Category:

Viral

Spirit: 'Animal' director who is planning a national crush with Prabhas..!

Spirit: ప్రభాస్‌కు జోడీగా నేషనల్ క్రష్.. ప్లాన్ చేస్తున్న ‘యానిమల్’ డైరెక్టర్..!

by Mano February 8, 2024

written by Mano

నేషనల్ క్రష్ రష్మిక మందన్నా(National crush Rashmika Mandanna) వరుస సినిమాలతో ఫుల్ బిజీ అయిపోయింది. ఏ ముహూర్తాన ‘పుష్ప’ సినిమా(Pushpa Movie)లో హీరోయిన్‌గా సెలక్ట్ అయిందో కానీ.. ఆ సినిమా భారీ విజయాన్ని అందుకోవడంతో ఆమె క్రేజ్ ఒక్కసారిగా మారిపోయింది. పుష్ప మూవీ తర్వాత నిర్మాతలు రష్మిక డేట్స్ కోసం క్యూ కడుతున్నారు.

చేతినిండా సినిమాలతో క్షణం తీరిక లేకుండా గడిపేస్తున్న రష్మికకు.. యానిమల్ సినిమా మరింత బూస్ట్‌ ఇచ్చింది. గీతాంజలి పాత్రలో తన సహజ నటనతో విమర్శకుల ప్రశంసలు అందుకుంది రష్మిక. అయితే, ఈ బ్యూటీ ఖాతాలో మరో బంపర్ ఆఫర్ వచ్చినట్లుగా తెలుస్తోంది. యంగ్ రెబల్ స్టార్ ప్రభాస్(Young Rebel Star Prabhas) సరనస రష్మిక నటించనున్నట్లు తెలుస్తోంది.

డైరెక్టర్ సందీప్ రెడ్డి వంగా దర్శకత్వంలో ప్రభాస్ చేయబోయే సినిమా స్పిరిట్. గతంలోనే ఈ మూవీ అఫీషియల్ అనౌన్స్‌మెంట్ వచ్చింది. కానీ ఇంకా పట్టాలెక్కలేదు. ఇక స్పిరిట్ సినిమాలో రష్మిక మందన్నా కథానాయికగా నటించనున్నట్లు తెలుస్తోంది. రష్మికను సంప్రదించే ఆలోచనలో ఉన్నారట సందీప్ వంగ. ఈ విషయమై అధికారికంగా క్లారిటీ రావాల్సి ఉంది.

యానిమల్ సినిమాతో రణబీర్ కపూర్ ఫుల్ మాస్ యాక్షన్ హీరోగా చూపించిన సందీప్ ఇప్పుడు డార్లింగ్ ప్రభాస్‌ను ఎలా చూపిస్తారోనని ఫ్యాన్స్‌ ఆతృతగా ఎదురుచూస్తున్నారు. ప్రస్తుతం ఈ నేషనల్ క్రష్.. పుష్ప 2, గర్ల్ ఫ్రెండ్ సినిమాల్లో నటిస్తోంది. ఇప్పుడు ఈ రెండు సినిమాల చిత్రీకరణ జరుగుతోంది. అదేవిధంగా త్వరలోనే యానిమల్ పార్క్ పట్టాలెక్కనుంది. ఇందులోనూ రష్మిక కనిపించనుంది.

February 8, 2024 0 comment

Esha Deol: Divorce of another celebrity couple.. End of 12-year relationship..!

Esha Deol: మరో సెలెబ్రిటీ జంట విడాకులు.. 12 ఏళ్ల బంధానికి స్వస్తి..!

by Mano February 7, 2024

written by Mano

సినీ ఇండస్ట్రీ(Film industry)లో ఈ మధ్య విడాకుల అంశం సర్వసాధారణమైపోయింది. తాజాగా మరో సెలెబ్రిటీ జంట విడిపోయింది. ప్రముఖ నటి, రాజకీయ నాయకురాలు హేమమాలిని పెద్ద కూతురు, హీరోయిన్.. ఈషా డియోల్(Esha Deol) తన 12 ఏళ్ల వైవాహిక జీవితానికి స్వస్తి చెబుతున్నట్లు అఫీషియల్ అనౌన్స్‌మెంట్ చేసింది.

పరస్పరం అంగీకారంతోనే తాము విడిపోతున్నట్లు ప్రకటించింది. “భార్యభర్తలుగా విడిపోయినప్పటికీ తల్లిదండ్రులుగా మా పిల్లలకు ఎలాంటి ఇబ్బంది రానివ్వకుండా చూసుకుంటాం” అని చెప్పుకొచ్చింది. ప్రస్తుతం ఈ విషయం సినీ ఇండస్ట్రీలో హాట్ టాపిక్గా మారింది. అయితే, విడాకులకు గల అసలు కారణాన్ని మాత్రం ఈషా డియోల్ వెల్లడించలేదు.

