Business

వారం రోజులుగా విదేశీ మారకద్రవ్య నిల్వలు(Foreign exchange reserves) తగ్గుముఖం పట్టాయి. అయినా భారత్(Bharath) ఖజానాలో విపరీతమైన పెరుగుదల కనిపించింది. 10 నుంచి 11 నెలల్లో రూ.4లక్షల కోట్లకు పైగా విదేశీ మారక నిల్వలు పెరిగాయి. రానున్న రోజుల్లో ఈ నిల్వలు పెరిగే అవకాశమున్నట్లు తెలుస్తోంది. ప్రస్తుతం దేశ విదేశీ మారకద్రవ్య నిల్వలు 28 బిలియన్ డాలర్లు తక్కువగానే ఉన్నాయి.

భారత్ ప్రస్తుత ఆర్థిక సంవత్సరంలో విదేశీ మారకద్రవ్య నిల్వలో విపరీతమైన పెరుగుదల ఉంది. రిజర్వ్ బ్యాంక్ ఆఫ్ ఇండియా (RBI) శుక్రవారం విడుదల చేసిన గణాంకాల ప్రకారం ప్రస్తుత ఆర్థిక సంవత్సరంలో విదేశీ మారక నిల్వలు 50.28 బిలియన్ డాలర్లు పెరిగాయి. పాకిస్థాన్ వద్ద మొత్తం 13 బిలియన్ డాలర్ల విదేశీ మారకద్రవ్య నిల్వలు ఉన్నాయి. భారత్ విదేశీ మారకద్రవ్య నిల్వలు ఎంత బలపడ్డాయో ఇప్పుడు అర్థం చేసుకోవచ్చు.

రిజర్వ్ బ్యాంక్ డేటా ప్రకారం, కరెన్సీ నిల్వల్లో ముఖ్యమైన భాగంగా పరిగణించబడే విదేశీ కరెన్సీ ఆస్తులు ఫిబ్రవరి 2తో ముగిసిన వారంలో 4.07 బిలియన్ డాలర్లు తగ్గి 546.52 బిలియన్ డాలర్లకు చేరుకున్నాయి. దీంతో ఈ ఏడాది ఇప్పటివరకు రూపాయి అత్యుత్తమ ఆసియా కరెన్సీగా నిలిచింది. మొత్తం నిల్వలలో క్షీణత విదేశీ కరెన్సీ ఆస్తులలో పదునైన క్షీణత కారణంగా ఉంది.

ఫిబ్రవరి 9తో ముగిసిన వారంలో దేశ విదేశీ మారకద్రవ్య నిల్వలు క్షీణించాయి. ఈ తగ్గుదల 5.24 బిలియన్ డాలర్లు అంటే రూ.43వేల కోట్లకు చేరుకుంది. ఆ తర్వాత దేశ విదేశీ మారకద్రవ్య నిల్వలు 617.23 బిలియన్ డాలర్లుగా ఉన్నాయి. దీనికి వారం ముందు మొత్తం విదేశీ మారకద్రవ్య నిల్వలు 622.5 బిలియన్ డాలర్లు. 2021 అక్టోబర్‌లో దేశ విదేశీ మారక నిల్వలు జీవితకాల గరిష్ఠ స్థాయి 645 బిలియన్ డాలర్లకు చేరాయి.

సోషల్ మీడియా దిగ్గజం ఎక్స్(X) ప్రవేశపెట్టిన పెయిడ్ సబ్‌స్ర్కిప్షన్‌లో ఉగ్రవాదులకూ బ్లూటిక్ ఇచ్చినట్లు ఆరోపణలు వినిపిస్తున్నాయి. ది టెక్ ట్రాన్స్‌పరెన్సీ ప్రాజెక్టు (TTP) అనే సంస్థ ఈ విషయాలను వెలుగులోకి తెచ్చింది. అమెరికా భూభాగంపై కార్యకలాపాలను నిర్వహించడంపై నిషేధం ఎదుర్కొంటున్న హెజొబొల్లా వంటి సంస్థలు కూడా వీటిల్లో ఉన్నట్లు వెల్లడించింది.

నెలకు 8 డాలర్లను చెల్లిస్తే బ్లూటిక్ లభిస్తుంది.. దీంతోపాటు సుదీర్ఘ పోస్టు పెట్టడానికి, మెరుగైన ప్రమోషన్‌కు ఇది ఉపయోగపడుతుంది. ట్విటర్‌ను కొనుగోలు చేశాక బ్లూటిక్ కోసం సొమ్ము వసూలు చేయాలన్నది మస్క్ (Elon Musk) తీసుకొన్న అతిపెద్ద వివాదాస్పద నిర్ణయమని, ఇలా చేస్తే తప్పుడు సమాచార వ్యాప్తి తీవ్రతరమవుతుందని చాలా సంస్థలు ఆందోళన వ్యక్తం చేశాయి.

