం ఫీల్డింగ్ చేసేవాళ్లు ఏమైనా తినొచ్చు.

Also read:

వీళ్ళకి చాలా వెరైటీలు పెడతారు. నాన్ వెజ్ తినే వాళ్ళకి ప్రోటీన్ ఎక్కువగా ఉండే చికెన్, ఫిష్ వంటివి ఇస్తారు. శాఖాహారం మాత్రమే తినేవాళ్లు పప్పులు, కూరలు, సలాడ్స్ వంటివి తీసుకుంటూ ఉంటారు. లంచ్ చివర ఫ్రూట్ సలాడ్ ఇలా పెద్ద డెసర్ట్ లిస్ట్ ఉంటుంది ఐస్ క్రీమ్ ను కూడా వీళ్లు తినొచ్చు. కొవ్వు తక్కువగా ఉండేవి, కార్బోహైడ్రేట్స్ ఎక్కువగా ఉండేటట్టు లంచ్ లో చూసి పెడతారు. వాళ్ళ వ్యక్తిగత అలవాట్ల ప్రకారం ప్రత్యేక లంచ్ క్రికెటర్లకి ఏర్పాటు చేస్తారు.

0 comment
0 FacebookTwitterPinterestEmail
Breaking NewsNationalSports

Olympics : అభిమానులకు గుడ్ న్యూస్.. ఒలింపిక్స్​లో క్రికెట్​..!!

by Venu
written by Venu

ప్రపంచవ్యాప్తంగా అత్యంత ఆదరణ ఉన్న క్రీడల్లో క్రికెట్‌ (Cricket) ఒకటి. దాదాపు 128 ఏళ్ల తర్వాత క్రికెట్‌కి ఒలింపిక్స్‌ (Olympics)లో చోటు కల్పిస్తూ అంతర్జాతీయ ఒలింపిక్స్‌ కమిటీ నిర్ణయం తీసుకుంది. 2028 లాస్ ఏంజిల్స్ (los Angeles) లో జరగబోయే ఒలింపిక్స్‌లో, టీ20 క్రికెట్‌ టోర్నీ నిర్వహించనున్నట్టు ఐవోసీ (IOC) ట్వీట్‌ చేసింది.

క్రికెట్‌తో పాటు ఫ్లాగ్‌ ఫుట్‌బాల్‌, బేస్‌బాల్‌, సాఫ్ట్‌బాల్‌ సైతం ఒలింపిక్స్‌ ల్ ఎంట్రీ ఇవ్వబోతున్నాయి. అయితే బ్యాలెట్ పద్ధతిలో జరిగే ఐఓసీ మెంబర్షిప్‍ ఓటింగ్‍లో క్రికెట్‍కు మద్దతుగా ఎక్కువ ఓట్లు రావాల్సి ఉంది. ఇది పూర్తయితే 2028 లాస్ ఏంజిల్స్ ఒలింపిక్ క్రీడల్లో క్రికెట్ ఉండడం పూర్తిగా ఖాయం అవుతుందని ఐఓసీ ప్రెసిడెంట్ థామస్ బాచ్ పేర్కొన్నారు.

కాగా ఈ ఐఓసీ మెంబర్షిప్ ఓటింగ్ ప్రక్రియ అక్టోబర్ 16న జరగనుంది. అప్పటి వరకు అభిమానులు ఎదురు చూడవలసిందే. మరోవైపు ఒలింపిక్స్‌లో క్రికెట్ పోటీలు చివరగా 1900 సంవత్సరంలో జరిగాయి. మళ్లీ 128 ఏళ్ల తర్వాత ఒలింపిక్ క్రీడల్లో క్రికెట్ పోటీల నిర్వహణకు అడుగులు పడుతున్నాయి. మొత్తానికి క్రికెట్ అభిమానుల ఆశలు నెరవేరడానికి ఎక్కువ సమయం లేదు అనిపిస్తోంది.

cricket-in-olympics-2028-los-angeles-organising-committee-to-introduce

0 comment
0 FacebookTwitterPinterestEmail
Breaking NewsSports

World Cup: అదర గొట్టిన హిట్ మ్యాన్… అప్థనిస్తాన్ పై భారత్ అద్బుత విజయం…..!

by Ramu
written by Ramu

ప్రపంచ కప్‌ (World Cup)లో ఆప్ఘనిస్తాన్‌ (Afganisthan)తో జరుగుతున్న మ్యాచ్‌లో భారత్ (India) ఘన విజయం సాధించింది. భారత ఓపెనర్లు రోహిత్ శర్మ (Rohith Sharma), ఇషాన్ కిషన్ చెలరేగి ఆడారు. వారికి తోడు విరాట్ కోహ్లీ విరుచుకు పడటంతో భారత్ సునాయాసంగా విజయాన్ని అందుకుంది. మరో 15 ఓవర్లు మిగిలి వుండగానే భారత్ విజయాన్ని అందుకోవడం విశేషం.

