Crime

హైదరాబాద్‌ (Hyderabad)లో ఘోర రోడ్డు ప్రమాదం చోటు చేసుకొంది. వనస్థలిపురం (Vanasthalipuram)లో శనివారం తెల్లవారుజామున జరిగిన ఈ ప్రమాదంలో ఇద్దరు వ్యక్తులు అక్కడికక్కడే మృతి చెందారు. సుష్మా థియేటర్‌ (Sushma Theatre) సమీపంలో అతివేగంగా వచ్చిన ఓ టిప్పర్ అదుపుతప్పి బైకును ఢీకొట్టింది.

ఈ ప్రమాదంలో బైకుపై ప్రయాణిస్తున్న ఇద్దరు దుర్మరణం చెందారు. స్థానికులు పోలీసులకు సమాచారం ఇవ్వడంతో వారు హుటాహుటిన అక్కడకు చేరుకొన్నారు. ప్రమాదం జరిగిన తీరును ఆరా తీసిన పోలీసులు. అనంతరం కేసు నమోదు చేసుకొని దర్యాప్తు ప్రారంభించారు. కాగా ఈ ఘటనలో మరణించిన వారు కూకట్‌పల్లికి చెందిన సతీశ్‌, వీరబాబుగా గుర్తించారు.

నిత్యం ఎక్కడో ఒక చోట జరుగుతున్న రోడ్డు ప్రమాదాల నేపథ్యంలో పోలీసులు స్పెషల్ డ్రైవ్ నిర్వహిస్తోన్నా, వాహనదారులు అవగాహన తెచ్చుకోవడం లేదు. ర్యాష్ డ్రైవింగ్‌ చేస్తూ ప్రమాదాలకు కారణమవడం ఆందోళన కలిగిస్తోంది. మరోవైపు యూపీ (UP)లోని రాయ్‌బరేలీలో ఘోర రోడ్డు ప్రమాదం చోటుచేసుకుంది. బైకుపై భార్య, ఐదేళ్ల కుమారుడితో వెళ్తున్న వీరేంద్ర అనే వ్యక్తిని కారుతో ఢీకొట్టడమే కాకుండా చక్రాల మధ్యలో ఇరుక్కున్న బాధితుడిని మూడు కి.మీ లాక్కెళ్లడంతో అతడు మృతి చెందాడు. అతని భార్య, కుమారుడు చికిత్స పొందుతున్నారు. పోలీసులు కేసు నమోదు చేసి దర్యాప్తు చేపట్టారు.

నగరంలో తీవ్ర విషాదం చోటుచేసుకొంది. వీధికుక్కల (Street Dogs) బారినపడి మరో చిన్నారి ప్రాణాలు కోల్పోయింది. మాటలు కూడా సరిగ్గా రాని చిన్నారికి అప్పుడే నూరేళ్ళు నిండటంతో తల్లిదండ్రుల రోదన చూసిన వారిన కలిచివేస్తోంది. హైదరాబాద్‌ (Hyderabad)లో జరిగిన ఈ హృదయ విదారక ఘటన వివరాలు చూస్తే..

ఏడాది వయసున్న చిన్నారిని గుడిసెలో పడుకోబెట్టి నిద్రలోకి జారుకొన్న తల్లిదండ్రులు, ఉదయాన్నే లేచి చూసే సరికి తమ కుమారుడు కనిపించలేదు. ఆందోళనకు గురైన తల్లిదండ్రులు ఆ చుట్టుపక్కల గాలించినా ఫలితం లేకుండా పోయింది. చివరికి అక్కడ ఉన్న సీసీటీవీ కెమెరాలను పరీక్షించగా… గుడిసెలో చొరబడ్డ వీధికుక్కలు.. తల్లిదండ్రుల చెంత నిద్రిస్తున్న చిన్నారిని నోట కరుచుకొని బయటికి ఈడ్చుకెళ్తున్న దృశ్యాలు కనిపించాయి.