ఎక్స్ తాజా నిర్ణయంతో సమస్యలు ఎదురవ్వడం మొదలయ్యాయని టీటీపీ సంస్థ పేర్కొంది. ఈ నివేదిక వెలువడిన తర్వాత కొన్ని సంస్థల బ్లూటిక్స్‌ను ఎక్స్ తొలగించడం గమనార్హం. అన్సార్ అల్లా (హూతీలు) సంస్థ బ్లూటిక్ తొలగించబడింది. దీనిని 23,000 మంది అనుసరిస్తున్నారు. ఈ సంస్థపై అమెరికా, యూకేలో ఆంక్షలున్నాయి.

అయితే ఇంకా చాలా సంస్థల బ్లూటిక్‌లు కొనసాగుతున్నట్లు టీటీపీ పేర్కొంది. తన సామాజిక మాధ్యంపై ఎక్స్ నియంత్రణ కోల్పోయిందని ఆ సంస్థ సంస్థ డైరెక్టర్ కేటీ పాల్ పేర్కొన్నారు. గతంలో ఈ బ్లూటిక్‌ను ట్విటర్ ఉచితంగా కేటాయించేది. దీనిని పొందే వ్యక్తుల వివరాలను సదరు సంస్థ ధ్రువీకరించుకొనేది. బ్లూటిక్‌ను పొందేవారిలో అత్యధికంగా జర్నలిస్టులు, ప్రపంచ నేతలు, ఇతర సెలెబ్రిటీలే ఉండేవారు.

దేశంలోని దిగ్గజ కంపెనీ రిలయన్స్ ఇండస్ట్రీస్(Reliance Industries) మరో రికార్డు సృష్టించింది. వారం రోజులుగా కంపెనీ షేర్లు నిరంతరం పెరుగుతూనే ఉన్నాయి. తాజాగా 20 లక్షల కోట్ల మార్కెట్ క్యాప్‌(Market Capitalization)ను దాటిన దేశంలోనే తొలి కంపెనీగా రిలయన్స్ నిలిచింది. మంగళవారం బీఎస్ఈ(BSE) లో 52 వారాల గరిష్ట స్థాయి 1.89 శాతం పెరిగి రూ.2957.80కి చేరుకుంది.

రూ.20 లక్షల కోట్లను తాకడం ద్వారా భారత మార్కెట్‌లో తన ఆధిపత్యాన్ని మరోసారి నిరూపించుకుంది.  రిలియన్స్ చమురు నుంచి టెలికాం రంగానికి విస్తరించి ఉన్న కంపెనీ విభిన్న పోర్ట్‌పోలియో కారణంగా దాని స్థానం నిరంతరం బలపడుతోంది. ఒక రోజు ముందు హురున్ ఇండియా 500 జాబితాలో రిలయన్స్ ఆధిపత్యం కనిపించింది. వరుసగా మూడో ఏడాది కంపెనీ మొదటి స్థానంలో నిలిచింది.

టీసీఎస్ రెండో స్థానంలో, హెచ్ఐఎఫ్‌సీ బ్యాంక్ మూడో స్థానంలో నిలిచాయి. రిలయన్స్ ఇండస్ట్రీస్ స్టాక్స్ జనవరి 29 నాటికే రూ.19 లక్షల కోట్లకు చేరుకున్నాయి. 2024 సంవత్సరంలో రిలయన్స్ గురించి పెట్టుబడిదారులలో విపరీతమైన ఉత్సాహం ఉంది. ఈ కొద్ది రోజుల్లో రిలయన్స్ ఇండస్ట్రీస్ షేర్లు దాదాపు 14 శాతం మేర పెరిగాయి. కంపెనీ అద్భుతమైన పనితీరు కారణంగా గత 12 నెలల్లో షేర్లు దాదాపు 40 శాతం మేర పెరిగాయి.

రెండు వారాల్లో రూ.లక్ష కోట్లు విలువ గత రెండు వారాల్లోనే కంపెనీ స్టాక్ మార్కెట్ క్యాప్ సుమారు రూ.లక్ష కోట్లు పెరిగింది. ఆర్ఎఎల్ అనుబంధ సంస్థ జియో ఫైనాన్షియల్ సర్వీసెస్ ఇందులో గణనీయమైన సహకారం  దించింది. ఈ కాలంలో జియో మార్కెట్ క్యాప్ రూ.1.70లక్షల కోట్లు పెరిగింది. ఇది విభజనకు ముందు రేటుకు చేరుకుంది. రిలయన్స్ ఇండస్ట్రీస్ 2015 నుంచి వార్షిక ప్రాతిపదికన పెట్టుబడిదారులకు సానుకూల రాబడిని అందిస్తోంది.

