National

ప్రస్తుతం దేశంలో కచ్చతీవు (Katchatheevu) దీవుల అంశం చర్చనీయాంశంగా మారింది. ముఖ్యంగా తమిళనాడు (Tamil Nadu) రాష్ట్రంలో హాట్ టాపిక్ గా మారింది. గత వారం రోజుల ముందు ప్రధాని మోడీ (Modi)తో పాటు బీజేపీ (BJP) ఈ విషయంలో కీలక వ్యాఖ్యలు చేసింది.. 1970లో అప్పటి ఇందిరాగాంధీ ప్రభుత్వం భారత్‌కి చెందిన హిందూ మహాసముద్రంలోని కచ్చతీవు ద్వీపాన్ని శ్రీలంక (Sri Lanka)కు అప్పగించిందని ఆరోపిస్తోంది.

ఈ వ్యాఖ్యలు డీఎంకే ప్రభుత్వాన్ని ఇరుకున పడేసినట్లు తెలుస్తోంది. ఈ ఘటన జరిగిన సమయంలో తమిళనాడు ముఖ్యమంత్రిగా డీఎంకే నేత కరుణానిధి ఉన్నారు. దీంతో ఈ అంశం ప్రస్తుతం అధికారంలో ఉన్న పార్టీపై పడే అవకాశం ఉన్నట్లు భావిస్తున్నారు.. ఎందుకంటే.. తాజాగా జరగబోతున్న సార్వత్రిక ఎన్నికల్లో కాంగ్రెస్, డీఎంకే పార్టీలు మిత్రపక్షాలుగా పోటీచేస్తున్నాయి. ఇదే సమయంలో ఈ అంశం తెరపైకి రావడం చర్చాంశనీయంగా మారింది.

మరోవైపు వ్యూహాత్మక ప్రాంతంలో ఉన్న ఈ దీవుల్ని శ్రీలంకకు అప్పగించడంతో తరుచుగా తమిళనాడు మత్స్యకారులను ఆ దేశ నేవీ అరెస్ట్ చేయడంతో పాటు బోట్లను జప్తు చేయడం వారికి ఇబ్బందికరంగా మారింది. ఈ క్రమంలో కచ్చతీవు వివాదంపై శ్రీలంక విదేశాంగ మంత్రి స్పందించారు. ఈ ద్వీపానికి సంబంధించిన సమస్య పరిష్కారమైందని, ఎలాంటి వివాదం లేదని అలీ సబ్రీ వెల్లడించారు.

ఈ సమస్య 50 ఏళ్ల క్రితమే పరిష్కారమైందని తెలిపిన ఆయన మళ్లీ ఈ అంశం తెరపైకి తీసుకురావలసిన అవసరం లేదని పేర్కొన్నారు. అలాగే కచ్చతీవుపై ఇప్పటి వరకు చర్చించలేదని క్యాబినెట్ అధికార ప్రతినిధి, సమాచార మంత్రి బందుల గుణవర్ధన మీడియాకు తెలిపారు.. ఇదిలా ఉండగా ఈ వివాదంపై శ్రీలంక మీడియా, సోషల్ మీడియాలో తీవ్ర స్పందన కనిపించినప్పటికీ, ప్రభుత్వ పరంగా పెద్దగా స్పందన లేనట్లుగా తెలుస్తోంది.

లోక్‌సభ ఎన్నికల వేళ రాజకీయ పరిణామాలు చాలా వేగంగా మారుతున్నాయి. ఎవరు ఏ పార్టీకి రిజైన్ చేసి పక్క పార్టీలోకి వెళ్తున్నారో అర్థం కావడం లేదు. నిన్న ఒక పార్టీలో ఉన్న వ్యక్తి మరుసటి రోజే ఇంకో పార్టీ కండువాతో కనిపిస్తున్నారు.దీంతో ప్రజలు ఒకింత గందరగోళానికి గురవుతున్నారు. తాజాగా బిహార్‌‌లో కీలక నేత అయిన చిరాగ్ పాశ్వాన్‌కు సొంత పార్టీ నేతలు షాకిచ్చారు.

చిరాగ్ పాశ్వాన్(chirag Pashwan) నేతృత్వంలోని లోక్ జనశక్తి పార్టీ(Lok Janshakthi)(దివంగత కేంద్రమంత్రి రాంవిలాస్ పాశ్వాన్ పార్టీ) ప్రస్తుతం ఎన్డీయే(NDA)లో భాగస్వామిగా ఉంది. తండ్రి మరణాంతరం తనయుడు చిరాగ్ పాశ్వాన్ పార్టీని లీడ్ చేస్తున్నారు. అయితే, లోక్‌సభ ఎన్నికల్లో ఎన్డీయే కూటమిలో బీజేపీ, జేడీయూ హిందూస్థానీ ఆవామ్ మోర్చా, రాష్ట్రీయ లోక్ సమతా పార్టీ, ఎల్‌జేపీ కలిసి పోటీ చేయనున్నాయి.

