sai krishna

మెగాస్టార్ చిరంజీవి(Megastar Chiranjeevi ) సినీప్రస్థానం ఎందరికో ఆదర్శనీయం. సామాన్య నటుడిగా మొదలై టాలీవుడ్(Tollywood)లో ఓ సామ్రాజ్య నిర్మాణం చేశారు.తన మృదుస్వభావంతో శత్రువులని సైతం మిత్రులుగా మలచుకోగల మంచి మనసు ఆయనది.

మెగా కొమ్మను పట్టుకుని పైకొచ్చిన హీరోలు ఇండస్ట్రీలో తమ భవిష్యత్తు పటిష్టం చేసుకున్నారు. అలాంటి వారిలో పవర్ స్టార్ పవన్ కళ్యాణ్(Power Star Pawan Kalyan) ఒకరు. మెగాస్టార్ తమ్ముడిగా కెరీర్ ని ప్రారంభించిన పవన్..అన్న చిరంజీవి గర్వపడేలా టాలీవుడ్ ఫ్యాన్ బేస్ ని క్రియేట్ చేసుకున్నారు.

జనసేన పార్టీని సైతం స్థాపించి ప్రగతి పథంలో నడిపిస్తున్నారు. ఆగస్టు 22వ తేదీన మెగాస్టార్‌ చిరంజీవి బర్త్‌ డే సందర్భంగా సోషల్‌ మీడియాలో ఓ ఎమోషనల్‌ పోస్ట్‌(Emotional post) పెట్టారు జనసేన అధినేత పవన్‌ కల్యాణ్‌. అన్నయ్యకు జన్మదిన శుభాకాంక్షలు.. అన్నయ్య చిరంజీవి గారికి ప్రేమపూర్వక జన్మదిన శుభాకాంక్షలు తెలిపారు.

పవన్‌ సోషల్‌ మీడియాలో పవన్‌ కల్యాణ్‌ పెట్టిన పోస్ట్‌ విషయానికి వస్తే.. “అన్నయ్య చిరంజీవి గారికి ప్రేమపూర్వక జన్మదిన శుభాకాంక్షలు.. మీ తమ్ముడుగా పుట్టి మిమ్మల్ని అన్నయ్యా అని పిలిచే అదృష్టాన్ని కలిగించిన ఆ భగవంతునికి ముందుగా కృతజ్ఞతలు.

ఒక సన్నని వాగు అలా అలా ప్రవహిస్తూ మహా నదిగా మారినట్లు మీ పయనం నాకు గోచరిస్తుంటుంది. మీరు ఎదిగి మేము ఎదగడానికి ఒక మార్గం చూపడమే కాక లక్షలాది మందికి స్ఫూర్తిగా నిలిచిన మీ సంకల్పం, పట్టుదల, శ్రమ, నీతినిజాయతీ, సేవా భావం నావంటి ఎందరికో ఆదర్శం.

కోట్లాదిమంది అభిమానాన్ని మూటగట్టుకున్నా కించిత్ గర్వం మీలో కనిపించకపోవడానికి మిమ్మల్ని మీరు మలుచుకున్న తీరే కారణం. చెదరని వర్చస్సు, వన్నె తగ్గని మీ అభినయ కౌసలతో సినీ రంగాన అప్రతిహతంగా(unopposed)మీరు సాధిస్తున్న విజయాలు అజరామరమైనవి.

ఆనందకరం, ఆరోగ్యకరమైన సంపూర్ణ ఆయుష్షుతో, మీరు మరిన్ని విజయాలు చవిచూడాలని మనస్ఫూర్తిగా కోరుకుంటున్నాను. Happy Birthday Annayya.!” అంటూ రాసుకొచ్చారు పవన్‌ కల్యాణ్‌.

మరోజన్మెత్తినా అమ్మ రుణం తీర్చుకోలేమేమో..!మనం తన కడుపులో పడ్డ నాడే తన శరీరంలో ఒకభాగం అయిపోతాం. భూమ్మీద పడ్డప్పటి నుంచీ మనం తనకన్నా ముఖ్యం అయిపోతాం.

తన రక్తాన్ని చనుబాలుగా చేసి ప్రాణాన్ని నిలబెడుతుంది.అప్పటి దాకా అద్దం వదలని అమ్మ…పసిపాపగా మనం రావడంతోనే తన అందం, ఆకలి, నిద్ర అన్నీ మరిచిపోతుంది. మన భవిష్యత్తునే తన భవిష్యత్తనుకుంటుంది.జీవితంలో ఎదగాలని కోరుకుంటుంది. బదులుగా అమ్మా అనే పిలుపు కోరుకుంటుంది.

త్యాగానికి మరుపేరైన అమ్మని ..అడ్డుతొలగించుకున్నాడు. వృద్ధాప్యంలో ఉన్న కన్న తల్లిని..నడిరోడ్డుపై విడిచిపెట్టి వెళ్లిపోయాడు ఓ కఠినాత్ముడు. చేతిలో రొట్టె ముక్క పెట్టి ఇప్పుడే వస్తానని చెప్పి తిరిగి రాలేదు.

