ప్రియాంకచోప్రా(Priyanka Chopra).. ఒకప్పుడు బాలీవుడ్(Bollywood)లో ఒక వెలుగువెలిగిన స్టార్ హీరోయిన్. ఈ సుందరి గతకొన్నేళ్లుగా హిందీలో సినిమాలు చేయడం మానేసింది. హలీవుడ్ వెళ్లి అక్కడే స్థిరపడిపోయింది. ఒక నటిగానే కాకుండా పాప్ ఆల్బమ్స్ చేస్తూ సింగర్‌గా కూడా విదేశాల్లో మంచి గుర్తింపు తెచ్చుకుంది.నిక్ జోనస్(Nick Jonus) అనే హలీవుడ్ యాక్టర్ కమ్ మోడల్‌ను పెళ్లి చేసుకుని విదేశాల్లో స్థిరపడిన పిగ్గీ చాప్స్ మళ్లీ బాలీవుడ్‌కు వస్తున్నట్లు టాక్ వినిపిస్తోంది.
ప్రియాంక చోప్రా ఎన్నో సంచలనాలకు మారుపేరు. తన నటనా ప్రతిభతో తనకంటూ ఓ బ్రాండ్ క్రియేట్ చేసుకుంది.బాలీవుడ్ లోని అగ్రతారలతో స్క్రీన్ షేర్ చేసుకున్న ఈ సుందరి.. హాలీవుడ్లో నటించే అవకాశం రావడంతో వెళ్లిపోయింది.
అక్కడ వెబ్ సిరీస్‌లు చేస్తూనే మరోవైపు పలు ఆల్బమ్స్ చేసింది. పిగ్గీ చాప్స్ హాలీవుడ్లో నటించిన ‘సిటాడెల్’ వెబ్ సిరీస్ చాలా ఫేమస్ అయ్యింది.ప్రస్తుతం దీని ఇండియన్ వెర్షన్‌లో సమంత లీడ్ రోల్ చేస్తోంది. ఇక వయసులో తన కంటే చిన్నవాడైన నిక్ జోనస్‌ను పెళ్లి చేసుకుని అప్పట్లో సంచలనం క్రియేట్ చేసింది ఈ అమ్మడు.
తాజాగా ప్రియాంక బ్యాక్ టు బాలీవుడ్ అంటోంది. ఎందుకంటే సంజయ్ లీలా బన్సాలీ దర్శకత్వంలో వస్తోన్న ఓ భారీ బడ్జెట్ చిత్రంలో ప్రియాంకకు చాన్స్ వచ్చిందని తెలిసింది. గతంలో వీరి కాంబోలో బాజీరావు మస్తానీ మూవీ వచ్చిన విషయం తెలిసిందే. ఈ పీరియాడిక్ డ్రామా మంచి విజయాన్ని సొంతం చేసుకుంది. గతంలో బాలీవుడ్ యాక్టర్స్, బీ టౌన్ మాఫియా గురించి ప్రియాంక గతంలో సంచలన ఆరోపణలు చేసింది.
అయితే, దర్శకుడి మీద ఉన్న గౌరవంతో ఈ మూవీ చేసేందుకు ఓకే చెప్పిందట.మరోవైపు హాలీవుడ్లో ప్రియాంకకు చాన్సులు తగ్గిపోయాయని ,అందుకే తిరిగి బాలీవుడ్ వస్తోందని, ఈ అమ్మడిని హాలీవుడ్ భరించలేక వదిలించుకుంటోందని సినీ క్రిటిక్స్ ఆరోపిస్తున్నారు.
