National

రాజకీయాల్లో చురుకుగా వ్యవహరిస్తూ బిజీబిజీగా ఉన్న కాంగ్రెస్ (Congress) అగ్ర నాయకురాలు ప్రియాంక గాంధీ (Priyanka Gandhi) స్వల్ప అస్వస్థతకు గురయ్యారు. దీంతో ఆమె వెంటనే ఆస్పత్రిలో చేరారు. ఈ నేపథ్యంలో శుక్రవారం సాయంత్రం ఉత్తరప్రదేశ్‌ (Uttar Pradesh)లోకి ప్రవేశించే భారత్ జోడో న్యాయ్ యాత్రలో తాను పాల్గొనలేక పోతున్నానని తెలిపారు.

అస్వస్థతకు గురైన ప్రియాంక.. ట్విట్టర్ (X) వేదికగా న్యాయ్ యాత్ర నిర్వహిస్తున్న తన సోదరుడు రాహుల్ గాంధీ (Rahul Gandhi), ఇతర కాంగ్రెస్ నాయకులకు శుభాకాంక్షలు తెలిపారు.. ఈ క్రమంలో తాను అనారోగ్యం నుంచి కోలుకున్న వెంటనే భారత్ జోడో న్యాయ్ యాత్ర (Bharat Jodo Nyay Yatra)లో పాల్గొంటానని ప్రియాంక పేర్కొన్నారు. ఈమేరకు ట్విట్టర్ లో పోస్ట్ చేశారు.

కాగా రాహుల్ గాంధీ నేతృత్వంలో జరుగుతున్న ఈ యాత్ర శుక్రవారం సాయంత్రం ఉత్తరప్రదేశ్‌లోని చందౌలీలోకి ప్రవేశించనుంది. ఇక జ‌న‌వ‌రి 14న మ‌ణిపూర్ నుంచి ప్రారంభ‌మైన భార‌త్ జోడో న్యాయ్ యాత్ర మార్చి 20న ముంబైలో ముగియ‌నుంది. ప్రస్తుతం రాహుల్ యాత్ర ఛత్తీస్‌గఢ్‌లో కొనసాగుతున్న విషయం తెలిసిందే. ఈ సందర్భంగా రాహుల్‌ గాంధీ భాజపాపై తీవ్ర విమర్శలు గుప్పించారు.

దేశ ప్రజలకు ఉపాధి కరవైందని.. దీంతో ద్రవ్యోల్బణం పెరిగిపోతోందంటూ ఆగ్రహం వ్యక్తం చేశారు. దేశ జనాభాలో 74 శాతం మంది వెనుకబడిన తరగతులు, దళితులు, ఆదివాసీలే ఉన్నారన్నారు. భారత్‌లో ఉన్న 200 అగ్రశ్రేణి కంపెనీల్లో ఎక్కువగా ప్రజాధనం ఉంది. కానీ వీటిలో ఏ ఒక్కదానిలోనూ ఓ దళితుడు యజమానిగా లేడు. మిమ్మల్ని తప్పుదోవ పట్టిస్తూ మీ జేబులను దోచుకుంటున్నారు. ఇకనైనా మేల్కోండని రాహుల్‌ పిలుపునిచ్చారు.

ప్రస్తుతం టెక్ రంగంలో ఉద్యోగాలు నీటి మీది బుడగలా మారిపోయాయని తెలుస్తోంది. లక్షల్లో జీతాలు అందుకొన్న వారు సడెన్ గా ఉద్యోగాలు పోతుండటంతో ఆందోళనపడుతున్నారు.. ఇప్పటికే పలు అంతర్జాతీ దిగ్గజ కంపెనీల్లో లేఆఫ్స్ కొనసాగుతున్నాయి. వేలాది మంది ఉద్యోగులు ఇంటిబాట పట్టగా, తాజాగా ప్రముఖ స్పోర్ట్స్‌వేర్‌ (Sports Wear) తయారీ సంస్థ నైకీ (Nike) సైతం ఉద్యోగులకు షాకిచ్చింది.

ఉద్యోగుల సంఖ్య తగ్గిస్తున్నట్టు ప్రకటించింది. మొత్తం ఉద్యోగుల్లో (Employees) 2 శాతం తొలగించాలనే నిర్ణయానికి వచ్చినట్లు తెలిపింది. అంటే సుమారు 1,600 కంటే ఎక్కువ మందిని తొలగించ వలసి వస్తోందని కంపెనీ పేర్కొంది. ఈ లేఆఫ్స్‌కు ప్రపంచవ్యాప్తంగా కార్యాలయాల్లో పని చేస్తున్న వారు ప్రభావితం అవనున్నారని ఓ ప్రకటనలో తెలిపింది. ఖర్చులను తగ్గించడంతో పాటు ఇటీవల ఆదాయం పడిపోవడంతో ఈ నిర్ణయం తీసుకున్నట్టు తెలుస్తోంది.

