Breaking News

అసెంబ్లీ ఎన్నికల్లో (Assembly Elections) దక్కించుకొన్న విజయోత్సాహంతో, పార్లమెంట్ ఎన్నికలకు (Parliament Elections) సిద్దం అవుతోన్న కాంగ్రెస్ (Congress) తమ వ్యూహాలకు పదును పెడుతోన్నట్టు తెలుస్తోంది. ఈ క్రమంలో కాంగ్రెస్ అగ్రనేత రాహుల్ గాంధీ ‘భారత్ జోడో న్యాయ్’ యాత్రకు సిద్దం అయ్యారు.. ఈ యాత్రను అధ్యక్షుడు మల్లిఖార్జున ఖర్గే. అల్లర్లు చెలరేగిన మణిపుర్​ నుంచి శ్రీకారం చుట్టారు..

గత ఏడాది కన్యాకుమారి నుంచి కశ్మీర్ వరకు భారత్ జోడో పేరుతో సుమారు 4వేల కిలోమీటర్లు నడిచిన రాహుల్, ఈసారి మణిపుర్‌ నుంచి ముంబయి వరకు సుమారు 6 వేల 713 కిలోమీటర్లు యాత్ర చేపట్టడం రాజకీయాల్లో ఆసక్తికరంగా మారింది. కాంగ్రెస్ కు పూర్వవైభవం తీసుకు రావలనే సంకల్పంతో రాహుల్ గాంధీ (Rahul Gandhi) ముందుకు సాగుతోన్నట్టు ప్రచారంలో ఉంది.

మరోవైపు ‘భారత్ జోడో న్యాయ్’ యాత్ర (Bharat Jodo Nyay Yatra)ను.. తౌబాల్ జిల్లాలోని ఓ ప్రైవేటు మైదానంలో కాంగ్రెస్ అధ్యక్షుడు మల్లికార్జున్ ఖర్గే, పార్టీ అగ్రనేతలు జెండా ఊపి ప్రారంభించారు. ఈ యాత్ర హైబ్రిడ్ పద్ధతిలో చాలా వరకు బస్సులో, కొంతమేర పాదయాత్ర ద్వారా కొనసాగనుందని తెలుస్తోంది. ధరల పెరుగుదల, నిరుద్యోగం, సామాజిక న్యాయం వంటి అనేక అంశాలను ఈ యాత్రద్వారా ప్రజల్లోకి తీసుకు వెళ్ళే ఆలోచనలో అధిష్టానం ఉన్నట్టు తెలుస్తోంది.

మరోవైపు గత కొన్ని రోజులుగా మణిపూర్ రగులుతోందని.. ప్రధాని మోదీ ఎందుకు రాలేదని రాహుల్ ప్రశ్నించారు. తాము మణిపూర్ ప్రజల భాదను అర్థం చేసుకున్నామని.. మళ్లీ ప్రశాంతత మణిపూర్ ను తిరిగిచ్చేస్తానని అక్కడి ప్రజలకు మాటిచ్చారు. బీజేపీ, ఆర్ఎస్ఎస్ దేశంలో విద్వేషాలను రెచ్చగొడుతున్నాయని మండిపడ్డారు..

అయితే ‘భారత్‌ జోడో’ యాత్ర మాదిరిగానే ఇదికూడా ప్రయోజనం కలిగిస్తుందని పార్టీ వర్గాలు ఆశపెట్టుకొన్నట్టు టాక్ వినిపిస్తోంది. ఈ నేపథ్యంలో మొత్తం 15 రాష్ట్రాల్లోని 100 లోక్ సభ నియోజకవర్గాల్లో సాగే భారత్ జోడో న్యాయ్ యాత్ర.. 67 రోజుల్లో 110 జిల్లాలు, 337 శాసనసభ నియోజకవర్గాల్లో 6 వేల 713 కిలోమీటర్లు చుట్టి వస్తోంది. మార్చి 20 లేదా 21 తేదీల్లో ముంబయిలో ముగింపు కానుందని సమాచారం..

అయోధ్య (Ayodhya) రామ మందిరం గురించి, రామ మందిర ప్రారంభోత్సవం గురించి నలుగురు శంకారాచార్యులు సంచలన వ్యాఖ్యలు చేసిన సంగతి తెలిసిందే.. ఈ రామ మందిర ప్రారంభోత్సవానికి తాము హాజరుకామని వెల్లడించిన విషయం చర్చాంశనీయంగా మారింది. వీరి వ్యాఖ్యలపై కేంద్ర మంత్రి (Union Minister) నారాయణ్ రాణే విమర్శలు గుప్పించారు. మంచి కోసం చేస్తున్న పనిని ఆశీర్వదించవలసింది. కానీ ఇలా విమర్శలు చేయడం సరికాదని తెలిపారు..

మహారాష్ట్ర (Maharashtra) పాల్‌ఘర్‌లో విలేకరులతో మాట్లాడిన నారాయణ్ రాణే (Narayan Rane).. రామ మందిరం నిర్మాణాన్ని.. రాములోరీ విగ్రహ ప్రతిష్టాపన వేడుకని శంకరాచార్యులు రాజకీయ కోణంతో చూస్తున్నారని ఆరోపించారు. బీజేపీ ప్రభుత్వంలో, ప్రధాని మోడీ కృషివల్ల ఇంతటి మహత్తరమైన కార్యక్రమం జరుగుతోన్న వేళ ఈ అంశాన్ని రాజకీయం చేయవద్దని కోరారు.. రామమందిరం రాజకీయాల ఆధారంగా కాకుండా మత విశ్వాసాల మీద నిర్మించారని.. రాముడు ఎప్పటికీ మా దేవుడని తెలిపారు.

