Category:

Andhra Pradesh

Weather Latest Update: Reduced cold in Telugu states.. Sudden changes in weather..!

Weather Latest Update: తెలుగు రాష్ట్రాల్లో తగ్గిన చలి.. వాతావరణంలో ఆకస్మిక మార్పులు..!

by Mano January 28, 2024

written by Mano

రాష్ట్రంలో చలితీవ్రత తగ్గుతోంది. వాతావరణం ఆకస్మిక మార్పులు చోటుచేసుకుంటున్నాయి. ఆగ్నేయ దిశ నుంచి తెలంగాణ(Telangana) వైపు అల్పపీడన గాలులు వీస్తుండడమే ఇందుకు కారణమని హైదరాబాద్ వాతావరణ కేంద్రం(HMD) అధికారులు తెలిపారు. దీని ప్రభావంతో రేపు, ఎల్లుండి తెలంగాణ రాష్ట్రంలో పొడి వాతావరణం ఉండే అవకాశం ఉందని వెల్లడించారు.

హైదరాబాద్‌లో ఆకాశం పాక్షికంగా మేఘావృతమై ఉంటుందని, ఉదయం వేళల్లో పొగమంచు వాతావరణం కనిపిస్తుందని అధికారులు తెలిపారు. గరిష్ట, కనిష్ట ఉష్ణోగ్రతలు వరుసగా 31 డిగ్రీలు, 20 డిగ్రీలుగా నమోదయ్యే అవకాశం ఉందని, ఉపరితల గాలులు గంటకు 4 నుంచి 8 కి.మీ వేగంతో ఆగ్నేయ దిశగా వీస్తాయని పేర్కొన్నారు. శనివారం గరిష్ట ఉష్ణోగ్రత 30.4 డిగ్రీలు, కనిష్ట ఉష్ణోగ్రత20.2 డిగ్రీలు. గాలి తేమ 84 శాతంగా నమోదైంది.

ఆదిలాబాద్ ఉమ్మడి జిల్లా పై చలి పంజా విసురుతుంది. సింగిల్ డిజిట్‌కు కనిష్ట ఉష్ణోగ్రతలు పడ్డాయి. కొమురం భీం జిల్లాలోని సిర్పూర్ యూ లో 8.7డిగ్రీల కనిష్ఠ ఉష్ణోగ్రతలు నమోదయ్యాయి. అదిలాబాద్ జిల్లాలోని అర్లీటీలో 8.9కనిష్ఠ ఉష్ణోగ్రతలు నమోదు కాగా నిర్మల్ జిల్లాలోని పెంబిలో 10డిగ్రీల కనిష్ఠ ఉష్ణోగ్రతలు నమోదయ్యాయి. మంచిర్యాల జిల్లా నిల్వాయిలో 11.4ఉష్ణోగ్రతలు నమోదైంది.

మరోవైపు ఆంధ్రప్రదేశ్, యానాంలో దిగువ ట్రోపో జోన్‌లో ఈశాన్య, ఆగ్నేయ గాలులు వీస్తున్నాయి. దీని ప్రభావంతో దక్షిణ కోస్తాంధ్రలో తేలికపాటి నుంచి మోస్తరు వర్షాలు కురుస్తాయని వాతావరణ అధికారులు తెలిపారు. తేలికపాటి నుంచి ఓ మోస్తరు పొగమంచు కురుస్తుందని చెబుతున్నారు. ఉత్తర కోస్తా ఆంధ్రలోనూ పొడి వాతావరణం ఉంటుంది. రాయలసీమలో కూడా పొడి వాతావరణం కొనసాగుతుందని వాతావరణ శాఖ అధికారులు తెలిపారు.

January 28, 2024 0 comment

Tiger Hulchul: Tiger roaming in Eluru.. People in panic..!

Andhra Pradesh

Tiger Hulchul: ఏలూరులో పులి సంచారం.. భయాందోళనలో ప్రజలు..!

by Mano January 28, 2024

written by Mano

ఏలూరు జిల్లా(Eluru District) ద్వారకా తిరుమల(Dwarka Tirumala) మండలం దేవినేనివారి గూడెం(Devineni’s home)లో పులి(Tiger) సంచారం హడాలెత్తిస్తోంది. అర్ధరాత్రి వేళలో గ్రామంలోని రెండు ఆవులు, ఒక దూడపై పులి దాడి చేసింది. తెల్లవారుజామున పొలంలోకి వెళ్లిన రైతులు గాయపడిన ఆవులు, పులి పాదముద్రలు గుర్తించారు. దీంతో వారు అటవీశాఖ అధికారులకు సమాచారం ఇచ్చారు.

