Telangana

తెలంగాణ నూతన డీజీపీగా ( DGP) రవి గుప్తా (Ravi Guptha) నియమితులయ్యారు. డీజీపీగా రవి గుప్తాను నియమిస్తున్నట్టు ఎన్నికల సంఘం ఉత్తర్వులు జారీ చేసింది. మాజీ డీజీపీ అంజనీ కుమార్ యాదవ్ తర్వాత సీనియర్‌గా రవి గుప్తారు. ఈ నేపథ్యంలో ఆయన్ని డీజీపీగా ఎన్నికల సంఘం నియమించింది.

రవి గుప్తా 1990 బ్యాచ్‌కు చెందిన సీనియర్ ఐపీఎస్ అధికారి. ప్రస్తుతం ఆయన విజిలెన్స్‌ అండ్‌ ఎన్‌ఫోర్స్‌మెంట్‌ విభాగంలో పని చేస్తారు. దీంతో పాటు ఏసీబీ డైరెక్టర్‌ జనరల్‌గా బాధ్యతలు నిర్వహిస్తున్నారు. అంతకు ముందు హోంశాఖ ముఖ్య కార్యదర్శిగా కూడా ఆయన విధులు నిర్వహించారు.

ఎన్నికల కోడ్ ఉల్లంఘించారంటూ డీజీపీ అంజనీ కుమార్ యాదవ్ పై ఈసీ సస్పెన్షన్ వేటు వేసింది. ఎన్నికల ఫలితాలకు ముందే టీపీసీసీ చీఫ్ రేవంత్ రెడ్డిని అంజనీ కుమార్ కలవడంపై ఈసీ ఆగ్రహం వ్యక్తం చేసింది. ఇది ఎన్నికల కోడ్ ఉల్లంఘించడమేనని ఆయన సస్పెన్షన్ వేటు వేసింది.

మరోవైపు అంజనీ కుమార్‌తో పాటు అదనపు డీజీలు సందీప్ కుమార్ జైన్, మహేశ్ భగవత్ కు ఈసీ నోటీసులు జారీ చేసింది. అంతకు ముందు రేవంత్ రెడ్డిని అంజనీ కుమార్ కలిశారు. ఈ నెల 9న ఎల్బీ స్టేడియంలో కాంగ్రెస్ సీఎం ప్రమాణ స్వీకారానికి ఏర్పాట్లు చేయాలని రేవంత్ రెడ్డి సూచించారని అంజనీ కుమార్ తెలిపారు.

తెలంగాణ (Telangana)లో ఎన్నికల ఫలితాలపై బీఆర్ఎస్ వర్కింగ్ కమిటీ అధ్యక్షుడు కేటీఆర్ (KTR) స్పందించారు. గతంతో పోలిస్తే ఈ ఎన్నికల్లో ఎక్కువ మెజారిటీ వస్తుందని తాము భావించామన్నారు. కానీ తాము ఆశించిన స్థాయిలో ఫలితాలు రాలేదని తెలిపారు. ఓటమిపై లోతుగా విశ్లేషణ చేస్తామన్నారు. లోపాలను సవరించుకుని తిరిగి పుంజుకుంటామని వెల్లడించారు.

ఈ ఏడాది ఆగస్టులో అభ్యర్థుల ప్రకటించిన రోజు నుంి సుమారు 100 రోజులగా పార్టీ నేతలు, కార్యకర్తలు ఎంతో కృషి చేశారని అన్నారు. వారందరికీ ఆయన ధన్యవాదాలు తెలిపారు. తెలంగాణ ప్రజలు తమకు ప్రతిపక్ష హోదా ఇచ్చారని చెప్పారు. అధికారంలో ఉన్నప్పుడు ఎంత బాధ్యతగా ఉన్నామో, ఓటమి తర్వాత కూడా అంతే స్థాయిలో బాధ్యతగా ఉంటామన్నారు.