దీంతో నడిరోడ్డుపై వణుకుతు స్పృహ కోల్పోయే దశలో ఉన్న ఆ అవ్వను చూసి చలించిన స్థానికులు..పోలీసుల సహకారంతో ఆసుపత్రికి తరలించారు. విశాఖ జిల్లా ఆనందపురం లో జరిగిన ఈ ఘటన మానవత్వం ఉన్న ప్రతి ఒక్కరిని తీవ్రంగా కలచివేసింది.

మానవ సంబంధాలు మంట కలిసిపోతున్నాయి. కుటుంబ విలువలు దిగజారి పోతున్నాయి. డబ్బు, జల్సాలకు ఇచ్చే ప్రాధాన్యత రక్తాన్ని పంచి జన్మనిచ్చిన వాళ్లకు ఇవ్వడం లేదు. సాటి మనిషే కాదు.. జన్మనిచ్చిన తల్లిదండ్రులకు కూడా దూరం చేసి కఠినంగా వ్యవహరించే వాళ్లు లేకపోలేదు.

తాజాగా విశాఖ జిల్లా(Visakha District) ఆనందపురం(Anandapuram)లో నడిరోడ్డుపై ఓ తల్లి పడుతున్న వేదన స్థానికులను కంటతడి పెట్టించింది. ఆనందపురం మండలం, వేములవలస(Vemulavasala) పూల మార్కెట్ సమీపంలో… మృదురాలైన ఓ తల్లితో వచ్చాడు వ్యక్తి. అక్కడ తల్లిని వదిలి వెళ్ళిపోయాడు.

మళ్లీ వస్తానని చెప్పి.. చేతిలో రొట్టె పెట్టి అక్కడి నుంచి జారుకున్నాడు. అలా వెళ్ళిన ఆ వ్యక్తి ఎంతకీ తిరిగి రాలేదు. నిమిషాలు గంటలు గడుస్తున్నాయి.. కొడుకు కోసం ఆ తల్లి ఆశగా ఎదురుచూస్తోంది. ఈలోగా తన ఒంట్లో ఉన్న సత్తువ నశించిపోతుంది.

స్పృహ కోల్పోయే స్థితిలోకి వెళ్లిపోయింది. ఇంత బాధలోనూ.. ఎవరిని పిలిచి సహాయం కోరలేదు ఆ వృద్ధురాలు. పూల మార్కెట్(Flower market)వద్ద ఆ వృద్ధురాలు చాలాసేపటి నుంచి ఉన్నచోటనే ఉండటం గమనించిన స్థానికులు.. ఆమె దగ్గరకు వెళ్లి వివరాలు అడిగే ప్రయత్నం చేశారు.

అయితే అంతటి బాధలోనూ తన కుటుంబం వివరాలు వదిలి వెళ్ళిన కొడుకు వివరాలు చెప్పేందుకు ఆమె ఇష్టపడలేదు. ఒకవేళ కొడుకును పిలిచి మందలిస్తారేమోనని ఆమె భయం.అంతటి నిస్సహాయతలోనూ ఆమె తన కష్టాన్ని దిగమింగుకుంది.

నీరసించినా ఆమె మాట్లాడలేని పరిస్థితిలో ఉంది. దీంతో ఆమెకు సత్వరమే సపరియలు అవసరమని గుర్తించిన స్థానికులు పోలీసులకు సమాచారం అందించారు.

సమాచారం అందుకొని అక్కడకు చేరుకున్న ఎస్సై నరసింహమూర్తి, తన సిబ్బంది.. రోడ్డు పై దీన స్థితిలో ఉన్న ఆ వృద్ధురాలిని స్థానిక ఆసుపత్రికి తరలించారు. వృద్ధురాలు పరిస్థితి విషమంగా ఉండటంతో మెరుగైన వైద్యం కోసం పోలీసులు, వైద్య సిబ్బంది సహాయంతో కే జి హెచ్(KG H) కు తరలించారు.

పోలీసులు ఆమెను మళ్లీ వివరాలు అడిగే ప్రయత్నం చేశారు. తమది అంబటి వలస గ్రామమని.. తన కొడుకు పేరు రాంబాబు అని మాత్రమే ఆమె చెప్పగలిగింది.వదిలించుకోడానికి ప్రయత్నించే కొడుకు వస్తాడని చెప్పగానే ఆ పిచ్చితల్లి నమ్మేసింది.

ఇప్పటికీ తన కొడుకు అక్కడ ఉండమని చెప్పాడని…తిరిగి వస్తాడని కలవరిస్తున్న తల్లి ఆశని..అమాయకత్వాన్ని చూసి పోలీసుల కళ్ళల్లో నీళ్లు తిరిగాయి.అయితే ఆమె వివరాలు ఎవరికైనా తెలిస్తే సమాచారం అందించాలని పోలీసులు కోరుతున్నారు. నడిరోడ్డుపై ఇలా తల్లిని వదిలేసి వెళ్లిపోయిన కొడుకుపై చర్యలు తీసుకోవాలని కోరుతున్నారు స్థానికులు.