Category:

Telangana

Munshi: We will go to elections without announcing PM candidate: Deepadas Munshi

Munshi: ప్రధాని అభ్యర్థిని ప్రకటించకుండానే ఎన్నికలకు వెళ్తాం: దీపాదాస్ మున్షీ

by Mano December 26, 2023

written by Mano

లోక్‌సభ(Locksabha) ఎన్నికలపై తెలంగాణ కాంగ్రెస్(Telangana) రాష్ట్ర వ్యవహారాల కొత్త ఇన్‌చార్జి దీపాదాస్ మున్షీ(Deepadas Munshi) కీలక వ్యాఖ్యలు చేశారు. ఢిల్లీ(Delhi)లో ఆమె మీడియాతో మాట్లాడుతూ.. ప్రధాని అభ్యర్థిని ప్రకటించకుండానే ఎన్నికలకు వెళ్తామని ప్రకటించారు.

మరోవైపు కాంగ్రెస్ అగ్రనేత సోనియాగాంధీ లోక్‌సభ ఎన్నికల్లో తెలంగాణ నుంచి పోటీ చేయాలని పార్టీ రాష్ట్ర నాయకత్వం కోరుకోవడం మంచి పరిణామమని అన్నారు. జనవరి మొదటి వారంలో తాను తెలంగాణకు వెళ్తానని చెప్పారు.

తెలంగాణ కాంగ్రెస్‌లో కింది స్థాయి నుంచి పైస్థాయి వరకు అన్ని విషయాలపైనా తనకు పూర్తి అవగాహన ఉందని మున్షీ తెలిపారు. ఎమ్మెల్యేలుగా ఓడిన సీనియర్ల సేవలను కూడా పార్టీ, ప్రభుత్వం ఉపయోగించుకునే విషయంపై పార్టీలో చర్చిస్తానన్నారు. ఈసారి సోనియా ఎక్కడి నుంచి పోటీ చేస్తారో ఇంకా తెలియదన్నారు.

అయితే, గాంధీ కుటుంబం నుంచి ఎవరైనా తెలంగాణ నుంచి పోటీ చేస్తే అది పార్టీకి ఉపయోగపడుతుందని అభిప్రాయపడ్డారు. అసెంబ్లీ ఎన్నికల ఉత్సాహంతో తెలంగాణలో మెజార్టీ ఎంపీ స్థానాల్లో విజయం సాధిస్తామని మున్షీ ధీమా వ్యక్తం చేశారు. బీజేపీ, బీఆర్ఎస్, మజ్లిస్ ఈ మూడు పార్టీలు పరోక్షంగా కలిసి పనిచేస్తున్నాయని ఆరోపించారు.

December 26, 2023 0 comment

Breaking News Politics Telangana

Singareni Elections : సింగరేణి ఎన్నికలకి సర్వం సిద్ధం.. రేపే పోలింగ్‌..!!

by Venu December 26, 2023

written by Venu

తెలంగాణ (Telangana)లో సింగరేణి ఎన్నికలు (Singareni Elections) కాక రేపుతున్నాయి. ఎన్నో ఉత్కంఠ పరిస్థితులను దాటుకొని మొత్తానికి సింగరేణి ఎన్నికలు జరగడానికి సర్వం సిద్దమైంది. కాగా 7 వ సారి జరగనున్న సింగరేణి ఎన్నికలను రీజనల్ లేబర్ కమిషనర్, సింగరేణి ఎన్నికల అధికారి శ్రీనివాసులు ఆదేశాల మేరకు రేపు 11 ప్రాంతాల్లో నిర్వహించేందుకు యంత్రాంగం సిద్ధమైంది.

ఈ ఎన్నికలు రేపు ఉదయం 7 గంటల నుంచి సాయంత్రం 5 గంటల వరకు సాగుతాయని అధికారులు వెల్లడించారు. రేవంత్ రెడ్డి (Revanth Reddy) సర్కార్‌లో తొలిసారిగా సింగరేణి ఎన్నికలు జరుగుతోన్న క్రమంలో ప్రస్తుతం సింగరేణి ఎన్నికలు పార్టీలకు ప్రతిష్టాత్మకంగా మారాయి.. ఇక RG-1లో 11 పోలింగ్‌ కేంద్రాలు, RG-2లో ఆరు, RG-3లో ఆరు ఇలా మొత్తం 23 పోలింగ్‌ కేంద్రాలను అధికారులు సిద్దం చేసారు.