ఈ విషయం తెలిసిన అభిమానులు షాక్ అవుతున్నారు. ఈషా స్టార్ హీరోయిన్‌గా కొనసాగుతున్న సమయంలోనే 2012లో భరత్ తక్తానీని వివాహం చేసుకుంది. ఆ తర్వాత సినిమాలకు దూరంగా ఉంది. ఇద్దరు పిల్లలకు తల్లైంది. గతేడాది వరకు భర్తతో అన్యోన్యంగా కనిపించిన ఈషా గత సంవత్సరంలో తమ పెళ్లి రోజు భర్తతో సన్నిహితంగా ఉన్న ఫొటోనూ కూడా షేర్ చేసింది. కానీ అదే చివరి పోస్ట్ కావడం గమనార్హం.

బాలీవుడ్‌ స్టార్‌ కపుల్‌ ధర్మేంద్ర-హేమమాలిని పెద్ద కుతురు ఈషా డియోల్. తల్లిదండ్రుల నటవారసత్వాన్ని పుణికిపుచ్చుకుని అతి చిన్న వయసులోనే ఈమె ఇండస్రీలోకి అడుగుపెట్టింది. అన్ని భాషల్లో కలిపి 30కి పైగా చిత్రాల్లో నటించింది. మణిరత్నం డైరెక్షన్‌లో వచ్చిన ‘యువ’ సినిమాలో సూర్య సరసన నటించి సౌత్‌లో ఫ్యాన్ ఫాలోయింగ్‌ను సంపాదించుకుంది.

February 7, 2024 0 comment

Telangana: Spotted bear .. commotion in settlements ..!

Telangana Viral

Telangana: చుక్కలు చూపించిన ఎలుగుబంటి.. జనావాసాల్లో హల్‌చల్..!

by Mano February 6, 2024

written by Mano

కరీంనగర్ జిల్లా(Karimnagar District) మానకొండుర్‌(Manakondur)లో ఎలుగుబంటి‌ హల్‌చల్ చేసింది. జనావాసాల్లోకి వచ్చి బీభత్సం సృష్టించింది. మంగళవారం ఉదయం 4గంటలకు మానకొండూర్ మండల కేంద్రంలోని చెరువు కట్ట వద్ద స్థానికులు ఎలుగుబంటిని చూశారు.

ఈ క్రమంలో అక్కడే ఉన్న హనుమాన్ ఆలయం సమీపంలో ఓ ఇంట్లోకి చొరబడేందుకు ప్రయత్నించింది. వీధి కుక్కలు తరమడంతో కరీంనగర్, వరంగల్ రహదారి వైపు పరిగెత్తింది. పక్కన‌ ఉన్న వేప చెట్టుపై ఎలుగుబంటి ఎక్కడంతో స్థానికులు వెంటనే పోలీసులకు సమాచారం అందించారు.

దీంతో పోలీసులు స్థానికులను అప్రమత్తం చేసి పరిసర ప్రాంతాల్లో ప్రజలు రాకుండా జాగ్రత్త వహించారు. అనంతరం అటవీశాఖ అధికారులు సమాచారమిచ్చారు. ఈ మేరకు వరంగల్‌లోని రెస్క్యూ టీం అక్కడికి చేరుకుంది. దాదాపు పది గంటల పాటు ఎలుగుబంటి ముప్పుతిప్పలు పెట్టింది.

తొలుత ఎలుగుబంటి బరువు ఎక్కువగా ఉండడంతో వలలో చిక్కడం కష్టంగా ఉంటుందని అటవీశాఖ అధికారులు భావించారు. దీంతో ఎలుగుబంటికి మత్తు ఇంజక్షన్ ఇచ్చి ఎట్టకేలకు బంధించారు. దీంతో అంతా ఊపిరిపీల్చుకున్నారు. ఇదిలా ఉంటే, గతంలో అన్నారం ఈదులగట్టుల పల్లిలో స్థానిక ప్రజలపై ఎలుగుబంటి దాడి చేసిన సంఘటనలు ఉన్నాయి.

February 6, 2024 0 comment

Mythology National Viral

Gyanvapi : జ్ఞానవాపి అసలు చరిత్ర ఇదే.. వైరల్ ట్వీట్..!

by admin February 5, 2024

written by admin

హిందూవుల పరమ పవిత్ర పుణ్యక్షేత్రం వారణాసిలోని విశ్వనాథ ఆలయం. ఈ గుడి పక్కనే జ్ఞానవాపి మసీదు ఉంటుంది. ఈ మసీదు స్థానంలో ఒకప్పుడు శివాలయం ఉండేదని, 17వ శతాబ్దంలో మొఘల్‌ పాలకుడు ఔరంగజేబు ఆదేశాలతో ఆలయాన్ని పాక్షికంగా పడగొట్టి, దాని గోడలపైనే మసీదును నిర్మించారని హిందూ సంఘాలు చెబుతున్నాయి. ఈ వివాదంపై కోర్టు విచారణ కొనసాగుతోంది. తాజాగా ఈ వివాదంపై ‘ట్రూ ఇండాలజీ’ ఎక్స్ (ట్విట్టర్) లో చేసిన పోస్ట్ వైరల్ అవుతోంది.

