Uncategorized

Trump : ఎన్నికల ఫ్రాడ్ కేసులో అరెస్టు అయ్యేందుకు అమెరికా మాజీ అధ్యక్షుడు డొనాల్డ్ ట్రంప్ (Donald Trump) సిద్ధమయ్యారు. 2020 లో జరిగిన జార్జియా ఎన్నికల ఫలితాలను తారుమారు చేసేందుకు యత్నించారన్న ఆరోపణల కేసు ఆయన చుట్టూ మరింత బిగుస్తోంది. గురువారం మధ్యాహ్నం తాను అట్లాంటా వెళ్తున్నానని, అక్కడి ఫుల్టన్ కౌంటీ జైలు అధికారులను ఎదుర్కోవలసి ఉందని తన ‘ ట్రూత్’ సామాజిక వేదికపై పోస్ట్ పెట్టారు. 2024 లో జరిగే అధ్యక్ష ఎన్నికల్లో తిరిగి తాను పోటీ చేయకుండా చూసేందుకు ఫూల్టన్ కౌంటీ డిస్ట్రిక్ట్ అటార్నీ ఫని విల్లిస్, జస్టిస్ డిపార్ట్మెంట్ అధికారులు యత్నిస్తున్నారని అయన ఆరోపించారు. ‘మీరు నమ్ముతారా ? నేను గురువారం అరెస్టయ్యేందుకు అట్లాంటా వెళ్తున్నాను’ అని పేర్కొన్నారు.

తమ క్లయింటు అరెస్టు కాకుండా చూసేందుకు ట్రంప్ తరఫు లాయర్లు జార్జియా అధికారులతో 2 లక్షల డాలర్ల మేర బాండుకు సంబంధించి ఒప్పందాన్ని కుదుర్చుకున్నారు. అయితే తన విచారణకు ముందు జైలుకు వెళ్లకుండా ఉండాలంటే ట్రంప్ ఈ మొత్తంలో 20 వేల డాలర్లను మాత్రం చెల్లిస్తే సరిపోతుంది. ఈ కేసులో సాక్షులను ఎవరినీ బెదిరించబోనన్న షరతుకు ఆయన అంగీకరించారు. కానీ దీన్ని ఉల్లంఘించిన పక్షంలో విచారణకు ముందే ఆయనను జైలుకు పంపవచ్చు.

విచారణ ముగిసేంతవరకు ట్రంప్, ఈ కేసులోని డిఫెండెంట్లు తమ లాయర్లతో తప్ప మరెవరితోనూ ఒకరికొకరు మాట్లాడుకోరాదన్న నిబంధన ఉంది. ట్రంప్ పైన, మరో 19 మందిపైన 41 అభియోగాలు నమోదయ్యాయి. వ్యవస్థీకృత నేరాలనివారణకు ఉద్దేశించిన రాకెటీర్ ఇన్ ఫ్లుయెన్స్డ్ అండ్ కరప్ట్ ఆర్గనైజేషన్స్ యాక్ట్ వీరిపై కత్తిలా వేలాడుతోంది.ట్రంప్ లొంగిపోయిన పక్షంలో ఇతర డిఫెండెంట్ల మాదిరే ఆయనను ట్రీట్ చేయడం జరుగుతుందని ఫుల్టన్ కౌంటీ అధికారులు తెలిపారు.

