Featured

– రేపటి నుంచి తెలంగాణ బడ్జెట్ సమావేశాలు
– మంత్రి శ్రీధర్ బాబు ప్రత్యేక రివ్యూ
– అసెంబ్లీ కమిటీ హాల్ లో ప్రభుత్వ విప్ లతో చర్చ
– తొలిరోజు ఉభయ సభలను ఉద్దేశించి గవర్నర్ ప్రసంగం
– మొదటి బడ్జెట్ ప్రవేశపెట్టనున్న భట్టి విక్రమార్క
– ఇరిగేషన్ శాఖపై వైట్ పేపర్ విడుదలకు ఛాన్స్
– సభ ముందుకు మేడిగడ్డపై విజిలెన్స్ నివేదిక
– బీఆర్ఎస్ ను టార్గెట్ చేసేలా కాంగ్రెస్ ప్లాన్స్
– ప్రత్యేక రాష్ట్రంలో తొలిసారి ప్రతిపక్ష నాయకుడిగా కేసీఆర్
– ఇప్పటికే ఇరు పార్టీల మధ్య ప్రాజెక్టుల పంచాయితీ
– అసెంబ్లీ సాక్షిగా మాటల యుద్ధానికి అవకాశం

తెలంగాణ (Telangana) అసెంబ్లీ సమరానికి సమయం ఆసన్నమైంది. గురువారం నుంచి బడ్జెట్ సమావేశాలు ప్రారంభం కాబోతున్నాయి. మొదటి రోజు గవర్నర్ తమిళిసై ఉభయ సభలను ఉద్దేశించి మాట్లాడనున్నారు. ఆ తర్వాత ఆర్థిక మంత్రి భట్టి విక్రమార్క బడ్జెట్ ప్రవేశపెట్టనున్నారు. ప్రత్యేక రాష్ట్రంలో తొలిసారి అధికారం దక్కించుకున్న కాంగ్రెస్.. మొదటి బడ్జెట్ ను ప్రవేశపెట్టనుంది. ఈ బడ్జెట్ సమావేశాల నిర్వహరణపై సభా వ్యవహారాల శాఖ మంత్రి శ్రీధర్ బాబు ప్రత్యేక సమావేశం నిర్వహించారు. అసెంబ్లీ కమిటీ హాల్ లో ప్రభుత్వ విప్ లతో చర్చించారు. ఈ సమావేశాల్లోనే ఇరిగేషన్ శాఖకు సంబంధించి శ్వేతపత్రం విడుదల చేయనుంది కాంగ్రెస్ ప్రభుత్వం. అదే విధంగా కాళేశ్వరం ప్రాజెక్టుపై విజిలెన్స్ విచారణ నివేదికను సభలో వివరించనుంది. ఇప్పటికే కేంద్రానికి ప్రాజెక్టుల అప్పగింతపై కాంగ్రెస్, బీఆర్ఎస్ మధ్య యుద్ధం జరుగుతోంది. ఈ సమయంలో అసెంబ్లీ సమావేశాలు జరుగుతుండడం.. ప్రత్యేక రాష్ట్రంలో తొలిసారి ప్రతిపక్ష నాయకుడిగా కేసీఆర్ అడుగు పెడుతుండడంతో.. సభలో ఎలాంటి పరిణామాలు జరుగుతాయో అనేది ఆసక్తికరంగా మారింది.

ఇరిగేషన్ పై శ్వేతపత్రం

అధికారం చేపట్టాక అన్ని శాఖలపై సమీక్షలు జరిపిన ప్రభుత్వం.. రాష్ట్ర ఆర్థిక పరిస్థితిపై ఓ అంచనాకొచ్చి శ్వేతపత్రం విడుదల చేసింది. అప్పుల చిట్టాను శీతాకాల అసెంబ్లీ సమావేశాల సందర్భంగా వివరించింది. ఇప్పుడు బడ్జెట్ సెషన్ లో ఇరిగేషన్ శాఖపై వైట్ పేపర్ విడుదలకు సిద్ధమైంది. తెలంగాణ రాష్ట్ర ఆవిర్భావం తర్వాత బీఆర్ఎస్​ ప్రభుత్వం ఇరిగేషన్​ ప్రాజెక్టుల కోసం రూ.1.82 లక్షల కోట్లు ఖర్చు చేసింది. దాదాపు 17 లక్షల ఎకరాల ఆయకట్టుకు నీళ్లందాయి. కానీ, కేసీఆర్ సీఎం అయిన తర్వాత చేపట్టిన ప్రాజెక్టుల కింద లక్ష ఎకరాల్లోపే కొత్త ఆయకట్టు వచ్చిందని, మిగతా 16 లక్షల ఎకరాల ఆయకట్టు జలయజ్ఞంలో భాగంగా కాంగ్రెస్​ తలపెట్టిన ప్రాజెక్టుల కిందనే వచ్చిందని అంటోంది. ఈ మేరకు ఇరిగేషన్​ శాఖ శ్వేతపత్రం సిద్ధం చేసింది. కాళేశ్వరం ఎత్తిపోతలకు రూ.93,872 కోట్లు ఖర్చు చేసినా కొత్తగా 98 వేల ఎకరాలకు మాత్రమే నీళ్లు ఇచ్చారని అధికారులు తెలిపారు. పాలమూరు-రంగారెడ్డి లిఫ్ట్​ స్కీంకు రూ.37,514 కోట్లు, సీతారామ ఎత్తిపోతలు, సీతమ్మ సాగర్ మల్టీ పర్పస్ ​ప్రాజెక్టుకు కలిపి రూ.8,634 కోట్లు, డిండి లిఫ్ట్​ స్కీంకు రూ.2,987 కోట్లు, చనాఖా-కొరాటాకు రూ.1,093 కోట్లు, చిన్న కాళేశ్వరం ఎత్తిపోతలకు రూ.399 కోట్లు, మోడికుంటవాగు రూ.65 కోట్లు, గట్టు ఎత్తిపోతలకు రూ.119 కోట్లు, జగన్నాథపూర్​ ప్రాజెక్టుకు రూ.192 కోట్లు ఖర్చు చేసినా వాటి కింద ఒక్క ఎకరానికి కూడా నీళ్లు ఇవ్వలేదని పేర్కొన్నారు. ఈ నేపథ్యంలో ఇరిగేషన్ శ్వేతపత్రంపై అసెంబ్లీలో మాటల యుద్ధం కొనసాగే ఛాన్స్ ఉంది.

