Category:

Featured

Telangana : BSP.. RSP.. BRSP.. బహుజనవాదం దొరల గడీలో..!

by admin March 16, 2024

written by admin

– బీఎస్పీకి ఆర్ఎస్ ప్రవీణ్ రాజీనామా
– అంతా బీజేపీ వల్లేనంటూ విమర్శ
– ఆర్ఎస్పీ వ్యాఖ్యలు నమ్మేలా ఉన్నాయా?
– బీఎస్పీ, బీఆర్ఎస్ పొత్తుకి బీజేపీకి సంబంధమేంటి?
– మొన్నటిదాకా బద్మాష్ రాష్ట్ర సమితి అని తిట్టావ్
– ఇప్పుడేమో కేసీఆర్ పంచన చేరావ్
– బహుజనుల కోసం పని చేస్తానన్నావ్
– బలవంతుడి దగ్గర భాంచన్ దొర అన్నావ్
– ఆర్ఎస్ పై బీజేపీ, ప్రజా సంఘాల ఆగ్రహం
– కవిత అరెస్ట్ డైవర్షన్ ప్లాన్ అయి ఉండొచ్చని అనుమానం

బీఎస్పీ రాష్ట్ర అధ్యక్షుడు ఆర్ఎస్ ప్రవీణ్ కుమార్ సంచలన ప్రకటన చేశారు. బహుజన్ సమాజ్‌ వాదీ పార్టీని వీడుతున్నట్లు ప్రకటించారు. ఈ మేరకు తన రాజీనామా పత్రాన్ని పార్టీ అధినేత్రి మాయావతికి పంపించారు. ఆ వెంటనే మాజీ సీఎం కేసీఆర్ తో సమావేశమయ్యారు. చారిత్రక బీఎస్పీ, బీఆర్ఎస్ పొత్తును భగ్నం చేయాలని బీజేపీ కుట్రలు చేస్తోందని విమర్శలు చేశారు. భవిష్యత్ కార్యాచరణపై త్వరలోనే నిర్ణయం తీసుకుంటానని తెలిపారు.

ఆర్ఎస్ ప్రవీణ్ మాటలు నమ్మేలా ఉన్నాయా?

అసెంబ్లీ ఎన్నికల తర్వాత బీఆర్ఎస్ పని అయిపోయింది. పార్టీలోని కీలక నేతలంతా జంప్ అవుతున్నారు. కిందిస్థాయి లీడర్లు కూడా గుడ్ బై చెప్తున్నారు. చివరకు కేసీఆర్ ఫ్యామిలీ మాత్రమే మిగులుతుందా? అనే సందేహాలు వ్యక్తం అవుతున్నాయి. అలాంటి పార్టీతో బీఎస్పీ రాష్ట్ర అధ్యక్షుడి హోదాలో పొత్తుకు ప్రయత్నాలు చేశారు ఆర్ఎస్ ప్రవీణ్. అది సఫలం కూడా అయింది. నాగర్ కర్నూల్ తోపాటు హైదరాబాద్ సీటును బీఎస్పీకి కేటాయించింది బీఆర్ఎస్. దీనిపై శుక్రవారం అధికారిక ప్రకటన కూడా వచ్చింది. ఇది జరిగి 24 గంటలు తిరగకముందే బీఎస్పీకి గుడ్ బై చెప్పారు ప్రవీణ్. దీనికి కారణం బీజేపీ అని, తమ పొత్తును విడదీయాలని చూస్తోందని అన్నారు. ఇక్కడే ఆయన దొరికిపోయారు. బీజేపీ కుట్ర అని ఓ మాట మీడియా ముందు చెప్పేసి వెళ్లిపోయారు. ఏం జరిగింది? కుట్ర ఎలా జరిగిందనే దానిపై క్లారిటీ ఇవ్వలేదు. దీంతో కావాలనే డ్రామా క్రియేట్ చేయడానికి ఇలా మాట్లాడారనే చర్చ మొదలైంది.

ఆర్ఎస్పీకి బీజేపీ, ప్రజా సంఘాల ప్రశ్నలు

తాను ఎక్కడున్నా బహజనుల కోసం కొట్లాడుతానని ఆర్ఎస్ అంటున్నారు. పొత్తు ధర్మం పాటించాలనే బీఎస్పీకి రాజీనామా చేశానని చెబుతున్నారు. ఇచ్చిన మాటకు కట్టుబడి బీఆర్ఎస్ తో కొనసాగుతానని ఏవోవో చెప్పారు. అయితే.. బీఎస్పీ రాష్ట్ర అధ్యక్షుడు అయింది మొదలు కేసీఆర్ ను అనరాని మాటలు అన్నారు. స్కాముల సర్కార్, అవినీతి ప్రభుత్వం, బద్మాష్ రాష్ట్ర సమితి అంటూ నానా తిట్లు తిట్టారు. మరి, ఇప్పుడవన్నీ రైట్ అయ్యాయా? కేసీఆర్ అసలు అవినీతికి పాల్పడలేదా? దొరల గడీలను బద్దలుకొడతానని చెప్పి.. చివరకు ఆ దొరల గడీకే చేరడం ఎంతవరకు కరెక్ట్? బహుజనుల కోసం పనిచేస్తానని, బలవంతుడి దగ్గర భాంచన్ దొర అంటావా? ప్రజల నుంచి వ్యతిరేకత వస్తుందని పొత్తును సమర్ధించుకోవడానికి బీజేపీని బూచిగా చూపిస్తారా? అంటూ ఆ పార్టీ నేతలు, ప్రజా సంఘాల నాయకులు ఆర్ఎస్ ప్రవీణ్ ను ప్రశ్నిస్తున్నారు.

కవిత అరెస్ట్ డైవర్షన్ ప్లానా?

పొత్తులో భాగంగా టెకెట్లు కూడా కేటాయించుకున్నాక సడెన్ గా ఆర్ఎస్పీ రాజీనామా వెనుక మరో కోణం కూడా ఉందనే ప్రచారం జరుగుతోంది. ఢిల్లీ లిక్కర్ కేసులో కవితను ఈడీ అరెస్ట్ చేసింది. ఇది మోడీ కుట్ర అంటూ బీఆర్ఎస్ శ్రేణులు మండిపడుతున్నారు. పనిలోపనిగా కేసీఆర్ పంచన చేరిన ఆర్ఎస్ ప్రవీణ్ కూడా ఓ ట్వీట్ చేశారు. కవితకు క్లీన్ చీట్ ఇచ్చేలా మాట్లాడారు. గతంలో ఈయన కవితను ఎందుకు అరెస్ట్ చేయరంటూ మోడీని ప్రశ్నిస్తూ పెద్ద పెద్ద మాటలు మాట్లాడారు. కానీ, ఇప్పుడేమో ఈడీని అడ్డు పెట్టుకుని చేసిన అక్రమ అరెస్ట్, బూటకం అంటూ ఫైరయ్యారు. దీన్నిబట్టి, ప్రవీణ్ రాజీనామా, బీజేపీని బ్లేమ్ చేయడం అంతా కవిత అరెస్ట్ ను డైవర్ట్ చేసే ప్లాన్ గా కనిపిస్తోందనే అభిప్రాయం సర్వత్రా వ్యక్తం అవుతోంది.