1669లో హిందూవుల పరమ పవిత్రమైన కాశీ విశ్వనాథ ఆలయాన్ని ఔరంగజేబు ధ్వంసం చేశాడు. తరువాతి 300 సంవత్సరాలుగా హిందువులు విశ్వనాథుని కోసం అనేక యుద్ధాలు చేశారు. ఎంతోమంది తమ ప్రాణాలను అర్పించారు. సర్వస్వం త్యాగం చేశారు. నిజానికి, 1664లో తొలిసారిగా కాశీ విశ్వనాథుడి ఆలయంపై ఔరంగజేబు దండయాత్ర చేశాడు. తన సైన్యంతో కలిసి దండెత్తాడు. కానీ, దశనామి, నాగసాధువులు ఔరంగజేబు సైన్యాన్ని అడ్డుకున్నారు.

ఆనాడు ఉదయం నుంచి సాయంత్రం వరకు ఈ యుద్ధం సాగింది. తక్కువ మంది ఉన్నా.. నాసిరకం ఆయుధాలు ఉన్నా.. ఔరంగజేబు సైన్యాన్ని సాధువులు అడ్డుకున్నారు. ఆ తర్వాత కాశీ విశ్వనాథ్ ఆలయాన్ని కూల్చి వేయాలన్న మొఘల్ సుల్తాన్ ఆదేశాల మేరకు 1669లో మొఘల్ సైన్యం మరోసారి దాడి చేసింది. ఈ సారి తిరుగుబాటును అణిచి వేసి ఆలయాన్ని ధ్వంసం చేశారు. ఆ తర్వాత ఆలయంపై డోమ్ ను నిర్మించారు. ఆలయాన్ని ధ్వంసం చేసిన ఔరంగజేబు.. హిందూవులను ఆ స్థలం నుంచి వెళ్లగొట్టాలని అనుకున్నాడు. కానీ, మొండి పట్టుదల గల హిందూవులు అక్కడి నుంచి వెళ్లేందుకు నిరాకరించారు. మొఘల్ సైన్యం వెళ్లిపోయిన వెంటనే అక్కడికి చేరుకున్నారు. జ్ఞానవాపి నిర్మాణాన్ని సందర్శించి ఆ డోమ్ లోనే శివునికి పూజలు చేశారు.

ఆలయాన్ని ఔరంగజేబు ధ్వంసం చేసిన మూడు ఏండ్ల తర్వాత 1672లో రాజపుత్ర వంశానికి చెందిన రేవా రాజు మహారాజా భవసింగ్ కాశీ విశ్వనాథునికి పూజలు చేశాడు. ఆ తర్వాత 1677లో ఉదయ్ పూర్ రాజ్ మహారాజా జగత్ సింగ్, 1695లో రేవా రాజు అనిరుద్ద సింగ్ పూజలు చేశారు. ఆ తర్వాత 1734లో ఉదయ్ పూర్ రాజు మహరాజా జవాన్ సింగ్ శివలింగానికి ప్రాణ ప్రతిష్ఠ చేశాడు. జవనేశ్వర పేరిట ఆ శివలింగం ఇప్పటికీ అక్కడే ఉంది. 1749లో ఉదయ్ పూర్ రాజు మహరాణా సంగ్రామ్ సింగ్ పూజలు చేశాడు. క్రమక్రమంగా జ్ఞానవాపిలో పూజలు చేయకుండా హిందూవులను మొఘల్స్ అడ్డుకోలేకపోయారు.

1809లో జ్ఞానవాపి మసీదుపై గోసైన్ సాధువులు దాడి చేశారు. యుద్ధం తర్వాత ముస్లింలను అక్కడి నుంచి సాధువులు వెల్లగొట్టారు. అక్కడ కరసేవ చేశారు. దీంతో ముస్లిం పెద్దలు బ్రిటీష్ వాళ్ల సహాయాన్ని కోరారు. చాలా సుదీర్ఘమైన యుద్ధం తర్వాత బ్రిటీష్ సైన్యం మాత్రమే గోసైన్ సాధువులను అడ్డుకోగలిగింది. తర్వాత 1811లో ముస్లింలు ఓ పిటిషన్ వేశారు. ఆ పిటిషన్ ను పరిశీలిస్తే మసీదు కింది భాగంలో హిందూ దేవతామూర్తుల విగ్రహాలు ఉన్నట్టు తెలుస్తోంది. గతంలో ఆ ప్రాంతంలో హిందూవులు పూజలు చేసినట్టు అనిపిస్తోంది అంటూ ‘ట్రూ ఇండాలజీ’ చేసిన పోస్ట్ చర్చనీయాంశంగా మారింది.

February 5, 2024 0 comment

Viswambara Movie: It's Official.. Combo Repeat After 18 Years..!

Entertainment Viral

Viswambara Movie: ఇట్స్ అఫీషియల్.. 18 ఏళ్ల తర్వాత కాంబో రిపీట్..!

by Mano February 5, 2024

written by Mano

పద్మవిభూషణ్, మెగాస్టార్ చిరంజీవి (Megastar Chiranjeevi) ప్ర‌ధాన పాత్ర‌లో న‌టిస్తున్న లేటెస్ట్ సినిమా ‘విశ్వంభర’. ‘బింబిసార’ ఫేమ్ వశిష్ట దర్శకత్వం వహిస్తున్న ఈ సినిమాను సోషియో ఫాంటసీ బ్యాక్‌డ్రాప్‌లో తెరకెక్కిస్తున్నారు.