కాగా ఈ వ్యవహారాన్నంతా అధ్యక్షుడు జోబైడెన్ నేతృత్వం లోని జస్టిస్ డిపార్ట్మెంట్ సమన్వయం చేస్తోందని, ఫని విల్లీస్ దీన్ని ప్రచారం చేసుకుని డబ్బు పోగు చేసుకుంటున్నారని ట్రంప్ ఆరోపించారు. ఇక అధ్యక్ష ఎన్నికలో రిపబ్లికన్ పార్టీ అభ్యర్థిత్వం కోసం పోటీ పడుతున్నవారితో బుధవారం ఫాక్స్ న్యూస్ నిర్వహించే టీవీ డిబేట్ లో పాల్గొనబోనని ట్రంప్ ప్రకటించారు. రిపబ్లికన్ పార్టీ ఓటర్ల అభిమతం తెలుసుకునేందుకు ఉద్దేశించి నిర్వహించిన వివిధ సర్వేల్లో అందరికన్నా ట్రంప్ ముందున్నారు. ఒపీనియన్ పోల్ లో ఆయనకు 56 శాతం ఓట్లు వచ్చాయి. అయితే ఇదే సమయంలో భారత సంతతికి చెందిన వివేక్ రామస్వామి కూడా ఇతర పోటీదారుల కన్నా ముందంజలో ఉన్నారు.

Variant :ఇండియా సహా ఇతర ప్రపంచ దేశాల్లో కరోనా అదుపులోనే ఉన్నప్పటికీ దీని కొత్త వేరియంట్లు పుట్టుకు రావడం ఆందోళన కలిగిస్తోంది. ఇప్పటికే ఈజీ 5 వేరియంట్ అమెరికా, బ్రిటన్ సహా పలు దేశాల్లో వెలుగులోకి రాగా తాజాగా అమెరికాలో మరో కొత్త వేరియంట్ బయటపడింది. బీఏ 2.86 గాదీన్ని వ్యవహరిస్తున్నారు. ప్రపంచ ఆరోగ్య సంస్థ, అమెరికాలోని డిసీజ్ కంట్రోల్ సంస్ధ.. తాము ఈ నూతన వేరియంట్ పై అధ్యయనం చేస్తున్నామని పేర్కొన్నాయి. ఈ బీఏ 2.86 సార్స్ కొవ్ -2 కి (కోవిడ్) కి చెందిన ఓమిక్రాన్ వేరియంట్ కి సబ్ వేరియంట్ అని, దీన్ని మొదట 2022 జూన్ లో డెన్మార్క్ లో గుర్తించారని ప్రపంచ ఆరోగ్య సంస్థ వెల్లడించింది.

తరువాత అమెరికా, ఇజ్రాయెల్ దేశాల్లో దీన్ని కనుగొన్నారని వివరించింది. ఇతర ఒమిక్రాన్ సబ్ వేరియంట్లలో కనబడని మ్యుటేషన్లు ఇందులో ఉన్నాయని కానీ వీటిపై పూర్తి స్థాయిలో స్టడీ చేయవలసి ఉందని అమెరికన్ నిపుణులు కూడా పేర్కొన్నారు. దీని ప్రభావాన్ని మరింత మదింపు చేయవలసి ఉందని అన్నారు.

వైరస్ లేదా ఇతర వేరియంట్లకు ఇది పోటీగా ఉంటుందా లేక ఇన్ఫెక్షన్ లేదా వ్యాక్సినేషన్ ముందు ఇమ్యూన్ రెస్పాన్స్ నుంచి తప్పించుకునే అడ్వాంటేజ్ ని కలిగి ఉందా అన్న విషయం తేలవలసి ఉందని వారు వ్యాఖ్యానించారు. రాయిటర్స్ వార్తా సంస్ధ అంచనా ప్రకారం ఈ కొత్త వేరియంట్ లో 36 మ్యుటేషన్లు ఉన్నాయి.

దీన్ని సమర్థించిన హోస్టన్ మెథడిస్ట్ లో డయాగ్నస్టిక్ మైక్రోబయాలజీ మెడికల్ డైరెక్టర్ డా. వెస్లీ లాంగ్.. ప్రస్తుతమున్న x బీబీ 1.5 ఒమిక్రాన్ సబ్ వేరియంట్ పై ఇది ప్రభావం చూపుతుందా అన్నది స్టడీ చేయవలసి ఉందన్నారు. కోవిడ్ ను ఎదుర్కోవడంలో బూస్టర్లు ఇప్పటికీ సహాయపడుతున్నాయని ఆయన చెప్పారు. ప్రస్తుతమున్న డామినెంట్ వేరియంట్ల కన్నా ఈ స్ట్రెయిన్ వ్యాప్తి చెందే అవకాశాలు తక్కువని వైరాలజిస్ట్ జేసే బ్లూమ్ పేర్కొన్నారు/.