March 16, 2024 0 comment

Breaking News Featured National Politics Telangana

MLC Kavitha : ఈడీ కస్టడీ.. కవితకు బిగ్ షాక్

by Venu March 16, 2024

written by Venu

– కవితను కోర్టులో ప్రవేశపెట్టిన ఈడీ
– 10 రోజుల కస్టడీ కోసం పిటిషన్
– వాడీవేడిగా కొనసాగిన వాదనలు
– 7 రోజుల కస్టడీకి అనుమతించిన రౌస్ అవెన్యూ కోర్టు
– 23న హాజరుపర్చాలని ఆదేశం
– ఫ్యామిలీ, లాయర్లను కలిసేందుకు పర్మిషన్
– ఇంటి నుంచే భోజనం
– కస్టడీ రిపోర్టులో సంచలన విషయాలు
– లిక్కర్ స్కాం కింగ్ పిన్ కవితేనన్న ఈడీ

ఢిల్లీ లిక్కర్ కేసులో అరెస్టయిన కేసీఆర్ కుమార్తె, ఎమ్మెల్సీ కవితను రౌస్ అవెన్యూ కోర్టులో హాజరుపరిచారు ఈడీ అధికారులు. పది రోజుల కస్టడీ కోసం పిటిషన్ దాఖలు చేశారు. అయితే, కోర్టు 7 రోజుల కస్టడీకి అనుమతించింది. విచారణ సందర్భంగా కోర్టులో వాడీవేడి వాదనలు కొనసాగాయి. కవిత రిమాండ్ అప్లికేషన్‌ ను ఈడీ తరఫు న్యాయవాది జోసెబ్ హుస్సేన్ కోర్టుకు అందించారు. అరెస్ట్ చేయడానికి గల కారణాలు అందులో పేర్కొన్నారు. శుక్రవారం సాయంత్రం 5:43 అరెస్టు చేసినట్లు లిఖితపూర్వకంగా తెలిపారని వివరించారు. సూర్యాస్తమయం తర్వాత అరెస్ట్ జరిగిందనేది అవాస్తవమని ఆయన అన్నారు. సోదాల్లో మొత్తం 5 ఫోన్లు స్వాధీనం చేసుకొన్నారని, మొత్తం వీడియో రికార్డు చేసి పబ్లిక్ డొమైన్‌లో ఈడీ పెట్టిందని జోసెబ్ హుస్సేన్ వెల్లడించారు.

కవిత దాఖలు చేసిన పిటిషన్‌లో మధ్యంతర ఉత్తర్వులు లేవని పేర్కొన్నారు. మీడియాలో వచ్చిన విషయాలను పరిగణనలోకి తీసుకోవద్దని కోర్టు దృష్టికి తీసుకువచ్చారు. సెప్టెంబర్ 15న వచ్చే 10 రోజుల్లో సమన్లు ఇవ్వమని మాత్రమే చెప్పామని అన్నారు. విచారణ నుంచి మినహాయింపు ఇవ్వలేమని ఏఎస్జీ చెప్పినట్లు తెలిపారు. వేరే వారికి ఇచ్చిన ఉత్తర్వులను అన్వయించుకోవద్దన్నారు. సుప్రీంకోర్టులో ఇచ్చిన ప్రకటన కోర్టు ఉల్లంఘన కిందకి రాదని తెలిపారు. తీవ్ర చర్యలు తీసుకోవద్దని ఎలాంటి ఉత్తర్వులు లేవని జోసెబ్ హుస్సేన్ కోర్టు దృష్టికి తీసుకువచ్చారు. కవిత సుప్రీంకోర్టుకు విజ్ఞప్తి మాత్రమే చేశారని, సుప్రీంకోర్టులో ఏఎస్జీ చెప్పిన 10 రోజుల గడువు ఎప్పుడో తీరిందని తెలిపారు. గడువు తీరాక ఎన్నోసార్లు కోర్టులో విచారణ జరిగిందని వివరించారు. సెప్టెంబర్ 15న ఇచ్చిన అండర్ టేకింగ్‌నే ప్రస్తావిస్తున్నారని అన్నారు. నళినీ చిదంబరం పిటిషన్‌లో ఇచ్చిన ఉత్తర్వులనే వీళ్లు అన్వయించుకుంటున్నారని జోసెబ్ హుస్సేన్ వివరించారు.

అంతకుముందు సుప్రీంకోర్టులో ఇచ్చిన హామీని ఈడీ ఉల్లంఘించిందని కవిత లాయర్‌ విక్రమ్‌ చౌదరి కోర్టు దృష్టికి తీసుకొచ్చారు. హామీని ఉల్లంఘించి అరెస్టు చేశారని తెలిపారు. ఈడీ సమన్లు ఇచ్చినప్పుడు సుప్రీంకోర్టులో పిటిషన్‌ వేశామని విక్రమ్‌ చౌదరి న్యాయమూర్తికి తెలిపారు. 2023, సెప్టెంబర్‌ 15న ఈడీ తరపున సమన్లు ఇవ్వమని, కవితను అరెస్టు చేయబోమని చెప్పారని వెల్లడించారు. అదే నెల 26న మరోసారి వాదనలు జరిగాయని, ఈడీ న్యాయవాదులే వాయిదాలు తీసుకున్నారని తెలిపారు. ఈడీ విచారణకు కవిత సహకరించారని చెప్పారు. అయినా కవితను అక్రమంగా అరెస్టు చేశారన్నారు. ఇరువురి తరఫు వాదనలు విన్న సీబీఐ స్పెషల్‌ జడ్జి ఎంకే నాగ్‌ పాల్‌.. కవితను 7 రోజుల ఈడీ కస్టడీకి అనుమతించారు. 23న హాజరుపర్చాలని ఆదేశించారు. ఫ్యామిలీ, లాయర్లను కలిసేందుకు కవితకు పర్మిషన్ ఇచ్చారు. అలాగే, ఇంటి నుంచే భోజనం తెప్పించుకునేందుకు అనుమతించారు.

మరోవైపు, కస్టడీ రిపోర్టులో ఈడీ అధికారులు పలు కీలక అంశాలను పొందుపర్చారు. లిక్కర్ కేసులో కవిత కీలక వ్యక్తి అని, ప్రధాన కుట్రదారు అని పేర్కొన్నారు. ఒంగోలు ఎంపీ మాగుంట శ్రీనివాసులు రెడ్డి, ఆయన తనయుడు రాఘవ, శరత్ చంద్రారెడ్డితో కలిసి సౌత్ సిండికేట్ ఏర్పాటు చేశారు. ఆప్ నేతలతో కుమ్మక్కై రూ.100 కోట్ల ముడుపులు ఇచ్చారు. లిక్కర్ పాలసీలో తమకు అనుకూలంగా నిబంధనలు రూపొందించారు అని తెలిపారు.

