National

రాజకీయ, వ్యక్తిగత ప్రయోజనాల కోసం న్యాయస్థానం తీర్పులను కొందరు వారికి అనుకూలంగా మలుచుకుంటున్నారని మాజీ న్యాయమూర్తులు(Retired Judges) ఆందోళన వ్యక్తం చేశారు. ఏకంగా 21మంది సుప్రీం కోర్టు(Supreme Court), హైకోర్టు(High Court)ల మాజీ న్యాయమూర్తులు సీజేఐ జస్టిస్ డీవై చంద్రచూడ్‌(CJI Justice DY Chandrachud)కు ఓ లేఖను రాశారు. అందులో తప్పుడు సమాచారాల ద్వారా న్యాయవ్యవస్థను అణగదొక్కడానికి కొందరు ప్రయత్నిస్తున్నారని అసహనం వ్యక్తం చేశారు.

అంతేకాదు న్యాయవ్యవస్థ సమగ్రతను దెబ్బతీసేలా తమకు అనుకూలంగా తీర్పు చెప్పాలంటూ తీవ్రమైన ఒత్తిడికి గురిచేస్తున్నారని ఆవేదన వ్యక్తం చేశారు. ఇలాంటి చర్యలు అనైతికమైనవని, దేశ ప్రజాస్వామ్య విలువలకు హానికరమని పేర్కొన్నారు. అనుకూలంగా ఉండే న్యాయ నిర్ణయాలపై ప్రశంసలు, అలా లేకపోతే విమర్శలు చేయడంతో న్యాయ సమీక్ష సారాంశమే దెబ్బతింటోందని ఆందోళన వ్యక్తం చేశారు.

అవినీతి కేసుల్లో అధికార ఎన్డీయే, విపక్షాల ఆరోపణలు తీవ్రమవుతున్న నేపథ్యంలో మాజీ న్యాయమూర్తులు ఈ లేఖ రాయడం చర్చనీయాశంమైంది. ఇదివరకు ఇలాగే రాజకీయ ఒత్తిళ్ల వల్ల న్యాయవ్యవస్థకు పొంచి ఉన్న ముప్పుపై ఆందోళన వ్యక్తం చేస్తూ సుప్రీం కోర్టు ప్రధాన న్యాయమూర్తికి దేశంలోని దాదాపు 600 మంది లేఖ రాశారు. స్వార్థ ప్రయోజనాల సమూహాలకు అడ్డుకట్ట వేయాలని దేశ సర్వోన్నత న్యాయస్థానాన్ని కోరారు.

కోర్టులను ప్రభావితం చేయడం సులభం అంటూ పలువురు చేస్తున్న వ్యాఖ్యలు న్యాయవ్యవస్థపై ప్రజలకున్న నమ్మకాన్ని దెబ్బతీస్తున్నాయని 600 మంది లాయర్లు తమ లేఖలో కోరారు. రాజకీయ అజెండాతో న్యాయస్థానాలను అగౌరవపరిచే ‘స్వర్ణ యుగం’, ‘బెంచ్ ఫిక్సింగ్’ లాంటి పదాలను ప్రయోగించే వారిని ఉపేక్షించకూడదని వారు సుప్రీంకోర్టు ప్రధాన న్యాయమూర్తి జస్టిస్ డీవై చంద్రచూడ్‌ను కోరారు.

ఇరాన్‌, ఇజ్రాయెల్(Iran-Israel) మ‌ధ్య‌ యుద్ధ వాతావరణం నెలకొన్న విషయం తెలిసిందే. సిరియా(Syria)లోని ఎంబ‌సీ కార్యాల‌యంపై వైమానిక దాడికి ప్ర‌తిస్పంద‌న‌గా ఇజ్రాయెల్‌పై ఇరాన్ 300కి పైగా క్షిప‌ణులు ప్ర‌యోగించింది. ఈ నేపథ్యంలో ప్రధాని న‌రేంద్ర మోదీ కీల‌క వ్యాఖ్య‌లు చేశారు. విదేశాల్లోని భార‌తీయుల ర‌క్ష‌ణ త‌మ ప్ర‌భుత్వ తొలి ప్రాధాన్య‌త అని స్ప‌ష్టం చేశారు.

