National

లోక్‌స‌భ ఎన్నిక‌ల వేళ ఈవీఎం(EVM)ల‌లో ఓట్ల‌తో పాటు వీవీప్యాట్ల స్లిప్‌లను కూడా లెక్కించాల‌ని సుప్రీంకోర్టు(Supreme Court)లో ప‌లు పిటిష‌న్లు దాఖ‌లయ్యాయి. ఈ పిటిషన్లపై సుప్రీంకోర్టు శుక్రవారం విచారణ చేపట్టింది. ఓట్ల లెక్కింపు ప్ర‌క్రియ‌లో ఎలాంటి మార్పు ఉండబోదని భారత అత్యున్నత న్యాయస్థానం స్పష్టం చేసింది. పిటిషనర్ల అభ్యర్థనను తోసిపుచ్చింది.

ఈవీఎంల స్థానంలో మ‌ళ్లీ పేప‌ర్ బ్యాలెట్ల‌(Paper Ballet)ను వాడాల‌న్న అభ్య‌ర్థ‌న‌ను కూడా జ‌స్టిస్ సంజీవ్ ఖ‌న్నా, దీపాంక‌ర్ ద‌త్తాల‌తో కూడిన ధ‌ర్మాస‌నం తోసిపుచ్చింది. ఒకే అభిప్రాయంతో రెండు తీర్పులు వెలువరించింది. ఎల‌క్ట్రానిక్ ఓటింగ్ మెషీన్లలో పోలైన ఓట్ల‌తో వీవీప్యాట్ల స్లిప్ల‌ను వంద శాతం స‌రిచూసుకోవాల‌ని చేసిన డిమాండ్‌ను సుప్రీంకోర్టు కొట్టివేసింది. ఈవీఎంలు, వీవీప్యాట్ల‌తో వంద శాతం క్రాస్ వెరిఫికేష‌న్ కుద‌ర‌ద‌ని కోర్టు తెలిపింది.

వీవీప్యాట్ల ఫిజిక‌ల్ డిపాజిట్ కూడా కుద‌ర‌దు అని కోర్టు తీర్పునిచ్చింది. ఏప్రిల్‌ 24న వాదనల నేపథ్యంలో సర్వోన్నత న్యాయస్థానం కీలక వ్యాఖ్యలు చేసింది. ఎన్నికల ప్రక్రియను నియంత్రించే అధికారం లేదని పేర్కొంటూ రిజర్వ్ చేసిన తీర్పును వెలువరించింది. ఈ సందర్భంగా ప్రొటోకాల్స్‌, సాంకేతిక అంశాలపై ఎన్నికల సంఘానికి పలు ప్రశ్నలు సంధించిన ధర్మాసనం.. ఈసీ నుంచి సమగ్ర వివరణ తీసుకుంది.

అనంతరం తీర్పును రిజర్వ్ చేసిన న్యాయస్థానం పేపర్ బ్యాలెట్ ఓటింగ్ డిమాండ్లు సహా అన్ని పిటిషన్లను కొట్టివేస్తూ ఉత్తర్వులు వెలువరించింది. ఈ సందర్భంగా ఎన్నికల సంఘానికి పలు ఆదేశాలు జారీ చేసింది. ఈ సందర్భంగా జస్టిస్ దీపాంకర్ దత్తా కీలక వ్యాఖ్యలు చేశారు. ఒక వ్యవస్థను గుడ్డిగా అపనమ్మకంతో చూడటం అనవసర అనుమానాలకు దారి తీస్తుందని అభిప్రాయపడ్డారు.  ఇక, కౌంటింగ్ సమయంలో పేపర్ స్లిప్లను లెక్కించేందుకు ఎలక్ట్రానిక్ మెషిన్‌ను ఉపయోగించాలన్న పిటిషనర్ల సూచనను పరిశీలించాలని జస్టిస్ ఖన్నా ఈసీకి తెలిపారు.

అమెరికా(America)లోని టాప్ వ‌ర్సిటీల్లో ప్ర‌స్తుతం ఇజ్రాయిల్‌(Israel)కు వ్య‌తిరేకంగా నిర‌స‌న‌లు చేప‌డుతున్నారు. ఇజ్రాయిల్ మిలిట‌రీ చ‌ర్య‌ల వ‌ల్ల గాజా(Gaza)లో జ‌రుగుతున్న వైమానిక దాడులకు వ్య‌తిరేకంగా వేల సంఖ్య‌లో విద్యార్థులు అమెరికా వ‌ర్సిటీల్లో ఆందోళ‌న‌లు చేప‌డుతున్నారు. ఇటీవ‌ల న్యూయార్క్‌లోని కొలంబియా వ‌ర్సిటీలో కూడా పెద్ద ఎత్తున ప్ర‌ద‌ర్శ‌న చేపట్టారు.