March 16, 2024 0 comment

Breaking News Featured Hyderabad Politics Telangana

Hyderabad : ఢిల్లీ లిక్కర్ స్కామ్ కేసు.. కవిత అరెస్ట్..!

by Venu March 15, 2024

written by Venu

– లిక్కర్ స్కాం కేసులో కీలక మలుపు
– ఎమ్మెల్సీ కవితను అదుపులోకి తీసుకున్న ఈడీ
– హైదరాబాద్ లోని నివాసంలో సోదాలు
– తనిఖీల అనంతరం అదుపులోకి తీసుకున్న ఈడీ
– ఢిల్లీకి తరలించిన అధికారులు
– ధర్నాకు దగిన బీఆర్ఎస్ శ్రేణులు
– అక్రమ అరెస్ట్ అంటూ ఆగ్రహం
– న్యాయపరంగా పోరాడతానన్న కవిత
– 14 పేజీలతో అరెస్ట్ కారణాలను వివరించిన ఈడీ

ఎట్టకేలకు ఢిల్లీ లిక్కర్ స్కాం కేసులో బీఆర్ఎస్ ఎమ్మెల్సీ కవిత అరెస్ట్ అయ్యారు. బంజారాహిల్స్ లోని ఆమె నివాసంలో ఈడీ అధికారులు శుక్రవారం సోదాలు జరిపారు. 8 మంది ఈడీ అధికారుల బృందం సోదాల తర్వాత ఆమెను అరెస్ట్ చేశారు. దీనికి సంబంధించి కవితకు మెమో ఇచ్చిన ఎన్ఫోర్స్మెంట్ డైరెక్టరేట్ అధికారులు సాయంత్రం 5.20 గంటలకు అరెస్ట్ చేసినట్లు వెల్లడించారు. ఈ మేరకు కవితతో పాటు ఆమె భర్త అనిల్కు సమాచారం ఇచ్చారు.

అరెస్టుకు కారణాలను 14 పేజీల్లో వివరిస్తూ కవితకు మెమో ఇచ్చామన్న ఈడీ అధికారులు, మనీలాండరింగ్ చట్టంలోని సెక్షన్ 3 కింద ఆమె నేరానికి పాల్పడ్డారని స్పష్టం చేశారు. కవిత అరెస్ట్ విషయం తెలుసుకున్న మాజీ మంత్రులు కేటీఆర్‌, హరీశ్‌ రావు, ప్రశాంత్ రెడ్డితో పాటు పలువురు బీఆర్ఎస్ నేతలు ఆమె నివాసం వద్దకు చేరుకున్నారు.

పార్టీ కార్యకర్తలు సైతం పెద్ద ఎత్తున అక్కడికి చేరుకుని ఈడీ అధికారులకు, కేంద్ర ప్రభుత్వానికి వ్యతిరేకంగా నినాదాలు చేశారు. కవితను శంషాబాద్ ఎయిర్ పోర్టుకు తీసుకెళ్లి అక్కడి నుంచి ఢిల్లీకి తీసుకెళ్లారు అధికారులు. ఈ కేసులో ఈడీ అధికారులకు సంపూర్ణంగా సహకరిస్తానని తెలిపారు కవిత. ఇలాంటి అణిచివేతలు ఎన్ని జరిగిన ఎదుర్కొంటామని చెప్పారు. శ్రేణులు బలంగా మనోదైర్యంతో ఉండాలని విజ్ఞప్తి చేశారు. ఇలాంటి అనిచివేతను, దొంగ కేసులను రాజకీయ కక్ష సాధింపు చర్యలను చట్టం పైన నమ్మకం ఉంచి ఎదుర్కొంటామని తెలిపారు.

ఈడీ అక్రమ అరెస్టును న్యాయపరంగా, శాంతియుతంగా ఎదుర్కొంటామని బీఆర్ఎస్ పార్టీ నాయకులు చెప్పారు. కవిత అరెస్టుని అడ్డుకోవద్దని.. పార్టీ కార్యకర్తలు శాంతియుతంగా వ్యవహరించాలని కేటీఆర్, హరీశ్‌రావు, ఇతర పార్టీ సీనియర్ నాయకులు కార్యకర్తలను కోరారు.

కేటీఆర్ పై ఫిర్యాదు

కవిత అరెస్ట్ సమయంలో తమ విధులకు ఆటంకం కలిగించారని ఎమ్మెల్యే కేటీఆర్⁬పై బంజారాహిల్స్ పీఎస్ లో ఫిర్యాదు చేశారు ఈడీ అధికారులు. మహిళా అధికారి భాను ప్రియా మీనా ఈ మేరకు ఫిర్యాదు చేశారు. కవిత అరెస్ట్ సమయంలో కేటీఆర్ వాగ్వాదానికి దిగారు. కావాలనే కవితను శుక్రవారం ఈడీ అదుపులోకి తీసుకుందని ఆరోపించారు. సుప్రీంకోర్టులో కవిత పిటిషన్ పెండింగ్ లో ఉండగా ఎలా అరెస్ట్ చేస్తారని ప్రశ్నించారు. అరెస్ట్ చేయబోమని సుప్రీంకోర్టుకు చెప్పి ఇప్పుడెలా అదుపులోకి తీసుకుంటారని అడిగారు. కోర్టు ద్వారా ఈడీ ఇబ్బందులు ఎదుర్కోవాల్సి ఉంటుందన్నారు. శని, ఆదివారాలు కోర్టుకు సెలవు ఉంటుందనే ఉద్దేశంతోనే కావాలని శుక్రవారం వచ్చారని ఆరోపించారు. దీంతో తమ విధులకు ఆటంకం కలిగించారని పోలీసులకు ఫిర్యాదు చేశారు ఈడీ అధికారులు.

కేసులు కొత్తేం కాదు

కవిత అరెస్ట్ పై హరీశ్ రావు ఫైరయ్యారు. ఇది అప్రజాస్వామ్యమని ఖండించారు. అరెస్టులు మమ్మల్ని ఏం చేయలేవని, కవితది అక్రమ అరెస్ట్ అని అని మండిపడ్డారు. ఇది బీజేపీ, కాంగ్రెస్ పార్టీ కుట్రని, ఈ కుట్ర కొత్తదేం కాదని ఆరోపించారు. తమది ఉద్యమ పార్టీ అని.. కేసులకు, అరెస్టులకు భయపడమని హరీశ్ రావు స్పష్టం చేశారు. నియోజకవర్గాల కేంద్రాల్లో ఇవాళ నిరసన కార్యక్రమాలు చేపట్టాలని బీఆర్ఎస్ కార్యకర్తలకు పిలుపునిచ్చారు. సుప్రీం కోర్టులో కేసు పెండింగ్ లో ఉండగా.. ఎన్నికల ముందు రాజకీయంగా బీఆర్ఎస్ పార్టీని దెబ్బతీయాలనే ఈ కుట్రకు పాల్పడ్డారని తెలిపారు. రాజకీయ దురుద్దేశంతోనే ఈ చర్యకు పాల్పడ్డారని హరీశ్ రావు అన్నారు.