యూవీ క్రియేషన్స్ సంస్థ సుమారు రూ.200కోట్లతో బ‌డ్జెట్‌తో ఈ సినిమాను నిర్మిస్తోంది. పాన్ ఇండియా స్థాయిలో ఈ సినిమాను విడుదల చేసేందుకు నిర్మాతలు ప్లాన్ చేస్తున్నారు. ఈ క్రమంలో తాజాగా, ఈ సినిమాకు సంబంధించి సాలిడ్ అప్‌డేట్ ఇచ్చారు మేక‌ర్స్. ఈ మూవీలో స్టార్ హీరోయిన్ త్రిష హీరోయిన్‌గా న‌టిస్తున్న‌ట్లు చిత్ర‌యూనిట్ ప్రకటించింది.

ఇక ‘విశ్వంభర’ షూటింగ్‌లో చిరంజీవితో పాటు త్రిష కూడా జాయిన్ అయిన‌ట్లు వెల్ల‌డించింది. 18ఏళ్ల కిందట చిరంజీవితో ‘స్టాలిన్‌’ సినిమాలో నటించింది త్రిష. మళ్లీ ఇన్నాళ్లకు మెగాస్టార్‌తో జతకట్టనుంది. మూవీ షూటింగ్‌లో చిరంజీవి కూడా జాయిన్ అయ్యాడు. ఇక ఈ సినిమా కోసం చిరంజీవి ఫిజికల్‌గా ఫిట్‌గా తయారయ్యారు.

దీనికి సంబంధించి ఇటీవల ఆయన సోషల్‌ మీడియాలో పోస్ట్‌ చేసిన జిమ్‌ వీడియో వైరల్‌గా మారింది. ఆస్కార్ అవార్డు గ్రహీత ఎం ఎం కీరవాణి సంగీతం అందిస్తుండ‌గా ఈ చిత్రాన్ని 2025 సంక్రాంతి కానుకగా విడుదల చేసేందుకు సన్నాహాలు చేస్తున్నారు.

Welcome on board
The Gorgeous @trishtrashers ! #Vishwambhara pic.twitter.com/wqXUQF4gZH

— Chiranjeevi Konidela (@KChiruTweets) February 5, 2024

February 5, 2024 0 comment

Anupama Parameswaran: The star heroine tied Rakhi to the director on stage..!

Entertainment Hyderabad Telangana Viral

Anupama Parameswaran: స్టేజ్‌పైనే డైరెక్టర్‌కు రాఖీ కట్టిన స్టార్ హీరోయిన్..!

by Mano February 5, 2024

written by Mano

హీరోయిన్ అనుపమ పరమేశ్వరన్(Anupama Parameswaran) గురించి తెలిసిందే. అతి తక్కువ కాలంలోనే స్టార్ హీరోయిన్‌గా పేరు సంపాదించుకుంది. ప్రస్తుతం ఈ బ్యూటీ మాస్ మహారాజ్ రవితేజ(Raviteja)తో ‘ఈగల్’(Eagle) సినిమాలో నటించింది. ఈ సినిమా ఫిబ్రవరి 9వ తేదీన విడుదలకు సిద్ధంగా ఉంది. ప్రస్తుతం మూవీ యూనిట్ ప్రమోషన్స్ చేస్తున్నారు.

ప్రమోషన్స్‌లో భాగంగా ఇటీవల నిర్వహించిన ఓ ఇంటర్వ్యూలో హీరోయిన్ అనుపమ పరమేశ్వరన్ మాట్లాడుతూ.. డైరెక్టర్ కార్తీక్‌(Director Karthik)ను అన్నయ్య అని పిలిచింది. అదేఇంటర్వ్యూలో ఉన్న రవితేజ.. ‘నువ్వు అతన్ని అన్నయ్య అని పిలిచావా.. అందమైన అమ్మాయిలు అన్నయ్య అనే పదాన్ని వాడొద్దు.. ఎందుకు చెప్పానో అర్థం చేసుకో..’ అని చమత్కరించారు.

అయితే అందుకు సంబందించిన వీడియో ఒకటి సోషల్ మీడియాలో తెగ వైరల్ అవుతోంది. తాజాగా జరిగిన ఈగల్ సినిమా ప్రీ రిలీజ్ ఈవెంట్‌లో అనుపమని స్టేజిపైకి మాట్లాడటానికి పిలిచినప్పుడు ఆ వైరల్ వీడియోని స్టేజిపై ప్లే చేశారు.