మేడిగడ్డపై విజిలెన్స్ నివేదిక

బీఆర్ఎస్ ప్రభుత్వం ఎంతో ప్రతిష్టాత్మకంగా కాళేశ్వరం ప్రాజెక్ట్ చేపట్టింది. దాదాపు లక్ష కోట్ల దాకా ఖర్చు చేసి బ్యారేజీలు, పంప్ హౌస్ లు, ఇతర నిర్మాణాలు చేపట్టింది. అయితే.. వరదల సమయంలో పంప్ హౌస్ లు మునిగిపోవడం, అసెంబ్లీ ఎన్నికలకు ముందు మేడిగడ్డ బ్యారేజీ పిల్లర్లు కుంగిపోవడం బీఆర్ఎస్ ఓటమికి కారణమయ్యాయి. కాంగ్రెస్ సర్కార్ మేడిగడ్డ లోపాలపై ఫోకస్ పెట్టి విజిలెన్స్ విచారణ చేయించింది. దీనికి సంబంధించిన నివేదిక రెడీ అయింది. బడ్జెట్ సమావేశాల సందర్భంగా సభ ముందుకు ఈ నివేదికను తీసుకు రావాలని ప్రభుత్వం భావిస్తోంది. విజిలెన్స్ విభాగం ప్రభుత్వానికి ఇచ్చిన సమాచారం మేరకు మేడిగడ్డ వద్ద నష్టం భారీగానే ఉన్నట్లు ప్రాథమికంగా గుర్తించారు. ప్రవాహాన్ని నియంత్రించేందుకు పియర్స్ వెనుక భాగంలో చేసిన కాంక్రీటు నిర్మాణాలు కొట్టుకుపోయాయని నిర్ధారించారు. అన్నారం, సుందిళ్లలోనూ ఇదే తరహా లోపాలకు ఆస్కారం ఉందని సర్కార్​ కు సమాచారం అందినట్లు తెలుస్తోంది. బడ్జెట్ సమావేశాల్లో ఈ నివేదికను బయటపెడితే బీఆర్ఎస్, కాంగ్రెస్ మధ్య డైలాగ్ వార్ ఓ రేంజ్ లో కొనసాగే అవకాశం కనిపిస్తోంది.

ఇప్పటికే ప్రాజెక్టుల అప్పగింతపై వివాదం

కొన్నిరోజుల కిందట హైదరాబాద్ లో కృష్ణా నదీ యాజమాన్య బోర్డు (కేఆర్ఎంబీ) సమావేశం జరిగింది. ఏపీ, తెలంగాణ రాష్ట్రాల ఈఎన్సీలు, ఇతర ముఖ్య అధికారులు హాజరయ్యారు. శ్రీశైలం, నాగార్జునసాగర్ ప్రాజెక్టుల నిర్వహణ బాధ్యతలు కేఆర్ఎంబీకి అప్పగించాలని ఈ సమావేశంలో ఇరు రాష్ట్రాలు అంగీకారం తెలిపాయి. ఈ అంశం తెలంగాణలో రాజీకయ యుద్ధానికి కారణమైంది. అధికారంలోకి వచ్చిన రెండు నెలల్లోపే ప్రాజెక్టులను కేంద్రానికి అప్పగించారని కాంగ్రెస్ ప్రభుత్వంపై బీఆర్ఎస్ విరుచుకుపడింది. దీనిపై సీఎం రేవంత్ రెడ్డి ప్రెస్ మీట్ పెట్టి వివరణ ఇచ్చారు. అసలు పాపం అంతా కేసీఆర్ దేనని.. విభజన చట్టం ప్రకారమే ప్రాజెక్టులు అప్పగించామని స్పష్టం చేశారు. ఈ వ్యాఖ్యలపై బీఆర్ఎస్ సైడ్ నుంచి కూడా స్ట్రాంగ్ గానే కౌంటర్లు వస్తున్నాయి. నీళ్ల వాటా విషయంలో తెలంగాణ హక్కుల కోసం కొట్లాడతామని కేసీఆర్ ప్రకటించారు. ఈ క్రమంలోనే ఈనెల 13న నల్లగొండలో భారీ బహిరంగ సభ నిర్వహిస్తున్నారు. ఈ సమయంలో అసెంబ్లీ సమావేశాల్లో ఈ అంశంపై మాటల యుద్ధం జరగడం ఖాయంగా కనిపిస్తోంది.

తొలిసారి ప్రతిపక్ష నేతగా కేసీఆర్.. సీఎంగా రేవంత్

ప్రత్యేక రాష్ట్రం ఏర్పడ్డాక అసెంబ్లీలో సీఎం కుర్చీలో కేసీఆర్ కూర్చున్నారు. అప్పుడు టీడీపీ నుంచి గెలిచిన రేవంత్ రెడ్డి ప్రతిపక్ష నాయకుల మధ్యలో ఎక్కడో చివరిలో కనిపించారు. అయితే.. ఇప్పుడు సీన్ రివర్స్ అయింది. ఇన్నాళ్లూ సీఎం హోదాలో కేసీఆర్ కూర్చున్న స్థానంలో రేవంత్ రెడ్డి.. ప్రతిపక్ష నాయకుడిగా గులాబీ బాస్ అసెంబ్లీలో కనిపించనున్నారు. నీటిపారుదల శాఖకు సంబంధించిన శ్వేతపత్రం విడుదల.. కాళేశ్వరం ప్రాజెక్టుపై విజిలెన్స్ ఎంక్వైరీ రిపోర్ట్ సభ ముందుకు వస్తున్న నేపథ్యంలో కాంగ్రెస్, బీఆర్ఎస్ మధ్య మాటల తూటాలు పేలే అవకాశం కనిపిస్తోంది. గత సమావేశాల్లో కేటీఆర్, హరీశ్ రావు టార్గెట్ గా రేవంత్ రెడ్డి తీవ్ర స్థాయిలో మండిపడ్డారు. అయితే.. ఈసారి కేసీఆర్, రేవంత్ మధ్య డైలాగ్ వార్ ఎలా ఉంటుందో అనేది సర్వత్రా ఇంట్రెస్టింగ్ గా మారింది.