అయితే, ఎంపీ టికెట్ల కేటాయింపులో చిరాగ్ పాశ్వాన్ తమను సంప్రదించకుండా టికెట్లను బయట వ్యక్తులకు అమ్ముకున్నారని ఆరోపిస్తూ ఆ పార్టీకి చెందిన 22 మంది(22 Key leaders Resign) కీలక నేతలు పార్టీ రాజీనామా చేస్తున్నట్లు ప్రకటించారు. అంతేకాకుండా వచ్చే ఎన్నికల్లో ఇండియా కూటమికి మద్దతిస్తున్నట్లు ప్రకటించారు.

కాగా, వీరిని శాంతింప జేయడానికి చిరాగ్ పాశ్వాన్ రంగంలోకి దిగినట్లు తెలుస్తోంది. ప్రస్తుతం బిహార్‌లో ఎన్డీయే కూటమి అధికారంలో ఉండగా.. సీఎంగా నితీశ్ కుమార్ కొనసాగుతున్నారు. వచ్చే ఎన్నికల్లో అత్యధిక స్థానాల్లో విజయం సాధించేలా ఎన్డీయే అభ్యర్థులు క్షేత్రస్థాయిలో ప్రచారంలో తలమునకలయ్యారు. ఇదిలాఉండగా, చిరాగ్ పాశ్వాన్ హాజీపూర్, ఆయనకు అత్యంత సన్నిహితుడు అరుణ్ భారతీ జమయీ స్థానం నుంచి ఎంపీగా బరిలో నిలిచారు.

కాంగ్రెస్ అగ్రనేత రాహుల్ గాంధీ(Rahul gandi) కేరళలోని వయనాడ్(Vayanad) నియోజకవర్గం నుంచి మరోసారి నామినేషన్(Nomination) దాఖలు చేసిన విషయం తెలిసిందే. బుధవారం నామినేషన్ దాఖలు చేసే సమయంలో ఆయన వెంట పెద్ద ఎత్తున కార్యకర్తలు, కీలక నేతలు ఉన్నారు. ప్రియాంక గాంధీ, కేసీ వేణుగోపాల్, దీపాదాస్ మున్షీ కూడా హాజరయ్యారు.

రాహుల్ గాంధీ నామినేషన్ కోసం సమర్పించిన అఫిడవిట్‌లో కీలక విషయాలను వెల్లడించారు. తనకు రూ.20 కోట్ల ఆస్తులు ఉన్నాయని తెలిపారు. ఇప్పటివరకు సొంత వాహనం కూడా లేదని, ఇళ్లు కూడా లేదని పేర్కొన్నారు. అంతేకాకుండా రూ.55వేల నగదు, రూ.26.25లక్షల బ్యాంకు డిపాజిట్లు, రూ.4.33 కోట్ల బాండ్లు, షేర్లు రూ.3.81 కోట్లు, రూ.15.21లక్షల గోల్డ్ బాండ్లు, రూ.4.20లక్షల బంగారు ఆభరణాలు ఉన్నట్లు పేర్కొన్నారు.

అంతేకాకుండా రూ.11.15 కోట్ల స్థిరాస్తులను కూడా కలిగిఉన్నట్లు అఫిడవిట్‌లో పొందుపరిచారు. దీనికి తోడు ఢిల్లీలోని మెహ్రౌలీలో ఆయన సోదరి ప్రియాంక గాంధీతో కలిపి వ్యవసాయ భూమి ఉన్నట్లు ప్రకటించారు. దాని విలువ సుమారు రూ.9 కోట్లు ఉంటుందని తెలిపారు.

తనపై నమోదైన క్రమినల్ కేసుల వివరాలను కూడా రాహుల్ మెన్షన్ చేశారు.బీజేపీ నేతల పరువునష్టం ఫిర్యాదులపై దాఖలైన కేసులు సహా అసోసియేటెడ్ జర్నల్స్ లిమిటెడ్‌తో ముడిపడి ఉన్న క్రిమినల్ కేసులు, లైంగిక దాడికి గురైన బాధితురాలి కుటుంబ సభ్యుల గుర్తింపును సోషల్ మీడియాలో పోస్టు చేసినందుకు గాను ఆయనపై పోక్సో చట్టం కింద కేసు నమోదవ్వగా దానిని కూడా అఫిడవిట్‌లో పేర్కొన్నారు.