Telangana

గ్రేటర్ హైదరాబాద్‌లో పట్టు సాధించాలని భావించిన భారతీయ జనతా పార్టీ(BJP)కి పలువురు నేతలు షాకిస్తున్నారు.అసెంబ్లీ ఎన్నికల ముందు కుత్భుల్లాపూర్ ఎమ్మెల్యే అభ్యర్థిగా కమలం పార్టీ గుర్తుపై పోటీ చేసిన కూన శ్రీశైలం గౌడ్(Koona Srisailam Goud) బీఆర్ఎస్ అభ్యర్థి కేపీ వివేకానంద చేతిలో పరాజయం పాలయ్యారు.

ఆ తర్వాత కొంతకాలంగా సైలెంట్ అయ్యారు.అయితే, తెలంగాణలో కాంగ్రెస్ పార్టీ అధికారంలోకి వచ్చాక ప్రతిపక్ష పార్టీలకు చెందిన నేతలకు కాంగ్రెస్ నేతలు గాలెం వేయడం మొదలెట్టారు. ఈ క్రమంలోనే కూన శ్రీశైలం గౌడ్‌తో గురువారం కాంగ్రెస్ పార్టీకి చెందిన కీలక నేతలు భేటీ అయ్యి పార్టీలోకి రావాలని ఆహ్వానించారు.

ఎంపీ ఎన్నికల వేళ బీజేపీ నాయకత్వం, శ్రేణులు ప్రచారంలో బిజీబిజీగా మారిపోగా కూన శ్రీశైలం మాత్రం పార్టీ కార్యకలాపాలకు దూరంగా ఉంటూ వచ్చారు. ఈ క్రమంలోనే ఆయన శుక్రవారం సీఎం రేవంత్ రెడ్డి, కాంగ్రెస్ రాష్ట్రవ్యవహారాల ఇన్‌చార్జి దీపాదాస్ మున్షీ సమక్షంలో కాంగ్రెస్ పార్టీ కండువా కప్పుకున్నారు. ఈ కార్యక్రమంలో మంత్రి శ్రీధర్ బాబు, మాజీ మంత్రి పట్నం మహేందర్ రెడ్డి, ఎమ్మెల్సీ మహేశ్ కుమార్ గౌడ్ తదితరులు పాల్గొన్నారు.

అయితే, కూన శ్రీశైలం గౌడ్ కాంగ్రెస్ పార్టీలో చేరేలా మల్కాజిగిరి మాజీ ఎమ్మెల్యే మైనంపల్లి హన్మంతరావు కీలక పాత్ర పోషించినట్లు తెలుస్తోంది. మైనంపల్లి, పట్నం మహేందర్ రెడ్డి తదితరులు గురువారం కూన శ్రీశైలం గౌడ్ ఇంటికి వెళ్లి పార్టీ చేరాలని ఆహ్వానించిన విషయం తెలిసిందే.

మెదక్ (Medak) కాంగ్రెస్ (Congress) ఎంపీ అభ్యర్థి నీలం మధుకి మంత్రి కొండ సురేఖ (Konda Surekha) ముందే అవమానం జరిగింది. ఆ పార్టీ ఎమ్మెల్యే అభ్యర్థి కాట శ్రీనివాస్ గౌడ్ భార్య కాట సుధా రాణి, నీలం మధు చంప పగల్గొట్టాలని ఉందన్నారు. అయితే ఈ విషయం నేరుగా మంత్రికి చెప్పడంతో విషయం రచ్చ రచ్చగా మారింది. ఇదిలా ఉండగా గత కొద్దిరోజులుగా నీలం మధు, కాట శ్రీనివాస్ గౌడ్ మధ్య వర్గపోరు నడుస్తుందనే టాక్ వుంది.

అసెంబ్లీ ఎన్నికల్లో కాంగ్రెస్ టికెట్ కోసం ఇద్దరి నేతలు ప్రయత్నాలు చేశారు. ఆ సమయంలో కాంగ్రెస్ అధిష్టానం మొదట కాట శ్రీనివాస్ కి టికెట్ ఇచ్చి.. తర్వాత నీలం మధుకి టికెట్ కేటాయించింది.. దీంతో శ్రీనివాస్ వర్గం వ్యతిరేకించడంతో చివరికి ఆయనకే ఎమ్మెల్యే టికెట్‎ కేటాయించింది. అప్పుడు మొదలైన చిచ్చు అలా రగులుతూనే ఉంది. ఈ క్రమంలో నీలం బీఎస్పీ నుండి ఎమ్మెల్యేగా పోటీ చేశారు.

కాగా ఎన్నికల సమయంలో కాట శ్రీనివాస్ పై తీవ్ర పదజాలంతో ఆయన విరుచుకుపడ్డారు. ఇలా జరిగిన వివాదాలకు సంబంధించిన విషయాలన్నీ కాట శ్రీనివాస్ భార్య, కొండా సురేఖ ముందు ఏకరువు పెట్టారు.. ఆ సమయంలో అక్కడ నీలం మధు సైతం ఉన్నారు. దాంతో ఆయన అవమానంగా భావించినట్లు తెలుస్తోంది. ఇక శ్రీనివాస్ గౌడ్ కూడా పక్కనే నిల్చోని మౌనంగా ఉండటం విశేషం..

