Breaking News

మేడారం (Medaram) సమక్క సారలమ్మ జాతర ప్రారంభానికి ముందే భక్తుల తాకిడి భారీగా పెరిగింది. పెద్ద సంఖ్యలో తరలివస్తున్న వాహనాలతో ప్రధాన దారులన్నీ కిక్కిరిసి పోతున్నాయి. ఇదే సమయంలో భక్తుల పర్సు ఖాళీ చేయడానికి టోల్ గేటు సిబ్బంది సిద్దం అయ్యినట్లుగా ఆరోపణలు వస్తున్నాయి. దర్శనానికి వచ్చే భక్తులు టోల్‌, పర్యావరణ ఛార్జీ, పార్కింగ్‌ రుసుముల వసూళ్లతో బెంబేలెత్తుతున్నారు.

మరోవైపు జాతీయ రహదారుల వెంట సాధారణంగా 50 కిలోమీటర్ల పరిధిలో ఒక టోల్‌గేట్‌ ఉంటుంది. కానీ మేడారంలో సమ్మక్క, సారలమ్మ (Sammakka Saralamma) దర్శించుకునేందుకు వాహనాల్లో వచ్చే భక్తుల నుంచి టోల్‌తో పాటు పర్యావరణ ఛార్జీ, పార్కింగ్‌ రుసుములు వసూలు చేయడం విమర్శలకు దారితీస్తోంది. దీంతో 45 కిలోమీటర్ల పరిధిలోనే మూడు చోట్ల ఛార్జీలు చెల్లించాల్సి వస్తోందని భక్తులు వాపోతున్నారు..

ఇప్పటికే సమక్క, సారలమ్మ జాతరకు భారీగా ప్రైవేట్ వాహనాలు క్యూ కడుతున్నాయి. ఈ క్రమంలో పార్కింగ్‌, టోల్ రుసుములతో పాటు అటవీశాఖ ప్రత్యేక తనిఖీ కేంద్రాలు ఏర్పాటు చేసి పర్యావరణ పరిరక్షణ ఛార్జీలు వసూలు చేస్తోంది. మరోవైపు అటవీ ప్రాంతాన్ని పరిశుభ్రంగా ఉంచేందుకు.. వన్యప్రాణుల రక్షణకు వినియోగించేందుకు ఈ రుసుమును వసూలు చేస్తున్నట్లు అధికారులు వివరణ ఇచ్చుకొంటున్నారు..

ఇక వరంగల్‌ (Warangal) నుంచి మేడారం వెళ్ళేవారు మూడుచోట్ల రుసుములు చెల్లించాల్సి ఉండగా.. హైదరాబాద్‌ (Hyderabad) నుంచి వచ్చే వారికి మరో మూడు టోల్‌గేట్లు అదనంగా ఉండటంతో భక్తుల జేబులకు భారీగా చిల్లులుపడుతున్నాయని ఆందోళన వ్యక్తం చేస్తున్నారు. మరోవైపు జాతరకు వచ్చే వాహనాల వల్ల తనిఖీ కేంద్రాల వద్ద ట్రాఫిక్‌ సమస్యలు ఉత్పనమయ్యే ప్రమాదం ఉంది. దీంతో జాతర పూర్తయ్యే వరకైనా టోల్‌ వంటి వాటిని నిలిపివేస్తే తమకు కాస్త ఊరట కలుగుతుందని భక్తులు కోరుతున్నారు.. వారి అభ్యర్థనకు స్పందించాలని ప్రభుత్వానికి విజ్ఞప్తి చేస్తున్నారు..

– కేటీఆర్ కు పరువు నష్టం నోటీసు
– 7 రోజుల్లో వివరణ ఇవ్వాలన్న మాణిక్కం ఠాగూర్
– పీసీసీ పదవి చుట్టూ రగిలిన వివాదం
– రేవంత్ రెడ్డికి అమ్మేశారని బీఆర్ఎస్ నేతల ఆరోపణలు
– మాణిక్కం నోటీసుపై కేటీఆర్ కౌంటర్
– కోమటిరెడ్డి వ్యాఖ్యల్నే చెప్పానన్న మాజీ మంత్రి
– ముందు నోటీసు ఆయనకు పంపాలని సూచన
– ఇప్పటికే ఈ కేసులో మదురై కోర్టుకు హాజరైన కౌశిక్ రెడ్డి, సుధీర్ రెడ్డి