దెందులూరు, ద్వారకాతిరుమల, నల్లజర్ల మండలాల్లో పులి ఎక్కువగా సంచరిస్తోంది. వారం రోజులుగా బుట్టాయిగూడెం, నల్లజర్ల, ద్వారకాతిరుమల, దెందులూరు మండలాల్లో పెద్దపులి సంచరిస్తున్నట్లు సమాచారం. నిన్న దెందులూరు మండలం మేదినరావుపాలెంలో పులి పాదముద్రలను రైతులు గుర్తించారు. నాలుగు రోజుల క్రితం నల్లజర్ల మండలం పుల్లలపాడులో ఆవు దూడలపై పులి దాడి చేసింది. ద్వారకాతిరుమలలో మండలంలో ఆవులపై దాడి చేసి తినేసింది.

13 సెంటీమీటర్ల పైగా పాదముద్రలు ఉంటే పులి సంచరిస్తున్నట్లని అధికారులు చెబుతున్నారు. అయితే, ఒక్కోచోట ఒక్కోరకంగా పులి పాదముద్రలు.. సంచరించేది పెద్దపులి ఒక్కటేనా.. రెండా అనే అనుమానం పులి కదలికలను గుర్తించేందుకు ఇప్పటికే అటవీశాఖ అధికారులు ఆరు బృందాలుగా ఏర్పడి గాలింపు చర్యలు ముమ్మరం చేశారు. రోజుకు 40 కిలోమీటర్ల పరిధిలో పులి సంచారం కొనసాగడంతో బోను ఏర్పాటు చేసేందుకు అనువైన ప్రాంతాన్ని పరిశీలిస్తున్నారు.

పులి సంచారంతో స్థానిక ప్రజల్లో భయాందోళన నెలకొంది. పొలాలకు వెళ్లాలంటే రైతులు భయభ్రాంతులకు గురవుతున్నారు. పులిని త్వరగా బంధించాలని అధికారులను కోరుతున్నారు. పులి సమాచారం కోసం అటవీ సిబ్బంది టోల్ ఫ్రీ నెంబర్ ఏర్పాటు చేశారు.పులి సంచరిస్తున్న ప్రాంతాల్లో రాత్రి సమయాల్లో ప్రజలు అప్రమత్తంగా ఉండాలని, పశువుల పాక దగ్గర వెలుతురు ఎక్కువ వచ్చే విధంగా ఏర్పాట్లు చేసుకోవాలని అధికారులు సూచించారు.

January 28, 2024 0 comment

Chandrababu's sensational comments.. Rs. 200,500 notes should be cancelled

Andhra Pradesh

Chandra Babu Naidu : జగన్ అధికార గర్వాన్ని దించేందుకు ఉద్యోగులు రెడీగా ఉన్నారు…!

by Ramu January 27, 2024

written by Ramu

సీఎం జగన్‌ (CM Jagan)ను ఇంటికి పంపేందుకు యువత, రైతులు సిద్ధంగా ఉన్నారని టీడీపీ అధినేత (TDP Chief) చంద్రబాబు నాయుడు (Chandra Babu Naidu) అన్నారు. జగన్ అధికార గర్వాన్ని దించేందుకు ప్రభుత్వ ఉద్యోగులు రెడీగా ఉన్నారని వెల్లడించారు. ఎన్నికల అనంతరం వైఎస్ఆర్ పార్టీ జెండా పీకేయడం ఖాయమని తెలిపారు.

పీలేరులో ”రా..కదలి రా” బహిరంగ సభలో జగన్‌పై చంద్రబాబు మరోసారి తీవ్ర స్థాయిలో విరుచుకుపడ్డారు. యుద్ధం ప్రారంభమైందని చెప్పారు. యుద్ధానికి తాము సిద్ధంగా ఉన్నామన్నారు. కురుక్షేత్ర ధర్మ యుద్ధానికి జనసేన, టీడీపీ రెడీగా ఉన్నాయని పేర్కొన్నారు. జగన్‌కు అభ్యర్థులు కూడా దొరకడం లేదని ఎద్దేవా చేశారు.
వైసీపీ పాలనలో ప్రజలు అల్లాడిపోతున్నారని అన్నారు.