మూడు కేంద్రాల్లో కౌంటింగ్‌కు కూడా ఏర్పాట్లు చేశారు. అయితే సాయంత్రం ఆరు గంటల నుంచి ఓట్ల లెక్కింపు ప్రారంభం అవనుండగా.. అర్ధరాత్రి వరకు తుది ఫలితం వెలువడే అవకాశం ఉందని తెలుస్తోంది.. బ్యాలెట్‌ పద్ధతినే ఎన్నికలు నిర్వహించనున్నట్టు సమాచారం.. రామగుండం ఏరియాలో మూడు డివిజన్లలో ఎన్నికలకు ఏర్పాట్లు చేశారు అధికారులు. ఎన్నికల అధికారులుగా డివిజన్‌ కి ఒక ఆర్డీఓను, కలెక్టర్ నియమించారు.

ఇప్పటికే పోలింగ్, కౌంటింగ్ సిబ్బందిని నియమించి శిక్షణ తరగతులు కూడా నిర్వహించారు. కాగా, సోమవారం సంస్థ వ్యాప్తంగా ఆయా డివిజన్ల అధికారులు పోలింగ్ బూత్‌లను పరిశీలించారు. పోలింగ్ రోజున ప్రతి ఉద్యోగి తమ గుర్తింపు కార్డును వెంట తీసుకురావాలని వారు సూచించారు. ఎటువంటి అవాంఛనీయ సంఘటనలకు జరగకుండా పోలీసులు భారీ బందోబస్తు ఏర్పాటు చేశారు. ఇదిలా ఉండగా.. గుర్తింపు ఎన్నికల్లో తమ అదృష్టాన్ని.. సింగరేణి వ్యాప్తంగా 13 కార్మిక సంఘాలు పరీక్షించుకోనున్నాయని తెలుస్తోంది..

December 26, 2023 0 comment

Crime Telangana

Hanamkonda : అమ్మ అనే పిలుపుకి మాయని మచ్చ.. కన్న కొడుకుని చంపాలనుకొన్న తల్లి..?

by Venu December 26, 2023

written by Venu

ఏదేమైనా ఓ రిలేషన్‌లోకి అడుగుపెట్టాక.. దానికంటూ విలువనివ్వాలి. కానీ నేటి సమాజంలో ఇలాంటి పరిస్థితి కనిపించడం లేదని తెలుస్తోంది. అందుకే భార్య, భర్తల మధ్య దూరం పెరగడం జరుగుతోందని మానసిక నిపుణులు అంటున్నారు.. అయితే ప్రస్తుత సమాజంలో అక్రమ సంబంధాలు పెరిగిపోవడానికి ఎన్నో కారణాలను వారు తెలుపుతున్నారు. ఈ ఇల్లీగల్ రిలేషన్ వల్ల సమాజంలో విలువ తగ్గడమే కాదు.. కుటుంబం కూడా నలుగురిలో నవ్వుల పాలవుతోందని పేర్కొంటున్నారు.

మరికొందరైతే ఊహించని అఘాయిత్యాలకి సైతం పాల్పడటం ఆందోళన కలిగిస్తోంది. ప్రస్తుతం హనుమకొండలో ప్రియుడి మోజులో పడి.. ఓ మహిళ తన కన్న కొడుకునే చంపాలనకొన్న ఘటన వెలుగులోకి వచ్చింది. అమ్మ అనే పిలుపుకి మాయని మచ్చగా మారిన ఈ అరాచకం గురించి తెలుసుకొంటే..

హనుమకొండ (Hanamkonda)..జులైవాడ (Julywada)లో ఉంటున్న ఓ మహిళ.. వేరే వ్యక్తితో వివాహేతర సంబంధం (Extramarital Affair) పెట్టుకుంది. ఈ క్రమంలో కన్నకొడుకు అడ్డుగా ఉన్నాడనే కోపంతో.. ప్రియుడితో కలిసి కొడుకును చిత్ర హింసలు పెట్టింది. వారి చిత్రహింసలను తట్టుకోలేక ఆ బాలుడు పెద్దగా ఏడ్వడంతో.. చుట్టుప్రక్కల వారు వారింటికి వచ్చి చూడగా.. అసలు నిజం బయటకి వచ్చిందని స్థానికులు తెలిపారు.