ఆటో సెగ్మెంట్ దిగ్గజం మహీంద్రా గ్రూప్(Mahindra Group) విమాన తయారీ(Aircraft manufacturing) రంగంలోకి అడుగుపెట్టనుంది. భారత వైమానిక దళం మీడియం ట్రాన్స్‌పోర్ట్ ఎయిర్ క్రాఫ్ట్ (MTA) అవసరమని భావించింది. దీన్ని అర్థం చేసుకున్న మహీంద్రా.. బ్రెజిలియన్ కంపెనీ ఎంబ్రేయర్‌(Brazilian company Embraer)తో కలిసి సి 390 మిలీనియం విమానాల(C 390 Air croft) తయారీ చేపట్టనుంది.

ప్రస్తుతం, భారతదేశంలో ఇలాంటి 800 వరకు హెలికాప్టర్లకు తక్షణ డిమాండ్ ఉంది. C-390 బ్రెజిలియన్ వైమానిక దళం ఉపయోగిస్తుంది. దీని తరువాత, దీనిని పోర్చుగల్, హంగరీ, నెదర్లాండ్స్, ఆస్ట్రియా, చెక్ రిపబ్లిక్, దక్షిణ కొరియా సైన్యాలు కూడా కొనుగోలు చేశాయి. ఎంబ్రేయర్ ఇంతకుముందు డీఆర్డీవో, బీఎస్ఎఫ్ భారత ప్రభుత్వానికి అనేక రకాల విమానాలను అందించింది.

ఈ నేపథ్యంలో మహీంద్రా గ్రూప్ ఛైర్మన్ ఆనంద్ మహీంద్రా సోషల్ మీడియాలో ఓ పోస్ట్ చేశారు. ఎయిర్‌ఫోర్స్ అవసరాలకు అనుగుణంగా బ్రెజిలియన్ కంపెనీ ఎంబ్రేయర్‌తో ఒప్పందం కుదిరినట్లు వెల్లడించారు. వైమానిక దళం 18 నుంచి 30 టన్నుల బరువును ఎత్తగలిగే ఎంటీఏ కోసం వెతుకుతోంది. ఎంబ్రేయర్ ఫిబ్రవరిలో బెంగళూరులో ఈ C-390 మిలీనియం మల్టీ మిషన్ టాక్టికల్ ఎయిర్ ట్రాన్స్‌పోర్ట్‌ను ప్రదర్శించింది.

ఇటీవల టాటా గ్రూప్ H125 సింగిల్ ఇంజన్ హెలికాప్టర్‌ను తయారు చేయడానికి విమానాల తయారీ కంపెనీ ఎయిర్ బస్ ఒప్పందం కుదుర్చుకుంది. ఒప్పందం ప్రకారం, వడోదరలో ఉన్న అసెంబ్లీ లైన్‌లో 40 C295 రవాణా విమానాలను కూడాతయారు చేస్తారు. ఇక్కడ తయారైన హెచ్ 125 హెలికాప్టర్లను కూడా ఎగుమతి చేస్తామని టాటా సన్స్ చైర్మన్ ఎన్.చంద్రశేఖరన్ తెలిపారు.

తైవాన్ అతిపెద్ద కంపెనీ ఫాక్స్‌కాన్(Foxconn) భారత్‌లో తన పట్టును మరింత బలంగా స్థాపించడానికి ప్రయత్నిస్తోంది. దేశంలోని అతిపెద్ద దాతృత్వ సంస్థ హెచ్‌సీఎల్‌(HCL)తో చేతులు కలిపింది. సెమీకండక్టర్ చిప్‌లపై ఫాక్స్‌కాన్‌తో కలిసి తన ఫ్యాక్టరీని స్థాపించడానికి రూ.1200 కోట్ల రూపాయల పెట్టుబడిని ప్రకటించింది.

ఫాక్స్‌కాన్ భారతదేశంలో అతిపెద్ద ఐఫోన్ల తయారీదారు, మొత్తం ఉత్పత్తిలో 68 శాతం వాటాను కలిగి ఉంది. దీని తరువాత పెగాట్రాన్ 18 శాతం, విస్ట్రాన్ [టాటా] 14 శాతం వాటాను కలిగి ఉన్నాయి. రెగ్యులేటరీ ఫైలింగ్ ప్రకారం, తైవానీస్ ఎలక్ట్రానిక్స్ మేజర్ ఫాక్స్‌కాన్ దేశంలో హెచ్‌సీఎల్ గ్రూప్ భాగస్వామ్యంతో చిప్ అసెంబ్లీ, టెస్టింగ్ ప్లాంటు నిర్మించడానికి బిడ్‌లను ఆహ్వానించింది.