గతంలో అనుకున్నట్లుగా తెలంగాణను సాధించామన్నారు. అధికారంలో మంచి పాలన చేశామని సంతృప్తిగా ఉందన్నారు. ప్రభుత్వ నిర్వహణలో సహకరించిన ప్రతి ఒక్కరికీ పేరు పేరునా ధన్యవాదాలు చెబుతున్నామన్నారు. ఓటమి నేపథ్యంలో కొంత బాధగా ఉందన్నారు. కానీ బంతిలాగా మళ్లీ వేగంగా తిరిగి వస్తామని ధీమా వ్యక్తం చేశారు. ఈసారి ప్రతిపక్షంలో ఉండి గతంలో కన్నా ఈ సారి మరింత కష్టపడుతామన్నారు.

ఈ ఓటమికి నిరాశ చెందాల్సిన అవసరం లేదన్నారు. రాజకీయాల్లో గెలుపు ఓటములు సహజమన్నారు. కేసీఆర్ సారథ్యంలో మరింత కష్టపడతామన్నారు. 14 ఏండ్లు పోరాటం చేసి స్వరాష్ట్రాన్ని సాధించుకున్నామన్నారు. అలాగే రాష్ర వృద్ధికి కృషి చేద్దామన్నారు. గెలిచిన బీఆర్​ఎస్ అభ్యర్థులకు ఆయన అభినందనలు తెలిపారు. ప్రభుత్వానికి పూర్తిగా సహకరిస్తామన్నారు.

తెలంగాణలో కాంగ్రెస్ ఘన విజయం సాధించింది. ఆ పార్టీ విజయం తర్వాత రాష్ట్రంలో పరిణామాలు వేగంగా మారిపోతున్నాయి. మొదట ఈ నెల9న కాంగ్రెస్ సీఎం అభ్యర్థి ప్రమాణ స్వీకారానికి ఏర్పాట్లు చేయనున్నట్టు వార్తలు వినిపించాయి. ఈ నెల 9 న ఎల్బీ స్టేడియంలో ప్రమాణ స్వీకారానికి ఏర్పాట్లు చేయాలని రేవంత్ రెడ్డి చెప్పినట్టు డీజీపీ అంజన్ కుమార్ తెలిపారు.

ఆ కొద్దిసేపటికే సీఎం కేసీఆర్ రాజీనామా చేశారు. తన రాజీనామా లేఖను గవర్నర్ తమిళి సై సౌందర్ రాజన్ కు అప్పగించారు. ఇది ఇలా వుంటే కాంగ్రెస్ సీఎం అభ్యర్థి రేపు ప్రమాణం చేసే అవకాశం ఉన్నట్టు కాంగ్రెస్ వర్గాలు వెల్లడించాయి. ఈ మేరకు రాత్రి సీఎల్పీ సమావేశం జరిగే అవకాశం ఉన్నట్టు పార్టీ శ్రేణులు తెలిపాయి.
సీఎం ఎంపికపై కాంగ్రెస్ ఎమ్మెల్యేల అభిప్రాయాన్ని ఏఐసీసీ నేతలు సేకరించనున్నారు.

దీని ఆధారంగా సీఎంను ఎంపిక చేసే అవకాశం ఉన్నట్టు సమాచారం. అదే సమయంలో రేపు రాష్ట్ర గవర్నర్ తమిళిసై ని కాంగ్రెస్ నేతలు కలిసే అవకాశం ఉందని పార్టీ వర్గాలు చెప్పాయి. దీంతో సీఎం ఎంపిక ఆసక్తికరంగా మారింది. మరోవైపు సీఎం పదవికి రేవంత్ రెడ్డిని ఎంపిక చేస్తారా లేదా వేరే ఎవరికైనా ఇస్తారా అనే అంశంపై పార్టీ వర్గాల్లో జోరుగా చర్చలు నడుస్తున్నాయి.

రాష్ట్రంలో కాంగ్రెస్ కు స్పష్టమైన మెజారిటీ వచ్చింది. మొత్తం 64 స్థానాల్లో కాంగ్రెస్ విజయం సాధించింది. ఎన్నికల ఫలితాల అనంతరం ఎమ్మెల్యేలు తాజ్ కృష్ణకు చేరుకుంటున్నారు. సీఎం ఎంపిక విషయంపై అధిష్టానం తీసుకుంటుందని కర్ణాటక డిప్యూటీ సీఎం డీకే శివ కుమార్ వెల్లడించారు.