దీంతో అనుపమ.. ‘‘సారీ రవిగారు. కార్తీక్‌తో నాలుగు సినిమాలు చేశాను. ఆయనతో మంచి బాండ్ ఉంది. అలాగే అలవాటు అయిపోయింది. మార్చుకోలేను.. అని చెప్పింది. వెంటనే యాంకర్ సుమ పక్కనే ఉన్న వ్యక్తిని రాఖీని తీసుకొని రమ్మని చెప్పారు. అనుపమకి ఇవ్వడంతో అనుపమ స్టేజిపైనే డైరెక్టర్ కార్తీక్‌కు రాఖీ కట్టి హగ్ ఇచ్చింది. ఇప్పుడు ఈ వీడియో కూడా వైరల్‌గా మారింది.

February 5, 2024 0 comment

Andhra Pradesh Health Hyderabad National Telangana Viral

Potato Health Issues : క్యాన్సర్ కు కారణం అవుతోన్న ఆలూ.. ఇందులో నిజం ఉందా..?

by Venu February 4, 2024

written by Venu

నేటి రోజుల్లో ఎక్కువ శాతం ప్రజలు రకరకాల అనారోగ్య సమస్యలతో బాధపడుతున్నారు. వాటిలో క్యాన్సర్ కూడా ఒకటి. ఒకప్పుడు నూటికో, కోటికో ఒకరికి వచ్చేది. కానీ ప్రస్తుతం ఇది చాలా కామన్ గా మారిపోయింది. అందులో రాబోయే రోజుల్లో క్యాన్సర్ తో బాధపడే వారి సంఖ్య పెరుగుతోందని ఆరోగ్య సంస్థ ఓ నివేదికలో వెల్లడించింది. దీనికి కారణం మారుతున్న జీవన విధానం.. ఆహారపు అలవాట్లు అని ఆరోగ్య నిపుణులు తెలుపుతున్నారు.

మరోవైపు క్యాన్సర్ వస్తే దాదాపుగా లైఫ్ టైమ్ తగ్గిపోవడం జరుగుతుందని నిపుణులు అంటున్నారు. ఈ ప్రమాదకరమైన వ్యాధి, శరీరాన్ని లోపలి నుండి ఖాళీ చేస్తుంది. ఇందులో కణాలు అసాధారణంగా పెరగడం ప్రారంభించి కణితి ఏర్పడుతుంది. క్రమంగా అది తన స్థలం నుండి ఇతర అవయవాలకు వ్యాపిస్తుంది. అందువల్ల, మీరు మీ జీవనశైలిని మెరుగుపరచడం ద్వారా ఈ ప్రమాదాన్ని తగ్గించవచ్చని ఆరోగ్య నిపుణులు పేర్కొంటున్నారు.

ఇకపోతే మనం తినే ఆహారం క్యాన్సర్ అభివృద్ధిని ప్రభావితం చేస్తుంది. అధిక శక్తి , అధిక కొవ్వు పదార్ధాలు ఊబకాయాన్ని పెంచుతాయి. కొన్ని రకాల క్యాన్సర్లకు దారితీస్తాయని పరిశోధకులు అంటున్నారు. మీరు ఈ వ్యాధిని నివారించాలనుకుంటే, బంగాళాదుంపలను (Potato) తప్పుడు మార్గంలో తినడం నివారించాలని పేర్కొంటున్నారు.. బంగాళదుంపలో అక్రిలామైడ్ (Acrylamide) అనే రసాయనం (chemical) ఉంటుంది.

నేషనల్ క్యాన్సర్ ఇన్‌స్టిట్యూట్ (RIF) ప్రకారం, ఇది క్యాన్సర్‌కు కారణమయ్యే అవకాశం ఉందని.. అందువల్ల బంగాళాదుంపలను కొన్ని రకాల చక్కెరలతో అధిక ఉష్ణోగ్రత వద్ద కాల్చడం వల్ల క్యాన్సర్ వస్తుందని వెల్లడిస్తున్నారు. అదీగాక పిండి పదార్థం ఎక్కువగా ఉండే దుంప కావడంతో వండే విధానంలో తగు జాగ్రత్తలు తీసుకోవాలని చెబుతున్నారు.. తాజాగా నిర్వహించిన కొన్ని సర్వేల్లో ఆలూ తింటే క్యాన్సర్ వచ్చే ప్రమాదం ఉందని కొన్ని అధ్యయనాలు వెల్లడించాయి. అందుకే వీటిని తీసుకొనేటప్పుడు కొన్ని జాగ్రత్తలు తీసుకోవడం మంచిదని నిపుణులు చెబుతున్నారు..

నోట్ : ఇంటర్నెట్ లో సేకరించిన సమాచారం ఆధారంగా ఈ వార్త పబ్లిష్ చేయడం జరిగింది. ఏమైనా అనుమానాలుంటే సంబంధిత నిపుణుల సలహాలను పాటించవలసిందిగా మనవి.

February 4, 2024 0 comment

IND vs ENG 2nd Test: Bumrah hit the captain and dropped the bat.. Video viral..!