ఈ మ్యాచ్‌లో మొదట టాస్ గెలిచి ఆప్ఘనిస్తాన్ బ్యాటింగ్ చేసింది. ఆఫ్ఘన్ జట్టుకు ఓపెనర్లు రహమనుల్లా గుర్బాజ్ (21), ఇబ్రహీం జద్రాన్ (22) చక్కటి ఆరంభాన్ని ఇచ్చారు. ఆ తర్వాత రహ్మన్ షా తక్కువ పరుగులకే అవుటయ్యాడు. అనంతరం వచ్చిన అష్మతుల్లా షాహిదీ 88 బంతుల్లో 80 పరుగులు, అజ్మతుల్లా ఒమర్ జాయ్ 69 బంతుల్లో 62 పరుగులతో చెలరేగి ఆడారు. దీంతో 50 ఓవర్లలో 8 వికెట్లు కోల్పోయి 272 పరుగులు చేయగలిగింది.

ఇక భారత బౌలర్లలో జస్ప్రీత్ భూమ్రా అత్యధికంగా నాలుగు వికెట్లు పడగొట్టి ఆప్ఘనిస్తాన్ నడ్డి విరిచాడు. హార్దిక్ పాండ్య 2 వికెట్లు, శార్దూల్ ఠాకూర్, కుల్ దీప్ యాదవ్ చెరో ఒక్కో వికెట్ తీసి రాణించారు. ఇక లక్ష్య ఛేదనలో భారత్ ఎక్కడా తడ బడలేదు. ముఖ్యంగా ఓపెనర్ హిట్ మ్యాన్ రోహిత్ శర్మ అప్ఘన్ బౌలర్లకు చుక్కులు చూపించాడు. 84 బంతుల్లో 131 పరుగులు చేశాడు.

ఇక మరో ఓపెనర్ ఇషాన్ కిషన్ 476 బంతుల్లో 47 పరుగులు చేశాడు. ఆ తర్వాత వచ్చిన విరాట్ కోహ్లీ 56 బంతుల్లో 55 పరుగులతో విరుచుకు పడ్డాడు. కోహ్లీకి శ్రేయస్ 23 బంతుల్లో 25 పరుగులు చక్కని సహకారం అందించాడు. దీంతో 35 ఓవర్లలో 2 వికెట్లు కోల్పోయి 272 పరుగులు చేసి భారత్ విజయాన్ని అందుకుంది. ఆఫ్ఘన్ బౌలర్లలో రషీద్ ఖాన్ రెండు వికెట్లు పడగొట్టాడు.

0 comment
0 FacebookTwitterPinterestEmail
Breaking NewsSports

Rohith Sharma : విరుచుకు పడిన హిట్ మ్యాన్…. బద్దలైన రికార్డులు…..!

by Ramu
written by Ramu

హిట్ మ్యాన్ రోహిత్ శర్మ (Rohith Sharma) అరుదైన రికార్డు సాధించాడు. ప్రపంచ కప్‌లో భాగంగా అప్ఘనిస్తాన్ (Afghanisthan)తో జరగుతున్న మ్యాచ్‌లో బ్యాటింగ్ తో విరుచుకు పడ్డాడు. సిక్సర్లు, ఫోర్లతో అప్ఘన్ బౌలర్లకు చుక్కలు చూపించాడు. దీంతో కేవలం 63 బంతుల్లోనే హిట్ మ్యాన్ సెంచరీ సాధించాడు. అతి తక్కువ బంతుల్లో సెంచరీ సాధించిన భారత బ్యాటర్ గా రోహిత్ శర్మ రికార్డు సృష్టించాడు.

తాజా సెంచరీతో ప్రపంచ కప్‌లో రోహిత్ శర్మ సెంచరీల సంఖ్య ఏడుకు చేరింది. దీంతో వరల్డ్ కప్ లో అత్యధిక సెంచరీలు చేసిన బ్యాటర్ గా మాస్టర్ బ్లాస్టర్ సచిన్ పేరిట ఉన్న రికార్డును రోహిత్ బద్దలు కొట్టాడు. రెండు దశాబ్దాల పాటు క్రికెట్ ఆడిన సచిన్ వరల్డ్ కప్ లో మొత్తం ఆరు సెంచరీలు కొట్టాడు. కేవలం 19 ఇన్నింగ్స్ ల్లోనే రోహిత్ ఈ రికార్డును చేరుకోవడం విశేషం.