ఇందులో అమెరికాలోని ప్రిన్స్‌ట‌న్ యూనివ‌ర్సిటీలో చదువుతున్నభారతీయ విద్యార్థులు ఉన్నారు. పాల‌స్తీనా అనుకూల నిర‌స‌న ప్ర‌ద‌ర్శ‌న‌లో వీరు పాల్గొన్నారు. అయితే ఆ వ‌ర్సిటీకి చెందిన ఇద్ద‌రు విద్యార్థుల్ని పోలీసులు అదుపులోకి తీసుకున్నారు. వారిలో హసద్ సయ్యద్ అనే విద్యార్థితో పాటు భార‌తీయ విద్యార్థిని అచింత్య శివ‌లింగ‌న్‌ను(Achinthya Sivalingan) స్థానిక పోలీసులు అరెస్టు చేశారు.

ప్రిన్స్‌ట‌న్ వ‌ర్సిటీలోని ప‌బ్లిక్ అఫైర్స్ ఇన్ ఇంట‌ర్నేష‌నల్ డెవ‌ల‌ప్మెంట్ స‌బ్జెక్ట్‌లో అచింత్య శివ‌లింగ‌న్‌ మాస్ట‌ర్స్ చ‌దువుతోంది. ఇక స‌య్య‌ద్ అనే వ్య‌క్తి ఆ వ‌ర్సిటీలోనే పీహెచ్‌డీ చేస్తున్నాడు. వ‌ర్సిటీ క్యాంప‌స్‌లో టెంట్లు వేసేందుకు నిర‌స‌న‌కారులు ప్ర‌య‌త్నించారని వర్సిటీ అధికారులు ఆరోపించారు. టెంట్లు వేయొద్దని ఎన్ని సార్లు వార్నింగ్ ఇచ్చినా ఆ విద్యార్థులు ప‌ట్టించుకోలేద‌ని తెలిపారు.

దాంతో వాళ్ల‌ను అరెస్టు చేయాల్సి వ‌చ్చిన‌ట్లు వ‌ర్సిటీ అధికారులు తెలిపారు. ఈ మేరకు వర్సిటీ నిబంధనలు పాటించని విద్యార్థులపై క్ర‌మ‌శిక్ష‌ణా చ‌ర్య‌లు కూడా తీసుకోనున్నట్లు తెలిపారు. వ‌ర్సిటీ నియ‌మావ‌ళిని ఉల్లంఘించిన ఇద్ద‌రు గ్రాడ్యుయేట్ విద్యార్థుల‌ను అరెస్టు చేసి, త‌క్ష‌ణ‌మే వాళ్ల‌ను క్యాంప‌స్‌ను డిబార్ చేసిన‌ట్లు వ‌ర్సిటీ ప్ర‌తినిధి జెన్నిఫ‌ర్ మోరిల్ తెలిపారు.

ఇరాన్‌(Iran)తో వ్యాపారం చేసిన పలు కంపెనీలపై అమెరికా(USA) ఆంక్షలు విధించింది. కంపెనీలు, వ్యక్తులు, నౌకలపై యూఎస్ ఆంక్షల పర్వం కొనసాగిస్తోంది. ఇరాన్‌కు చెందిన ఆయుధాలను అక్రమంగా రష్యా(Russia)కు చేరవేయడంలో సహాయం చేశారనే కారణంతో అమెరికా పలు కంపెనీలపై ఆంక్షలు విధించింది.

గురువారం అమెరికా తీసుకున్న ఈ నిర్ణయంతో 12కు పైగా కంపెనీలపై నిషేధం విధించగా వాటిలో భారత్‌కు చెందిన మూడు కంపెనీలు ఉన్నాయి. భారత్‌కు చెందిన కంపెనీల్లో జెన్ షిప్పింగ్, పోర్ట్ ఇండియా ప్రైవేట్ లిమిటెడ్, సీఆర్ట్ షిప్ మేనేజ్‌మెంట్ ప్రైవేట్ లిమిటెడ్ కంపెనీలు ఉన్నాయి. ఉక్రెయిన్-రష్యా యుద్ధం నేపథ్యంలో ఇరాన్ వైమానిక వాహనాలను అందజేసిందని అమెరికా ఆరోపిస్తోంది.

రష్యాకు అక్రమంగా ఆయుధాలను చేరవేయడంలో ఇరాన్ మిలిటరీ విభాగం ‘సహారా థండర్’ కీలక పాత్ర పోషించినట్లు అమెరికా పేర్కొంది. అదేవిధంగా ఉగ్రవాద గ్రూపులకు అండగా ఉంటున్న ఇరాన్‌పై యూఎస్ ఆగ్రహం వ్యక్తం చేస్తుంది. ఇరాన్‌కు చెందిన సహారా థండర్ విభాగం తన దేశానికి చెందిన రక్షణ మంత్రిత్వ శాఖ, సాయుధ దళాలకు చెందిన ఆయుధాలను చైనా, రష్యా, వెనిజులా సహా పలు ఇతర దేశాలకు అమ్మకాలు జరపడానికి సిద్ధమయ్యాయి.