Sports Viral

IND vs ENG 2nd Test: బుమ్రా దెబ్బకు బ్యాట్ కింద పడేసిన కెప్టెన్.. వీడియో వైరల్..!

by Mano February 4, 2024

written by Mano

విశాఖ(Vizag)లో ఇంగ్లండ్‌తో జరుగుతున్న రెండో టెస్టులో టీమిండియా స్టార్ పేసర్(Team India star pacer) జస్రీత్ బుమ్రా(Jasrit Bumrah) చెలరేగాడు. తొలి ఇన్నింగ్స్‌లో ఏకంగా ఆరు వికెట్లు పడగొట్టి ఇంగ్లండ్ పతనంలో కీలకపాత్ర పోషించాడు. బుమ్రా దెబ్బకు ఇంగ్లండ్ జట్టు తొలి ఇన్నింగ్స్ 253 పరుగులకు ఆలౌట్ అయింది.

యార్కర్స్, స్వింగ్ బంతులతో బ్యాటర్లకు చుక్కలు చూపించాడు. అయితే ఈ మ్యాచ్‌లో ఇంగ్లండ్ కెప్టెన్ బెన్ స్టోక్స్‌ను పెవిలియన్‌కు పంపిన బంతి హైలెట్ అని చెప్పాలి. బుమ్రా దెబ్బకు స్టోక్స్ ఏకంగా బ్యాట్ కిందపడేశాడు. ఇందుకు సంబంధించిన వీడియో ఒకటి సోషల్ మీడియాలో వైరల్ అయింది.

జస్రీత్ బుమ్రా వేసిన ఇన్నింగ్స్ 50వ ఓవర్‌లో రెండో బంతిని బెన్ స్టోక్స్ ఎదుర్కొన్నాడు. కట్టర్ సంధించి స్టోక్స్‌ను బుమ్రా బోల్తా కొట్టించాడు. ఆఫ్ స్టంప్ దిశగా తక్కువ ఎత్తులో వచ్చిన బంతిని స్టోక్స్ డిఫెండ్ చేయబోయాడు. అయితే బంతి మిస్ అయి ఆఫ్ స్టంప్‌ను పడగొట్టింది. దీంతో స్టోక్స్ వెనక్కి కూడా చూడకుండా బ్యాట్ కింద పడేసి నిరాశతో క్రీజును వదిలివెళ్లాడు.

ఈ వికెట్’కు సంబంధించిన వీడియోలు నెట్టింట వైరల్ అవుతోంది. స్టోక్స్‌ను ఔట్ చేయడం ద్వారా బుమ్రా టెస్టుల్లో 150 వికెట్ల మైలురాయిని అందుకున్నాడు. అంతకుముందు 28వ ఓవర్‌లో ఓ అద్భుత యార్కర్‌తో తొలి టెస్ట్ సెంచరీ హీరో ఓలి పోపన్‌ను ఔట్ చేశాడు. రెండోరోజు ఆట ముగిసేసరికి భారత్ వికెట్ నష్టపోకుండా 28 పరుగులు చేసింది. రోహిత్ శర్మ (13), యశస్వి జైస్వాల్ (15) క్రీజులో ఉన్నారు. ప్రస్తుతం భారత్ ఆధిక్యం 171 రన్స్ ఉంది.

THE DESTROYER OF ENGLAND – BUMRAH 🔥🤯pic.twitter.com/oeSPodRyax

— Johns. (@CricCrazyJohns) February 3, 2024

February 4, 2024 0 comment

‘Prema’ from ‘Honeymoon Express’ is a romantic melody

Entertainment Viral

Honeymoon Express : రొమాంటిక్‌ ‘హనీమూన్‌ ఎక్స్‌ప్రెస్‌’.. రెండో పాట రిలీజ్

by admin February 3, 2024

written by admin

‘హనీమూన్ ఎక్స్‌ప్రెస్’ సినిమాతో హీరో చైతన్య రావు, హీరోయిన్ హెబ్బా పటేల్ ఆడియన్స్‌ ను పలకరించబోతున్నారు. ఎన్ ఆర్ ఐ ఎంటర్టైన్మెంట్స్ (NRI Entertainments) సమర్పణలో న్యూ రీల్ ఇండియా ఎంటర్టైన్మెంట్స్ ప్రైవేట్ లిమిటెడ్ (New Reel India Entertainments Pvt Ltd) పతాకంపై ఈ చిత్రం తెరకెక్కుతోంది.

తనికెళ్ల భరణి, సుహాసిని ముఖ్య పాత్రలు పోషిస్తున్న ఈ మూవీకి బాల రాజశేఖరుని రచయిత దర్శకుడు. కళ్యాణి మాలిక్ సంగీతం అందించగా కెకెఆర్, బాల రాజ్ సంయుక్తంగా ఈ రొమాంటిక్ కామెడీని నిర్మిస్తున్నారు. కళ్యాణి మాలిక్ పుట్టిన రోజు సందర్భంగా ఆయన స్వరపరిచిన మరో రొమాంటిక్ పాట ‘ప్రేమ’ ను బాహుబలి రచయిత విజయేంద్ర ప్రసాద్ విడుదల చేసి శుభాకాంక్షలు తెలియజేశారు. ఈ అందమైన ప్రేమ గీతానికి అనురాగ్ కులకర్ణి పాడాడు.