ఇది ఇలా వుంటే వన్డేల్లో రోహిత్ శర్మకు ఇది 31వ సెంచరీ కావడం గమనార్హం. వన్డే ఫార్మాట్లలో 30కి పైగా సెంచరీలు చేసిన మూడవ బ్యాట్స్ మన్ గా రోహిత్ శర్మ ఘనత సాధించారు. అంతకు ముందు సచిన్ టెండూల్కర్ 49, విరాట్ కోహ్లీ 47 సెంచరీలు ఈ జాబితాలో మొదటి రెండు స్థానాల్లో వున్నారు. మరోవైపు ఓపెనర్ గా అత్యధిక సెంచరీలు సాధించిన రెండో వ్యక్తిగా రోహిత్ రికార్డు సృష్టించాడు.

అంతకు ముందు మాస్టర్ బ్లాస్టర్ ఓపెనర్ గా 45 సెంచరీలు చేసి ఈ జాబితాలో మొదటి స్థానంలో ఉన్నారు. తాజా సెంచరీతో కలిపి ఓపెనర్ గా రోహిత్ ఇప్పటి వరకు 29 సెంచరీలు బాదాడు. ఆ తర్వాత స్థానాల్లో శ్రీలకం బ్యాటర్ సనత్ జయసూర్య 28, విండీస్ బ్యాటర్ క్రిస్ గెయిల్ 27, హషీమ్ అమ్లా 25లు వున్నారు.

0 comment
0 FacebookTwitterPinterestEmail
NationalSports

Asian Games 2023 : ఆసియా క్రీడల్లో మెరిసిన భారత క్రీడాకారులు..

by Venu
written by Venu

స్పోర్ట్ (Sport) ఈ పేరు వింటే క్రీడాకారుల హృదయాలు తప్పక స్పందిస్తాయి. గెలుపే ప్రధాన లక్ష్యంగా వీరి పోరాటం సాగుతోంది. ఆట ఏదైనా క్రీడాకారుల లక్ష్యం ఒక్కటే.. ఒక్క సారి అయినా ఛాంపియన్ (Champion) అనిపించుకోవాలని. లబ్ డబ్ అని కొట్టుకునే గుండె కూడా గెలుపు శబ్ధాలు చేయడం క్రీడాకారులకు సృష్టంగా వినిపిస్తోంది.

కాగా మన దేశ క్రీడాకారులు వారి వారి కేటగిరీల్లో విజయాలు అందుకొని స్వదేశానికి తిరిగి వచ్చారు. నిన్న, మొన్నటి వరకు అథ్లెట్లు పతకాల పంట పండించగా, తాజాగా తమ వంతు అన్నట్లు ఆర్చర్లు రెచ్చిపోయారు. చైనా (China)లో హాంగ్జౌ లో జరిగిన 19th ఏషియన్ గేమ్స్ (Asian Games) ఆర్చరీ పోటీలలో తెలుగమ్మాయి వెన్నెం జ్యోతిసురేఖ, అదితి స్వామి, పర్నీత్‌కౌర్‌ త్రయం స్వర్ణం ఖాతాలో వేసుకోగా, అభిషేక్‌వర్మ, ఒజాస్‌, ప్రతమేశ్‌ పసిడి ముద్దాడారు.

స్కాష్‌లో మన ప్లేయర్లు స్వర్ణ, రజతాలు దక్కించుకోగా, పురుషుల సింగిల్స్‌లో సెమీస్‌కు దూసుకెళ్లిన ప్రణయ్‌ సంచలనం సృష్టించాడు. రెండుసార్లు ఆసియా క్రీడల స్వర్ణ పతక విజేత కోనేరు హంపీ తన రెండవ రౌండ్ మహిళల వ్యక్తిగత చెస్ గేమ్‌లో వియత్నాంకు చెందిన లే థావో న్గుయెన్‌పై గెలిచి సిల్వర్ మెడల్ సాధించింది. గ్రాండ్‌మాస్టర్ హారిక ద్రోణవల్లి కూడా తన రెండు మహిళల వ్యక్తిగత చెస్ గేమ్‌లలో 2.0 పాయింట్లు సాధించి విజయం సాధించింది.మొత్తానికి భారత్ ఈ సంవత్సరం పతకాల వేట కొనసాగించింది.

0 comment
0 FacebookTwitterPinterestEmail
Newer Posts
Older Posts
@2021 - All Right Reserved. Designed and Developed by PenciDesign