దీంతో స్థానికులు పోలీసులకు సమాచారం అందించారు. వారు వచ్చి బాలుడిని సుబేదారి పోలీస్ స్టేషన్ కు తరలించారు. అనంతరం ఈ ఘటనపై కేసు నమోదు చేసి దర్యాప్తు చేస్తున్నట్టు పోలీసులు వెల్లడించారు..

December 26, 2023 0 comment

Vyuham Movie: The High Court's investigation on the movie Strategy.. has happened..!

Andhra Pradesh Crime Hyderabad Telangana

Vyuham Movie: వ్యూహం సినిమాపై హైకోర్టు విచారణ.. జరిగిందిదే..!

by Mano December 26, 2023

written by Mano

వివాదాస్పద దర్శకుడు రాంగోపాల్ వర్మ(Ram Gopal Varma) తాజాగా తెరకెక్కించిన సినిమా ‘వ్యూహం’(Vyuham). ఈ సినిమా ఈనెల 29న విడుదల కావాల్సివుంది. అయితే ఈ సినిమాకు యూ/ఏ(U/A) సర్టిఫికెట్ జారీ కావడంపై అభ్యంతరాలు వ్యక్తమవుతున్నాయి. ఈ మేరకు టీడీపీ.. తెలంగాణ హైకోర్టు(Telangana High Court)లో పిటిషన్ దాఖలు చేసింది.

ఈ పిటిషన్‌పై ఇవాళ(మంగళవారం) నేడు హైకోర్టులో విచారణ ప్రారంభమైంది. టీడీపీ తరఫున న్యాయవాది మురళీధర్ రావు వాదనలు వినిపించారు. వ్యూహం సినిమా కేవలం పొలిటికల్ అజెండాగా రూపొందించారని తెలిపారు.. టీడీపీ, జనసేన, కాంగ్రెస్ నాయకులను డీఫేం చేసినట్లు ఈ సినిమాలో పాత్రలు, సన్నివేశాలు ఉన్నాయని కోర్టుకు వివరించారు.

వ్యూహం సినిమాకు ప్రొడ్యూసర్‌ అడ్రస్ కూడా వైసీపీకి చెందిన కార్యాలయం పేరుపై ఉందని కోర్టుకు మురళీధర్‌రావు వివరించారు. బహిరంగగానే చంద్రబాబు, పవన్ తనకు ఇష్టం లేదని ఈ సినిమా ప్రీ రిలీజ్‌లో ఆర్జీవీ చెప్పారని, ఆ కార్యక్రమానికి రాష్ట్ర మంత్రులూ హాజరయ్యారని తెలిపారు. వ్యూహం సినిమా మొత్తం చంద్రబాబును కించపరచడానికే తీశారని చెప్పారు. సినిమా ట్రైలర్, పాటలను పెన్ డ్రైవ్‌లో మురళీధర్‌రావు హైకోర్టుకు సమర్పించారు.

ఏపీ సీఎం జగన్మోహన్‌రెడ్డికి అనుకూలంగా ఈ సినిమాను రూపొందించారని, ఏపీలో త్వరలో జరగబోయే ఎన్నికలపై ఈ సినిమా ప్రభావం తీవ్రంగా ఉంటుందని మురళీధర్‌రావు తెలిపారు. ఈ చిత్రానికి సెన్సార్ బోర్డు ఇచ్చిన సర్టిఫికెట్‌ను వెంటనే రద్దు చేయాలని కోర్టును కోరారు. ఫ్రీడం ఆఫ్ ఎక్స్‌ప్రెషన్ పేరుతో డీ ఫేమ్‌కు పాల్పడటం సరికాదని, దానికి ఒక హద్దు ఉంటుందని పేర్కొన్నారు.