ఈ కార్యక్రమానికి ఆర్పీ పట్నాయక్, గోపి మోహన్, చైతన్య ప్రసాద్, రవి వర్మ తదితరులు హాజరయ్యారు. అలాగే, ఆస్కార్ అవార్డు విజేత ఎంఎం కీరవాణి, అవసరాల శ్రీనివాస్, ఇంద్రగంటి మోహన కృష్ణ వీడియో కాల్స్ తో తమ శుభాకాంక్షలు తెలియజేశారు. కళ్యాణి మాలిక్ కి కీరవాణి జన్మదిన శుభాకాంక్షలు తెలియజేశారు. ఇటీవల విడుదల అయిన నిజమా పాట అద్భుతంగా ఉందన్నారు. యూట్యూబ్ లో ట్రెండింగ్ అవుతోందని చెప్పారు. ఇప్పుడు రెండో పాట ‘ప్రేమ’ కి మరింత ఆదరణ లభించాలి అని ఆశీర్వదించారు.

ఈమధ్యే ఈ చిత్రం నుంచి ఫస్ట్ సాంగ్ లాంచ్ చేశారు. డైరెక్టర్ రాంగోపాల్ వర్మ చేతుల మీదుగా ఇది రిలీజ్ అయింది. ఈ పాటలో హెబ్బా పటేల్, చైతన్య రావు మధ్య కెమిస్ట్రీ అదిరిపోయింది. లిప్‌ లాక్‌ లతో ఇద్దరూ రెచ్చిపోయారు. ఇప్పుడు రెండో సాంగ్ కూడా ఆదరణ పొందాలని కార్యక్రమంలో పాల్గొన్న వారంతా కోరుకున్నారు.

సమర్పణ : ఎన్ ఆర్ ఐ ఎంటర్టైన్మెంట్స్ (యు ఎస్ ఎ)
బ్యానర్ : న్యూ రీల్ ఇండియా ఎంటర్టైన్మెంట్స్ ప్రైవేట్ లిమిటెడ్
చిత్రం పేరు : హనీమూన్ ఎక్స్‌ప్రెస్
నటీనటులు : చైతన్య రావు, హెబ్బా పటేల్, తనికెళ్ల భరణి, సుహాసిని, అరవింద్ కృష్ణ, అలీ, సురేఖ వాణి, రవి వర్మ, తదితరులు
సంగీతం : కళ్యాణి మాలిక్
బ్యాక్ గ్రౌండ్ స్కోర్ : ఆర్పీ పట్నాయక్
లిరిక్స్ : కిట్టు విస్సప్రగడ
ఆర్ట్, సినిమాటోగ్రఫీ : శిష్ట్లా వీఎంకె
ఎడిటింగ్ : ఉమా శంకర్ జీ (యూఎస్ఏ), శ్రీ కృష్ణ అత్తలూరి
ఆడియో : టీ సిరీస్
పీఆర్వో : పాల్ పవన్
డిజిటల్ పీఆర్వో : వంశీ కృష్ణ (సినీ డిజిటల్)
రచన, దర్శకత్వం : బాల రాజశేఖరుని

February 3, 2024 0 comment

Featured National OFF Beat Viral

LK Advani : జీవితంలో ఎన్నో ఎత్తుపల్లాలు.. ఎల్కే అద్వానీ ప్రయాణం సాగిందిలా..!

by admin February 3, 2024

written by admin

లాల్ కృష్ణ అద్వానీ (LK Advani)… ఇది పేరు కాదు ట్రెండ్ సెట్టర్. ప్రతి భారతీయ జనాతా పార్టీ కార్యకర్తకూ ఆయనో మార్గదర్శి. దేశమంతా కాంగ్రెస్ (Congress) కు ప్రత్యామ్నాయంగా బీజేపీ (BJP) ఎదిగిందంటే ఈయన కృషి ఎంతో ఉంది. ఇప్పటికీ పార్టీలకతీతంగా అద్వానీకి అభిమానులున్నారు. మనసా.. వాచా.. కర్మణా దేశం కోసం, ధర్మం కోసం ముందుకు కదిలారు అద్వానీ. అందుకే, వాజ్‌ పేయితో సహా అందరూ గౌరవించారు. నమ్మిన సిద్ధాంతం కోసం కట్టుబడి పోరాటం చేసిన అద్వానీకి దేశ అత్యున్నత పురస్కారం భారత రత్న (Bharat Ratna) లభించింది.

జననం.. విద్యాభ్యాసం

1927 నవంబర్ 8న సింధ్ ప్రాంతంలోని కరాచీ (ప్రస్తుత పాకిస్తాన్) లో జన్మించారు అద్వానీ. కరాచీ, హైదరాబాద్ లలో విద్యనభ్యసించారు. 15 ఏళ్ల ప్రాయంలోనే రాష్ట్రీయ స్వయం సేవక్ సంఘ్ (ఆర్ఎస్ఎస్) లో ప్రవేశించి ఆ సిద్ధాంతాలను పూర్తిగా ఒంటబట్టించుకున్నారు. ఇంజనీరింగ్ చదువును మధ్యలోనే మానివేసి పూర్తిగా దేశ రాజకీయాలకే అంకితమయ్యారు. అద్వానీ సంపన్న కుటుంబంలో జన్మించారు. ఈయన తండ్రి వ్యాపారవేత్త. దేశ విభజన అనంతరం 1947 సెప్టెంబర్ 12 నాడు భారత్ కు వచ్చేశారు అద్వానీ. గాంధీజీ హత్య తర్వాత అనేక మంది ఆర్ఎస్ఎస్ కార్యకర్తలతో పాటు అద్వానీ కూడా అరెస్ట్ అయ్యారు.