హిందూ మతానికి శంకరాచార్యులు సహకారం అందించాలని కోరారు. ఎవరు ఎన్ని విమర్శలు చేసిన దైవ కార్యం ఆగదని తెలిపారు.. మరోవైపు రాష్ట్రపతి ద్రౌపది ముర్ము రామమందిరాన్ని ప్రారంభించాలని శివసేన ( UBT) చీఫ్ ఉద్ధవ్ థాక్రే డిమాండ్ చేయడంపై నారాయణ్ రాణే స్పందించారు. ఉద్యోగం లేని, ఇంట్లో కూర్చున్న వ్యక్తి గురించి తాను మాట్లాడబోనని సమాధానం చెప్పారు.

థాక్రే వర్గానికి చెందిన ఎనిమిది మంది ఎమ్మెల్యేలు, బీజేపీతో టచ్‌లో ఉన్నట్టు తెలిపారు.. ఇదిలా ఉండగా నారాయణ్ రాణే వ్యాఖ్యలపై మహారాష్ట్ర కాంగ్రెస్ అధికార ప్రతినిధి అతుల్ లోంధే స్పందించారు. హిందూ మతాన్ని, దాని ఆధ్యాత్మిక అధిపతులను నారాయణ్ అవమానించారని విమర్శించారు. ఆయనకు హిందూ మతం గురించి సరిగా తెలియదని విమర్శించారు..

ఢిల్లీ మద్యం కుంభకోణం (Delhi Liquor Scam) కేసు మళ్ళీ తెరపైకి వచ్చింది. ఈ క్రమంలో ఢిల్లీ సీఎం అరవింద్ కేజ్రీవాల్ (Arvind Kejriwal)కి ఈడీ (ED) మళ్లీ సమన్లు పంపింది. మద్యం కేసులో మనీలాండరింగ్‌కు సంబంధించి జనవరి 18న విచారణకు హాజరు కావాలని పేర్కొంది. ఈడీ ఇప్పటికే మూడుసార్లు సమన్లు జారీ చేసినా ఢిల్లీ సీఎం విచారణకు హాజరుకాలేదు. దీంతో తమ ఎదుట హాజరు కావాలని దర్యాప్తు సంస్థ నాలుగోసారి ఆదేశాలు జారీ చేసింది.

మరోవైపు లోక్ సభ ఎన్నికలకు ముందు కేంద్రం తమ నేతని ఇబ్బంది పెట్టాలని చూస్తోందని ఆమ్ ఆద్మీ పార్టీ (Aam Aadmi Party) నేతలు ఆరోపిస్తున్నారు. అయితే ఈ ఆరోపణల్ని ఖండించిన బీజేపీ (BJP).. సాధారణంగా మూడు సార్లు సమన్లు జారీ చేశాక ఈడీకి అరెస్ట్ చేసే అధికారం ఉంటుందని పేర్కొన్నారు.. ఈ క్రమంలో ఈడీ తీసుకునే చర్యలపై రాజకీయ వర్గాల్లో ఆసక్తి నెలకొంది. కేజ్రీవాల్ ని అరెస్ట్ చేస్తారనే ఊహాగానాలు మళ్ళీ వినిపిస్తున్నాయి..

ఇప్పటికే ఢిల్లీ లిక్కర్ స్కాంకి సంబంధించిన కేసులో మాజీ ఉప ముఖ్యమంత్రి మనీష్ సిసోడియా (Manish Sisodia) జైల్లోనే ఉన్నారు. ఆప్ రాజ్యసభ ఎంపీ సంజయ్ సింగ్ ను అక్టోబర్‌లో ఈడీ అధికారులు అదుపులోకి తీసుకున్నారు. వీరితో పాటు అనేక మంది పార్టీ నేతలు జైలు శిక్ష అనుభవిస్తున్నారు. మరోవైపు ఈ కేసులో బీఆర్ఎస్ (BRS) ఎమ్మెల్సీ కవిత పేరు తెరపైకి వచ్చినా.. ఇంతవరకు చర్యలు తీసుకోవడం లేదనే ఆరోపణలున్నాయి..

ఇక మద్యం కుంభకోణంకు సంబంధించి రాజకీయ నాయకులు, లిక్కర్ వ్యాపారులు, పలు లిక్కర్ కంపెనీల నుంచి ఆప్ పార్టీ నేతలకు వందల కోట్ల రూపాయలు ముడుపులు అందాయనే ఆరోపణలున్నాయి. ఈ క్రమంలో ప్రైవేట్ వ్యక్తులకు అనుకూలంగా.. ఢిల్లీ ప్రభుత్వం కొత్త మద్యం పాలసీ అమలు చేసిందన్నదని జోరుగా ప్రచారం జరిగింది. కాగా ఈ అవినీతి, అక్రమాల్లో దక్షిణాదికి చెందిన పలువురు రాజకీయ నాయకులతో పాటు వారి సన్నిహితులకు కూడా సంబంధం ఉందని దర్యాప్తు సంస్థలు చార్జిషీట్లలో పేర్కొన్న విషయం తెలిసిందే..