Rishi Sunak : నేను హిందువును.. ఆ తరువాతే బ్రిటన్ ప్రధానిని అని ఆ దేశ పీఎం రిషి సునాక్ మరోసారి చెప్పుకున్నారు. భారత 77 వ స్వాతంత్య్ర దినోత్సవాన్ని పురస్కరించుకుని ఆయన మంగళవారం కేంబ్రిడ్జ్ యూనివర్సిటీలో ఏర్పాటు చేసిన రామకథా ప్రవచన కార్యక్రమానికి హాజరయ్యారు. ప్రముఖ ఆధ్యాత్మిక గురువు మురారీ బాపు నిర్వహించిన ఈ కార్యక్రమంలో రామకథా ప్రవచనం ఆయనను పరవశుడ్నిచేసింది. ఇక్కడికి తాను రావడం ఎంతో ఆనందంగా ఉందని, ఓ ప్రధానిగా కాకుండా ఓ హిందువుగా ఈ కార్యక్రమానికి హాజరయ్యానని ఆ తరువాత ఆయన తెలిపారు. రిషికి బాపు మురారీ సాదరంగా స్వాగతం పలికారు.కేంబ్రిడ్జ్ యూనివర్సిటీలోని జీసస్ కాలేజీలో ఈ కార్యక్రమం జరిగింది.

ఇక్కడికి రావడం, తన విశ్వాసం తన పర్సనల్ అని, హిందుత్వ విశ్వాసం తన జీవితాన్ని ఎంతో ప్రభావితం చేస్తుందని సునాక్ చెప్పారు. ప్రధానిగా ఉండడం ఎంతో గౌరవ సూచకమని, కానీ ఇది సులువైన పదవి కాదని చెప్పిన ఆయన.. ఎన్నో క్లిష్ట నిర్ణయాలు తీసుకోవలసి ఉంటుందన్నారు. పలు సవాళ్ళను ఎదుర్కోవలసి ఉంటుందని, కానీ ఈ విశ్వాసమే తనకు శక్తినిస్తుందన్నారు. కాగా ఓ సాధారణ వ్యక్తిగా ఇక్కడికి వచ్చిన మీకు ఘన స్వాగతం అని మురారీ బాపు ..సునాక్ ని ఉద్దేశించి అన్నారు.

ఇక మత విశ్వాసాలు నా జీవితంలోని ప్రతి అంశాన్ని ప్రభావితం చేస్తాయి.. ప్రధానిగా వీలైనంత మెరుగ్గా నా బాధ్యతలను నిర్వహించేందుకు ప్రోత్సహిస్తాయి అని సునాక్ పేర్కొన్నారు. ప్రవచన వేదికపై ఏర్పాటు చేసిన హనుమంతుడి బంగారు ప్రతిమ గురించి ప్రస్తావించిన ఆయన.. తన అధికారిక కార్యాలయంలోని టేబుల్ పై కూడా గణేశుడి ప్రతిమ ఉందని చెప్పారు. ఈ ప్రతిమ ఎప్పుడూ తన విధులను గుర్తు చేస్తూ ఉంటుందన్నారు.