– ‘కంట్రోల్ తప్పుతున్న కారు’ పేరుతో కథనం
– సిట్టింగ్ ఎంపీల తీరుపై వార్నింగ్
– ‘రాష్ట్ర’ చెప్పినట్టే కాంగ్రెస్ గూటికి ఎంపీ వెంకటేష్
– మరో సిట్టింగ్ ఎంపీ సోదరుడి కుమారుడు కూడా చేరిక
– ఇంకో నలుగురు ఎంపీల తీరుపై అనుమానాలు
– సైలెంట్ గా అన్నీ కానిచ్చేస్తున్న రేవంత్
– బుజ్జగింపులకు ఆస్కారం లేకుండా వ్యూహాలు

అసెంబ్లీ ఎన్నికల్లో ఓటమి పాలైనప్పటి నుంచి కారు పార్టీ చాలా ట్రబుల్స్ ఎదుర్కొంటోంది. ఇప్పటికే అధికార పార్టీలోకి వలసలు పెరుగుతున్నాయనే ఆందోళనలో ఉన్న గులాబీకి తాజాగా మరో షాక్ తగిలింది. పార్లమెంట్ ఎన్నికల్లో తమ ప్రతాపం చూపిస్తామని ఛాలెంజ్ చేస్తున్న వేళ.. పెద్దపల్లి ఎంపీ వెంకటేష్ కాంగ్రెస్ పార్టీలో చేరారు. ఈయనతోపాటు మరో సిట్టింగ్ ఎంపీ మన్నె శ్రీనివాస్ రెడ్డి సోదరుని కుమారుడు, పారిశ్రామికవేత్త జీవన్ రెడ్డి సైతం కాంగ్రెస్ గూటికి చేరారు.

సిట్టింగ్ ఎంపీల తీరు అనుమానంగా ఉందని ముందే హెచ్చరించింది ‘రాష్ట్ర’. ‘కంట్రోల్ తప్పుతున్న కారు’ పేరుతో కథనాన్ని ఇచ్చింది. ‘రాష్ట్ర’ ఊహించినట్టే ఒక్కొక్కరుగా బీఆర్ఎస్ ఎంపీలు జంప్ అవుతున్నారు. త్వరలో మరో నలుగురు జంప్ అయ్యే అవకాశాలు ఉన్నట్టు సమాచారం. కాంగ్రెస్ అధ్యక్షుడు మల్లికార్జున ఖర్గే, సీఎం రేవంత్ రెడ్డి రెడ్డి, కేసీ వేణుగోపాల్, కాంగ్రెస్ ముఖ్య నేతల సమక్షంలో హస్తం కండువా కప్పుకొన్నారు ఎంపీ వెంకటేష్.

ముందుగా రేవంత్ రెడ్డితో కలిసి కేసీ వేణుగోపాల్ నివాసానికి వెళ్లారు. డిప్యూటీ సీఎం భట్టి విక్రమార్క, కాంగ్రెస్ నేతలు మల్లు రవి, ఇతర ముఖ్య నేతలు ఇందులో పాల్గొన్నారు. ప్రస్తుతం వెంకటేష్ పెద్దపల్లి ఎంపీగా ఉన్నారు. పార్లమెంట్ ఎన్నికలపై దృష్టి పెట్టిన బీఆర్‌ఎస్‌.. తెలంగాణలో మెజార్టీ లోక్‌ సభ స్థానాలు గెలుచుకోవాలని ఆరాటపడుతోంది. ఇందులో భాగంగా పెద్దపల్లి సిట్టింగ్‌ ఎంపీ వెంకటేష్‌ ను మారుస్తారన్న టాక్ పార్టీలో వినిపిస్తోంది. ఎంపీ అభ్యర్థిగా మాజీ మంత్రి కొప్పుల ఈశ్వర్‌ పోటీకి సిద్ధంగా ఉన్నట్లు బీఆర్‌ఎస్‌ వర్గాల్లో చర్చ మొదలైంది. దీంతో వెంకటేష్ కాంగ్రెస్‌ లో చేరినట్లు సమాచారం.

మొత్తానికి లోక్ సభ ఎన్నికలను ప్రతిష్టాత్మకంగా తీసుకొంటున్న గులాబీ బాస్ స్వయంగా రంగంలోకి దిగినా ఆశించిన ఫలితాలు రాబట్టుకోవడం కాస్త కష్టంగా కనిపిస్తున్నాయని భావిస్తున్నారు. అధికారంలో ఉంటే అంతా మనవారే.. అది చేయి జారితే అంతా ఖాళీయే అనే రాజకీయ ఫార్ములా ఈ ఎన్నికల్లో రిపీట్ అయినా ఆశ్చర్యపోవలసిన అవసరం లేదని అనుకొంటున్నారు.