మరోవైపు సుధారాణి మాటలు విన్న మంత్రి కొండా సురేఖ ఇద్దరికీ సర్ది చెప్పే ప్రయత్నం చేశారు. అయినా ఆమె వినకుండా నీలం మధును తీవ్రంగా విమర్శించడం చర్చాంశనీయంగా మారింది.. మరోవైపు వీరిద్దరి మధ్య జరిగిన సంఘటన గురించి తెలిసిన కార్యకర్తలు ఇంత జరిగాక ఎంపీ అభ్యర్థి గెలుపులో శ్రీనివాస్ గౌడ్ సహాయం చేస్తారా అనే అనుమానాలు లేవనెత్తుతున్నారు..

తుక్కుగూడ (Tukkuguda)లో జరిగే జన జాతర సభకు కాంగ్రెస్ నేతలు సర్వం సిద్దం చేస్తున్నారు.. ఈ క్రమంలో ఉప ముఖ్యమంత్రి భట్టి విక్రమార్క (Bhatti Vikramarka) సభాస్థలి ఏర్పాట్లను పరిశీలించారు.. అనంతరం మీడియాతో మాట్లాడుతూ.. ఈ సభ దేశానికి దిశా నిర్దేశం చేయబోతోందని పేర్కొన్నారు. కదం తొక్కుదాం, కాంగ్రెస్ (Congress) తడాఖా దేశానికి చాటుదామంటూ పిలుపునిచ్చారు.

అదేవిధంగా ఈ జన జాతర సభ నుంచే లోక్‌సభ ఎన్నికల మేనిఫెస్టోను ఏఐసీసీ ప్రకటించనుందని తెలిపారు.. కాంగ్రెస్ ప్రభుత్వం చిత్తశుద్ధితో ఇచ్చిన హామీలను ఎలా అమలు చేస్తుందో, తెలంగాణ మోడల్‌గా ఏఐసీసీ నాయకత్వం ఈ సభలో సందేశం ఇవ్వబోతోందని భట్టి వెల్లడించారు. అలాగే బీఆర్ఎస్ పై కీలక వ్యాఖ్యలు చేశారు.. దేశ భద్రతకు వాడాల్సిన కమ్యూనికేషన్‌ను గత పాలకులు వ్యక్తిగతంగా వినియోగించారని విమర్శించారు.

వ్యక్తిగత కుటుంబ రహస్యాలు, వ్యాపారులు, అధికారులు, జడ్జీలు ఏం మాట్లాడుకుంటున్నారో నిబంధనలకు విరుద్ధంగా విన్నారని భట్టి ఆరోపించారు.. ఈ వ్యవహారం పై చట్ట ప్రకారం చర్యలు తీసుకోనున్నట్లు స్పష్టం చేశారు. అదేవిధంగా దేశంలో ప్రజాస్వామ్య పరిరక్షణకు ఏకైక దిక్కు కాంగ్రెస్ అని పేర్కొన్నారు. పదేళ్లు పాలించిన బీఆర్ఎస్ నాయకులు, గత పాపాలకు బాధ్యత లేదని తప్పుకోవడం సిగ్గుచేటని విమర్శించారు..

అధికార దాహం.. కుతంత్రాలకు కుటిలత్వానికి కేరాఫ్ గా మారిన బీఆర్ఎస్ ప్రతిపక్షంగా కూడా పనికిరాదని మంత్రి ఎద్దేవా చేశారు. జూన్ నెలలో వచ్చిన వర్షపు నీరును కేసీఆర్ స్టోరేజ్ చేయలేదని, నాగార్జున సాగర్ నీటిని అవసరం లేకున్నా గొప్పల కోసం కిందికి వదిలారని ఆరోపించారు. అలాగే కాళేశ్వరంలో గోదావరి నీటిని నిర్మాణ లోపంతో కిందికి వదలాల్సి వచ్చిందని వెల్లడించారు..

మరోవైపు ప్రమాణ స్వీకారం చేసిన వెంటనే మహిళలకు ఉచిత బస్సు ప్రయాణం అమల్లోకి తెచ్చామని..పేదల ఆరోగ్యం కోసం రాజీవ్ ఆరోగ్యశ్రీ పరిమితిని రూ.10 లక్షలకు పెంచామని.. రాబోయే ఐదు సంవత్సరాల్లో డ్వాక్రా సంఘాలకు రూ.లక్ష కోట్ల వడ్డీ లేని రుణాలను అందించాలని నిర్ణయించినట్లు వివరించారు.. అదేవిధంగా మూసీ నదిని పునర్జీవింపజేసి లండన్‌లోని థేమ్స్ నదిని మరిపించేలా ప్రణాళికను సిద్ధం చేసినట్లు మంత్రి తెలిపారు.