విశాఖలో వైసీపీ నిర్వహిస్తున్న ‘సిద్ధం’ సభ గురించి ప్రస్తావిస్తూ….. అవినీతి డబ్బుతో ఎన్నికల సభల కోసం పెద్ద పెద్ద ఫ్లెక్సీలు సిద్ధంగా పెడుతున్నారని నిప్పులు చెరిగారు. జగన్‌ను ఓడించేందుకు ప్రజలు సిద్ధంగా ఉన్నారని స్పష్టం చేశారు. తాను రాయల సీమ బిడ్డనన్నారు. తనలో ఉన్నది రాయలసీమ రక్తమేనన్నారు.

హంద్రీనివాపై తాము రూ.4200 కోట్లు ఖర్చు పెట్టామని వివరించారు. జగన్ ఒక రూపాయి కూడా పెట్టలేదని విమర్శించారు. పీలేరు పుంగనూరులకు నీళ్లు రాలేదని ఆరోపించారు. గాలేరు నగిరిపై రూ.1550 కోట్లు మేము ఖర్చు పెట్టామన్నారు. రాయలసీమను రతనాల సీమ చేసేందుకు ఏం చేయాలో తాను ఆలోచించాలని స్పష్టం చేశారు.

January 27, 2024 0 comment

AP Politics: Whoever joins the Congress is zero here: Minister Roja

Andhra Pradesh Politics

AP Politics: కాంగ్రెస్‌లోకి ఎవరొచ్చినా ఇక్కడ జీరోలే: మంత్రి రోజా

by Mano January 27, 2024

written by Mano

ఏపీలో కాంగ్రెస్‌లోకి ఎవరువచ్చినా జీరోలే అవుతారని మంత్రి ఆర్కే రోజా((Minister RK Roja) ఎద్దేవా చేశారు. ఏపీలో ఎన్నికలు(AP Elections) సమీపిస్తున్న వేళ ఏపీసీసీ చీఫ్ వైఎస్ షర్మిల(YS Sharmila)పై సంచలన వ్యాఖ్యలు చేశారు. తెలంగాణ ప్రజలు ఛీ కొడితే షర్మిల ఏపీకి వచ్చారని ఘాటు వ్యాఖ్యలు చేశారు.

రాష్ట్ర ప్రజలు షర్మిలను ఆదరించరని మంత్రి అన్నారు. జగన్ పాలనపై రాష్ట్ర ప్రజలంతా సంతృప్తిగా ఉన్నారని మంత్రి ఆర్కే రోజా తెలిపారు. గతంలో ఎప్పుడూ లేని అభివృద్ధి రాష్ట్రంలో కనిపిస్తోందని అన్నారు. విజయవాడలో అంబేద్కర్ భారీ విగ్రహం, బాపూ మ్యూజియం, భవాని ఐలాండ్ వంటి పర్యాటక ప్రాంతాలను అభివృద్ధి చేశామని తెలిపారు.

రాజన్న బిడ్డగా ప్రజలకు రాజన్న రాజ్యం అందించే విషయంలో జగన్ కాంప్రమైజ్ కాలేదని మంత్రి రోజా చెప్పుకొచ్చారు. కాగా, ఏపీలో ఓటు అడిగే నైతిక అర్హత కాంగ్రెస్‌కు లేదని మంత్రి రోజా అన్నారు. కాంగ్రెస్ పార్టీ రాష్ట్రాన్ని విడగొట్టి, వైఎస్ఆర్ పేరును ఎఫ్ఐఆర్‌లో పెట్టిందని ఆమె ధ్వజమెత్తారు. ఏపీకి ప్రత్యేక హోదా ప్రకటించకుండా ఒక రూమ్‌లో కూర్చుని రాష్ట్రాన్ని విడగొట్టారని విమర్శించారు.