నిజానికి రేవంత్ రెడ్డి సైలెంట్ వ్యూహాలు గులాబీ బాస్ కు అంతుచిక్కడం లేదు. అసెంబ్లీ ఎన్నికల సమయంలో చేరికలపై అంతా గప్ చుప్ గా నడిపించిన రేవంత్.. ఇప్పుడు కూడా అదే ఫార్ములాను ఫాలో అవుతున్నారు. బుజ్జగింపులకు ఆస్కారం లేకుండా ప్లాన్ చేస్తున్నారు. తాజా పరిణామాలతో పార్లమెంట్ ఎన్నికల వేళ ఇంకెంత మంది కాంగ్రెస్ కు టచ్ లో ఉన్నారు..? నెక్ట్స్ జంప్ అయ్యేది ఎవరు..? అనే ప్రశ్నలపై సర్వత్రా చర్చ జరుగుతోంది.

– తెలంగాణలో ముదురుతున్న జల జగడం
– కాంగ్రెస్, బీఆర్ఎస్ మధ్య మాటల యుద్ధం
– ప్రాజెక్టుల అప్పగింత సందర్భంగా కొత్త ప్రశ్నలు లేవనెత్తిన హస్తం
– జగన్, కేసీఆర్ మధ్య లోపాయికారి ఒప్పందం జరిగిందా?
– 8 టీఎంసీలు తరలిస్తుంటే.. కేసీఆర్ ఏం చేశారు?
– కుట్ర మేరకు సైలెంట్ గా ఉండిపోయారా?
– కేఆర్ఎంబీ సమావేశాలకు ఎందుకు వెళ్లలేదు?
– రాయ‌ల‌సీమ లిఫ్ట్ ఇరిగేష‌న్ కు అనుమతిచ్చింది నిజం కాదా?
– తెలంగాణ వ్యాప్తంగా జోరుగా చర్చ
– త్వరలో జనం ముందుకు కేసీఆర్.. ఈ ప్రశ్నలకు సమాధానాలుంటాయా?

తెలంగాణ (Telangana) లో ప్రస్తుతం జల జగడం ఓ రేంజ్ లో జరుగుతోంది. తప్పు మీదంటే మీదని కాంగ్రెస్ (Congress), బీఆర్ఎస్ (BRS) దుమ్మెత్తిపోసుకుంటున్నాయి. ఆఖరికి సీఎం రేవంత్ రెడ్డి (Revanth Reddy) మీడియా సమావేశం ఏర్పాటు చేసి బీఆర్ఎస్ హయాంలో చేసినవి, రాష్ట్ర విభజన సమయంలో జరిగినవి అన్నీ పూస గుచ్చినట్టు వివరించారు. దీనికి బీఆర్ఎస్ సైడ్ నుంచి కూడా స్ట్రాంగ్ కౌంటర్ వచ్చింది. అయితే.. కేసీఆర్ (KCR), జగన్ (Jagan) మధ్య జరిగిన చర్చలు, ఒప్పందాలు అటు రాజకీయ వర్గాల్లో ఇటు జనంలో హాట్ టాపిక్ గా మారాయి. నిజంగా ప్రగతి భవన్ (Pragathi Bhavan) వేదికగా చీకటి ఒప్పందాలు జరిగాయా? నీళ్ల వాటాలపై చర్చల సమయంలో ఏం జరిగింది..? కాంగ్రెస్ లేవనెత్తిన ప్రశ్నలకు బీఆర్ఎస్ దగ్గర సమాధానాలున్నాయా? త్వరలో జనంలోకి రానున్న కేసీఆర్ దీనిపై స్పందిస్తారా? ఇలా ఎన్నో ప్రశ్నలు ఇప్పుడు చర్చనీయాంశం అయ్యాయి.

జగన్ గెలుపు కోసం కేసీఆర్ ఫండింగ్..!

రాష్ట్ర విభజన తర్వాత తెలంగాణకు కేసీఆర్, ఆంధ్రాకు చంద్రబాబు ముఖ్యమంత్రులయ్యారు. అయితే.. 811 టీఎంసీల నీళ్ల పంపకాలకు సంబంధించి 2015లో కేఆర్ఎంబీ ఓ సమావేశం ఏర్పాటు చేసింది. ఈ మీటింగ్ తర్వాత తెలంగాణకు 299 టీఎంసీలు కేటాయించాలని ఒప్పందం జరిగింది. దీనికి కేసీఆర్, హరీష్ అంగీకరించి సంతకాలు చేశారనేది కాంగ్రెస్ ఆరోపణ. ఆ తర్వాత ముందస్తు ఎన్నికల్లో చంద్రబాబు, కాంగ్రెస్ తో పొత్తు పెట్టుకుని బీఆర్ఎస్ ఓటమికి ప్రయత్నించారు. దీంతో బాగా హర్టయిన కేసీఆర్.. చంద్రబాబుకు రిటర్న్ గిఫ్ట్ ఇస్తామని చెప్పి.. జగన్ గెలుపు కోసం ఫండింగ్ చేశారనే ఆరోపణలు ఉన్నాయి.

ప్రగతి భవన్ వేదికగా ఒప్పందాలు జరిగాయా?

2019 ఎన్నికల్లో జగన్ సీఎం అయ్యాక.. కేసీఆర్ తో భేటీ అయ్యారు. తెలుగు రాష్ట్రాల మధ్య నీటి పంచాయితీలు ఉండవని.. సఖ్యతగా ముందుకెళ్తామని ఇద్దరు నేతలు మీడియాకు లీకులిచ్చారు. అయితే.. కేసీఆర్, జగన్‌ సమావేశం తర్వాత సంగమేశ్వరం ప్రాజెక్ట్ జీవీ విడుదల చేసింది ఏపీ ప్రభుత్వం. రాయలసీమ లిఫ్ట్ ఇరిగేషన్ ప్రాజెక్టుతో ఏపీకి నీళ్లు తరలించేందుకు చర్యలు తీసుకున్నారు. ఇక్కడే కేసీఆర్, జగన్ చీకటి ఒప్పందం బయటపడిందని అప్పట్లో ప్రతిపక్షాలు విమర్శలు చేశాయి. ఇప్పుడు సీఎం రేవంత్ రెడ్డి కూడా అదే చెప్తున్నారు. ప్రగతి భవన్ లో జగన్, కేసీఆర్ ఒప్పందం చేసుకున్నారని.. ఆ చీకటి ఒప్పందం మేరకే ఆ తర్వాత జరిగిన కేఆర్ఎంబీ సమావేశానికి కేసీఆర్ హాజరు కాలేదని, ఒప్పందం మేరకే రాయలసీమ ఎత్తిపోతల ప్రాజెక్టును వ్యతిరేకించలేదని ఆరోపించారు. రాయలసీమ, ముచ్చుమర్రి ఎత్తిపోతల పథకాలకు కేసీఆర్ సహకరించారని అంటున్నారు. కేసీఆర్ హయాంలోనే రెండు ప్రాజెక్టులు మొదలయ్యాయని.. ఆయన పదవులు, కమీషన్లకు లొంగి జల దోపిడీకి సహకరించారని మండిపడుతున్నారు.