తన బాల్యం గురించి పేర్కొన్న ఆయన., ఆ వయస్సులో తాను తరచు సౌతాంప్టన్ లోని గుడికి వెళ్లి వస్తుండేవాడినని గుర్తు చేసుకున్నారు. తన కుటుంబం పూజలు, హోమాలు చేస్తుండేదని, భక్తులకు తీర్థ ప్రసాదాలు ఇచ్చేవారమన్నారు. రాముడు నాకు ఎల్లప్పుడూ స్ఫూర్తిదాయకంగా ఉంటాడు., బాపు చెప్పిన రామాయణ ప్రవచనంతో బాటు భగవద్గీత, హనుమాన్ చాలీసాను కూడా పఠిస్తుంటాను అని ఆయన చెప్పారు. సోమనాథ్ ఆలయంలో ప్రతిష్టించిన శివలింగాన్ని మురారీ బాపు రిషి సునాక్ కు బహుకరించారు.  2020 లో తొలి బ్రిటిష్ పీఎం అయిన రిషి సునాక్.. తన అధికారిక నివాసం వద్ద జరుపుకున్న మొదటి దీపావళి పండుగ వేడుకలను కూడా గుర్తు చేసుకున్నారు.

Trump: 2024 అధ్యక్ష ఎన్నికల్లో పోటీ చేసేందుకు తహతహలాడుతున్న అమెరికా మాజీ అధ్యక్షుడు డొనాల్డ్ ట్రంప్ (Donald Trump) పై తాజాగా మరో దెబ్బ పడింది. 2020 లో జరిగిన అధ్యక్ష ఎన్నికల్లో జార్జియాలో తన ఓటమికి సంబంధించి ఫలితాలను తారుమారు చేయడానికి యత్నించినట్టు ఫుల్టన్ కౌంటీ గ్రాండ్ జ్యురీ పేర్కొంది. 41 అభియోగాలతో కూడిన డాక్యుమెంట్ లో ట్రంప్ సహా 18 మందిపై అభియోగాలు నమోదయ్యాయి.

వీరిలో ఆయన మాజీ లాయర్ రూడీ గులియానీ, వైట్ హౌస్ మాజీ చీఫ్ మార్క్ మెడోస్, వైట్ హౌస్ లాయర్ జాన్ ఈస్ట్ మన్ తదితరులున్నారు. ఈ కేసుతో ట్రంప్ నాలుగోసారి క్రిమినల్ అభియోగాలను ఎదుర్కొంటున్నట్టయింది. వ్యవస్థీకృత నేరగాడిగా ఆయనపై పరోక్షంగా అభియోగం నమోదు కావడం విశేషం,

ప్రస్తుత కేసులో ఆయన మీద మోపిన మొత్తం ఆరోపణల్లో ‘ది రాకెటీర్ ఇన్ఫ్లుయెన్స్ అండ్ కరప్ట్ ఆర్గనైజేషన్స్ యాక్ట్’ (రికో) (The Racketeer Influenced And Corruption Organisations Act) అతి ముఖ్యమైనది. ఈ చట్టం కింద దోషిగా తేలితే గరిష్టంగా 20 ఏళ్ళ జైలు శిక్ష పడుతుంది.

సహచరులపై కూడా ఈ అభియోగాలు నమోదయ్యాయి. తన 98 పేజీల ఇండిక్ట్ మెంట్ డాక్యుమెంట్ ను జ్యురీ విడుదల చేసింది. అయితే ఎప్పటిమాదిరే ట్రంప్, ఆయన బృందం ఈ అభియోగాలను తోసిపుచ్చింది. ఇవి రాజకీయ కక్షతో చేస్తున్నవని ఆరోపించింది.