2024 ఎన్నికల్లో జగన్ గెలుపును ఎవరూ ఆపలేరని మంత్రి పేర్కొన్నారు. అయితే, జగన్ సర్కారుపై ఏపీ పీసీసీ చీఫ్ వైఎస్ షర్మిల చేస్తోన్న విమర్శలకు ఏపీ మంత్రులు, వైసీపీ నేతలు కౌంటర్ ఇస్తున్నారు. సంక్రాంతికి వచ్చే డూడూ బసవన్నల్లా కొందరు వస్తుంటారంటూ మంత్రి రోజా షర్మిలపై సెటైర్లు వేశారు. స్థానికత లేని వారిని రాష్ట్ర ప్రజలు ఆదరించరని ఆమె తెలిపారు.

January 27, 2024 0 comment

YS Sharmila: 'Look at those YouTube channels..' Sharmila's complaint to the police..!

Andhra Pradesh Politics

YS Sharmila: వైసీపీకి రక్తం ధారపోశా.. వైఎస్ షర్మిల కీలక వ్యాఖ్యలు..!

by Mano January 27, 2024

written by Mano

ప్రజలకి న్యాయం జరగాలనే ఏపీ రాజకీయాల్లో(AP Politics)కి వచ్చానని ఏపీసీసీ చీఫ్ షర్మిల(YS Sharmila) అన్నారు. శనివారం ఆమె మీడియాతో మాట్లాడుతూ.. యువత కోసమే రాజశేఖర్ రెడ్డి బిడ్డ ఏపీ రాజకీయాల్లోకి వచ్చిందని గుర్తుంచుకోవాలని సూచించారు.

వైసీపీ, టీడీపీ, జనసేన, బీజేపీకి అనుకూలంగా మారాయని విమర్శించారు. తనకు ఏపీ పుట్టినిల్లు అయితే తెలంగాణ మెట్టినిల్లు అని షర్మిల చెప్పుకొచ్చారు. వైసీపీకి తన రక్తం ధారపోశానని.. ఇప్పుడు ఆ పార్టీ తనపై ముప్పేట దాడి చేస్తోందని మండిపడ్డారు. వైసీపీ కోసం తన కుటుంబాన్ని కూడా పక్కన పెట్టి మూడు వేల కిలోమీటర్ల పాదయాత్ర చేశానన్నారు.

జగన్ జైలులో ఉన్నప్పుడు ఆ పార్టీని తన భుజస్కంధాలపై మోశానని గుర్తు చేశారు. వైఎస్ఆర్ బిడ్డ ఎవరికీ భయపడదని.. తాను యుద్ధానికి సిద్ధమని.. మీరు సిద్ధమా? అంటూ సవాల్ విసిరారు. వైఎస్ఆర్ పాలనకి.. జగన్ పాలనకీ.. నక్కకి నాగలోకానికి ఉన్నంత తేడా ఉందన్నారు. వైఎస్ఆర్ సీపీలో వై అంటే వైవీ సుబ్బారెడ్డి.. ఎస్ అంటే సాయిరెడ్డి.. ఆర్ అంటే సజ్జల రామకృష్ణారెడ్డి అని వ్యాఖ్యానించారు.

ఓట్ల కోసం జాబ్ నోటిఫికేషన్ ఇస్తున్నారని, ఇన్నేళ్లలో ఒక్క సంవత్సరమైనా జాబ్ క్యాలెండర్ ఇచ్చారా? అని ప్రశ్నించారు షర్మిల. అదేవిధంగా మద్యపాన నిషేధం చేస్తామని గత ఎన్నికలో వాగ్దానం చేసి ఇప్పుడు ఏ ముఖం పెట్టుకుని ఓట్లు అడుగుతున్నారని అన్నారు. 70 వేల కోట్ల విలువైన గంగవరం పోర్టు 600 కోట్లకి అమ్మేశారని, మళ్ళీ ప్రభుత్వం చేతికి ఆ పోర్టు రాదని ఆరోపించారు.

ఒక్కొక్క కాంగ్రెస్ కార్యకర్త ఒక్కొక్క సైన్యంగా మారాలంటూ కార్యకర్తలకు పిలుపునిచ్చారు షర్మిల. ఒక ఎమ్మెల్యే కూడా లేకుండా ఏపీ బీజేపీ వశం అయిపోయిందని, జగన్ బీజేపీకి బానిసగా మారారని విమర్శించారు. బీజేపీ అంటే బాబు, జగన్, పవన్ అని చమత్కరించారు. కాంగ్రెస్ అధికారంలోకి వస్తే రాహుల్ గాంధీ మొదటి సంతకం ఏపీకి ప్రత్యేక హోదా పైనే ఉంటుందని స్పష్టం చేశారు షర్మిల.