ఈ మేరకు ఈ ప్రాజెక్ట్ కోసం ప్రారంభపెట్టుబడిగా రూ.1,200 కోట్లు వెచ్చించాలని కంపెనీ నిర్ణయించింది. ఇప్పటికే కొనుగోలు చేసిన సొంత స్థలంలో ప్లాంట్‌ను ఏర్పాటు చేయబోతున్నట్లు ఫాక్స్‌కాన్‌ తెలిపింది. అదేవిధంగా ఈ బిడ్‌ను ఫాక్స్‌కాన్‌ హాన్ హై టెక్నాలజీ ఇండియా మెగా డెవలప్మెంట్ ప్రైవేట్ లిమిటెడ్ ఆహ్వానించిందని కంపెనీ ప్రకటించింది. అందులో 40 శాతం వాటా కోసం 37.2 మిలియన్ డాలర్లు పెట్టుబడి పెట్టనున్నట్లు కంపెనీ తెలిపింది.

ఈనెల ప్రారంభంలోనే భారత్‌లో చిప్ ప్యాకేజింగ్, టెస్టింగ్ వెంచరు ప్రారంభించడానికి హెచ్‌సీఎల్ గ్రూప్‌తో భాగస్వామ్యం కలిగి ఉన్నట్లు వార్తలు వచ్చాయి. భారత్‌లో సెమీకండక్టర్ వ్యాపారం చేసేందుకు ప్రయత్నిస్తున్న ఫాక్స్‌కాన్ మొదట వేదాంతతో చేతులు కలిపింది. చైనాలో నానాటికీ పెరుగుతున్న ఆర్థిక అనిశ్చితి కారణంగా ఇప్పుడు హెచ్‌సీఎల్‌తో కలిసి భారత్‌లో వ్యాపారం చేసేందుకు ఫాక్స్‌కాన్ సిద్ధమైనట్లు తెలుస్తోంది.

మధ్యంతర బడ్జెట్‌(Budget 2024)కు ముందు కేంద్ర ప్రభుత్వం కీలక ప్రకటన చేసింది. మొబైల్‌ ఫోన్ల(Mobile Phones) ఉత్పత్తిలో ఉపయోగించే భాగాలపై దిగుమతి సుంకాన్ని తగ్గించింది. మొబైల్ విడిభాగాలపై దిగుమతి సుంకాన్ని 15 శాతం నుంచి 10 శాతానికి తగ్గిస్తూ నిర్ణయం తీసుకున్నది.

ఈ నిర్ణయంతో భారతదేశంలో ఫోన్‌లను ఉత్పత్తి చేసే కంపెనీలకు మరింత ఊరట కలుగనుండగా దిగుమతి సుంకం తగ్గడంతో మొబైల్‌ఫోన్ల ధరలు సైతం తగ్గే అవకాశాలున్నాయి. గ్లోబల్ ట్రేడ్ రీసెర్చ్ ఇనిషియేటివ్ (GTRI) నివేదికలో స్మార్ట్‌ఫోన్‌ల తయారీకి ఉపయోగించే ఎలక్ట్రానిక్స్ భాగాలపై దిగుమతి సుంకాన్ని తగ్గించవచ్చని పేర్కొంది.

ప్రభుత్వ చర్య మేక్ ఇన్ ఇండియాను ఊతమిస్తోందని జీటీఆర్ఐ పేర్కొంది. ప్రభుత్వం తీసుకున్న ఈ నిర్ణయంపై కేంద్ర ఎలక్ట్రానిక్స్, ఇన్ఫర్మేషన్ టెక్నాలజీ మంత్రి అశ్విని వైష్ణవ్ హర్షం వ్యక్తం చేశారు. ప్రధాని నరేంద్ర మోదీ, ఆర్థిక మంత్రి నిర్మలా సీతారామన్‌కు కృతజ్ఞతలు తెలిపారు.

కేంద్ర ప్రభుత్వ నిర్ణయంతో సిమ్ సాకెట్లు, మెటల్ భాగాలు, సెల్యులార్ మాడ్యూల్స్, ఇతర మెకానికల్ వస్తువులపై దిగుమతి సుంకాన్ని ఇప్పుడు ఐదు శాతం తగ్గనుంది. మిడిల్ కవర్, మెయిన్ లెన్స్, బ్యాక్ కవర్, జీఎస్‌ఎం యాంటెన్నా, పీయూ కేస్, సీలింగ్ గాస్కెట్, సిమ్‌ సాకెట్, స్క్రూలు, ఇతర ప్లాస్టిక్, మెటల్ మెటీరియల్‌లపై కూడా దిగుమతి సుంకం తగ్గనుంది.