మరోవైపు కుక్కల దాడిలో ఛిద్రమైన చిన్నారి మృతదేహాన్ని చూసిన తల్లిదండ్రులు తల్లడిల్లిపోయారు. దిక్కులు పిక్కటిల్లేలా ఆర్తనాదాలు చేశారు. కాగా శంషాబాద్ (Shamshabad) సమీపంలో, సామ ఎన్‌క్లేవ్ (Sama Enclave)వద్ద ఈ ఘటన చోటు చేసుకొంది. సమాచారం అందుకొన్న పోలీసులు ఘటనపై కేసు నమోదు చేశారు. అయితే మరణించిన చిన్నారి నాగరాజు తల్లిదండ్రుల స్వస్థలం దేవరకద్ర, నాగారం గ్రామం అని తెలుస్తోంది.

వీరు బతుకుదెరువు కోసం హైదరాబాద్ వచ్చారు. చిన్నారి తండ్రి సూర్య కుమార్ దినసరి కూలీగా పనిచేస్తూ భార్య పిల్లలను పోషిస్తున్నాడని సమాచారం. ఇప్పటికే అంబర్‌పేటలో వీధికుక్కలు ఐదేళ్ల బాలుడిపై దాడి చేసి చంపేసిన ఘటన నేటికీ నగరవాసుల కళ్ల ముందు కదలాడుతూనే ఉంది. తాజాగా శంషాబాద్‌లో చోటు చేసుకున్న ఘటన కూడా అలాంటిదే. ఇలాంటి ఘటనలు ఈ మధ్య కాలంలో ఎక్కువగా జరుగుతుండటంతో ప్రజలు భయాందోళన చెందుతున్నారు. ఈ విషయంలో అధికారుల త్వరగా స్పందించి చర్యలు తీసుకోవాలని కోరుతున్నారు..

ఐదు రోజుల కిందట హెచ్‌ఎండీఏ మాజీ డైరెక్టర్‌, ప్రస్తుత రెరా సెక్రటరీ శివబాలకృష్ణ (HMDA Former Director Shiva Balakrishna), ఆయన బంధువుల ఇళ్లు, కార్యాలయాల్లో ఏసీబీ ఆధికారులు సోదాలు నిర్వహించిన సంగతి తెలిసిందే. అప్పుడు ఆదాయానికి మించి ఆస్తుల కేసులో అరెస్టయిన శివబాలకృష్ణను ఇవాళ ఏసీబీ(ACB) కస్టడీలోకి తీసుకుంది.

చంచల్‌గూడ జైలుకు వచ్చిన ఏసీబీ అధికారులు శివబాలకృష్ణను జైలు నుంచి బంజారాహిల్స్ ఏసీబీ కార్యాలయానికి తరలించారు. అంతకుముందు శివబాలకృష్ణకు వైద్య పరీక్షలు నిర్వహించారు. శివబాలకృష్ణకు ఏసీబీ కోర్టు 14రోజుల జ్యుడిషియల్ రిమాండ్ విధించింది. 10 రోజుల పాటు కస్టడీకి ఇవ్వాలంటూ ఏసీబీ అధికారులు వేసిన పిటిషన్‌కు నాంపల్లి కోర్టు అనుమతించింది.

శివబాలకృష్ణను ఎనిమిది రోజుల పాటు కస్టడీకి కోర్టు గ్రీన్ సిగ్నల్ ఇచ్చింది. దీంతో ఇవాళ ఉదయం ఏసీబీ అధికారులు బాలకృష్ణను కస్టడీలోకి తీసుకున్నారు. శివబాలకృష్ణ పేరుపై ఎస్‌బీఐలో నాలుగు బ్యాంకు అకౌంట్లు ఉన్నట్లు ఏసీబీ అధికారులు గుర్తించారు. ఈ మేరకు బ్యాంకు లాకర్స్ తెరచే అవకాశాలు ఉన్నాయి.

కాగా, ఈనెల 24వ తేదీన తెల్లవారుజామున ఏసీబీ అధికారులు ఎనిమిది బృందాలుగా విడిపోయిన 5గంటల నుంచే రాష్ట్రవ్యాప్తంగా 17చోట్ల సోదాలు చేశారు. మణికొండలోని బాలకృష్ణ ఇంట్లో, అమీర్‌పేటలోని హెచ్‌ఎండీఏ కార్యాలయంలో కూడా తనిఖీలు చేశారు. ఈ సోదాల్లో పదికి పైగా ఐఫోన్లు, అత్యంత ఖరీదైన 50 వాచీలు, భారీగా నగదు, బీరువాలో 5కిలోల బంగారు నగలు, 70 ఎకరాల భూముల పత్రాలను స్వాధీనం చేసుకున్నారు.