దీనికి భారీ షిప్పింగ్ నెట్ వర్క్‌పై ఆధారపడిందనే విషయాన్ని అమెరికా ట్రెజరీ విభాగం వెల్లడించింది. ఉక్రెయిన్‌లో రష్యా యుద్ధానికి రహస్య విక్రయాలను ఈజీ చేయడంతో పాటు ఆర్థిక సాయం అందించడంలో ఈ కంపెనీలు, వ్యక్తులు, నౌకలు ప్రధాన పాత్ర పోషించాయని అగ్రరాజ్య ట్రెజరీ విభాగం ఓ ప్రకటనను రిలీజ్ చేసింది. కాగా, ఉక్రెయిన్‌లో తమ యుద్ధ అవసరాల కోసం ఉత్తర కొరియా, ఇరాన్ లాంటి దేశాల నుంచి రష్యా ఆయుధాలను సమకూర్చుకుంటుందని యూఎస్ ఆరోపించింది.

భారత్(Bharath) భద్రతా వ్యవస్థకు చైనా(China) సవాళ్లు విసురుతోంది. పాక్ ఆక్రమిత కశ్మీర్ (POK)లోని సియాచిన్ గ్లేసియర్‌కు అతి సమీపంలో చైనా కొత్తగా రహదారిని నిర్మిస్తోంది. ఈ విషయాన్ని ఉపగ్రహ ఆధారిత ఛాయాచిత్రాల ద్వారా భారత రక్షణ శాఖ నిపుణులు తెలిపారు. ఈ ఫార్వర్డ్ పాయింట్ దగ్గరకు కేంద్ర రక్షణశాఖ మంత్రి రాజ్నాథ్ సింగ్ గత ఏడాది మార్చి నుంచి రెండుసార్లు వెళ్లి వచ్చారు. ఈ దశలోనే రోడ్డు నిర్మాణ పనులు చేపట్టి డ్రాగన్ కంట్రీ దూకుడు పెంచింది.

యూరోపియన్ స్పేస్ ఏజెన్సీ(European Space Agency) తీసిన ఉపగ్రహ చిత్రాలు గత ఏడాది జూన్, ఆగస్టు మధ్య రహదారిని నిర్మించినట్లు చూపుతున్నాయి. ఈ రోడ్డు చివరి భాగం భారతదేశపు ఉత్తర చివరి భాగపు సియాచిన్ గ్లేసియర్లలోని ఇందిర కల్ లేదా ఇందిరా పాయింట్‌ దగ్గర ఉండే పర్వతాల వద్ద 50 కిలో మీటర్ల లోపున ముగుస్తుందని భారత రక్షణ శాఖ నిపుణులు తెలిపారు. ఈ ప్రాంతం చారిత్రాత్మకంగా కాశ్మీర్‌లో భాగం.

భారత్‌కు కీలకమైన సైనిక స్థావరం. ఈ నిర్మాణం పూర్తిగా భారత్ ప్రాదేశికత సమగ్రతల ఉల్లంఘన కిందికే వస్తుందని నిపుణులు పేర్కొన్నారు. దేశ సార్వభౌమాధికారికతను కించపరిచే చర్యగా దీనిని భారత్ పరిగణిస్తోంది. ప్రపంచంలోనే అతి ఎత్తైన యుద్ధ ప్రాంతంగా సియాచిన్ గ్లేసియర్స్‌కు పేరు ఉంది. పాక్ ఆక్రమిత కశ్మీర్ భాగంలో సియాచిన్ దగ్గర చేపట్టిన పనులు మౌలిక స్థాయిని దాటి ఇప్పుడు రహదార్ల ఏర్పాటు దిశగా కొనసాగుతున్నాయి.

ఇక, పీవోకేలోని అత్యంత కీలకమైన షక్సగమ్ లోయ దాదాపు 5,300 చదరపు కిలోమీటర్లలో విస్తరించి ఉన్న ఈ మార్గాన్ని 1947 యుద్ధంలో పాకిస్థాన్ స్వాధీనం చేసుకుంది. దీని తరువాత, 1963లో ద్వైపాక్షిక సరిహద్దు ఒప్పందం ప్రకారం, పాకిస్తాన్ ఈ ప్రాంతాన్ని చైనాకు అప్పగించింది. ఇక్కడే ప్రస్తుత మార్గం చైనాలోని జిన్ జియాంగ్ అనుసంధాన హైవే జీ- 219కు మరింత విస్తరణ రహదారి నిర్మాణాలు చేపట్టింది.