December 26, 2023 0 comment

Crime Hyderabad Politics Telangana

BRS : బీఆర్ఎస్ మాజీ ఎమ్మెల్యే కొడుకు నిర్వాకం.. తప్పతాగి..!!

by Venu December 26, 2023

written by Venu

బేగంపేట (Begumpet) ప్రజాభవన్‌ (Praja Bhavan) వద్ద కారు బీభత్సం సృష్టించిన ఘటన ఆలస్యంగా వెలుగులోకి వచ్చింది. ప్రమాద సమయంలో బోధన్‌ బీఆర్‌ఎస్‌ (BRS) మాజీ ఎమ్మెల్యే షకీల్‌ అహ్మద్‌ కుమారుడు కారు నడిపినట్టు ఆరోపణలు వినిపిస్తున్నాయి. కేసు నమోదు సమయంలో పోలీసులు అసలు నిందితుడిని తప్పించి.. మరొకరిపై కేసు నమోదు చేసినట్లు సమాచారం.

డిసెంబర్ 23 అర్ధరాత్రి జరిగిన ఘటన ఆలస్యంగా బయటకు వచ్చింది. BMW కారులో ఉన్న షకీల్ కుమారుడు.. ఓవర్ స్పీడ్ తో ప్రజాభవన్ ఎదుట బారీకేడ్లను ఢీకొట్టాడు. యాక్సిడెంట్ టైమ్ లో కారులో ఇద్దరు యువకులతోపాటు ముగ్గురు యువతులు ఉన్నట్లు కెమెరాలో రికార్డ్ అయింది. అయితే కారు డ్రైవ్ చేసింది మాజీ ఎమ్మెల్యే షకీల్ కొడుకు సోహెల్ అయినా…అతన్ని తప్పించి మరో యువకుడిపై కేసు పెట్టినట్లు ఆరోపణలున్నాయి.

అబ్దుల్ ఆసిఫ్ కారును డ్రైవ్ చేసినట్లు కేసు నమోదైంది. కారు బీభత్సం ఘటనపై పూర్తి విచారణ చేపట్టాలని పంజాగుట్ట పోలీసులను ఆదేశించారు సీపీ శ్రీనివాస్ రెడ్డి. మరోవైపు డ్రైవింగ్‌ చేసిన వ్యక్తిని అదుపులోకి తీసుకొని వైద్య పరీక్షల నిమిత్తం ట్రాఫిక్‌ పోలీసులకు అప్పగించినట్టు పంజాగుట్ట పోలీసులు చెబుతున్నారు. దీంతో విషయాన్ని డీసీపీ దృష్టికి తీసుకెళ్లగా.. ఎస్‌ఆర్‌నగర్‌ డివిజన్‌ ఏసీపీ వైవీరావు కేసు దర్యాప్తు చేస్తున్నారు. నిందితుడు సోహెల్ పరారీలో ఉన్నాడని… అతడి కోసం గాలిస్తున్నామని వివరించారు. గతంలోనూ సోహెల్ ప్రమాదాలు చేసినట్టు గుర్తించామని పోలీసులు తెలిపారు..

December 26, 2023 0 comment

New Year: Police restrictions during New Year.. If you do these things that's it..!!

Hyderabad Telangana

New Year: న్యూఇయర్ వేళ పోలీసుల ఆంక్షలు.. ఈ పనులు చేస్తే అంతే..!!

by Mano December 26, 2023

written by Mano

దేశ వ్యాప్తంగా న్యూఇయర్ వేడుకల(New Year Celebrations)కు యువత సిద్ధమవుతోంది. డిసెంబర్ 31న రాత్రికి ఏర్పాట్లపై ఇప్పటి నుంచే ప్లాన్ చేస్తున్నారు. డీజే పాటలు, మందు, విందు, చిందులతో హోరెత్తించేందుకు సిద్ధమయ్యారు. అయితే, న్యూఇయర్ వేడుకలపై పోలీస్ శాఖ ఇప్పటికే నజర్ పెట్టింది. ఇప్పటికే పలు ఆంక్షలు విధించింది.

న్యూఇయర్ వేడుకల్లో అసాంఘిక కార్యకలాపాలకే పాల్పడితే ఉపేక్షించేది లేదని పోలీస్ శాఖ హెచ్చరించింది. ఇప్పటికే మైనర్‌లకు మద్యం విక్రయిస్తే కేసులు నమోదు చేస్తామని హెచ్చరించింది. అదేవిధంగా అనుమతి లేకుండా ఎక్కడైనా నిబంధనలు అతిక్రమిస్తూ బహిరంగంగా డీజేలు పెట్టి న్యూసెన్స్ చేస్తే చర్యలు తప్పవని పోలీసులు హెచ్చరించారు.