చీప్ పాలిటిక్స్

కవితను ఈడీ అధికారులు అరెస్ట్ చేసి ఢిల్లీ తీసుకెళ్లారు. ఈ నేపథ్యంలో నిజామాబాద్ ఎంపీ ధర్మపురి అరవింద్ స్పందించారు. కవిత అరెస్ట్ తో బీజేపీకి సంబంధం లేదని మీడియాతో అన్నారు. చట్టం తన పని తాను చేసుకుంటూ పోతుందని తేల్చి చెప్పారు. ప్రశాంత్ రెడ్డి, హరీశ్ రావు, కేటీఆర్ కావాలనే బీజేపీని బద్నాం చేసే ప్రయత్నం చేస్తున్నారని ఆరోపించారు. ఈడీ తన పని తాను చేస్తుందని అన్నారు. కవిత అరెస్ట్ ని రాజకీయాలకు ముడిపెట్టడం బీఆర్ఎస్ దివాలాకోరు తనానికి నిదర్శనమని మండిపడ్డారు అరవింద్.

మాకేం సంబంధం..?

బీజేపీ రాష్ట్రాధ్యక్షుడు కిషన్ రెడ్డి కూడా స్పందించారు. నేరం చేయనప్పుడు కవితకు భయమెందుకని ప్రశ్నించారు. ఇన్నాళ్లు విచారణకు సహకరించకుండా తప్పించుకుని తిరిగారని అన్నారు. అందుకే ఈడీ ఆమె ఇంటికి వెళ్లిందని తెలిపారు. ఇకనైనా కవిత విచారణకు సహకరించాలని సూచించారు. కక్ష సాధింపు చర్యలకు దిగాల్సిన అవసరం బీజేపీకి లేదని, దర్యాప్తు సంస్థలు తమ పని తాము చేసుకుపోతాయని ఆయన స్పష్టం చేశారు.

నెక్ట్స్ కేజ్రీవాలేనా?

కవిత అరెస్ట్‌ కావడంతో తరువాత ఈడీ ఢిల్లీ సీఎం కేజ్రీవాల్‌ ను అరెస్ట్ చేయనుందా అన్న అనుమానాలు కలుగుతున్నాయి. ఈడీ పలుమార్లు ఆయనకు నోటీసులు పంపినా పట్టించుకోలేదు. ఈడీ సమన్లపై స్టే విధించాలన్న ఆయన విజ్ఞప్తిని రౌస్ అవెన్యూ కోర్టు తోసిపుచ్చింది. దీంతో కేజ్రీవాల్ ఇవాళ విచారణకు తప్పక హాజరు కావాల్సి ఉంటుంది. ఒకవేళ ఈసారి ఉల్లంఘిస్తే కోర్టు ధిక్కరణ కింద ఆయన అరెస్ట్ అయ్యే అవకాశం ఉంది. ఇప్పటివరకు ఈడీ కేజ్రీవాల్‌కు ఎనిమిది సార్లు సమన్లు ఇచ్చింది.

March 15, 2024 0 comment

KCR in a state of disorientation.. If you think my strength and strength, did you leave me alone?

Featured Hyderabad Politics Telangana

Telangana : కేసీఆర్ అమాయకత్వం.. తెలంగాణ ప్రజలను మభ్య పెడుతుందా..!?

by Venu March 14, 2024

written by Venu

తెలంగాణ (Telangana) బాష, యాసకు కేరాఫ్ గా మారిన కేసీఆర్ (KCR).. ఈ భాషను రాజకీయ ఎత్తుగడలో భాగంగా ఉపయోగించారని విశ్లేషిస్తున్నారు. రాష్ట్ర ప్రజలకు నచ్చిన తీరుగా మాట్లాడి.. ఈయన మన మనిషి అనే ప్లాన్ లో భాగంగా.. గులాబీ బాస్.. నిత్యం తెలంగాణ యాసతో ప్రత్యేకమైన గుర్తింపు సాధించారు. అయితే ఆ భాష ప్రయోగంలో అహంకారం కనిపించేదనే విమర్శలున్నాయి..

ప్రస్తుతం అధికారం కోల్పోవడంతో మూలిగే నక్క మీద తాడిపండు పడినట్లు.. పదేళ్ల పాటు ఇష్టారాజ్యంగా వ్యవహరించిన బీఆర్ఎస్ (BRS) సర్కార్ తప్పిదాలు ప్రస్తుతం ఒక్కటొక్కటిగా బయటకు వస్తున్నాయి. కలుగులో ఉన్న ఎలుకకు పొగబెట్టి ఊపిరి ఆడకుండా చేసినట్లు.. రేవంత్ సర్కార్.. గులాబీ పార్టీ విషయంలో వ్యూహాత్మకంగా వ్యవహరిస్తుందని.. ఇది రాజకీయ కక్షలా కాకుండా.. రాష్ట్రానికి జరిగిన అన్యాయంలా ప్రజలు అనుకునే విధంగా ముందుకు వెళ్తుందని విశ్లేషిస్తున్నారు..

అదీగాక ప్రణీత రావు వ్యవహారం పూర్తిగా ఒక పెద్దమనిషి అండతో జరిగిందనే చర్చలు రాజకీయ వర్గాలలో మొదలైయ్యాయి. వీటి ఆధారంగా కేసీఆర్ లక్ష్యంగా రేవంత్ తన విమర్శలకు పదునుపెట్టడంతో గులాబీ బాస్ పూర్తిగా డిఫెన్స్ లో పడిపోయినట్లు టాక్ వినిపిస్తోంది. గతంలో తన ధోరణి, ప్రత్యర్థి పార్టీల నేతలపై ఉపయోగించిన భాష అన్ని కన్వీనియెంట్ గా మరచిపోయి.. కరీంనగర్ (Karimnagar) సభలో ఒక మాజీ ముఖ్యమంత్రిని ఉద్దేశించి మాట్లాడాల్సిన భాషేనా అది అంటూ రేవంత్ పద ప్రయోగంపై అమాయకంగా ప్రశ్నించడం ఆశ్చర్యానికి గురిచేసిందని అనుకొంటున్నారు..

బాసు పదేళ్ళ పాలనలో మీరు నేర్పిన భాషే కదా.. నదులకు నడకలు నేర్పినట్లు.. రాజకీయాల్లో వాడే భాషకు, పద ప్రయోగాలకు పుట్టినిల్లు మీరుగాక ఇంకెవరని అనుకునేలా.. రేవంత్ కనీస మర్యాద కూడా లేకుండా వ్యవహరిస్తున్నారనీ, తాను ముఖ్యమంత్రిగా ఉన్న సమయంలో ఎన్నడైనా ఇటువంటి అనుచిత భాష ఉపయోగించానా అంటూ అమాయకంగా వ్యాఖ్యలు చేయడం తెలంగాణ ప్రజలు అమాయకులు అనే భావనతో ఇంకా నా ఆటలు సాగుతాయని అనుకుంటున్నారనే విమర్శలు మొదలైయ్యాయి.

ఇదే సమయంలో కాకా ఎప్పుడు దొరుకుతారా అని చూస్తున్న కాంగ్రెస్ వెంటనే అలర్ట్ అయి గతంలో కేసీఆర్ అనుచిత భాషా ప్రయోగంతో చేసిన ప్రసంగాల వీడియోలను సామాజిక మాధ్యమంలో విస్తృతంగా ప్రచారంలోకి తీసుకువచ్చింది. దీంతో కేసీఆర్ అనివార్యంగా మౌనం వహించాల్సివచ్చింది. మొత్తం మీద కేసీఆర్ భాషనే ఆయన మీద ప్రయోగించి రేవంత్ (Revanth)పై చేయి సాధించారని పరిశీలకులు విశ్లేషిస్తున్నారు.