సవాల్ కు సై అంటున్న హరీష్.. ఈ ప్రశ్నలకు సమాధానం ఉంటుందా..?

జ‌గ‌న్‌, కేసీఆర్ ఏకాంత చ‌ర్చ‌ల్లో ఏం కుట్ర చేశారు? ఎత్తిపోత‌ల ద్వారా జ‌గ‌న్ రోజుకు 8 టీంఎసీల నీటిని తీసుకెళ్తుంటే ఇన్నాళ్లు ఏం చేశారు? పైగా, కేవలం 2 టీఎంసీల కోసం రూ.ల‌క్ష‌ కోట్లు ఖ‌ర్చు పెట్టి కాళేశ్వ‌రం ప్రాజెక్టును ఎందుకు నిర్మించారు? ఆనాడు చంద్రబాబుతో చర్చల సమయంలో సమాన నీటి వాటాపై ఎందుకు నోరు మెదపలేదు? తెలంగాణకు 299 టీఎంసీలు చాలని సంతకాలు ఎందుకు చేశారు? రాయ‌ల‌సీమ లిఫ్ట్ ఇరిగేష‌న్ కు కేసీఆర్ అనుమతిచ్చింది నిజం కాదా? ఇలా ఎన్నో ప్రశ్నలు తెరపైకి వస్తున్నాయి. సీఎం సవాల్ కు సై అన్న హరీష్.. ఈ ప్రశ్నలకు సమాధానాలు చెప్తారా? అనేది ఇప్పుడు చర్చనీయాంశంగా మారింది.

త్వరలో జనంలోకి కేసీఆర్.. కాంగ్రెస్ ప్రశ్నలపై స్పందిస్తారా?

సుదీర్ఘ విరామం తర్వాత బీఆర్ఎస్ అధినేత కేసీఆర్ తెలంగాణ భవన్‌ కు రావడానికి సిద్ధమయ్యారు. మంగళవారం బీఆర్ఎస్‌ ముఖ్య నేతలతో తెలంగాణ భవన్‌ వేదికగా సమావేశం కానున్నారు. తుంటి ఎముక సర్జరీ తర్వాత ఆయన తెలంగాణ భవన్‌ కు రానుండటం ఇదే తొలిసారి. పార్లమెంట్ ఎన్నికల సన్నాహకాలపై నేతలతో ఆయన చర్చించనున్నారు. ఎన్నికల్లో తీసుకోబోయే వ్యూహాలు, ప్రజాక్షేత్రంలో తప్పక చెప్పాల్సిన విషయాలు, కాంగ్రెస్ ప్రభుత్వం తీసుకుంటున్న నిర్ణయాలపై దిశానిర్దేశం చేయనున్నారు. ఎన్నికల అనంతరం ఇన్నాళ్లు మౌనంగా ఉన్న కేసీఆర్.. తాజాగా రీఎంట్రీ ఇచ్చేందుకు సిద్ధమయ్యారు. ఈ క్రమంలో ఈ నెల 13న నల్లగొండ పట్టణంలో భారీ బహిరంగ సభ నిర్వహించేందుకు ఏర్పాట్లు చేస్తున్నారు. ఈ సభ నుంచి పార్లమెంట్ ఎన్నికల శంఖారావం పూరించనున్నారు. మరి, ఈ ప్రచారంలో కాంగ్రెస్ లేవనెత్తుతున్న ప్రశ్నలపై ఆయన రియాక్ట్ అవుతారా? లేదా? అనేది చూడాలి.

– బీఆర్ఎస్ కు వరుస షాకులు
– పార్టీని వీడుతున్న నేతలు
– మాజీ ఎమ్మెల్యే రాజయ్య రాజీనామా
– లేఖలో మూడు ముక్కలతో గుడ్ బై
– త్వరలో కాంగ్రెస్ లో చేరుతున్నట్టు ప్రచారం
– రాజయ్య బాటలో ఉన్న నేతలెవరు..?
– ఇద్దరు ఎంపీల తీరుపై అనుమానాలు
– ఎమ్మెల్యేలు, మాజీల పక్క చూపులు
– టికెట్ దక్కకపోతే రాజీనామాలకు రెడీ
– రేవంత్ తో మేయర్ విజయలక్ష్మి భేటీ
– నిజంగా, బీఆర్ఎస్ పూర్తిగా ఖాళీ అవుతుందా..?

ఉద్యమ పార్టీగా ముద్ర. ప్రత్యేక తెలంగాణను రెండు పర్యాయాలు పాలించిన రికార్డ్. కానీ, అసెంబ్లీ ఎన్నికల ఓటమితో సీన్ రివర్స్ అయిపోయింది. మెల్లమెల్లగా బీఆర్ఎస్ (BRS) ఖాళీ అవుతోంది. ఇప్పటికే కొందరు నేతలు కేసీఆర్ (KCR) కు గుడ్ బై చెప్పగా.. తాజాగా మాజీ ఎమ్మెల్యే తాటికొండ రాజయ్య (Rajaiah) పార్టీని వీడారు. వరంగల్ ఎంపీ సీటుపై అధిష్టానం స్పందించకపోవడంతో తీవ్ర అసంతృప్తికి లోనయ్యారు. రాజీనామా లేఖను పార్టీ అధినేత కేసీఆర్ కు పంపారు. కేసీఆర్ గారికి నమస్తే.. బీఆర్ఎస్ పార్టీ సభ్యత్వానికి రాజీనామా చేస్తున్నా అంటూ మూడు ముక్కల్లో లేఖను ముగించారు రాజయ్య.