ఈ మేరకు న్యూఇయర్ వేడుకలకు సంబంధించి పోలీస్ అధికారులు పలు నిబంధనలు వెల్లడించారు. అవేంటో చూద్దాం.. న్యూ ఇయర్ వేడుకలు రాత్రి ఒంటిగంట కల్లా ముగించాలి. ఈవెంట్‌లో సీసీ కెమెరాలు, సెక్యూరిటీ తప్పనిసరి. 45 డెసిబుల్స్ శబ్ధం కంటే ఎక్కువ ఉండకూడదు. ఎట్టి పరిస్థితుల్లో అశ్లీల నృత్యాలకు అనుమతి లేదు.

డ్రంక్ అండ్ డ్రైవ్‌లో పట్టుబడితే రూ.10వేల జరిమానా, ఆరు నెలల జైలుశిక్ష పడుతుంది. అదేవిధంగా డ్రైవింగ్ లైసెన్స్ రద్దు చేస్తారు. మత్తు పదార్థాలు వాడితే జీవితంలో కోలుకోలేని చర్యలు తీసుకుంటారు. ఈవెంట్ పేరుతో ట్రాఫిక్‌ సమస్య సృష్టించొద్దు. కెపాసిటీకి మించి పాసులు ఇవ్వకూడదు.

December 26, 2023 0 comment

Hyderabad Politics Telangana

BRS : బీఆర్ఎస్ ముందు అగ్నిపరీక్ష.. లోక్ సభ ఎన్నికల్లో ప్రభావం చూపించకుంటే కారు పంక్చరేనా..?

by Venu December 26, 2023

written by Venu

పార్లమెంట్ ఎన్నికలకి ఇంకా నాలుగైదు నెలల సమయం ఉన్నప్పటికీ ఇప్పటి నుంచే బీఆర్ఎస్ (BRS).. కాంగ్రెస్ (Congress) నేతలు బిజీ బిజీగా ఉంటున్నారు.. బీఆర్ఎస్ కి అసెంబ్లీ ఎన్నికల్లో చుక్కెదురు కాగా.. లోక్ సభ ఎన్నికల్లో (Lok Sabha Elections) చక్రం తిప్పడానికి ప్రయత్నాలు మొదలు పెట్టినట్టు తెలుస్తోంది.. అయితే ఈసారి గులాబీ అధిష్టానం తొందరపడకుండా ఆలోచించి నిర్ణయాలు తీసుకొంటున్నట్టు వార్తలు వినిపిస్తున్నాయి. ఇదే సమయంలో నేతలు చేయి జారిపోకుండా ముందు జాగ్రత్తగా పడుతోన్నట్టు తెలుస్తోంది.

ఇక అసెంబ్లీ ఎన్నికల్లో (Assembly Elections) బీఆర్ఎస్ ఓటమికి ఓవర్ కాన్ఫిడెన్స్, నేతల ప్రవర్తన కారణమనే వాదన వినిపిస్తోంది. అందులో టీఆర్ఎస్ ని కాదని బీఆర్ఎస్ అని పార్టీ పేరు మార్చడం కూడా ఒక కారణంగా తెలుపుతున్నారు. ఏకపక్ష నిర్ణయాలతో.. పాలన సాగుతోందని భావించి ప్రజలు గులాబీ బాస్ మాటలకి లొంగలేదనేది కూడా తెలుస్తోందని అనుకొంటున్నారు.

అయితే మూడో సారి కేసీఆర్ సీఎం కావాలని ఆశించిన.. జనం మాత్రం కేసీఆర్ వద్దు.. రేవంత్ రెడ్డి ముద్దు అని తీర్పు ఇచ్చారు. ఈ పరిణామాన్ని ఇంకా గులాబీ నేతలు జీర్ణించుకోలేకపోతున్నారని ఆరోపణలు సైతం వస్తున్నాయి. ఇదే సమయంలో లోక్ సభ ఎన్నికలు ముంచుకొచ్చేస్తున్నాయి. ఇందులోనూ బీఆర్ఎస్ ప్రభావం చూపించకపోతే పార్టీ మనుగడపై ప్రభావం పడుతుందని అధిష్టానం ఆలోచనలో ఉన్నట్టు ప్రచారం జరుగుతోంది.

