National

ఇండియన్ నేవీ మరోసారి తన సత్తాను చాటింది. అరేబియా సముద్రంలో(Arebian Sea) ఇటీవల కాలంలో హౌతీ రెబల్స్, సముద్రపు దొంగలు(Pirates) రెచ్చిపోతున్నారు. ఇజ్రాయిల్ హమాస్ యుద్ధం ప్రారంభమైనప్పటి నుంచి హౌతీ రెబల్స్, సముద్రపు దొంగలు వాణిజ్య నౌకలు, ఫిషింగ్ బోట్లపై దోపిడీలకు పాల్పడుతున్నారు. ఈ మధ్య కాలంలో దాడులు మరింత పెరిగాయి. దీంతో అరేబియన్ సముద్రంలో ఇండియన్ నేవీ(INDIAN NAVI) గస్తీని పెంచింది.

ఈ క్రమంలోనే ఇరాన్‌కు చెందిన ఓ నౌకపై సముద్రపు దొంగలు దాడి చేయగా వారిని బంధించి 23 మంది పాక్ పౌరులను కాపాడినట్లు భారతీయ నౌకాదళం ఒక ప్రకటన విడుదల చేసింది. ఈనెల 28న ఇరాన్ ఫిషింగ్ నౌక ‘ఆల్ కంబార్’పై సముద్రపు దొంగలు దాడి చేశారు.

విషయం తెలుసుకున్న ఇండియన్ నేవీ ఐఎన్ఎస్ సుమేధ, త్రిశూల్ సాయంతో రెస్క్యూ ఆపరేషన్(RESCUE OPERATION) చేపట్టింది. సుమారు 12 గంటల పాటు శ్రమించి ఓడ‌తో పాటు అందులోని పౌరులను కాపాడింది.ఓడలోని 9 మంది మంది సముద్రపు దొంగలను అరెస్టు చేసింది. యెమెన్ ద్వీపం -సోకోట్రాకు నైరుతి దిశలో సుమారు 90 నాటికల్ మైళ్ల దూరంలో ఈ నౌక ఉన్నట్లు ఇండియన్ నేవీ తెలిపింది.

గతేడాది డిసెంబర్ 14న గల్ఫ్ ఆఫ్ ఎడెన్‌లో హైజాక్‌కు గురైన ఎంవీ రుయెన్ అనే నౌకను కూడా ఇండియన్ నైవీ రక్షించింది. సుమారు 40 గంటల పాటు ఆపరేషన్ నిర్వహించి 35 మంది సముద్రపు దొంగలను అదుపులోకి తీసుకున్న విషయం తెలిసిందే. అరేబియా, హిందూ సముద్రం గుండా భారత్ వాణిజ్య నౌకలు ఎక్కువగా తిరుగుతుండటంతో నేవీ గస్తీని టైట్ చేసింది.

రైలు(Train)లో ప్రయాణించేవారికి రైల్వే శాఖ కీలక ప్రకటన చేసింది. ప్రయాణికులు పాటించాల్సిన కొత్త నిబంధనలను వెల్లడించింది. IRCTC నియమాల సిరీస్‌లో కొన్ని కండీషన్లు పెట్టింది. రైలులో ప్రయాణికులకు ఎలాంటి ఇబ్బందులు కలగకుండా రైల్వేశాఖ (Department of Railways)ఈ నిబంధనలు రూపొందించింది. ముఖ్యంగా రాత్రి 10 గంటల తర్వాత ప్రయాణికులు ఏం చేయాలో, ఏం చేయకూడదో వెల్లడించింది.

అవేంటంటే.. రాత్రి 10 గంటల తర్వాత రైలులో ఆహారం అందించబడదు. మీకు రాత్రి ఆహారం కావాలంటే మీరు దానిని పొందలేరు. మీరు ఇ-క్యాటరింగ్ సేవల సౌకర్యాన్ని పొందవచ్చ. దీని ద్వారా మీరు మీ ఆహారం లేదా స్నాక్స్‌ను రైలులో ముందస్తుగా ఆర్డర్ చేయొచ్చు. రైలులో ప్రయాణం చేసేటప్పుడు మనం చాలా జాగ్రత్తలు తీసుకోవాలి.