ఇటీవల జరిగిన అసెంబ్లీ ఎన్నికల్లో స్టేషన్ ఘన్ పూర్ టికెట్ రాజయ్యకు కాకుండా కడియం శ్రీహరికి కేటాయించింది బీఆర్ఎస్ అధిష్టానం. అప్పటి నుంచి అసంతృప్తితో ఉన్నారు. తర్వాత రాజయ్యకు రైతుబంధు ఛైర్మన్ పదవి ఇచ్చినా ఆయన సంతృప్తిగా లేరు. వరంగల్ ఎంపీ టికెట్ ఆశించారు. అయితే కేసీఆర్ నుంచి ఎలాంటి రిప్లై రాలేదు. పార్టీలో తీవ్ర అసంతృప్తితో ఉన్నానని తనకు గుర్తింపు లేదని రాజయ్య తెలిపారు. ప్రభుత్వాన్ని కూల్చేస్తామంటూ నాయకులు అప్రజాస్వామికంగా మాట్లాడుతున్నారని చెప్పారు. ప్రతిపక్షంలో ఉన్నంత మాత్రాన పోరాటం చేయలేమా అని ప్రశ్నించారు. తన మద్దతు దారులతో చర్చించి ఓ నిర్ణయం తీసుకుంటానని చెప్పారు.

రాజయ్య ఇటీవల వరంగల్ ఇంఛార్జ్ మంత్రి పొంగులేటి శ్రీనివాస్ రెడ్డిని కలిశారు. అప్పటి నుంచి ఆయన కాంగ్రెస్ లో చేరుతారనే ప్రచారం జరుగుతోంది. సీఎం రేవంత్ రెడ్డి సైతం రాజయ్య చేరికకు గ్రీన్ సిగ్నల్ ఇచ్చినట్లు తెలుస్తోంది. వరంగల్ ఎంపీ టికెట్ రాజయ్యకు కేటాయించే అవకాశముందని సమాచారం. ఆ హామీతోనే ఆయన పార్టీ మారుతున్నట్లు ప్రచారం జరుగుతోంది. ఇప్పుడు రాజయ్య దారిలో ఇంకెంతమంది నడుస్తారనేది ఇప్పుడు చర్చనీయాశంగా మారింది.

బీఆర్ఎస్ లో చాలామంది నేతలు అసంతృప్తిలో ఉన్నారు. ఎంపీ టికెట్ కోసం కొందరు ఎదురుచూస్తున్నారు. హుజూరాబాద్ మాజీ ఎమ్మెల్యే ఇనగాల పెద్దిరెడ్డి త్వరలో కాంగ్రెస్ లో చేరనున్నట్టు సమాచారం. మొన్నటి ఎన్నికల్లో ఈయన కౌశిక్ రెడ్డి గెలుపు కోసం పనిచేశారు. కానీ, పార్టీ నుంచి రావాల్సిన సపోర్ట్ అయితే ఉండడం లేదనే అసంతృప్తిలో ఉన్నారని.. త్వరలో హస్తం గూటికి చేరతారని ప్రచారం జరుగుతోంది. ఇటు దక్షిణ తెలంగాణకు చెందిన ఇద్దరు బీఆర్ఎస్ ఎంపీలు కూడా కాంగ్రెస్ లో చేరేందుకు ప్రయత్నాలు ప్రారంభించారని వార్తలు వస్తున్నాయి.

నాగర్ కర్నూల్ ఎంపీ రాములు మరోసారి టికెట్ ఆశిస్తున్నారు. కానీ, ఈసారి గువ్వల బాలరాజుకు టికెట్ దక్కొచ్చని ప్రచారం జరుగుతోంది. అదే జరిగితే రాములు గుడ్ బై చెప్పే అవకాశం ఉంది. అలాగే, మాజీ ఎంపీ సీతారాం నాయక్ కూడా అధిష్టానం తీరుపై అసహనంలో ఉన్నారు. గత ఎన్నికల్లో మాలోత్ కవితకు టికెట్ ఇవ్వగా.. ఈసారి ఆయనకు దక్కకపోతే కేసీఆర్ కు బైబై చెప్తారని అంచనా వేస్తున్నారు విశ్లేషకులు.

మాజీ మేయర్ బొంతు రామ్మోహన్ తీరుపైనా అనుమానాలున్నాయి. అలాగే, జీహెచ్ఎంసీ పరిధిలో చాలామంది కార్పొరేటర్లు పార్టీ మారేందుకు చూస్తున్నట్టుగా సమాచారం. ఈ ప్రచారం జరుగుతున్న సమయంలోనే సీఎం రేవంత్ రెడ్డితో మేయర్ విజయలక్ష్మి కలవడం చర్చనీయాంశమైంది. ఆమె కూడా పార్టీ మారుతున్నట్టు వార్తలు వచ్చాయి. కానీ, అభివృద్ధి పైనే రేవంత్ తో చర్చించినట్టు చెప్పారు. మొత్తంగా లోక్ సభ ఎన్నికల నేపథ్యంలో బీఆర్ఎస్ కు వరుస షాకులు తప్పేలా లేవని అంటున్నారు రాజకీయ పండితులు.