Pakistan: భారత 77 వ స్వాతంత్య్ర దినోత్సవాలు విదేశాల్లో ఘనంగా జరిగాయి. అయితే ముఖ్యంగా దుబాయ్ (Dubai) లోనిఎత్తయిన బుర్జ్ ఖలీఫాపై పాకిస్తాన్ (Pakistan) జాతీయ పతాకంకనబడకపోవడం ఆ దేశస్థులకు తీవ్రఆగ్రహాన్ని, అసంతృప్తిని కలిగించింది. భారత, పాకిస్తాన్ దేశాల ఇండిపెండెన్స్ డే ఒకటే కావడం విశేషం. శనివారం రాత్రి బుర్జ్ ఖలీఫాపై కళ్ళు మిరుమిట్లు గొలిపే విద్యుత్ కాంతుల మధ్య భారత జాతీయ జెండా కనబడడం, అదే సమయంలో తమ దేశ పతాకం కనబడకపోవడంతో వారు షాక్ తిన్నారు. నిజానికి గత అర్ధరాత్రి వందలాది మంది పాకిస్తానీయులు ఇక్కడికి చేరుకున్నారు.

అర్ధరాత్రి గడిచిపోయినా తమ దేశ జెండా కనబడకపోవడంతో వారు ఆగ్రహం చెందిన వైనాన్ని పాక్ యు ట్యూబ్ ఛానల్ కు చెందిన సనా అంజాద్ వీడియోగా షేర్ చేశారు. . ప్రపంచంలోనే ఎత్తయిన ఈ కట్టడంపై మా దేశ జెండా కనబడకపోవడం మమ్మల్ని అవమానించినట్టే అని దుబాయ్ లోని పాకిస్తానీలు కూడా ఆవేదన వ్యక్తం చేశారు. అప్పటికే చాలామంది ఈ కట్టడం దగ్గరి నుంచి నిరాశతో వెనుదిరిగారు. తమ దేశం తన ఔన్నత్యాన్ని కోల్పోతోందని వారు వ్యాఖ్యానించారు. భారత ఇండిపెండెన్స్ డే ని పురస్కరించుకుని బుర్జ్ ఖలీఫా ఆ దేశ ప్రజలకు శుభా కాంక్షలు కూడా తెలిపిందన్నారు. ఇండియా అంటే దుబాయ్ కి ఎంతో అభిమానం ఉందని, కానీ మా దేశ ఆర్ధిక పరిస్థితుల దృష్ట్యా మాకీ అవమానం జరిగినట్టు భావిస్తున్నామని వారన్నారు. కేవలం ఈ ఉదంతమే కాదు.. భారత ప్రధాని మోడీ సందేశాన్ని కూడా రెగ్యులర్ గా బుర్జ్ ఖలీఫా డిస్ ప్లే చేస్తుందని పేర్కొన్నారు. అయితే భారత సోషల్ మీడియాలో దీనిపై రకరకాలుగా చాలామంది మీమ్ లతో సహా వ్యంగ్యంగా వ్యాఖ్యానాలు చేశారు. పాకిస్తాన్ ను బుర్జ్ ఖలీఫా తిరస్కరించి ‘మొట్టికాయ’ వేసిందని అంటూ ఈ కట్టడం వద్ద వారు వేచి ఉన్న వీడియోలను పలువురు షేర్ చేశారు.

చివరకు బుర్జ్ ఖలీఫా తన ఇన్స్ టాగ్రామ్ లో.. పాక్ జాతీయ పతాకాన్ని, ఇండిపెండెన్స్ డే మెసేజ్ ని డిస్ ప్లే చేసింది. కానీ శుభా కాక్షాల మెసేజ్ లో .. పాక్ 76 వ ఇండిపెండెన్స్ డే’ గా పేర్కొన్నారు. ఇది మరో వివాదానికి దారి తీసింది. ఇది గత సంవత్సరపు వీడియో అయి ఉండవచ్చునని చాలామంది పెదవి విరిచారు.

జాతీయ జెండా ఎగురవేసిన పాక్ ప్రెసిడెంట్

తమ దేశ 77 వ స్వాతంత్య్ర దినోత్సవాన్ని పురస్కరించుకుని పాకిస్తాన్ అధ్యక్షుడు ఆరిఫ్ అల్వి ఇస్లామాబాద్ లో జాతీయ పతాకాన్ని ఎగురవేశారు.