March 14, 2024 0 comment

Featured Hyderabad Politics Telangana

Politics : మేడమా? అయితే ఏంటి? అధికారం వస్తే ఇలాగే ఉంటుందా..?

by admin March 13, 2024

written by admin

– ఏక్ నాథ్ షిండేలవుతాం
– పార్టీ మారుతాం
– మేడంకే వార్నింగ్ ఇస్తున్న నేతలు
– అన్నీ గమనిస్తున్న మేడం టీమ్
– పాపాల చిట్టా ప్రిపేర్ అవుతోందా..?

అసెంబ్లీ ఎన్నికలు ఒక పార్టీని పడుకోబెడితే.. మరో పార్టీ ఆశలు చిగురింపచేసింది. అప్పటి వరకు జీవం లేకుండా ఉన్న ఆ పార్టీలో ఒక్కసారిగా ఉపు వచ్చింది. కాదు.. రాదు.. అయిపోయింది.. వేస్ట్ లాంటి ఎన్నో మాటలు భరిస్తూ.. దిక్కులేక ఇక్కడ ఉన్నామనే భావనలో.. అధికారం కోసం పోరాటం చేసి చేసి అలసిపోయామని అనుకొన్న చివరి దశలో.. మరణశయ్యపై ఉన్న మనిషికి సంజీవిని దొరికినట్లుగా విజయం అందింది. అంతే, స్వరం మారింది. గౌరవం తగ్గింది.

రాజకీయాల్లో గౌరవ మర్యాదలు అనేవి నీటి మీద రాతలే. నిన్న తిట్టిన నోటితోనే నేడు సూపర్, బంపర్ అంటూ పొగిడేస్తుంటారు. పార్టీల్లోనూ అంతే. పైస్థాయిలో ఉన్న వారితో అవసరం ఉన్నంత వరకే, తర్వాత నువ్వెంత నీ కథెంత అనే రేంజ్ లో మాటలు నడుస్తాయి. ప్రస్తుతం మేడం కనుసన్నల్లోని పార్టీలో అదే జరుగుతోంది. ఒకప్పుడు ఢిల్లీ అధిష్టానం నుంచి ఫోన్ వచ్చిందంటే చాలు ఇక్కడి నేతలకు చెమటలు పట్టేవి. భయంతో గజగజ వణికిపోయేవారు. గీత గీసి దాటొద్దంటే ఏం జరిగినా సరే దాటే ఆలోచనే చేసే వారు కాదు. కానీ, కాలం మారింది. మేడం మాటంటేనే లెక్క చేయని పరిస్థితి నెలకొంది.

మనకు ఎదురు లేదు, తిరుగే లేదు అనేలా వ్యవహారం సాగుతున్నట్లు తెలుస్తోంది. నది దాటే వరకు ఓడ మల్లన్న నది దాటాక బోడ మల్లన్న అనే స్థితికి వచ్చింది. పదవులు రాకముందు అమ్మా, అయ్యా అంటూ మేడం వద్ద మోకరిల్లిన నేతలు పదవులు దక్కిన తరువాత కాలర్ ఎగురేస్తున్నారు. అంతేనా, ఏకంగా మేడం నుంచి ఫోన్ వస్తే.. అప్పుడున్న వణుకు, గౌరవం మాయం అయిపోయాయి. మేడమా? అయితే ఏంటి? ధోరణికి వచ్చేసినట్టు కనిపిస్తోంది.

మరీ ఓవర్ చేస్తే, పార్టీ మారుతాం.. ఏక్ నాథ్ షిండేలుగా తయారు అవుతామంటూ బ్లాక్ మెయిలింగ్ కూడా మొదలు పెట్టినట్టు తెలుస్తోంది. అయితే.. ఇదంతా మేడం టీమ్ నిశితంగా గమనిస్తోంది. పీఎంలనే మార్చినాం.. కేవలం రాష్ట్ర నేతలకు బుద్ధి చెప్పడం పెద్ద పని కాదన్నట్టు టైమ్ కోసం చూస్తోంది. ఈ క్రమంలోనే నేతల పాపాల చిట్టాను మేడం టీం రెడీ చేస్తోందని టాక్ వినిపిస్తోంది. ఏదైనా తెగే దాకా తీసుకెళ్లకూడదు. లేదంటే, అసరుకే ఎసరు తప్పదు.

March 13, 2024 0 comment

BJP Will Win 370 Seats NDA More Than 400 Seats In Lok Sabha Polls Amit Shah

Featured Hyderabad Politics Telangana

Amit Shah : తెలంగాణలో బీజేపీ టార్గెట్ ఇదే.. తేల్చి చెప్పిన అమిత్ షా..!

by Venu March 12, 2024

written by Venu

తెలంగాణ పార్లమెంట్ ఎన్నికల్లో విజయమే లక్ష్యంగా బీజేపీ (BJP) వ్యూహాలు రచిస్తుంది. అగ్రనాయకత్వం సైతం ప్రత్యేక దృష్టి సారించి వరుస పర్యటనలతో హోరెత్తిస్తున్నారు. ప్రతిపక్షాలపై విమర్శల బాణాలతో విరుచుకుపడుతున్నారు.. ఈ క్రమంలో సికింద్రాబాద్‌, ఇంపీరియల్ గార్డెన్స్‌లో జరుగుతున్న సోషల్ మీడియా వారియర్స్ సమావేశంలో పాల్గొన్న కేంద్ర మంత్రి అమిత్ షా (Amit Shah) బీజేపీ టార్గెట్ ఎంతో వెల్లడించారు.

ఈ ఎన్నికల్లో బీజేపీ 12 సీట్లు గెలవాలన్నదే లక్ష్యంగా పెట్టుకున్నట్లు చెప్పుకొచ్చారు. తెలంగా బీజేపీ (BJP) సైబర్ యోధులకు ధన్యవాదాలు తెలిపారు. అతి త్వరలో లోక్‌సభ ఎన్నికల షెడ్యూల్‌ వస్తుందని తెలిపిన అమిత్ షా.. మళ్లీ అధికారం బీజేపీదే అనే ధీమా వ్యక్తం చేశారు.. తెలంగాణలో12 ఎంపీ సీట్లు, దేశంలో 400 ఎంపీ సీట్లు గెలవడమే బీజేపీ లక్ష్యం అని వివరించారు. కాంగ్రెస్‌, బీఆర్ఎస్‌, ఎంఐఎం ఒక్కటే అని ఆరోపించారు..

బీఆర్ఎస్‌కు సీట్లు వచ్చినా.. రాకున్నా.. రాష్ట్రానికి ఉపయోగం లేదని మిమర్శించిన కేంద్ర మంత్రి.. బీఆర్‌ఎస్‌ (BRS), కాంగ్రెస్‌కు ఓటు వేస్తే అది దుర్వినియోగమే అవుతుందని పేర్కొన్నారు.. ఈ విషయాన్ని రాష్ట్ర ప్రజలు గమనించాలని సూచించారు. కేంద్రం అమలు చేసే పథకాలను ప్రజలకు అర్ధమయ్యేలా వివరించాలి. వచ్చే లోక్‌సభ ఎన్నికల్లో మెజార్టీ సీట్లతో బీజేపీ గెలవాలని అన్నారు..