January 27, 2024 0 comment

Andhra Pradesh Politics

Karumuri Nageshwar : చంద్రబాబు రాసిచ్చిన స్క్రిప్ట్ చదువుతున్న వైఎస్ షర్మిల..!

by Venu January 27, 2024

written by Venu

ఏపీ (AP) రాజకీయాల్లో ఊహించని పోరు మొదలైందని అనుకొంటున్నారు.. నేను తెలంగాణ బిడ్డను ఇక్కడే రాజకీయాల్లో ఉంటానని చెప్పిన వైఎస్ షర్మిల.. చివరకు పొలిటికల్ మైలేజ్ ఇవ్వని తెలంగాణ కన్నా ఏపీ బెటర్ అనుకోని అక్కడికి షిఫ్ట్ అయ్యింది. అయితే కాంగ్రెస్ వ్యూహాత్మకంగా వ్యవహారించి ఆ బాణాన్ని జగన్ వైపు గురిపెట్టడంలో సక్సెస్ అయ్యిందని అనుకొంటున్నారు. దీంతో ఏపీలో అన్నా చెల్లెలు రాజకీయం ఆసక్తికరంగా మారింది..

ఈ క్రమంలో వైసీపీని (YCP) టార్గెట్ చేసిన ఏపీ కాంగ్రెస్ (Congress) చీఫ్ వైఎస్ షర్మిల ఒక రేంజ్ లో విరుచుకుపడటం తెలిసిందే.. వైఎస్సార్ కాంగ్రెస్ నేతలు సైతం ధీటుగా బదులిస్తున్నారు. మొత్తానికి వైసీపీ నేతల కౌంటర్ తో.. ఏపీ పాలిటిక్స్ హాట్ హాట్ మారాయి. ఈ క్రమంలో వైఎస్ షర్మిల (YS Sharmila)పై మంత్రి కారుమూరి నాగేశ్వర్ (Minister Karumuri Nageshwar) కీలక వ్యాఖ్యలు చేశారు.

జనసేన అధినేత పవన్ కళ్యాణ్ తరహాలోనే షర్మిల కూడా చంద్రబాబుకు ప్యాకేజీ స్టార్ అని ఎద్దేవా చేశారు. ఆంధ్రప్రదేశ్‌ను అన్యాయంగా విభజించిన కాంగ్రెస్‌తో షర్మిల చేతులు కలిపారని మండిపడ్డ కారుమూరి.. చంద్రబాబు రాసిచ్చిన స్క్రిప్ట్ షర్మిల చదువుతున్నారని విమర్శలు చేశారు.. అవగాహన లేకుండా విమర్శలు చేయడం తగదని సూచించారు. మరోవైపు జనసేన, టీడీపీ పొత్తుపైన సంచలన వ్యాఖ్యలు చేశారు..

చంద్రబాబు, పవన్ కళ్యాణ్ లది అమావాస్య పొత్తు అని ఎద్దేవా చేశారు. ఎన్నికల సమయం నాటికి జనసేన, టీడీపీల పొత్తు కుక్కులు చింపిన విస్తరి అవుతోందని కారుమూరి నాగేశ్వర్ ఆరోపించారు.. సీఎం జగన్ ప్రకటించే మేనిఫెస్టో తుఫాన్‌లో ప్రతిపక్షాలు అడ్రస్ లేకుండా గల్లంతవుతాయని పేర్కొన్నారు. ఎన్నికల్లో హామీ ఇచ్చినట్లుగా జగన్ నవరత్నాలు అమలు చేశారని.. మరోసారి ప్రజలు వైసీపీకే పట్టం కడతారని ధీమా వ్యక్తం చేశారు.

January 27, 2024 0 comment

Tirumala: Alert for Srivari devotees.. Huge queue for Sarvadarshan..!