టీటీఈ కూడా రాత్రి 10 గంటల తర్వాత టిక్కెట్లు చూసుకోవడానికి ప్రజలను ఇబ్బంది పెట్టకూడదు. అయితే, రాత్రిపూట ప్రయాణాన్ని ప్రారంభించిన ప్రయాణికులు తమ టిక్కెట్లను మాత్రం టీటీఈకి చూపించాల్సి ఉంటుంది. అదేవిధంగా రైలులో ప్రయాణించేవారు రాత్రి 10 గంటల తర్వాత ఒక లైట్ మినహా మిగిలిన అన్ని లైట్లు స్విచ్ ఆఫ్ చేయాలి. దీని వల్ల ఇతర ప్రయాణికులకు ఇబ్బంది కలగకుండా ఉంటుంది.

ప్రయాణికుల నిద్రకు ఆటంకం కలగకుండా ఈ నిబంధనను రూపొందించారు. ఒకవేళ మీరు మీ సన్నిహితులు లేదా మిత్రులతో కలిసి ప్రయాణిస్తుంటే రాత్రి 10గంటల తర్వాత బిగ్గరగా మాట్లాడొద్దు. అలా చేస్తే రైల్వే అధికారులకు ఫిర్యాదు అందితే మీపై చర్యలు తీసుకునే అవకాశముంటుంది. అదేవిధంగా మిడిల్ బెర్త్‌లో ఉన్న ప్రయాణికుడు ఆ సమయంలో తన సీటును ఓపెన్ చేసుకోవచ్చు. కింది బెర్త్ వారు అభ్యంతరం అలా చేయొద్దంటూ అభ్యంతరం తెలపడం కుదరదు.

శత్రుదేశమైన యెమెన్‌(Yemen)పై సౌదీ అరేబియా రాజు సల్మాన్(Saudi Arabia King Salman) దాతృత్వాన్ని చాటుకున్నారు. పవిత్ర మాసం రంజాన్ సందర్భంగా ప్రపంచవ్యాప్తంగా ముస్లిం దేశాలు జకాత్ అల్-ఫితర్‌ను ఉపసంహరించుకోవడం ఆనవాయితీగా వస్తోంది. ఇందులో భాగంగా సౌదీ రాజు సల్మాన్ యెమెన్‌కు జకాత్ అల్-ఫితర్ అందించడానికి పౌర సమాజ సంస్థతో ఒప్పందం కుదుర్చుకున్నారు.

సౌదీ అరేబియా కేఎస్ రిలీఫ్ కింద సంక్షోభాన్ని ఎదుర్కొంటున్న అనేక దేశాలకు సాయం చేస్తోంది. తాజా ఒప్పందంతో యెమెన్‌లోని 31,333 పేద కుటుంబాలకు ప్రయోజనం చేకూరే అవకాశాలు ఉన్నాయి. ప్రపంచ యుద్ధం కారణంగా సంక్షోభంలో కొట్టుమిట్టాడుతున్న యెమెన్‌ ప్రజలకు ఈద్‌కు ముందు సాయాన్ని అందించడం సౌదీ కింగ్ ఒప్పంద ఉద్దేశం.

మరోవైపు సీబ్రిడ్జ్ ద్వారా సుడాన్‌ దేశానికి తన ఏడవ సాయాన్ని పంపింది సౌదీ. సౌదీ అరేబియా, సుడాన్ ఇప్పటికే బలమైన సంబంధాలను కలిగి ఉన్న విషయం తెలిసిందే. షిప్‌మెంట్ లో 12 రిఫ్రిజిరేటర్ ట్రక్కులు 14,960 ఆహార పొట్లాలను సిద్ధం చేశారు. ఈ జెడ్డానౌక ఇస్లామిక్ పోర్ట్ నుంచి బయల్దేరి గురువారం సూడాన్‌లోని సువాకిన్ పోర్టు చేరుకుంది. ఈ సాయం సౌదీ ఏజెన్సీ ద్వారా నిర్వహించబడుతున్న సూడాన్‌లో రెండవ దశ ఆహార భద్రత ప్రాజెక్ట్ భాగం.