మరోవైపు పార్లమెంట్ ఎన్నికలు జాతీయ అంశాల ప్రకారం జరుగుతాయి. ప్రధానిగా మోదీ ఉండాలా లేకపోతే కాంగ్రెస్ కూటమి నుంచి ఎవరైనా ఉండాలా అన్నది ఓటర్లు డిసైడ్ చేసుకుంటారు. ఎందుకంటే బీఆర్ఎస్ అటు ఎన్డీఏలో కానీ ఇటు ఇండియా కూటమిలో కానీ లేదు. ఇక బీఆర్ఎస్ కి లోక్ సభ సీట్లు ఇవ్వడం వల్ల ప్రయోజనం ఏంటీ అని ఆలోచించడం మొదలుపెడితే.. మొదటికే మోసం వస్తుందని అనుకొంటున్నారు.

పార్లమెంట్ ఎన్నికల్లో బీజేపీకి మోదీ ఇమేజ్ తోడవుతుంది. కాంగ్రెస్ కు అధికార పార్టీ ఇమేజ్ ఉంటుంది. ఈ రెండు పార్టీల మధ్య బీఆర్ఎస్ నలిగిపోవడానికే ఎక్కువ అవకాశం ఉందనేది రాజకీయ విశ్లేషకుల భావన.. అయితే సిద్దిపేట బలంతో ఒక్క మెదక్ లోక్ సభ నియోజకవర్గం మాత్రమే ఆశావహంగా కనిపిస్తోంది. మిగతా దేనిపైనా నమ్మకం పెట్టుకునే పరిస్థితి లేదు. అందుకే బీఆర్ఎస్ నేతల్లో ఆందోళన ప్రారంభమైనట్టు ప్రచారం జరుగుతోంది..

December 26, 2023 0 comment

Hyderabad Telangana

Heavy Fog: కనిపించని రన్‌వే.. విమాన రాకపోకలకు ఇబ్బందులు..!

by Mano December 26, 2023

written by Mano

తెలుగు రాష్ట్రాల్లో చలి తీవ్రత రోజురోజుకు పెరిగిపోతోంది. ఉష్ణోగ్రతలు భారీగా తగ్గుముఖం పడుతున్నాయి. దీంతో ప్రజలు చలితో గజగజ వణుకుతున్నారు. అదే సమయంలో దట్టమైన పొగమంచు(Heavy Fog) కారణంగా రోడ్లపై రాకపోకలకు ఇబ్బందిగా మారుతోంది. చాలా చోట్ల రోడ్డు ప్రమాదాలు చోటు చేసుకున్నాయి.

పొగమంచు కారణంగా శంషాబాద్ విమానాశ్రయం(Shamshabad Airport)లో సోమవారం ఉదయం దట్టమైన పొగమంచు కమ్ముకుంది. పైలట్లకు రన్‌వే కనిపించకపోవడంతో అప్రమత్తమైన ఎయిర్ ట్రాఫిక్ కంట్రోల్ (ATC) అధికారులు ఉదయం 6నుంచి 9 గంటల వరకు విమానాలను నిలిపివేశారు.

35 జాతీయ, అంతర్జాతీయ విమానాలను విజయవాడ, బెంగళూరు, ముంబై, నాగ్పూర్ నగరాలకు మళ్లించారు. ఉదయం 8:30 గంటలకు హైదరాబాద్ చేరుకోవాల్సిన గోవా, తిరువనంతపురం, చండీగఢ్ విమానాలను విజయవాడ గన్నవరం విమానాశ్రయానికి పంపించారు.

చలి తీవ్రత ఎక్కువగా ఉండడంతో నల్గొండ జిల్లాలో ఇద్దరు, వికారాబాద్ జిల్లాలో ఒకరు ప్రాణాలు కోల్పోయారు. ఆదిలాబాద్ ఉమ్మడి జిల్లాలో కనిష్ట ఉష్ణోగ్రతలు సింగిల్ డిజిట్‌కు పడిపోతున్నాయి. ఏజెన్సీపై చలి తీవ్రత పెరిగింది. కొమరంభీం జిల్లా ఆసిఫాబాద్‌లో 8.6 డిగ్రీలుగా నమోదుకాగా.. అదిలాబాద్ జిల్లా సొనాలలో 9.9 గా కనిష్ట ఉష్ణోగ్రతలు నమోదయ్యాయి. నిర్మల్ జిల్లా పెంబిలో 10.6డిగ్రీలుగా కనిష్ట ఉష్ణోగ్రత నమోదైంది.