Andhra Pradesh

Tirumala: శ్రీవారి భక్తులకు అలెర్ట్.. సర్వదర్శనానికి భారీ క్యూ..!

by Mano January 27, 2024

written by Mano

తిరుమల(Tirumala) శ్రీవేంకటేశ్వర స్వామి(Sri Venkateshwara swami) సన్నిధిలో భక్తుల రద్దీ పెరిగింది. క్యూలైన్లలో భక్తులు గంటల తరబడి వేచిచూస్తున్నారు. శ్రీవారి దర్శనం కోసం వైకుంఠం క్యూ కాంప్లెక్స్‌లోని 24 కంపార్ట్‌మెంట్లలో బారులు తీరారు.

రిపబ్లిక్ డే, శనివారం, ఆదివారం ఇలా వరుసగా మూడు రోజులు సెలవులు కావడంతో తిరుమల కొండ భక్తులతో కిటకిటలాడుతోంది. భక్తులతో క్యూ లైన్లన్నీ నిండిపోయాయి. ఎలాంటి టికెట్లు లేకుండా సర్వదర్శనం చేసుకునే భక్తులకు 18గంటల సమయం పడుతోంది.

రూ.300 టికెట్‌తో ప్రత్యేక దర్శనానికి సుమారు 4గంటలు పడుతోంది. భక్తుల రద్దీని దృష్టిలో పెట్టుకుని టీటీడీ అధికారులు అందుకు తగిన ఏర్పాట్లను చేశారు. భక్తులు సమర్పించుకున్న కానుకల ద్వారా హుండీ ఆదాయం రూ.3.37కోట్లు వచ్చిందని టీటీడీ పేర్కొంది.

శుక్రవారం స్వామివారిని 71,664 మంది భక్తులు దర్శించుకున్నారని, 33,330 మంది భక్తులు తలనీలాలు సమర్పించుకున్నారని టీటీడీ వెల్లడించింది. వేంకటేశ్వరుడిని దర్శించుకోవడానికి దేశ విదేశాల నుంచి భక్తులు పెద్దఎత్తున తరలివస్తున్నారు.

January 27, 2024 0 comment

AP Elections: Telangana ministers to campaign in elections..!

Andhra Pradesh Politics

AP Elections: ఎన్నికల్లో ప్రచారానికి తెలంగాణ మంత్రులు..!

by Mano January 27, 2024

written by Mano

ఆంధ్రప్రదేశ్‌(Ap)లో జరగనున్న అసెంబ్లీ, లోక్‌సభ ఎన్నికల్లో కాంగ్రెస్‌ పార్టీ(Congress Party) తరఫున ప్రచారం చేసేందుకు పార్టీ అధిష్టానం తెలంగాణ రాష్ట్ర మంత్రులు, ముఖ్య నేతలను రంగంలోకి దించుతోంది. ఫిబ్రవరి 15 తర్వాత ఎన్నికల నోటిఫికేషన్‌ వచ్చే అవకాశాలు ఉన్నాయి. ఈ నేపథ్యంలో కాంగ్రెస్ ముందస్తు ప్రచారానికి సిద్ధమైనట్లు తెలుస్తోంది.

ఏపీసీసీ చీఫ్‌గా వైఎస్ షర్మిల(APCC Chief YS Sharmila) బాధ్యతలు చేపట్టినప్పటి నుంచి ఏపీలో పొలిటికల్ హీట్ మరింత పెరిగింది. ప్రజలను పూర్తిగా ప్రసన్నం చేసుకునేందుకు అధిష్టానం తెలంగాణ మంత్రులు, సీనియర్‌ నాయకుల సేవలను వాడుకోవాలని నిర్ణయించింది. ఉమ్మడి ఆంధ్రప్రదేశ్‌లో మంత్రులుగా చేసిన అనుభవం ఉన్న నేతలతో ఏపీలో ప్రచారం నిర్వహించనుంది.

ఏపీలోని పాత తరం నేతలు, కార్యకర్తలు, అభిమానుల్లో వారికి ఉన్న గుర్తింపు ఉపయోగపడుతుందని ఢిల్లీ పెద్దలు భావిస్తున్నారు. ఇదిలా ఉంటే నోటిఫికేషన్‌ తర్వాత ఆంధ్రప్రదేశ్‌, తెలంగాణ ఎన్నికలు ఒకేసారి వస్తే మొదటి వారంలోనే తెలంగాణ నేతల సేవలను వినియోగించుకోవాలని కాంగ్రెస్ అధిష్టానం భావిస్తున్నట్లు తెలుస్తోంది. వేర్వేరు దశల్లో వస్తే పూర్తిస్థాయిలో వినియోగించుకోవాలనే యోచనలో పార్టీ ఉంది.