తాజా లేఆఫ్స్ (Layoffs) ప్రక్రియను రెండు దశల్లో అమలు చేస్తామని తెలిపిన సంస్థ.. మొదటిదశ శుక్రవారం నుంచే మొదలవుతుందని స్పష్టం చేసింది. ఈ ఏడాది ఆఖరులో రెండో దశ తొలగింపులు ఉంటాయని పేర్కొంది. ఇకపోతే ప్రస్తుతం నైకీలో 83,500 మంది వరకు ఉద్యోగులు ఉన్నారు. ఈ క్రమంలో కార్యకలాపాల నిర్వహణకు, వృద్ధి అవకాశాలను మెరుగుపరిచేందుకు కఠిన నిర్ణయాలు తీసుకోక తప్పట్లేదని కంపెనీ వివరించింది.

మరోవైపు డిసెంబర్ నాటి ప్రకటనలో నైకీ కొత్త ఉత్పత్తుల సరఫరాను పరిమితం చేయడం, నిర్వహణ వ్యయాన్ని తగ్గించడం, ఆటోమేషన్ పెంపు వంటి చర్యల ద్వారా వచ్చే 2-3 ఏళ్లలో 2 బిలియన్ డాలర్ల వరకు ఖర్చులను ఆదా చేయనున్నట్టు ప్రకటించిన సంగతి తెలిసిందే. అదీగాక సంస్థ అమ్మకాలు మరికొంత కాలం ఆశించిన స్థాయిలో ఉండకపోవచ్చని భావిస్తున్నట్లు తెలిపింది.

అమెరికా (America) పేరుకే పెద్ద దేశం కానీ ఇక్కడ భద్రత లేదనే భావనలో ఎన్నారైలు ఉన్నట్లు తెలుస్తోంది. ఎందుకంటే.. ఈ దేశంలో భారత సంతతి వారిపై వరుసగా దాడులు (Attacks) జరగడం పరిపాటిగా మారింది. అయితే ఈ దాడులను ఖండిస్తున్నారు. కానీ, ఇలాంటి ఘటనలు పునరావృతం కాకుండా చూసుకోవడంలో విఫలం అవుతున్నట్లు ఆరోపణలున్నాయి.

ఈ నేపథ్యంలో శ్వేతసౌధం తాజాగా స్పందించింది. ఈ దాడులను తీవ్రంగా ఖండిస్తున్నట్లు పేర్కొంది. అమెరికాలో జాతివివక్షకు, హింసకు తావు లేదని అధ్యక్ష కార్యాలయం వెల్లడించింది. ఈ మేరకు అమెరికా జాతీయ భద్రతా మండలిలోని స్ట్రాటజిక్ కమ్యూనికేషన్స్ విభాగం కోఆర్డినేటర్ జాన్ కర్బీ (John Kirby) తాజా మీడియా సమావేశంలో ఈ విషయాలను పేర్కొన్నారు. భారతీయులపై జరుగుతున్న దాడుల గురించి విలేకరులు అడిగిన ప్రశ్నలపై స్పందించిన ఆయన.. జాతి, ప్రాంతం, స్త్రీపురుష భేదాలు సహా మరే ఇతర కారణాలతో జరిగే దాడులైనా క్షమార్హం కాదని పేర్కొన్నారు.

ఈ దాడులను అరికట్టేందుకు బైడెన్ (Biden) ప్రభుత్వం పలు చర్యలు తీసుకుంటోందని తెలిపారు. ఈ దాడుల కారకులకు కఠిన శిక్షలు పడేలా చేస్తామన్నారు. మరోవైపు ఫిబ్రవరి 2న అర్ధరాత్రి వాషింగ్టన్ డీసీలో జరిగిన దాడిలో 41 ఏళ్ల ఎన్నారై వివేక్ తనేజా దారుణ హత్యకు గురైన విషయం తెలిసిందే.. మరో ఘటనలో హైదరాబాద్‌కు చెందిన సయ్యద్ మజర్ అలీపై.. షికాగోలో ఫిబ్రవరి 4నకొందరు దాడి చేసి అతడి ఫోన్, వ్యాలెట్ దోపిడీ చేశారు.

ఈ ఘటనలకంటే ముందు ఓహాయోలోని సన్సినాటీ నగరంలోని శ్రేయాస్ రెడ్డి అనే వ్యక్తి అనుమానాస్పద స్థితిలో మృతి చెందారు. ఈ మరణం వెనక ఉన్న కారణాలు ఇంకా తెలియరాలేదు. ఇక జనవరి 30న అదృశ్యమైన పర్‌డ్యూ యూనివర్సిటీ విద్యార్థి నీల్ ఆచార్య కూడా మృతి చెందినట్టు నిర్థారించారు. మరోవైపు జార్జియాలో ఉన్న ఓ షాపులో ఆశ్రయం పొందుతున్న నిర్వాసితుడు జరిపిన దాడిలో షాపు ఉద్యోగి వివేక్ సైనీ కన్నుమూశాడు. ఇలా ఇండియన్లపై అకారణంగా వరుస దాడులు జరుగుతుండటంతో ఇక్కడి ఎన్నారైలు కలవరానికి గురవుతున్నారు.