December 26, 2023 0 comment

Telangana

sunburn even: సన్ బర్న్ ఈవెంట్ కు టికెట్ అమ్మకాలు… పోలీసుల కేసు నమోదు…!

by Ramu December 25, 2023

written by Ramu

‘సన్ బర్న్’ (Sun Burn)సంగీత కార్యక్రమానికి తెలంగాణ ప్రభుత్వం నో చెప్పింది. ఈ వేడుకకు ఎలాంటి అనుమతులు తీసుకోకుండానే బుక్ మై షో ద్వారా టికెట్ల విక్రయాలు ప్రారంభించారు. ఈ ఈవెంట్‌కు అనుమతులు లేకుండానే టికెట్లు విక్రయించడంపై సీఎం రేవంత్ రెడ్డి (Revanth Reddy) తీవ్ర ఆగ్రహం వ్యక్తం చేశారు. అనుమతులు లేకుండా ఎలాంటి ఈవెంట్స్ నిర్వహించవద్దని సర్కార్ హెచ్చరించింది.

అనుమతులు లేకుండా ఈవెంట్స్ నిర్వహిస్తే కఠిన చర్యలు తప్పవని ప్రభుత్వం స్పష్టం చేసింది. ఉన్నతాధికారుల సమావేశంలో ఈ ఈవెంట్ గురించి సీఎం ఆరా తీసినట్టు తెలుస్తోంది. ఆన్లైన్‌లో టికెట్లు విక్రయించినట్టు తన దృష్టికి వచ్చిందని, అసలు ఆ కార్యక్రమానికి అనుమతులు ఎలా ఇచ్చారని సీఎం ఆరా తీసినట్టు సమాచారం. ఈ క్రమంలో బుక్‌ మై షో నిర్వాహకులపై పోలీసులు కేసు నమోదు చేశారు. కొత్త సంవత్సరం వేళ ఈవెంట్స్ కోసం సంస్థలు పోలీసుల నుంచి అనుమతులు తీసుకోవాలని పోలీసులు వెల్లడించారు. నిబంధనలను పాటించని వారిపై చట్టపరమైన చర్యలు తప్పవని పోలీసులు హెచ్చరించారు.

సన్‌బర్న్‌ అనేది అతిపెద్ద మ్యూజికల్ ఈవెంట్. డిసెంబర్ 31న మాదాపూర్ లో ఈవెంట్ నిర్వహించేందుకు నిర్వాహకులు ఏర్పాట్లు మొదలు పెట్టారు. సుమంత్ అనే వ్యక్తి సన్ బర్న్ పేరిట ఈవెంట్ నిర్వహించేందుకు నిర్వాహకులకు కొంత డబ్బు చెల్లించారని తెలుస్తోంది. అనంతరం అనుమతుల కోసం పోలీసులకు ఆయన దరఖాస్తు చేసుకున్నట్టు తెలుస్తోంది.

కానీ ఈలోగా అనుమతులు రాకుండానే బుక్ మై షోలో టికెట్లు విక్రయించడంతో పోలీసులు రంగంలోకి దిగారు. ఇది ఇలా వుంటే ఈ ఈవెంట్ కోసం దరఖాస్తు చేసుకున్నారని సైబరాబాద్‌ సీపీ అవినాశ్‌ మహంతి అన్నారు. కానీ ఇప్పటి వరకు ఈవెంట్ కు ఎలాంటి అనుమతులు ఇవ్వలేదని వెల్లడించారు. మాదాపూర్‌లోని హైటెక్‌సిటీ సమీపంలో ఈ ఈవెంట్‌ నిర్వహించేందుకు నిర్వాహకులు రెడీ అయినట్టు తెలిపారు.