ఈ పదేళ్లలో ఎన్నో సాహసోపేతమైన నిర్ణయాలు చేశాం. అన్ని రంగాల్లో భారత్‌ అభివృద్ది పథంలో పయనిస్తోందని అమిత షా వివరించారు. భారత్‌ను మూడో అదిపెద్ద ఆర్థిక వ్యవస్థగా మారుస్తామని మాట ఇచ్చారు.. అవినీతిరహిత భారత్‌ నిర్మాణమే మా లక్ష్యం అని పేర్కొన్నారు. బీఆర్ఎస్‌, కాంగ్రెస్‌ ప్రభుత్వాలపై అవినీతి ఆరోపణలు ఉన్నాయని ఈ సందర్భంగా గుర్తు చేశారు.. రాష్ట్రంలో ఈ రెండు పార్టీలు మజ్లిస్ చేతిలో కీలు బొమ్మలుగా మారాయని ఆరోపించారు..

కాంగ్రెస్‌ (Congress) అవినీతిపై జవాబు చెప్పాకే రేవంత్ రెడ్డి (Revanth Reddy) బీజేపీపై విమర్శలు చేయాలని అన్నారు. తెలంగాణకు గత పదేళ్లలో కేంద్రం 10వేల కోట్ల రూపాయిలు సాయం చేసిందని తెలిపారు. పాకిస్తాన్ నుంచి చొరబాట్లను తిప్పికొట్టాం. సర్జికల్ స్ట్రైక్ చేసి ఉగ్రవాద శిబిరాలను ధ్వంసం చేశాం. ఉగ్రవాదాన్ని, నక్సలిజాన్ని మోడీ (Modi) అంతం చేశారు. 2047 నాటికి విశ్వగురువుగా భారత్ అవుతుందని అమిత షా ఈ సందర్భంగా వివరించారు..

March 12, 2024 0 comment

Featured Hyderabad Politics Telangana

Praneeth Rao : మాజీ డీఎస్పీ ప్రణీత్రావు వ్యవహారంలో బిగ్ ట్విస్ట్..!

by Venu March 11, 2024

written by Venu

తెలంగాణ (Telangana)లో సంచనలం సృష్టించిన ఫోన్ ట్యాపింగ్ కేసులో బిగ్ ట్విస్ట్ చోటు చేసుకొంది. ఈ కేసులో మాజీ డీఎస్పీ ప్రణీత్‌రావు ప్రధాన ఆరోపణలు ఎదుర్కొంటున్న విషయం తెలిసిందే.. ఈ మేరకు స్పెషల్ ఇంటెలిజెన్స్ బ్రాంచ్ (SIB) అదనపు ఎస్పీ (SP) డి.రమేశ్ ఫిర్యాదు మేరకు ప్రణీత్‌పై నాన్ బెయిలబుల్ కేసులు నమోదు అయ్యాయి. ఈ క్రమంలో సిరిసిల్ల (Sircilla) పోలీసు క్వార్టర్స్‌లో పంజాగుట్ట పోలీసులు అదుపులోకి తీసుకొన్నారు.

గత ప్రభుత్వ హయాంలో ప్రణీత్ రావు ఎస్ఐబీ విభాగంలో కీలక పోస్టులో ఉన్నారు. తెలంగాణ స్పెషల్ ఇంటెలిజెన్స్ బ్యూరోలో డిఎస్పీగా పనిచేశాడు. ఆ సమయంలో ప్రతిపక్ష పార్టీల నేతల కదలికలు, ప్రజాసంఘాల, జర్నలిస్టుల కీలక సమాచారం, ఫోన్లు ట్యాప్ చేసి సేకరించిన సమాచారాన్ని ఎస్ఐబీ లాగర్లో భద్రపరిచినట్లు ఆరోపణలు ఉన్నాయి. కాగా ఎన్నికల ఫలితాలు వెలువడిన వెంటనే రికార్డులు, ఆధారాలను ధ్వంసం చేసినట్లు పోలీసులు గుర్తించారు.

పెద్ద ఎత్తున హార్డ్ డిస్క్‌లను ధ్వంసం చేయడంతో పాటు డాక్యుమెంట్లను తగులబెట్టినట్టు అధికారులు అనుమానిస్తున్నారు. ఈ పనులకు ఎలక్ట్రిషియన్ సాయం తీసుకొన్న ప్రణీత్ రావు ( Praneeth Rao).. సీసీటీవీలను ఆపేసి ఆధారాలను ధ్వంసం చేసినట్టు పోలీసుల విచారణలో బయటపడింది. ఈ మేరకు వారం క్రితం ఆయనపై కేసులు నమోదు కాగా.. డిపార్ట్‌మెంట్ సస్పెండ్ చేసింది.

ఈ వ్యవహారంలో బాధ్యులైన ఇతరులపై కూడా కేసులు నమోదు చేసిన అధికారులు ఐపీసీ సెక్షన్లతో పాటు, ప్రజా ఆస్తుల ధ్వంస నిరోధక చట్టం (PDPP), సమాచార సాంకేతిక (IT) చట్టంలోని వివిధ సెక్షన్ల కింద ప్రణీత్‌రావుపై కేసు నమోదు చేశారు. మరోవైపు 2007 బ్యాచ్‌కు చెందిన ఎస్సైలలో ప్రణీత్ రావు ఒక్కరే డీఎస్పీగా ప్రమోషన్ పొందటం పై ఆరా తీస్తున్నట్లు సమాచారం. త్వరలో మరిన్ని కీలక విషయాలు బయటకు వచ్చే అవకాశాలున్నట్లు తెలుస్తోంది.

March 11, 2024 0 comment

Another sensation in the case of phone tapping.. Police raids in the houses of those officers!

Crime Featured Hyderabad Politics Telangana

Telangana : ప్రణీత్‌రావు చుట్టూ బిగుసుకొన్న ఉచ్చు.. నమోదైన నాన్ బెయిలబుల్ కేసులు..!

by Venu March 10, 2024

written by Venu

బీఆర్‌ఎస్‌ (BRS) అధికారంలో ఉన్న సమయంలో ప్రణీత్‌రావు (Praneeth Rao) ఆడింది ఆటగా.. పాడింది పాటగా సాగింది. ప్రస్తుతం ఆయన వ్యవహారం వివాదాస్పదంగా మారింది. గత ప్రభుత్వ హయాంలో అధికార దుర్వినియోగంకు పాల్పడినట్లు తేలింది.. అదీగాక విపక్ష నేతల ఫోన్లు ట్యాపింగ్‌ , సీసీ ఫుటేజీలు, హార్డ్‌ డిస్క్‌లు ధ్వసం చేశారనే ఆరోపణలు ఆయన చుట్టూ ముట్టాయి..