అయితే, సీఎం రేవంత్‌రెడ్డిని స్టార్‌ క్యాంపెనర్‌గా ఇతర రాష్ట్రాల్లో ప్రచారం చేయించాలని కాంగ్రెస్‌ భావిస్తోంది. ఏపీ, కర్ణాటక, మహారాష్ట్ర ఛత్తీస్‌గఢ్‌లో రేవంత్‌రెడ్డితో ప్రచారం చేయించే అవకాశాలు ఉన్నట్లు సమాచారం. మరోవైపు రాష్ట్ర అటవీ, దేవాదాయ శాఖల మంత్రి కొండా సురేఖ త్వరలో ఏపీలో పర్యటించనున్నారు. తిరుమల తిరుపతి దేవస్థానం అధికారులతో ఆమె భేటీ అవుతారని కాంగ్రెస్ పార్టీ వర్గాలు చర్చిస్తున్నట్లు సమాచారం.

January 27, 2024 0 comment

Andhra Pradesh

YS Sharmila : వైసీపీ, టీడీపీలు బీజేపీకి బానిసలుగా మారాయి….!

by Ramu January 26, 2024

written by Ramu

వైసీపీ (YCP)సర్కార్ పై ఏపీ పీసీసీ చీఫ్ షర్మిలా (YS Sharmila) తీవ్ర విమర్శలు గుప్పించారు. వైఎస్ఆర్ (YSR) హయాంలో వ్యవసాయం పండుగలా ఉండేదన్నారు. కానీ ఈ పదేండ్లలో టీడీపీ, వైసీపీ ప్రభుత్వాల హయాంలో వ్యవసాయాన్ని దండగ అనేలా చేశారని తీవ్రంగా మండిపడ్డారు. రాష్ట్రాన్ని అప్పుల కుప్పగా మార్చారంటూ ఫైర్ అయ్యారు.

రాష్ట్రంలో రైతుల పరిస్థితి మరీ దారుణంగా తాయారైందని పేర్కొన్నారు. గుంటూరు జిల్లా కేంద్రంలో కాంగ్రెస్ కార్యకర్తలతో సమావేశాన్ని నిర్వహించారు. ఈ సందర్భంగా ఆమె మాట్లాడుతూ…. రాష్ట్రంలో ఒక్క రోడ్డు కూడా బాగోలేదని ధ్వజమెత్తారు. గుంటూరులో రోడ్లు మరీ అధ్వాన్నంగా మారాయని అన్నారు. ఇది గుంటూరా?, గుంటలూరా? అని ప్రశ్నించారు.

రోడ్లు వేసేందుకు, ఉద్యోగులకు వేతనాలు ఇచ్చేందుకు ప్రభుత్వం దగ్గర డబ్బులు లేవన్నారు. వైఎస్ఆర్ సంక్షేమ పాలనకు, జగన్ పాలనకు చాలా తేడా ఉందని వెల్లడించారు. అందరికీ సంక్షేమ పథకాలను అందించాలనే లక్ష్యంతో వైఎస్ఆర్ పనిచేశారని తెలిపారు. కానీ జగన్ మాత్రం సొంత ఎమ్మెల్యేలకు కూడా అపాయింట్మెంట్ ఇవ్వడం లేదని నిప్పులు చెరిగారు.

ప్రస్తుతం సబ్సిడీలు, పంటనష్టం పరిహారాలు ఏమీ ఇవ్వడం లేదని ఆరోపించారు. జగన్ పాలనలో యువతకు ఉద్యోగాలు రావడం లేదన్నారు. అధికారంలోకి రాకముందు ప్రతి ఏడాది జనవరి 1న జాబ్ క్యాలెండర్ విడుదల చేస్తానని మాటిచ్చారని…కానీ ఆ తర్వాత వాటిని విస్మరించారని తీవ్ర ఆగ్రహం వ్యక్తం చేశారు. ఖాళీగా ఉన్న పోస్టులకు నోటిఫికేషన్లు ఇచ్చారా? అని ప్రశ్నించారు.

