Breaking News

ఢిల్లీ లిక్కర్ స్కాం(liquer scam) కేసులో ఊహించని పరిణామం చోటుచేసుకుంది. ఎమ్మెల్సీ కవిత (Mlc Kavita) తీసుకున్న నిర్ణయం ప్రస్తుతం పెను సంచలనంగా మారింది. మొన్నటివరకు ఎన్ ఫోర్స్ మెంట్ డైరెక్టరేట్ (ఈడీ) (Enforcement directorate) తనపై అక్రమంగా కేసును బనాయించి అరెస్టును చేసిందని ఆరోపించిన కవిత.. సుప్రీంకోర్టు (Supream court)లో సవాల్ చేస్తానని స్పష్టం చేసింది. ఈ క్రమంలోనే తన అరెస్టును సవాల్ చేస్తూ సుప్రీంకోర్టులో ఆమె తరఫు లాయర్లు రిట్ పిటిషన్ వేసిన విషయం తెలిసిందే.

అయితే, మంగళవారం తను వేసిన రిట్ పిటిషన్‌ను కల్వకుంట్ల కవిత విత్ డ్రా చేసుకున్నారు. ఈ విషయం పలు అనుమానాలకు తావిస్తోంది. అయితే, కవితను ఈడీ ఇప్పటికే అరెస్టు చేసినందున ఇప్పుడు రిట్ పిటిషన్‌ను విచారించి లాభం లేదని, అది నిరర్ధకంగా మారిందని ఆమె తరఫు లాయర్లు కోర్టుకు విన్నవించినట్లు తెలుస్తోంది. అందుకే తాము వేసిన రిట్ పిటిషన్‌ను వెనక్కి తీసుకుంటున్నట్లు ఎమ్మెల్సీ కవిత తరఫు లాయర్లు న్యాయమూర్తికి విన్నవించగా వారు అంగీకరించి.. కేసును 11 గంటలకు పాస్ ఓవర్ చేశారు.

ప్రస్తుతం కవిత ఈడీ కస్టడీలో ఉన్నారు. ఈనెల 15వ తేదిన ఈడీ అధికారులు హైదారాబాద్ లోని ఆమె నివాసంలో సోదాలు నిర్వహించి సాయంత్రం 5.30 గంటలకు అరెస్టు చేసి ఢిల్లీకి తరలించిన విషయం తెలిసిందే. 16వ తేదిన రౌస్ అవెన్యూ కోర్టులో హాజరు పరచగా కోర్టు వారం రోజుల పాటు కవితను ఈడీ కస్టడీకి అప్పగించింది. దీనికి తోడు సాయంత్రం 6 నుంచి 7 గంటల ప్రాంతంలో కుటుంబసభ్యులను కలుసుకునేందుకు టైం ఇవ్వడంతో పాటు ఇంటి నుంచి భోజనం తెప్పించుకునేందుకు అనుమతిని మంజూరు చేసింది.

అంతటితో ఆగకుండా కవిత భర్త అనిల్‌‌కు కూడా ఈడీ నోటీసులు పంపి విచారణకు హాజరు కావాలని ఆదేశించింది. కవిత లిక్కర్ స్కాంలో మనీలాండరింగ్‌కు పాల్పడటంతో పాటు సాక్ష్యాలను తుడిచిపెట్టే ప్రయత్నం చేసిందని ఆమెపై ఈడీ ప్రధాన అభియోగాలను మోపింది. లిక్కర్ స్కాంలో కీలక సూత్రధారి కవితే అని ఈడీ తరఫు న్యాయవాదులు రౌస్ అవెన్యూ కోర్టులో వాదనలు వినిపించారు.

తెలంగాణ రాష్ట్ర నూతన గవర్నర్‌(Telangana New Governer)గా సీ.పీ రాధాకృష్ణన్‌ (C.P.Radakrishnan) నియమితులయ్యారు.ఈ మేరకు భారత రాష్ట్రపతి ద్రౌపదీ ముర్ము (India president Droupadi murmu) ఆయన్ను నియమిస్తూ ఉత్తర్వులు జారీచేశారు. ప్రస్తుతం ఈయన ఝార్ఖండ్ గవర్నర్‌గా పనిచేస్తున్నారు. అంతేకాకుండా పుదుచ్చేరి లెఫ్టినెంట్ గవర్నర్‌‌గా కూడా ఆయనకు అదనపు బాధ్యతలు అప్పగిస్తూ రాష్ట్రపతి ఆర్డర్స్ పాస్ చేశారు.