ఎన్నికల ఫలితాలు వచ్చిన రోజునే బాధ్యతాయుతమైన స్థానంలో ఉన్న ప్రణీత్‌రావు ఒక క్రిమినల్ తీరుగా వ్యవహరించడం రాష్ట్రంలో సంచలనంగా మారింది. తెలంగాణ (Telangana) అసెంబ్లీ ఎన్నికల ఫలితాలు వచ్చిన రోజు రాత్రి ప్రణీత్‌రావు తన కార్యాలయంలోని సీసీ కెమెరాలు ఆఫ్‌ చేసి 45 హార్డ్‌ డిస్క్‌లు ధ్వంసం చేసినట్లు గుర్తించారు. ఎస్‌ఐబీ (SIB)లోని కీలక ఫైల్స్‌ కూడా మాయం చేసినట్లు ధ్రువీకరించారు.

దీని ఆధారంగా పంజాగుట్ట (Panjagutta) పోలీస్‌ స్టేషన్‌లో అతనిపై ఇండియన్‌ టెలిగ్రాఫ్‌ యాక్ట్‌ కింద కేసు నమోదైంది. అదీగాక రహస్యంగా సమాచారం సేకరించడం, వ్యక్తిగత వివరాలను తస్కరించారని తేలింది. దీంతో ఐటీ చట్టం కింద కేసులు నమోదు చేశారు. మరోవైపు నివేదికలు పరిశీలించిన ఎస్ఐబీ అధికారులు.. ప్రణీత రావు అధికార దుర్వినియోగానికి పాల్పడినట్లు గుర్తించారు.. దీంతో పంజాగుట్ట ఫిర్యాదు చేశారు..

ఈ క్రమంలో ప్రణీత్ రావుతో పాటు మరికొంత మంది మీద నాన్ బెయిలబుల్ కేసులు నమోదు అయ్యాయి.. ఇక ప్రత్యేకంగా 17 సిస్టమ్స్ ఏర్పాటు చేసుకొని రహస్య సమాచారం సేకరించినట్లు తేలింది. ఎన్నికల ఫలితాలు వచ్చిన తర్వాత తన వద్ద ఉన్న సమాచారనీ ఇతర హార్డ్ డిస్కులోకి మార్చుకొన్నట్లు అధికారులు గుర్తించారు.. ఇదిలా ఉండగా ప్రణీత్ రావు మీద IPC సెక్షన్ కింద 409, 427, 201, 120 (బీ), పిడీపీపీ, ఐటీ ఆక్ట్ కింద కేసు నమోదు చేశారు..

March 10, 2024 0 comment

brs parliamentary party meeting tomorrow topics to be discussed are

Featured Hyderabad Politics Telangana

Telangana : రాజకీయ లెక్కల్లో బోల్తాపడ్డ బీఆర్ఎస్.. ప్రస్తుత పరిస్థితి ఏంటంటే..?

by Venu March 9, 2024

written by Venu

రాజకీయాల్లో ఎప్పుడు ఎలా ఉంటుందో అంచనా వేయడం కష్టం. పుస్తకాలలోని లెక్కలన్నీ ఒక ఫార్ములా ప్రకారం ఉంటాయి.. కానీ రాజకీయ లెక్కలకు అసలు ఫార్ములానే లేదని విశ్లేషకులు అంటుంటారు. ఎందుకంటే.. పొలిటికల్ (Political) ల్లో అన్ని ఎక్కువే.. అధికారం.. అహంకారం.. పలుకుబడి.. డబ్బు.. ఇవి శాశ్వతం కాదని నాయకులకు తెలుసు.. కానీ పదవులకున్న పవర్ వల్ల మనిషిని ఆడిస్తాయని గుర్తించే వారు అరుదుగా కనిపిస్తారు..

అదేవిధంగా కలిసివచ్చిన అధికారం ఉందని అహంకారంతో విర్రవీగితే.. ప్రజలు పాతాళానికి తొక్కేస్తారు. చరిత్రను గమనిస్తే ఇలాంటి సంఘటనలు ఎన్నో కనిపిస్తాయి.. మితిమీరిన విశ్వాసంతో, అహంకారం వల్ల నష్టపోయి పతమైన పార్టీలు.. కొన్ని సమయాల్లో ఉనికిలో లేకుండా పోయాయి. అలాంటి పరిస్థితి బీఆర్ఎస్ కు ప్రస్తుతం ఏర్పడిందనే చర్చ రాష్ట్ర రాజకీయాల్లో మొదలైందని అంటున్నారు..

తెలంగాణ ఉద్యమం ఊపందుకున్న తర్వాత బీఆర్ఎస్ (BRS)కు వచ్చిన డిమాండ్ గురించి ప్రత్యేకంగా చెప్పవలసిన పనిలేదు.. పార్టీ టిక్కెట్ల కోసం అయితే నేతలు తీవ్రంగా శ్రమించిన సంఘటనలున్నాయి. కేసీఆర్ (KCR) బరిలోకి ఎవర్ని దించిన ఓటర్లు పట్టించుకునేవారు కాదు. కేవలం కారు గుర్తునే చూసేవారు. అంతెందుకు జహీరాబాద్ లో బీబీ పాటిల్ అనే ఎంపీకి తెలుగు కూడా రాదు. అయినా రెండు సార్లు కారు గుర్తుకు ఉన్న క్రేజ్ వల్లే గెలిచారు.

బలంగా అంతటి పునాదులు ఏర్పరచుకొన్న బీఆర్ఎస్ ఇప్పుడు గడ్డు పరిస్థితిని ఎదుర్కొంటోందని ప్రచారం జరుగుతోంది. లోక్ సభ అభ్యర్థుల కోసం వెదుక్కుంటోందని, పోటీ చేయమని నేతల్ని బతిమాలుతోందని వార్తలు వస్తున్నాయి. అయినా ఎవరూ ముందుకు రావడం లేదనే టాక్ వినిపిస్తోంది. బీఆర్ఎస్ ఎంత గడ్డు పరిస్థితుల్లో ఉందంటే.. మహబూబ్ నగర్ (Mahbub Nagar) ఎంపీ అభ్యర్థే ఇందుకు ఉదాహరణగా పేర్కొంటున్నారు.

మాటలు రాని వారికి సైతం గులాబి బాస్ ఎంపీ టికెట్టు ఇవ్వడం ఆ పార్టీ పరిస్థితిని తెలియచేస్తుందని అంటున్నారు.. ఇక సిట్టింగ్ ఎంపీలు హ్యాండ్ ఇవ్వడంతో కొత్త వారు ఎరూ ముందుకు రావడం లేదని తెలుస్తోంది. ఈ క్రమంలో చేవెళ్ల నుంచి ఖమ్మం వరకూ అదిలాబాద్ నుంచి నల్లగొండ వరకూ.. అభ్యర్థుల వేట.. ఎడారిలో వజ్రాల కోసం వెతికినట్లు ఉందంటున్నారు. అయినా దిక్కులేక చివరికి బీఎస్పీతో పొత్తు పెట్టుకొవడం రాజకీయాల్లో ఆసక్తికరంగా మారింది.

ఇంత జరుగుతున్న బీఆర్ఎస్ ఒక్క విషయాన్ని గుర్తుంచుకొంటే ఈ పరిస్థితి వచ్చేది కాదంటున్నారు. నమ్మి అధికారం అప్పచెబితే.. బీఆర్ఎస్ నేతలంతా హద్దులు దాటడం.. రాష్ట్రానికి కింగ్‌లు అని భావించి.. మాకు తప్ప ఎవరికీ ఓటేసే దిక్కు లేదనుకొని చెలరేగిపోతే.. ఇంటికి పంపించేస్తారనే విషయాన్ని మరచారని.. చరిత్రను పరిశీలిస్తే అలాంటి తిరస్కరణకు గురైన పార్టీలు చాలా ఉన్నాయని అంటున్నారు..