అక్టోబ‌ర్‌లో ఇజ్రాయెల్‌, హ‌మాస్ మ‌ధ్య దాడులు జ‌రిగిన స‌మ‌యంలోనూ ఇజ్రాయెల్‌లోని మన వారిని స్వ‌దేశానికి తీసుకురావ‌డానికి ఆప‌రేష‌న్ అజ‌య్ చేప‌ట్టింది భారత ప్రభుత్వం. త‌ద్వారా 1,309 మంది భార‌త పౌరులు, 14 మంది ఓసీఐ కార్డుదారులు, 20 మంది నేపాలీల‌ను తరలించింది. ర‌ష్యా, ఉక్రెయిన్ మ‌ధ్య వార్ స‌మ‌యంలోనూ మోడీ సర్కార్ ‘ఆప‌రేష‌న్ గంగా’ ద్వారా 25వేల మంది భార‌తీయుల‌ను స్వ‌దేశానికి తీసుకువ‌చ్చింది.

తాజాగా ఇరాన్‌, ఇజ్రాయెల్ మ‌ధ్య ఉద్రిక్త‌త నేప‌థ్యంలో అక్క‌డ ఉంటున్న భార‌తీయుల‌ను స్వ‌దేశానికి త‌ర‌లించేందుకు కేంద్రం చ‌ర్య‌లు చేప‌డుతోందని ప్రధాని మోడీ స్పష్టం చేశారు. బీజేపీ నేతృత్వంలోని ఎన్‌డీఏ మూడోసారి అధికారంలోకి వ‌స్తే ఉద్రిక్త‌త‌లు చెల‌రేగుతున్న ప్రాంతాల్లో భారతీయుల భ‌ద్ర‌తకు ప్రాధాన్యం ఇస్తామ‌ని ప్రధాని మోడీ వెల్లడించారు. ప్ర‌పంచ‌వ్యాప్తంగా వివిధ దేశాల మ‌ధ్య త‌ర‌చూ అనిశ్చిత, యుద్ధ వాతావరణ ప‌రిస్థితులపై ఆందోళన వ్యక్తంచేశారు. ప్ర‌పంచ దేశాల్లో శాంతి లేదని వ్యాఖ్యానించారు.

ఇలాంటి సమయంలో దేశ పౌరుల‌ భ‌ద్ర‌తకు భ‌రోసా ఇవ్వ‌డం చాలా ముఖ్యమని అన్నారు. మెజారిటీతో బ‌ల‌మైన‌, స్థిర‌మైన ప్ర‌భుత్వాన్ని ఎన్నుకోవ‌డమే మన ముందున్న త‌క్ష‌ణ క‌ర్త‌వ్యమని ప్రధాని మోడీ ప్రజలకు సూచించారు. ఇలాంటి పరిస్థితుల్లో దేశాన్ని ఆర్థికంగా మ‌రింత దృఢంగా మార్చే ప్ర‌భుత్వం అవ‌స‌రమని అభిప్రాయపడ్డారు. ప్ర‌పంచ స‌వాళ్ల‌ను ఎదుర్కొంటూ ‘విక్షిత్ భార‌త్’ దిశ‌గా అడుగులు వేయాల్సిన అవ‌స‌రం ఉందని మోడీ పునరుద్ఘాటించారు.

భారతదేశం చేసిన ప్రతిపాదనకు ఇరాన్ (IRAN)ఎట్టకేలకు ఓకే చెప్పింది. ఇజ్రాయెల్‌(ISRAEL)కు చెందిన ఓ భారీ కార్గో నౌకను ఇటీవల ఇరాన్ స్వాధీనం చేసుకున్న విషయం తెలిసిందే. అయితే, అందులో 17 మంది భారతీయులు ఉన్నట్లు విదేశాంగశాఖకు సమాచారం అందింది. దీంతో విదేశాంగశాఖ మంత్రి ఎస్ జై శంకర్ ఆదివారం ఇరాన్ దేశ అధికార ప్రతినిధులతో ఫోన్ ద్వారా సంభాషించారు.

చర్చలు సఫలం కావడంతో కార్గో షిప్‌లో చిక్కుకున్న 17 మంది(17 INDIAN CREW) భారతీయులను కలిసేందుకు ఇండియన్ అధికారులకు అనుమతి ఇస్తున్నట్లు ఇరాన్ సోమవారం ప్రకటించింది. ఓడ వివరాలను పరిశీలిస్తున్నామని, త్వరలోనే భారత ప్రభుత్వ ప్రతినిధులు ఆ నౌకలో ఉన్న సిబ్బందితో సమావేశం కావొచ్చని ఇరాన్ విదేశాంగ మంత్రి డాక్టర్ అమీర్ అబ్దుల్లాహియాన్ తెలిపారు.