ప్రపంచ దేశాల నేతల శుభాకాంక్షలు

అమెరికా విదేశాంగ మంత్రి ఆంటోనీ బ్లింకెన్ .. ఇండియాకు శుభాకాంక్షలు తెలుపుతూ .. భారత, అమెరికా దేశాల మధ్య గల పటిష్టమైన సంబంధాలను గుర్తు చేశారు. యుఎస్ మిలిటరీ భారత జాతీయ గీతాన్ని ఆలపించింది.

.
ఇక రష్యా అధ్యక్షుడు పుతిన్, ఫ్రాన్స్ ప్రెసిడెంట్ ఇమ్మాన్యుయేల్ మెక్రాన్, నేపాల్, భూటాన్ ప్రధానులు .. భారత ప్రధానికి శుభాకాంక్షలు తెలిపారు. బహరైన్, నార్త్, సౌత్ కొరియా దేశాలతో బాటు డెమొక్రటిక్ రిపబ్లిక్ ఆఫ్ కాంగో కూడా ఇండియాకు శుభాకాంక్షల సందేశాన్నిపంపింది.

Luna 25 Launch : చంద్రునిపై పరిశోధనల కోసం నిర్విరామంగా ప్రయత్నాలు జరుగుతున్నాయి. తాజాగా రష్యా చేబట్టిన లూనా 25 (Luna-25) మిషన్ లాంచ్ విజయవంతమైంది. సుమారు 5 దశాబ్దాల తరువాత చంద్రునిపై అధ్యయనానికి రష్యా నడుం బిగించింది. ఈ దేశ అంతరిక్ష పరిశోధనా సంస్థ రోస్ కాస్మోస్ ప్రయోగించిన లూనా-25 శుక్రవారం తెల్లవారు జామున 2.10 గంటలకు వోస్తోచ్నీ కాస్మొడ్రోమ్ నుంచి నింగిలోకి దూసుకుపోయింది. 5 రోజుల్లోనే ఇది సుమారు 4 లక్షల కిలోమీటర్ల దూరంలో ఉన్న చంద్రుడి ఆర్బిట్ లోకి చేరనుంది.

చంద్రుని ఉపరితలాన్ని చేరేముందు వంద కిలోమీటర్ల ఆర్బిట్ లో ఇది మూడు నుంచి 7 రోజుల్లో ల్యాండ్ కావచ్చునని భావిస్తున్నారు. అంటే లూనా-25 ఈ నెల 23 న చంద్రుని దక్షిణ ధృవంలో అడుగు పెట్టవచ్చు..అయితే అదే రోజున ఇస్రో చేబట్టిన చంద్రయాన్-3 కూడా ఇక్కడ ల్యాండ్ అయ్యే అవకాశాలున్నాయి . దక్షిణ ధృవంపై చంద్రయాన్-3 ద్వారా సాఫ్ట్ ల్యాండింగ్ చేసి చరిత్ర సృష్టించాలని ఇస్రో భావిస్తుండగా రష్యా చేబట్టిన లూనా-25 దీనికి పోటీనిస్తోంది.

ఈ సౌత్ పోల్ లో ఐస్ ఎక్కువగా ఉండవచ్చునని, తదుపరి అంతరిక్ష పరిశోధనల కోసం ఆక్సిజన్ ని, ఇంధనాన్ని సేకరించడానికి దీన్ని వినియోగించుకోవచ్చునని రాయిటర్స్ వార్తా సంస్థ పేర్కొంది. చంద్రుని దక్షిణ ధృవంపై పరిశోధనల కోసం ఇండియా, రష్యా పోటీ పడుతున్నాయని భావిస్తున్నారు.