మాణిక్కం ఠాగూర్ (Manickam Tagore).. ప్రస్తుతం ఏపీ కాంగ్రెస్ ఇంఛార్జ్. కానీ, తెలంగాణ (Telangana) రాజకీయాల్లో ఈయన పేరు అప్పుడప్పుడూ మార్మోగుతుంటుంది. గతంలో టీపీసీసీ ఇంఛార్జ్ గా పని చేయడమే అందుకు కారణం. ఆ సమయంలో ఒంటెద్దు పోకడలతో వ్యవహరించారని.. టీపీసీసీ చీఫ్ పదవిని అమ్ముకున్నారనే ఆరోపణలు వచ్చాయి. కొందరు నేతలు కాంగ్రెస్ (Congress) ను వీడుతూ ఠాగూర్ ను లక్ష్యంగా చేసుకుని విమర్శలు చేశారు. ఆ తర్వాత ఈయన్ను ఇంఛార్జ్ పదవి నుంచి తప్పించింది హైకమాండ్. మాణిక్కం ప్లేస్ లో మాణిక్ రావు థాక్రే వచ్చారు. అందరూ కలిసి కాంగ్రెస్ ను అధికారంలోకి తీసుకొచ్చారు. అయితే.. తనపై బీఆర్ఎస్ (BRS) నేతలు చేసిన విమర్శలను సీరియస్ గా తీసుకున్న ఆయన.. పరువు నష్టం దావా వేస్తూ వస్తున్నారు. తాజాగా మాజీ మంత్రి కేటీఆర్ (KTR) కు కూడా నోటీసు పంపారు.

‘కొడుకు’ అని అంటూ నోటీసులు

బీఆర్ఎస్ ఎమ్మెల్యే కేటీఆర్‌ ను ‘కొడుకు’ అని సంబోధిస్తూనే మాణిక్కం ఠాగూర్ షాక్ ఇచ్చారు. పరువు నష్టం నోటీసు పంపినట్టు తెలిపారు. కేటీఆర్ తన ఫాంహౌస్‌ లో ఉల్లాసంగా గడుపుతూ ఉండొచ్చు కానీ.. 7 రోజుల్లో నోటీసుపై స్పందించాలని సెటైర్లు వేశారు. కేటీఆర్ 7 రోజుల్లో స్పందించకపోతే కోర్టుకు వెళ్తామని స్పష్టం చేశారు. నోటికొచ్చినట్లు మాట్లాడితే ఊరుకునేది లేదన్నారు. పీసీసీ చీఫ్ గా రేవంత్ రెడ్డి ఎంపిక విషయంలో మాణిక్యం ఠాగూర్ పై బీఆర్ఎస్ నేతలు అవినీతి ఆరోపణలు చేశారు. రూ.50 కోట్లకు అమ్మేశారని అన్నారు. దీంతో ఆయన పరువు నష్టం నోటీసులు పంపిస్తున్నారు.

మాణిక్కం నోటీసులపై కేటీఆర్ రిప్లై

మీడియాలో వచ్చిన రూ.50 కోట్ల లంచం వార్తలనే తాను ప్రస్తావించానని కేటీఆర్ రిప్లై ఇచ్చారు. బుధవారం ఎక్స్ (ట్విట్టర్) లో ఠాగూర్‌ పై మండిపడ్డారు. ఆయన అయోమయంలో ఉన్నారన్నారు. తన తోటి కాంగ్రెస్ నాయకుడు, మంత్రి కోమటిరెడ్డి వెంకటరెడ్డి బహిరంగంగానే రేవంత్ రెడ్డి మీకు రూ.50 కోట్లు ఇచ్చి పీసీసీ పదవి కొనుక్కున్నారని చెప్పిన మాట గుర్తు చేశానని చెప్పారు. కోమటిరెడ్డి మీపై చేసిన ఆరోపణలను ఇప్పటిదాకా వెనక్కి తీసుకోలేదన్నారు. తాను చేసిన రూ.50 కోట్ల లంచం వ్యాఖ్యల‌పైన వివరణ కూడా ఇవ్వలేదని చెప్పారు. మీ పరువు నష్టం నోటీసు కోమటిరెడ్డికి కూడా పంపిస్తే బాగుంటుందని సూచించారు. తన చిరునామాకు కాకుండా మీ ప్రభుత్వంలో సచివాలయంలో కూర్చున్న ఆయన కార్యాలయానికి పంపించండని సెటైర్లు వేశారు కేటీఆర్.