తెలంగాణ నూతన గవర్నర్‌గా నియామకమైన సీపీ రాధాకృష్ణన్ నేపథ్యం చూసుకుంటే ఆయన కూడా ఒక రాజకీయ నాయకుడు. గతంలో తమిళనాడులోని కోయంబత్తూరు నుంచి ఎంపీగా ఎన్నికయ్యారు. తమిళనాడు భారతీయ జనతా పార్టీ రాష్ట్ర అధ్యక్షుడిగా పనిచేశారు. ఆయన 12 ఫిబ్రవరి 2023లో ఝార్ఖండ్ గవర్నర్‌గా అపాయింట్ అయ్యారు. తాజాగా మాజీ గవర్నర్ తమిళి సై స్థానంలో తెలంగాణ గవర్నర్‌గా, పుదుచ్చేరి లెఫ్టినెంట్ గవర్నర్‌గా బాధ్యతలు చేపట్టనున్నారు.

నిన్నటివరకు తెలంగాణ గవర్నర్‌గా కొనసాగిన తమిళి సై సౌందర్ రాజన్ సోమవారం తన పదవికి రాజీనామా చేసిన విషయం తెలిసిందే.వెంటనే రాజీనామా లేఖను రాష్ట్రపతికి పంపించగా ద్రౌపదీ ముర్ము దానిని ఆమోదించారు. క్రియాశీల రాజకీయాల్లోకి వెళ్లేందుకు తమిళి సై ఆసక్తి చూపిస్తున్న నేపథ్యంలో ఆమె గవర్నర్ పదవికి రాజీనామా చేశారని తెలిసింది.

వచ్చే పార్లమెంట్ ఎన్నికల్లో తమిళనాడులోని చెన్నై సౌత్, తిరునల్వేలి, కన్యాకుమారిలోని ఏదో ఒక నియోజకవర్గం నుంచి లోక్‌సభకు పోటీ చేయనున్నట్లు సమాచారం. ఇదే విషయంపై మీడియా ప్రతినిధులు ఆమెను ప్రశ్నించగా సమాధానం దాటవేశారని తెలిసింది.

ఢిల్లీ లిక్కర్ స్కాం(Delhi Liquer scam) కేసులో అరెస్టై మండోలి జైలులో శిక్ష అనుభవిస్తున్న సుఖేశ్ చంద్రశేఖర్ (Sukesh chandra shekar) మరో లేఖ(Letter Release)ను విడుదల చేశారు. ఇందులో ఎమ్మెల్సీ కవిత(Kavitha), ఢిల్లీ సీఎం కేజ్రీవాల్ (Cm Kejiriwal) గురించి సంచలన ఆరోపణలు చేశారు. త్వరలోనే వీరిద్దరూ తీహార్ జైలుకు వస్తారని, ఇప్పటికే వీరికి వ్యతిరేకంగా సాక్ష్యాలు సిద్ధమయ్యాయని అందులో పేర్కొన్నారు.ఇన్ని రోజులు అబద్ధపు సాక్ష్యాలు, అక్రమ అరెస్టులు అంటూ కవితక్క చేసిన ఆరోపణలు అన్నీ నిజం కాబోతున్నాయి. నిజం గెలవబోతున్నదని సుఖేశ్ స్పష్టంచేశారు. మండోలి జైలు నుంచి సుఖేశ్ విడుదల చేసిన లేఖలోని ముఖ్యమైన అంశాలను ఒక్కసారి పరిశీలిద్దాం.

ఢిల్లీ లిక్కర్ కుంభకోణంలో కవితపై ఆది నుంచి సుఖేశ్ ఆరోపిస్తున్నారు. అందుకు సంబంధించి కవిత, సుఖేశ్ మధ్యలో జరిగిన వాట్సాప్ చాటింగ్ స్క్రీన్ షాట్స్ ఆయన గతంలోనే విడుదల చేసి సంచలనం సృష్టించారు. సౌత్ గ్రూపు పేరుతో లిక్కర్ సిండికేట్ క్రియేట్ చేశారని, కవిత గ్రూపులోని వారికి అనుకూలంగా మద్యం పాలసీని తయారు చేసినందుకు గాను ఢిల్లీ ప్రభుత్వంలోని పెద్దలకు రూ.100 కోట్లు ముడుపులు అక్రమ మార్గంలో అందాయని సుఖేశ్ గతంలోనే పేర్కొన్నారు.మద్యం పాలసీని రూపొందించిన ఢిల్లీ మాజీ డిప్యూటీ సీఎం మనీష్ సిసోడియా ఈ కేసులో అరెస్టై జైలులో ఉన్నారు.