గతంలో శంషాబాద్‌లో ఈ ఈవెంట్ నిర్వహించారు. ఆ వేడుకల్లో ఓ యువకుడు అనుమానాస్పద స్థితిలో మృతి చెందారు. కానీ ఆ యువకుడి ముఖంపై గాయాలయ్యాయని, చెవుల నుంచి రక్తం కారిందని మృతుని సోదరుడు ఆరోపించారు. ఆ తర్వాత 2017లో ఈ ఈవెంట్ కు వ్యతిరేకంగా కాంగ్రెస్ నేతలు నిరసనలకు దిగారు. ఆ తర్వాత ఈ వేడుకపై పలు ఆరోపణలు వచ్చాయి.

December 25, 2023 0 comment

CM Revanth Reddy: CM Revanth Reddy is sick.. Doctors will do corona test..!

Hyderabad National Telangana

Delhi Tour : మోడీ అపాయింట్‌మెంట్‌ ఖరారు.. ఢిల్లీకి రేవంత్-భట్టి విక్రమార్క..!!

by Venu December 25, 2023

written by Venu

రేవంత్ రెడ్డి (Revanth Reddy) ప్రభుత్వం తెలంగాణ (Telangana) మంత్రి వర్గ విస్తరణకు సంబంధించిన విషయంలో వేగం పెంచింది. ఈ క్రమంలో రేపు ఢిల్లీ (Delhi) పర్యటనకు తెలంగాణ ముఖ్యమంత్రి రేవంత్ రెడ్డి, ఉప ముఖ్యమంత్రి మల్లు భట్టి విక్రమార్క వెళ్లనున్నారు. అక్కడ మంత్రి వర్గ విస్తరణకు సంబంధించిన విషయంపై కాంగ్రెస్ (Congress) పెద్దలతో చర్చించనున్నట్టు సమాచారం..

మరోవైపు ప్రధాన మంత్రి నరేంద్ర మోడీతో అపాయింట్‌మెంట్‌ ఖరారు కావడంతో రేపు సాయంత్రం 4. 30 గంటలకు రేవంత్, భట్టి మర్యాదపూర్వకంగా ప్రధానిని కలవనున్నారు. ఈ సందర్భంగా రాష్ట్ర ఆర్ధిక స్థితిగతులు.. కేంద్ర ప్రభుత్వం నుంచి రావాల్సిన పెండింగ్ నిధులపై ప్రధానితో చర్చించే అవకాశం ఉన్నట్టు రాజకీయ వర్గాల నుంచి సమాచారం..

పనిలో పనిగా కాంగ్రెస్ పెద్దలను కలవనున్న సీఎం, డిప్యూటీ సీఎం.. పార్లమెంట్‌ ఎన్నికలపై ప్రధానంగా చర్చించనున్నారని తెలుస్తోంది. వీటితో పాటుగా నామినేటెడ్‌ పోస్టుల భర్తీపై సైతం చర్చించే అవకాశం ఉంది. ఆరు ఎమ్మెల్సీ పోస్టులకు కూడా అభ్యర్థులను ఎంపిక చేయాల్సి ఉండగా.. వీటన్నింటిపై సీఎం రేవంత్ రెడ్డి, డిప్యూటీ సీఎం మల్లు భట్టి విక్రమార్క రేపటి ఢిల్లీ పర్యటనతో ఒక క్లారిటీ వచ్చే ఛాన్స్ కనిపిస్తుందని తెలుస్తోంది..

కాగా నాగ్‌పూర్‌లో ఎల్లుండి జరిగే కాంగ్రెస్ ఆవిర్భావ దినోత్సవంలో సీఎం, డిప్యూటీ సీఎంలు పాల్గొంటున్నట్టు పార్టీ వర్గాలు సమాచారం.. మరోవైపు నాలుగు రోజుల క్రితమే రేవంత్ రెడ్డి ఢిల్లీకి వెళ్లాల్సి ఉంది. ఏఐసీసీ ప్రధాన కార్యాలయంలో జరిగే సీడబ్ల్యూసీ సమావేశాలకు ఆయన హాజరుకావాల్సి ఉంది. అయితే అసెంబ్లీలో విద్యుత్ రంగంపై వాడీవేడీ చర్చలు జరుగుతోన్న నేపథ్యంలో రేవంత్ రెడ్డి పర్యటనను వాయిదా వేసుకున్నారని వార్తలు వచ్చాయి..

December 25, 2023 0 comment

Newer Posts

Older Posts