ఇప్పటికే కోర్టుకు హాజరైన కౌశిక్, సుధీర్

ఇలాంటి ఆరోపణలకు సంబంధించి.. ఇప్పటికే ఎమ్మెల్యేలు కౌశిక్ రెడ్డి, సుధీర్ రెడ్డి కోర్టుకు వెళ్లారు. వారికి వారెంట్ జారీ కావడంతో జనవరి పదో తేదీన మదురై కోర్టుకు హాజరయ్యారు. ఇందుకు సంబంధించిన ఫొటోలను అప్పట్లో మాణిక్కం ఠాగూర్ ఎక్స్ (ట్విట్టర్ ) లో పోస్ట్ చేశారు. బీఆర్ఎస్ నాయకులు తనపై చేసిన తప్పుడు ఆరోపణల మీద మదురై కోర్టులో పరువు నష్టం కేసు వేశానని.. తనపై వచ్చిన ప్రతి ఆరోపణ పైనా చట్టపరమైన చర్యలు తీసుకుంటానని హెచ్చరించారు. ఇదే క్రమంలో కేటీఆర్ నోటీసు పంపారు.

పార్లమెంటు ఎన్నికలు పూర్తి అయ్యేవరకు కాంగ్రెస్ అధిష్టానం వ్యూహాత్మకంగా వ్యవహరిస్తున్నట్లుగా తెలుస్తోంది. ఇప్పటికే కీలక నిర్ణయాల్లో సైతం తన మార్క్ చూపిస్తూ.. హస్తాన్ని ఆధీనంలో ఉంచుకొన్న సీఎం రేవంత్ రెడ్డి.. కాంగ్రెస్ పెద్దల మనసులో బలంగా నాటుకుపోయారన్న టాక్ వినిపిస్తోంది. ఈ సమయంలో సీఎం తీసుకునే నిర్ణయాల్లో ఎన్ని ఒత్తిడులు ఎదురైన కొంత కాలం వరకు జోక్యం చేసుకోక పోవడమే ఉత్తమం అనే భావనకు పెద్ద లీడర్లు వచ్చినట్లు తెలుస్తోంది.

రాష్ట్రం నుంచి రేవంత్ రెడ్డి కాంగ్రెస్ (Congress)లో లేకుంటే తెలంగాణ (Telangana)లో ఆ పార్టీ పరిస్థితి ఇప్పటికి ఏటికి ఎదురు ఈదుతున్న నావలా ఉండేదని.. కేసీఆర్ ఇచ్చిన షాక్ నుంచి ఇంకా పది సంవత్సరాలైన కొలుకోక పోయే వాళ్ళమని అధిష్టానం ఫిక్స్ అయినట్లుగా తెలుస్తోంది. అందుకే పార్లమెంటు ఎన్నికల వరకు పీసీసీని మార్చేది లేదని ఐఏసీసీ కీలక నేతలు స్పష్టం చేసినట్లు ప్రచారం జరుగుతోంది.

ఈ నేపథ్యంలో రేవంత్ రెడ్డి (Revanth Reddy) అప్పటి వరకు ముఖ్యమంత్రిగాను, పీసీసీ అధ్యక్షుడిగా డబుల్ యాక్షన్ చేయడం తప్పనిసరని అనుకొంటున్నారు. మామూలుగా ఏ రాష్ట్రంలో అయినా కాంగ్రెస్ అధికారంలోకి రాగానే పీసీసీ (PCC) అధ్యక్షుడిగా ఉన్న నేత, ముఖ్యమంత్రిగా బాధ్యతలు తీసుకోగానే, వెంటనే పార్టీ అధ్యక్షపదవికి రాజీనామా చేసేస్తారు. అయితే ఇక్కడ మాత్రం అలా జరగడం లేదు..

తెలంగాణలో బలంగా నిలదొక్కుకోవాలంటే కొంతకాలం రేవంత్ నే అధ్యక్షుడిగా కూడా కంటిన్యు చేయాలని అధిష్ఠానం డిసైడ్ చేసినట్లు టాక్ వినిపిస్తోంది. రేవంత్ ప్లేసులో ఇంకెవరున్నా పార్టీకి ఊపొచ్చేది కాదు అధికారంలోకి వచ్చేది కాదన్న గట్టి నమ్మకం కాంగ్రెస్ అధిష్టానంలో బలంగా నాటుకుపోవడం వల్ల . ఎవరు రేవంత్ ను డిస్ట్రబ్ చేసేందుకు లేదని సూచించిందని అనుకొంటున్నారు..

మరోవైపు కొత్త పీసీసీ అధ్యక్షుడిని నియమిస్తే.. అతను ఒక జాబితా ఇచ్చి, రేవంత్ మరొకరిని ప్రతిపాదించిన పక్షంలో నానా గొడవలవుతాయని అధిష్టానం ఆలోచించిందట. అందుకనే పార్లమెంటు ఎన్నికలు అయ్యేవరకు రేవంతే పార్టీ అధ్యక్షుడిగా కంటిన్యు అయితే ఎలాంటి సమస్యలు ఉండవనే భావనలో ఉన్నారని పార్టీవర్గాల నుంచి సవమాచారం..