అసెంబ్లీ ఎన్నికల్లో బీఆర్ఎస్ (BRS) ఓటమి అనంతరం తెలంగాణ (Telangana) రాజకీయాలు ఆసక్తికరంగా మారుతున్నాయి. త్వరలో లోక్ సభ ఎన్నికలు ఉండటంతో అవి ముదిరి పాకనపడ్డాయి.. అయితే బీఆర్ఎస్ ను ఫామ్ లోకి తేవడానికి గులాబీ బాస్ వ్యూహాలు రచిస్తున్నట్లు ప్రచారం జరుగుతుండగా.. రేవంత్ రెడ్డి (Revanth Reddy) సైతం ప్రత్యర్థుల నోరు మూయించే పనిలో పడ్డట్టు తెలుస్తోంది.

వీటిని కూడా చదవండి: India-Maldives : చైనా మాయలో మాల్దీవులు.. కీలక అంశాలపై కోర్ కమిటీ సమావేశం..!!

ఈ క్రమంలో బీఆర్ఎస్ పాలన సమయంలో అవినీతిపై దృష్టి కేంద్రీకరించినట్లు టాక్ వినిపిస్తోంది. అయితే ఆవేశపడకుండా అందరూ ఊహించినదానికి భిన్నంగా సీఎం రేవంత్ రెడ్డి కనిపిస్తున్నారని తెలుస్తోంది. గతంలో ఆయనకు ఎదురైన అనుభవాలతో పదవి దక్కగానే ఆవేశ పడతారని..బీఆర్ఎస్ నేతలపై విరుచుకుపడతారని అనుకున్నారు. కానీ రేవంత్ మౌనం వెనుక సుదీర్ఘమైన ఆలోచన ఉన్నట్టు తెలుస్తోంది.

మరోవైపు రాజకీయాల్లో కక్ష సాధింపులు అనేవి ఎప్పుడూ ఎదుర్కొనే వారికే మేలు చేస్తాయని చరిత్ర చెబుతోంది. జైలుకు వెళ్లిన నేతలు ముఖ్యమంత్రులు అయ్యారు. ఇక తెలంగాణలో కేసీఆర్ కు ప్రత్యామ్నాయంగా రేవంత్ రెడ్డి నిలబడ్డారంటే.. ఆయనను కేసీఆర్ అంతగా టార్గెట్ చేయబట్టే అని తెలుస్తోంది. అందుకే కావచ్చు తాను కేసీఆర్ ను ప్రత్యర్థిగా ఎంచుకోలేదని.. తననే కేసీఆర్ ప్రత్యర్థిగా ఎంచుకున్నారని రేవంత్ రెడ్డి అప్పుడప్పుడు చెబుతూంటారు.

వీటిని కూడా చదవండి: Telangana: బీఆర్ఎస్‌కు బిగ్‌షాక్.. మాజీ ఎమ్మెల్యే రాజీనామా ప్రకటన..!

అదీగాక కేసీఆర్ (KCR), రేవంత్ ను ఏదో చేయాలని టార్గెట్ చేయడంతో అదే ఆయనకు మేలు చేసిందని, ఈ సూక్ష్మసిద్ధాంతం బాగా తెలుసు కాబట్టే రేవంత్ రెడ్డి పదవి చేపట్టగానే ఆవేశపడలేదని, అలా అని వదిలేయలేదని తాజా పరిణామాలను బట్టి అర్థమవుతుందని రాజకీయ విశ్లేషకులు భావిస్తున్నారు. అందుకే తెలంగాణలో సంచలనం సృష్టిస్తున్న ప్రతి కేసూ బీఆర్ఎస్ దగ్గరకు వెళ్తుందనే వాదన వినిపిస్తోన్నారు.

అయితే ఎవరూ ఊహించని రీతిలో కింది స్థాయి నుంచి ఏం జరిగిందో బయటకు తీసుకు వస్తున్నారని అనుకోంటున్నారు. నిజానికి నేరుగా కేసీఆర్ లేదా కేటీఆర్ ను టార్గెట్ చేస్తే కక్ష సాధింపు అనే ప్రచారం జరుగుతుంది. రాజకీయాల్లో ఇలాంటి కక్ష సాధింపులు వారికి ఉపయోగపడతాయి. సానుభూతి కోసం ప్రయత్నిస్తారు. కానీ ఇక్కడ రేవంత్ రెడ్డి నేతృత్వంలోని కాంగ్రెస్ ప్రభుత్వం అలాంటి సానుభూతి అస్త్రాన్ని ఇవ్వడానికి సిద్ధం గా లేదని చెబుతున్నారు.

మొత్తం ఏసీబీ ద్వారా స్కాం మూలాల నుంచి తవ్వుకుంటూ వస్తున్నారని దర్యాప్తులో అది కేసీఆర్, కేటీఆర్ వద్దకు చేరుతుందని.. దాని వల్ల ప్రభుత్వం ఎలాంటి కక్ష సాధింపులు పాల్పడటం లేదని ప్రజలకు అంచనాకు వస్తారని నమ్ముతున్నారు. లోక్‌సభ ఎన్నికలు జరిగే వరకూ.. గుట్టు అంతా బయటకు లాగే ప్రయత్నం చేస్తారని.. ఎన్నికలు ముగిసిన తర్వాత అసలు రాజకీయం ప్రారంభిస్తారని అంటున్నారు. మొత్తంగా కేసులు.. వ్యవహారాలు రాబోయే రోజుల్లో తెలంగాణ రాజకీయాల్లో సంచలనంగా మారే అవకాశం ఉందని విశ్లేషకులు అంచనాకు వస్తున్నారు..

వీటిని కూడా చదవండి: Maharashtra : బీజేపీ ఎమ్మెల్యే కాల్పులు.. ప్రాణాపాయ స్థితిలో శివసేన నేత..!!

– పార్లమెంట్ ఎన్నికల వేళ కేసీఆర్ వ్యూహం
– రేపు ఎమ్మెల్యేగా ప్రమాణం
– సారు రాకపై అందరి దృష్టి
– వీల్ చైర్ లో వస్తారని విశ్లేషకుల అంచనా
– ఎన్నికల ప్రచారంలోనూ ఇదే ఫార్ములా..!?
– గతంలో వీల్ చైర్ వ్యూహంతో మమతా బెనర్జీ సక్సెస్
– అదే ఐడియా కేసీఆర్ కు వర్కవుట్ అవుతుందా?