తాజాగా సుఖేశ్ విడుదల చేసిన లేఖలో.. ‘కవితక్క అరెస్టు ద్వారా అవినీతి రారాజు కేజ్రీవాల్ సహా అవినీతి సహచరులందరి పేర్లు బట్టబయలు కాబోతున్నాయి.నిజమే గెలిచింది, ఫేక్ కేసులు, బూటకపు ఆరోపణలు, రాజకీయ కక్షసాధింపులు అని ఆరోపణ చేసిన మీకు మీ కర్మలన్నీ నీకే తిరిగి వస్తున్నాయంటూ కవితను ఉద్దేశించి వ్యాఖ్యానించారు. మొన్నటి అసెంబ్లీ ఎన్నికల్లో తెలంగాణలో బీఆర్ఎస్ను అధికారం నుంచి తెలంగాణ ప్రజలు దించేశారు.కవితక్క తీహార్ జైల్‌కి రావడానికి కౌంట్ డౌన్ స్టార్ట్ అయింది. సింగపూర్, హాంకాంగ్, జర్మనీలో నువ్వు నీ పార్టీ దోచుకుని దోచుకుని దాచిన రూ. వేల కోట్లు అన్ని బయటకు వస్తాయి.

ఎవరి గురించి నేను ఈ వ్యాఖ్యలు చేస్తున్నానో మీరు, మీ సంబంధిత వ్యక్తులు అర్థం చేసుకున్నారని నేను కచ్చితంగా అనుకుంటున్నాను.
కవితక్క మీ నెయ్యి డబ్బా కథలు, రేంజ్ రోవర్ కలెక్షన్ కథలు, గోవా కథలు, కాంట్రాక్ట్ కథనాలు, గత సంవత్సరం నేను షేర్ చేసిన వాట్సాప్ స్క్రీన్ షాట్‌ల ప్రకారం దర్యాప్తు జరుగుతోంది.ముందు చెప్పినట్లుగా అవినీతిలో మీ ప్రమేయం ఉన్నట్లు నేను బయటపెట్టినా మీరు ఎప్పుడు నాకు అక్కగానే ఉంటారు.మీకు (కవిత)కు హృదయపూర్వకంగా నేనొక సలహా ఇస్తున్నాను. ఇప్పటికీ అన్ని దాచిపెట్టి ఈ కుంభకోణం కింగ్ ఫిన్ & గాడ్ ఫాదర్ అయిన అరవింద్ కేజ్రీవాల్‌ను రక్షించడానికి ప్రయత్నించడం వల్ల ప్రయోజనం లేదు.

ఈ దేశ ప్రజలకు, కోర్టులకు అందరికీ నిజం తెలుసు. మీ అవినీతిని నిరూపించడానికి తగిన సాక్ష్యాలు ఉన్నాయి.ఏదేమైనా త్వరలోనే ఈడీ,సీబీఐ వద్ద చట్ట ప్రకారం విచారణకు ఎదుర్కొనేందుకు మిమ్మల్ని కలుస్తాను అక్క. తిహార్ జైలు మీరు సుదీర్ఘంగా ఉండటం కోసం విలాసవంతమైన భవనం. మీకోసం తీహార్ జైల్లో మీ మరో సోదరుడు అవినీతి చక్రవర్తి అరవింద్ కేజ్రీవాల్ కోసం అన్ని ఏర్పాట్లు చేశారని నేను అనుకుంటున్నాను.

నా ప్రియమైన కేజ్రీవాల్ మీరు ఎంత ప్రయత్నించినా ఇప్పుడు మీ అబద్ధాలు డ్రామాలన్నిటికీ ఇది క్లైమాక్స్‌గా మారబోతోంది. నా ప్రియమైన కేజ్రీవాల్ జీ నీ సొంత తీహర్ జైలులో ఉన్న సోదరులు,సోదరిమనుల వద్దకు మీరు కూడా త్వరగా రండి’ అంటూ సుఖేశ్ సంచలన కామెంట్స్ చేశారు.