ఇక గాజాలో యుద్ధాన్ని ఆపేందుకు యూఎన్ఓ భద్రతా మండలితో సహా అంతర్జాతీయ సంస్థల ద్వారా భారత్ తమ పాత్రను కొనసాగించాలని ఇరాన్ పేర్కొంది. ఇదిలాఉండగా, ఈనెల 13వ తేదీన ఇజ్రాయెల్‌కు చెందిన కార్గో షిప్ భారతదేశానికి వస్తుండగా ఇరాన్ ఆర్మీ దానిని స్వాధీనం చేసుకుంది.

అందులో 17 మంది భారతీయ సిబ్బంది ఉన్నారు. దీంతో వారిని విడిపించేందుకు భారత విదేశాంగశాఖ నడుం బిగించింది. ఈ క్రమంలోనే కేంద్రమంత్రి ఎస్ జై శంకర్ ఇరాన్ అధికారులతో మాట్లాడారు. ఇరు దేశాల మధ్య ఉద్రికత్తలను తగ్గించుకోవాలని, చర్చల ద్వారా పరిష్కారం వెతకాలని సూచించినట్లు చెప్పగా.. దీనిపై ఇరాన్ సైతం సానుకూలంగా స్పందించినట్లు తెలిసింది.

ఇజ్రాయెల్-హమాస్(Israel-Hamas) వివాదంలో కొత్త మలుపు తిరిగింది. హమాస్ కాల్పుల విరమణ ప్రతిపాదనను ఇజ్రాయెల్‌కు సమర్పించింది. ఇందులో ఇజ్రాయెల్ బందీల విడుదలకు షరతులు విధిస్తూ ఒక ఒప్పందాన్ని అందించింది. ఇజ్రాయెల్‌పై ఇరాన్ డ్రోన్ దాడులు(Drone Attack) జరుగుతున్న సమయంలో ఇజ్రాయెల్ కాల్పుల విరమణ ప్రతిపాదనను హమాస్ తిరస్కరించిన సంగతి తెలిసిందే.

తాజాగా హమాస్ కాల్పుల విరమణకు ప్రతిపాదించింది. అక్టోబర్ 7వ తేదీ నుంచి బందీలుగా ఉన్న 129మందిలో ఎవరినైనా స్వీకరించడానికి ముందు ఇజ్రాయెల్ 42రోజుల పాటు కాల్పుల విరమణను పాటించాలని డిమాండ్ చేసింది. హీబ్రూ దినపత్రిక హారెట్జ్ నుంచి వచ్చిన నివేదిక ప్రకారం టైమ్స్ ఆఫ్ ఇజ్రాయెల్ ఈ సమాచారాన్ని తెలిపింది. యూఎస్ మధ్యవర్తిత్వ ఒప్పందాన్ని తిరస్కరించిన తర్వాత ఉగ్రవాద బృందం ప్రతిపాదన శనివారం అర్ధరాత్రి సమర్పించింది.

ఇజ్రాయెల్ గతంలోనే ఇలాంటి డిమాండ్లను తిరస్కరించింది. హమాస్ పాలస్తీనా ఖైదీల సంఖ్యను తగ్గించాలని డిమాండ్ చేసింది. అదేవిధంగా వారి నేరాల తీవ్రతను తగ్గించాలని డిమాండ్ చేసింది. ప్రతీ ఇజ్రాయెల్ పౌరుడి కోసం 30మంది పాలస్తీనా ఖైదీలను విడుదల చేయాలని టెర్రర్ గ్రూప్ ముసాయిదా పిలుపునిచ్చింది. ఇది నవంబర్‌లో వారం రోజుల కాల్పుల విరమణలో 3:1 నిష్పత్తి కంటే చాలా ఎక్కువ. పట్టుబడిన ప్రతీ సైనికుడి కోసం 50 మంది పాలస్తీనా ఖైదీలను విడుదల చేయాలని డిమాండ్ చేసింది.

తాజా నివేదిక ప్రకారం.. గాజాలో ఆరు వారాల పాటు పట్టణ ప్రాంతాల నుంచి వైదొలిగి, స్థానభ్రంశం చెందిన పాలస్తీనియన్లను ఉత్తరం వైపునకు తిరిగి రావడానికి అనుమతించింది. ఆరు వారాల గడువు ముగిసిన తర్వాత మాత్రమే ఎవరైనా బందీలను విడుదల చేస్తారని పేర్కొంది. బందీలను గుర్తించడానికి, వారు ఏ స్థితిలో ఉన్నారో తెలుసుకోవడానికి ఆగిపోయిన శత్రుత్వాల వారాలను ఉపయోగిస్తామని పేర్కొంది.