సాఫ్ట్ ల్యాండింగ్ సామర్థ్యాన్ని చాటుకోవడంతో బాటు లూనా-25.. చంద్రుని ఉపరితలంపై మట్టి నమూనాలను విశ్లేషిస్తుందని, దీర్ఘ కాలిక శాస్త్రీయ పరిశోధనలు నిర్వహిస్తుందని రోస్ కాస్మోస్ ఓ ప్రకటనలో తెలిపింది. కాగా చంద్రయాన్-3 మిషన్ ఆర్బిటర్ ను, ల్యాండర్ ను, రోవర్ ను క్యారీ చేస్తున్నట్టు ఇస్రో వెల్లడించింది. అంతరిక్షంలో లూనా-25 సుమారు ఏడాది పాటు పరిశోధనలు చేయవచ్చునని పరిశోధకులు పేర్కొన్నారు. అయితే చంద్రుని ఉపరితలం మీద చంద్రయాన్-3 కి చెందిన విక్రమ్ ల్యాండర్, ప్రగ్యాన్ రోవర్ 14 రోజుల పాటు పని చేయనున్నాయి.

‘చంద్రముఖి’ 2005 సంవత్సరంలో సెన్షేషన్ క్రియేట్ చేసింది. సూపర్ స్టార్ రజనీకాంత్ ఈ సినిమా చేస్తాడని కూడా ఎవరూ ఊహించరు. రజనీ తన స్టైలిష్ యాక్టింగ్ ఫీచర్ ని అద్భుతంగా ప్రజెంట్ చేశారు.

అద్భుత కథా, కథనంతో ఎక్కడా బోర్ కొట్టకుండా సినిమాను రన్ చేయగలిగారు డైరెక్టర్ పి.వాసు. దీంట్లో లవ్,కామెడీ,సస్పెన్స్,అన్నీ మిక్స్ చేసి అటు రజనీ ఫ్యాన్స్ కు,ఇటు సినీప్రియులకు దర్శకుడు వాసు ఫుల్ మీల్స్ పెట్టాడు .

తెలుగులో కూడా రజనీకి ఫ్యాన్ బేస్ ఉండడంతో బ్రహ్మాండంగా వర్కవుట్ అయ్యింది. పాటలు,బ్యాగ్రౌండ్ స్కోర్ మూవీ లవ్వర్స్ ని విపరీతంగా ఆకట్టుకున్నాయి.

ఈ మూవీ కోసం ఎవరి పాత్రకు వారు న్యాయం చేసినప్పటికీ జ్యోతిక మాత్రం చంద్రముఖిగా కళ్లు ఎర్రజేసి భయపెట్టింది. తన స్టన్నింగ్ యాక్టింగ్ తో మూవీని నెక్స్ట్ లెవెల్ కు తీసుకెళ్లింది. అయితే దర్శకుడు పి.వాసు ‘చంద్రముఖి’కి సీక్వెల్‌గా ‘చంద్రముఖి 2’ను ప్లాన్ చేస్తున్నాడు.

కథ మాట ఎలా ఉన్నా..హీరో హీరోయిన్లు మాత్రం మారారు.హీరో కమ్ డ్యాన్సర్ రాఘవ లారెన్స్ లీడ్ రోల్ ప్లే చేస్తుండగా, చంద్రముఖిగా బాలీవుడ్ రెబల్ బ్యూటీ కంగనా రనౌత్ చేస్తోంది.ఇప్పటికే రాఘవ ఫస్ట్ లుక్ రిలీజ్ అయ్యి మంచి బజ్ క్రియేట్ చేసింది.

తాజాగా చంద్రముఖి‌గా నటిస్తున్న కంగనరనౌత్ ఫస్ట్ లుక్ రిలీజ్ చేశారు మేకర్స్. ఈ లుక్‌లో కంగనా చాలా అందంగా ఉంది. గ్రీన్ కలర్ డ్రెస్సింగ్‌తో ఒంటి నిండా నగలు ధరించి ఓ అద్దం ముందు నిలబడి తనను తాను చూసుకుంటుంది. ప్రస్తుతం ఈ పిక్ వైరల్ అవుతోంది