March 9, 2024 0 comment

Featured Politics Telangana

Kaleshwaram : అన్నారం, సుందిళ్ల బ్యారేజీలను పరిశీలించిన కేంద్ర కమిటీ..!

by Venu March 8, 2024

written by Venu

– నిర్మాణ వైఫల్యాలు, నిర్వహణ లోపాలు
– మేడిగడ్డ, సుందిళ్ల, అన్నారం బ్యారేజీలను పరిశీలించిన కేంద్ర బృందం
– బ్యారేజీల డిజైన్లను క్షేత్ర స్థాయిలోకి తీసుకువెళ్లి కొలతలు
– డిజైన్ల మేరకు నిర్మాణాలు జరగలేదనే సందేహాలు
– మేడిగడ్డ 7వ బ్లాక్‌ తొలగించి కొత్తది నిర్మించడమా?
– లేదా బ్యారేజీ మొత్తానికి మరమ్మతులు చేయడమా?
– నిపుణుల బృందం నివేదికపై ఉత్కంఠ
– పూర్తి స్తాయి నివేదిక 4 నెలల తర్వాతే
– మధ్యంతర రిపోర్ట్ ఇచ్చే ఛాన్స్

కాళేశ్వరం ఆనకట్టల కథేంటో తెలుసుకునే పనిలో ఉంది కేంద్రం పంపించిన కమిటీ. ఇప్పటికే మేడిగడ్డను క్షుణ్ణంగా పరిశీలించిన టీమ్.. శుక్రవారం అన్నారం, సుందిళ్ల బ్యారేజీలని సందర్శించింది. గురువారం రాత్రి రామగుండంలో బస చేసిన సభ్యులు, అక్కడి నుంచి నేరుగా అన్నారం బ్యారేజీకి వెళ్లారు. బ్యారేజీలో ఏర్పడ్డ సీపేజీలు, బుంగలు, లీకేజీల ప్రాంతాన్ని చూసి వివరాలు సేకరించారు. బ్యారేజీపై తిరిగి విస్తృత అధ్యయనం చేశారు. మధ్యాహ్నం వరకు అన్నారం బ్యారేజీ వద్దనే పరిశీలించి అక్కడి నుంచి సుందిళ్ల బ్యారేజీకి వెళ్లారు.

మొదటి రోజు మేడిగడ్డ బ్యారేజీలో 6, 7, 8 బ్లాకులు, దెబ్బతిన్న, కుంగిన ప్రాంతాలను పరిశీలించారు. బ్యారేజీ వద్ద ఆనకట్ట కుంగుబాటు ఏ మేరకు ఉందన్నది నిశితంగా గమనించారు. దిగువకు వెళ్లి, 7వ బ్లాక్లోని 19, 20, 21 పల్లర్ల కుంగుబాటుకు దారితీసిన కారణాలను అధ్యయనం చేశారు. బ్యారేజీకి ఏర్పడ్డ పగుళ్లనూ చూశారు. అలాగే, అన్నారం సీపేజ్‌ ఏర్పడిన 10 బ్లాక్‌తో పాటుగా 38, 28 పియర్లను పరిశీలించారు. దెబ్బతిన్న ప్రాంతాల్లో విస్తృతంగా పరిశోధనలు చేశారు. బుంగలు ఏర్పడగానే తీసుకున్న చర్యలను అధికారులను అడిగి తెలుసుకున్నారు. పియర్ల దగ్గర గ్రౌంటింగ్‌ పనులను పరిశీలించింది కమిటీ. ఎల్‌ అండ్‌ టీ ప్రతినిధుల నుంచి ఈ బ్యారేజీలకు సంబంధించిన డిజైన్లను స్వాధీనం చేసుకుని నిర్మాణాల్లో ప్రతి ఇంచును పరిశీలించింది.

స్ట్రక్చరల్‌ ఇంజనీరింగ్‌ లో పియర్లకు బలం చేకూర్చే డయాఫ్రమ్‌ వాల్‌ పరిశీలించారు. కాళేశ్వరం అనుబంధ మేడిగడ్డ, సుందిళ్ల, అన్నారం బ్యారేజీల్లో నిర్మాణ వైఫల్యాలు, నిర్వహణ లోపాలు ఉన్నట్లు నేషనల్‌ డ్యాంసేఫ్టీ అథారిటీ నిపుణుల బృందం అంచనాకు వచ్చింది. ఈ మేరకు బ్యారేజీల డిజైన్లను క్షేత్ర స్థాయిలోకి తీసుకువెళ్లి కొలతలు తీశారు. డిజైన్ల మేరకు నిర్మాణాలు జరగలేదనే సందేహం వ్యక్తం చేసినట్లు సమాచారం. అయితే.. భూసార పరీక్షలు, బ్యారేజీకి వాడిన మెటీరియల్‌ను తాము కోరిన విధంగా పరీక్షలు చేసి నివేదికలు ఇవ్వాలని నిపుణుల బృందం రాష్ట్ర నీటిపారుదల శాఖ అధికారులను కోరింది.

గత రెండు రోజులుగా మేడిగడ్డ, అన్నారం, సుందిళ్ల బ్యారేజీలను క్షేత్ర స్థాయిలో పరిశీలించిన నేషనల్‌ డ్యాం సేఫ్టీ అథారిటీ ప్రతినిధి బృందం అనేక సందేహాలు, వైఫల్యాలను గమనించినట్లు తెలుస్తోంది. పోలీసుల సహాయంతో లాంగ్‌ విజువల్స్‌ ను డ్రోన్ల సహాయంతో తీసుకున్నారు. నిపుణుల బృదం పరిశీలిస్తున్నప్పుడు ఎవరినీ దగ్గరకు రానీయ కుండా సుమారు కిలో మీటరు పరిధిలోనే ఉంచారు. భారీ సాయుధ పోలీసు బలగాల పహారాలో నిపుణుల బృందం శుక్రవారం సాయంత్రం 6.30 గంటల వరకు క్షేత్రస్తాయిలోనే ఉంది. పరిశీలన అనంతరం కావల్సిన నివేదికలను అందివ్వాలని నీటిపారుదల శాఖ అధికారులను నిపుణుల బృదం కోరింది. ప్రధానంగా మేడిగడ్డ బ్యారేజీ 7వ బ్లాక్‌ తొలగించి కొత్తది నిర్మించడమా? లేదా బ్యారేజీ మొత్తానికి మరమ్మతులు చేయాల్సి ఉందా అనే అంశానికి ఈ నిపుణుల బృందం సూచనలు చేయనుంది. పూర్తి స్తాయి నివేదిక నాలుగు నెలల్లో ఇవ్వనున్నట్లు నిపుణుల బృందం ప్రకటించినప్పటికీ అంతకు ముందే మేడిగడ్డ బ్యారేజీ అంశంపై మధ్యంతర నివేదిక ఇవ్వనున్నట్లు సమాచారం.

March 8, 2024 0 comment

Newer Posts

Older Posts