ఇప్పుడు ఎన్నికల వేళ హడావుడిగా నోటిఫికేషన్లు ఇచ్చారని ఆరోపణలు చేశారు. టీడీపీ, వైసీపీ పార్టీలు బీజేపీకి బానిసలుగా మారాయన్నారు. పదేండ్లుగా కేంద్రంలోని బీజేపీ ప్రభుత్వం ఏ బిల్లు తెచ్చినా ఈ రెండు పార్టీలు మద్దతు ప్రకటించాయని విమర్శించారు. ముస్లింలకు రిజర్వేషన్‌లు కల్పించిన ఘనత వైఎస్‌ఆర్‌దేనని గుర్తు చేశారు. నేడు ముస్లింలు, క్రిస్టియన్లకు భరోసా లేదని తెలిపారు.

January 26, 2024 0 comment

Minister Kottu Satyanarayana: Doute their alliance till the end.. Minister satires..!

Andhra Pradesh Politics

Minister Kottu Satyanarayana: వారి పొత్తు చివరి వరకూ డౌటే.. మంత్రి సెటైర్లు..!

by Mano January 26, 2024

written by Mano

జనసేన(Janasena), టీడీపీ(TDP)ల పొత్తు చివరి వరకూ ఉంటారనేది అనుమానమేనని మంత్రి కొట్టు సత్యనారాయణ(Minister Kottu Satyanarayana) అన్నారు. పశ్చిమ గోదావరిలో ఆయన మాట్లాడుతూ.. జనసేన అధినేత పవన్ కళ్యాణ్ అధర్మాన్ని ఆశ్రయించారని ఎద్దేవా చేశారు. వచ్చే అసెంబ్లీ ఎన్నికల్లో జనసేన పోటీ చేసే రెండు స్థానాలను ఆ పార్టీ అధినేత పవన్‌కల్యాణ్ ప్రకటించారు.

టీడీపీ రెండు సీట్లు ప్రకటించిన తానూ రెండు స్థానాలను ప్రకటిస్తున్నట్లు పవన్ చెప్పారు. ఈ నేపథ్యంలో మంత్రి కొట్టు సత్యనారాయణ విమర్శలు గుప్పించారు. జనసేనాని పొత్తులో ఉన్నా ఎవరి దారి వారిదేనని విమర్శించారు. విహంగ వీక్షణ అంటే ప్రజలను గాలికి వదిలేస్తారా? పొత్తులు చివరివరకు ఉంటాయో? లేదో? అనేది చూడాల్సిందే అంటూ సెటైర్లు విసిరారు. పద్ధతి ప్రకారం సీఎం వైఎస్ జగన్ ముందుకు వెళ్తున్నారని అన్నారు.

మీ కుటుంబాలకు మేలు జరిగితే.. నాకు ఓటు వేయమని సీఎం అడుగుతున్నారని మంత్రి చెప్పుకొచ్చారు. చంద్రబాబు తాను చేసిన మోసాలు చూసి ఓటు వేయమని అడుగుతారా?, పవన్ ప్రజలను ఏమని ఓటు అడుగుతారు? అని మంత్రి ప్రశ్నించారు. అదేవిధంగా ఏపీసీసీ అధ్యక్షురాలు షర్మిలపై ఆయన విమర్శలు చేశారు. షర్మిలకు ఇంకా రాజకీయ పరిణతి లేదన్నారు.

ఆమె చంద్రబాబు ఉచ్చులో పడిపోయారని, తండ్రి ఆశయాలను గాలికి వదిలేసి చంద్రబాబు స్క్రిప్ట్ షర్మిల చదువుతున్నారంటూ మండిపడ్డారు. వైఎస్ రక్తం పంచుకుపుట్టిన షర్మిల లేనిపోని అబాండాలు సీఎం జగన్‌పై వేస్తున్నారని, రాష్ట్రానికి అన్నివిధాలుగా ద్రోహం చేసిన కాంగ్రెస్ పార్టీతో షర్మిల చేతులు కలిపారని ఆరోపించారు. ప్రజలకు ఇచ్చిన హామీలు నిలబెట్టుకున్నవారు ధర్మపక్షం ఉన్నట్లని మంత్రి కొట్టు అన్నారు.

January 26, 2024 0 comment

Newer Posts

Older Posts