జనసంఘ్ లో రాజకీయ పాఠాలు

శ్యాం ప్రసాద్ ముఖర్జీ స్థాపించిన భారతీయ జనసంఘ్ పార్టీలో చేరి చురుగ్గా పనిచేశారు అద్వానీ. దీన్ దయాళ్ ఉపాధ్యాయ సహకారంతో మంచి కార్యకర్తగా పేరుపొందారు. ఈయన చురుకుదనం, మాట్లాడే తీరును గుర్తించిన అగ్ర నేతలు ఎప్పటికైనా మంచి లీడర్ అవుతారని అంచనా వేశారు. అనుకున్నట్టే.. తొలుత రాజస్థాన్ జనసంఘ్ అధ్యక్షుడిగా పనిచేశారు. 1966లో తొలిసారి ఢిల్లీ మెట్రోపాలిటన్ కౌన్సిల్ కు జరిగిన మధ్యంతర ఎన్నికల్లో పోటీ చేసి ఎన్నికయ్యారు. ఢిల్లీ మున్సిపల్ కార్పొరేషన్ ఛైర్మన్ అయ్యారు. 1975లో మీసా చట్టం కింద అరెస్టయ్యారు. 1977లో జనతా పార్టీ నుంచి పోటీ చేసి మురార్జీ దేశాయ్ కేబినెట్ లో మంత్రిగా పనిచేశారు. ఇక 1980వ దశకంలో అద్వానీ పేరు దేశమంతా మార్మోగింది. 1986లో బీజేపీ జాతీయ అధ్యక్షుడిగా పనిచేశారు. 1989 లోక్‌ సభ ఎన్నికల్లో రెండు స్థానాల నుంచి 86 స్థానాలకు పెంచడంలో అద్వానీ పాత్ర ఎంతో కీలకం. 1989లోనే లోక్‌ సభలో తొలిసారిగా అడుగుపెట్టారు అద్వానీ.

రథయాత్రతో మారిన చరిత్ర

అద్వానీ జీవితంలోనే కాదు దేశ రాజకీయాలనే మలుపు తిప్పిన సంఘటన అయోధ్య రథయాత్ర. సోమనాథ దేవాలయం నుంచి అయోధ్యకు రథయాత్ర చేసి రామ మందిరం నిర్మించడానికి ప్రజలను ఏకం చేశారు. పండిత్ దీనదయాళ్ ఉపాధ్యాయ జయంతి (1990, సెప్టెంబర్ 25) నాడు ఇది ప్రారంభమైంది. ఈ యాత్ర బీజేపీ బలోపేతానికి ఎంతో ఉపయోగపడింది. పది వేల కిలోమీటర్ల రథయాత్రను పూర్తి చేయాలనుకున్నా.. బిహార్ ప్రభుత్వం అడ్డుకున్న కారణంగా ఆగిపోయింది. ఆ తర్వాత 1991 లోక్‌ సభ ఎన్నికలలో భారతీయ జనతా పార్టీ స్థానాల సంఖ్య 120కి పెరిగింది. అద్వానీ రథయాత్ర ప్రభావం ఈ ఎన్నికలపై బలంగా పడింది. 1992 డిసెంబర్ 6న అయోధ్యలో జరిగిన కరసేవ సంఘటనలో అద్వానీని అరెస్ట్ చేశారు.

ఆ ఒక్క కోరిక నెరవేరలేదు.. కానీ..!

అద్వానీ మొట్టమొదటి సారిగా 1986లో బీజేపీ పగ్గాలు స్వీకరించారు. 1991 వరకు పని చేశారు. రెండోసారి 1993 నుంచి 1998 వరకు పార్టీ అధిపతిగా ఉన్నారు. చివరగా మోడోసారి 2004 నుంచి 2005 వరకు పార్టీని నడిపించి ఆ తర్వాత రాజ్ నాథ్ సింగ్ కు తన స్థానాన్ని అప్పగించారు. వయోభారం కారణంగా రాజకీయాలకు దూరమయ్యారు. ఈయనకు ప్రధాని పదవి వచ్చినట్లే వచ్చి అందకుండా పోయింది. అది ఒక్కటే అద్వానీ చేసిన కృషికి, పడిన శ్రమకు దక్కని ఫలితంగా కాషాయదళం చెబుతూ ఉంటుంది. ఇప్పుడు భారత రత్నకు ఎంపిక కావడంతో బీజేపీ శ్రేణులు సంతోషంలో ఉన్నాయి.

February 3, 2024 0 comment

Newer Posts

Older Posts