సూడాన్‌లో కొనసాగుతున్న సౌదీ రిలీఫ్ మిషన్ నుంచి దాదాపు 1.5 మిలియన్ల మంది ప్రజలు ప్రయోజనం పొందుతారని భావిస్తున్నారు. మరోవైపు ఏజెన్సీ మలేషియాకు 25 టన్నుల ఖర్జూరాన్ని బహుమతిగా ఇచ్చింది. పలువురు మలేషియా అధికారుల సమక్షంలో మలేషియాలోని సౌదీ రాయబారి ముసైద్ బిన్ ఇబ్రహీం అల్-సలీమ్ ఏజెన్సీ తరపున బహుమతులు అందజేశారు. ఈ సందర్భంగా సౌదీ అరేబియా, మలేషియా మధ్య బలమైన సంబంధాలను అల్ సలీం కొనియాడారు.

ఉక్రెయిన్‌(Ukreaine)పై రష్యా (Russia) భీకర దాడులతో విరుచుకుపడుతోంది. ఈ దురాక్రమణను మొదలుపెట్టి రెండేళ్లు అవుతోంది. విద్యుత్ కేంద్రాలే(Power stations) లక్ష్యంగా రష్యా దాడులు చేస్తుండటంతో ఉక్రెయిన్‌కు కరెంటు కోతల(Power cuts) ముప్పు పొంచివుంది. రష్యా ఒక్కరోజులోనే 99 డ్రోన్లు, క్షిపణులను ప్రయోగించింది.

దీంతో పలుచోట్ల విద్యుత్ ఉత్పత్తి కేంద్రాలు దెబ్బతిన్నట్లు ఉక్రెయిన్ తెలిపింది. దీనివల్ల  విద్యుత్‌ సరఫరా వ్యవస్థల్లో తీవ్ర అంతరాయం కలుగుతోందని పేర్కొంది. తాజా పరిణామాలతో పలుచోట్ల విద్యుత్ అంతరాయాలు తప్పవని ఉక్రెయిన్ ప్రధాని డెనిస్ ష్మిగల్(Ukraine PM Denis Shmigal) పేర్కొన్నారు. తమకు మరిన్ని గగనతల రక్షణ వ్యవస్థలు అవసరమని ఈ దాడులు నిరూపిస్తున్నాయన్నారు.

2022-23 శీతాకాలంలోనూ రష్యా ఇదేవిధమైన వ్యూహాన్ని అనుసరించింది. అయితే, తాజాగా మరోసారి ఇలాంటి దాడులను పెంచడాన్ని ‘ఇంధన తీవ్రవాదం’గా ఉక్రెయిన్ అధ్యక్షుడు వొలొదిమిర్ జెలెన్స్కీ పేర్కొన్నారు. అటు ఐక్యరాజ్య సమితి కూడా ఈ తరహా దాడులు అక్రమమని పేర్కొంది. రష్యాదాడులను దీటుగా ఎదుర్కొంటున్నప్పటికీ పలుచోట్ల నష్టం తప్పడంలేదని ఉక్రెయిన్ వెల్లడించింది. ఇప్పటికే పలు నగరాలు నేలమట్టమయ్యాయి.

ఇటీవల వైమానిక దాడులను తగ్గాయి. అయితే, రష్యా సరిహద్దుల్లో ఉక్రెయిన్ పాల్పడుతున్న దాడులకు ప్రతిస్పందనగా పుతిన్ సేనలు ఎదురు దాడులను పెంచాయి. ఈ కమంలో ఉకెయిన్‌ ఇంధన మౌలిక సదుపాయాలే లక్ష్యంగా బొగ్గు, జల విద్యుత్ కేంద్రాలపై డ్రోన్లు, క్షిపణి దాడులకు పాల్పడుతున్నాయి. విద్యుత్ ఉపకేంద్రాల ధ్వంసంతో కరెంటు కోతల ముప్పు మరింత పెరిగిందని ఉక్రెయిన్ విదేశాంగ శాఖ ప్రకటించింది.