దేశ రాజకీయాల్లో తెలంగాణ (Telangana) ప్రత్యేకం. ఇక్కడ స్థానిక సెంటిమెంట్ ఎక్కువగా ఉంటుంది. అందుకే, బీఆర్ఎస్ (BRS) రెండు పర్యాయాలు పాలించగలిగింది. మొన్న కాంగ్రెస్ (Congress) కూడా ఇదే అస్త్రంతో గెలవగలిగింది. నీళ్లు, నిధులు, నియామకాలే లక్ష్యంగా సాధించుకున్న స్వరాష్ట్రంలో సెంటిమెంట్ రాజకీయాలకు కొదవే లేదు. ముఖ్యంగా కేసీఆర్ (KCR) ఈ అంశంలో టాప్ స్కోరర్. పార్టీకి, ప్రభుత్వానికి ఇబ్బందులు తలెత్తిన ప్రతీసారి ఆయన చేసిన సెంటిమెంట్ రాజకీయాలు అన్నీ ఇన్నీ కావు. అయితే.. అసెంబ్లీ ఎన్నికల్లో ఓటమి తర్వాత గమ్మునుండిపోయిన కేసీఆర్.. మరోసారి సింపథీ అస్త్రంతో పార్లమెంట్ ఎన్నికల వేళ ప్రజల ముందుకు రానున్నట్టు రాజకీయ వర్గాల్లో చర్చ జరుగుతోంది.

మొన్నటి ఎన్నికల్లో గజ్వేల్, కామారెడ్డి నుంచి పోటీ చేసిన కేసీఆర్.. ఒకచోటే గెలిచారు. కానీ, ఇప్పటిదాకా ఆయన ఎమ్మెల్యేగా ప్రమాణం చేయలేదు. ఫాంహౌస్ లో జారిపడి తుంటి ఎముక ఆపరేషన్ వల్ల ఇన్నాళ్లూ ఇంటికే పరిమితమయ్యారు. అయితే.. గురువారం తెలంగాణ అసెంబ్లీకి రానున్నారు. ఎమ్మెల్యేగా ప్రమాణం చేయనున్నారు. ఇక్కడ రాజకీయ విశ్లేషకులు గెస్ చేస్తున్నది ఏంటంటే.. కేసీఆర్ అసెంబ్లీకి వీల్ చైర్ లో వస్తారని అంటున్నారు. సార్వత్రిక ఎన్నికల సమయం ముంచుకొస్తున్న తరుణంలో కేసీఆర్ రాజకీయంగా యాక్టివ్ అవ్వాల్సిన సమయం ఇది. ఆరోగ్య కారణాల దృష్ట్యా ఆయన ఇప్పుడప్పుడే కీ రోల్ పోషించే అవకాశం లేదు. కానీ, కీలక సమయం కావడంతో వీల్ చైర్ లో అయినా ప్రజల ముందుకు రావాలని డిసైడ్ అయినట్టు అంచనా వేస్తున్నారు.

అసెంబ్లీ ఎన్నికల్లో విజయంతో కాంగ్రెస్ ఊపుమీదుంది. పార్లమెంట్ ఎన్నికల్లోనూ సత్తా చాటుతామని.. బీఆర్ఎస్ ను ఖాళీ చేస్తామని ఆపార్టీ నేతలు చెబుతున్నారు. ఈ నేపథ్యంలో కేసీఆర్ వ్యూహాత్మకంగా అడుగులు వేయనున్నారని.. అందులోభాగంగానే వీల్ చైర్‌ లో ఎన్నికల ప్రచార పర్వానికి తెర తీయనున్నారని విశ్లేషకులు అంటున్నారు. ఇలా అయితేనే సెంటిమెంట్ వెల్లువెత్తి లబ్ధి చేకూరుతుందన్నది ఆయన వ్యూహంగా విశ్లేషిస్తున్నారు. బెంగాల్ అసెంబ్లీ ఎన్నికల్లో టీఎంసీ పార్టీ అధినేత మమతా బెనర్జీ కూడా ఇదే ఫార్ములాను వాడి సీఎం చైర్ అందుకొన్నారు. సార్వత్రిక ఎన్నికల్లో కేసీఆర్ కూడా ఇలాగే వ్యవహరించి.. 17 లోక్ సభ స్థానాల్లో కొన్నైనా కైవసం చేసుకొనేందుకు ఈ ప్లాన్ చేసి ఉండొచ్చని అంటున్నారు.

అధికారంలో ఉన్న హస్తం పార్టీ.. రాష్ట్రంలో బీఆర్ఎస్ లేకుండా చేస్తామంటున్నారు. గతంలో కేసీఆర్ చేసిన దానికి రిటర్న్ గిఫ్ట్ ఇస్తామని వార్నింగ్ ఇస్తున్నారు. ఇప్పటికే చాలామంది గులాబీ ఎమ్మెల్యేలు కాంగ్రెస్ కు టచ్ లోకి వెళ్లారు. ఈ నేపథ్యంలో ఆలస్యం.. అమృతం.. విషం.. మాదిరిగా లేటైతే జరగాల్సిన నష్టం జరుగుతుందని భావించిన కేసీఆర్.. వీల్ చైర్ లో అయినా అటు జనంలో ఇటు పార్టీ నేతల్లో ఉండాలని డిసైడ్ అయినట్టు చెబుతున్నారు. అదీగాక, సింపథీ కూడా వర్కవుట్ అవుతుందని భావిస్తున్నట్టుగా అంచనా వేస్తున్నారు విశ్లేషకులు. కానీ, ఇది ఎంతవరకు లాభం చేకూర్చుతుందో చూడాలి.