National

పార్లమెంట్‌లో ఈ రోజు కేంద్ర ఆర్థిక మంత్రి నిర్మలా సీతారామన్ (Niramla Sitaraman) ప్రవేశపెట్టిన బడ్జెట్ పై ప్రధాని మోడీ (PM Modi) ప్రశంసల వర్షం కురిపించారు. బ‌డ్జెట్ 2024-25 ఆశాజ‌న‌కంగా ఉంద‌ని మోడీ వెల్లడించారు. ఈ బడ్జెట్ సమగ్రమైన, వినూత్నమైనదని పేర్కొన్నారు.

యువ భారత ఆకాంక్షలను ప్రతిబింబించేలా ఈ బడ్జెట్ ఉందని ప్రధాని మోడీ అన్నారు. కేంద్ర బ‌డ్జెట్ చాలా మెరుగ్గా ఉంద‌ని వెల్లడించారు.ఈ బడ్జెట్ ఎన్నో ఉపాధి అవ‌కాశాల‌కు ఊత‌మిస్తుంద‌ని చెప్పారు. ఇది వృద్ధి ఆధారిత బ‌డ్జెట్ అని వ్యాఖ్యలు చేశారు. 2047 నాటికి భారత్‌ను అభివృద్ధి చెందిన దేశంగా తీర్చిదిద్దుతామని బడ్జెట్ హామీ ఇస్తోందన్నారు.

బడ్జెట్‌లో రెండు కీలక నిర్ణయాలు తీసుకున్నారని వివరించారు. పరిశోధన, ఆవిష్కరణల కోసం రూ. 1 లక్ష కోట్ల నిధిని ప్రకటించారని చెప్పారు. ఈ బడ్జెట్ సంఘటితమైనదని, వినూత్నమైనదని వ్యాఖ్యానించారు. ఇది యువ, గరీబ్, మహిళ, కిసాన్, వికసిత్ భారత్ 4 స్తంభాలను శక్తివంతం చేస్తుందని చెప్పుకొచ్చారు.

ఆదాయపు పన్ను మినహాయింపు పథకం ఒక కోటి మందికి పైగా ప్రజలకు ఉపశమనం కలిగిస్తుందన్నారు. ఈ బడ్జెట్‌లో రైతుల కోసం కీలక నిర్ణయాలు తీసుకున్నారని వివరించారు. పేద, మధ్యతరగతి వర్గాల సాధికారత, వారికి అవకాశాలను కల్పించాల్సిన అవసరాలను ఈ బడ్జెట్ నొక్కి చెప్పిందన్నారు. పేదలకు మరో 2 కోట్ల ఇళ్లు నిర్మిస్తామని ప్రకటించారు. ఆశా, అంగన్‌వాడీ వర్కర్లకు కూడా ఆయుష్మాన్ భారత్ పథకం ప్రయోజనం అందిస్తామన్నారు.

బడ్జెట్ (Budget) ప్రసంగంలో కేంద్ర ఆర్థిక శాఖ మంత్రి నిర్మలా సీతారామన్ (Nirmala Sita Raman) కీలక వ్యాఖ్యలు చేశారు. 2014కు ముందు దేశ ఆర్థిక వ్యవస్థ ఎలా ఉంది… ఆ తర్వాత ఆర్థిక వ్యవస్థ ఎలా శక్తివంతంగా మారిందనే విషయంపై శ్వేత పత్రాన్ని సభ ముందు ఉంచుతామని తెలిపారు. అభివృద్ధి చెందిన దేశం హోదా వైపు భారత్ ఎలా ముందడుగు వేస్తుందో ఈ పదేండ్ల పాలన చూస్తే అర్థమవుతుందని చెప్పారు.

సుపరిపాలన వల్ల దేశ ఆర్థిక వ్యవస్థలో ఎలాంటి మార్పులు వస్తాయనే దానికి మోడీ సర్కార్ పాలనే నిదర్శనమని చెప్పారు. పదేండ్ల బీజేపీ పాలనలో ప్రతక్ష పన్నుల చెల్లింపుదారుల సంఖ్య మూడు రెట్లు పెరిగిందన్నారు. పన్ను రేట్ల విధానంలో హేతుబద్ధతను అనుసరిస్తూ పన్ను చెల్లింపుదారులపై భారం చాలా తగ్గించామని అన్నారు. పన్ను చెల్లింపుదారుల ప్రతి రూపాయిని దేశాభివృద్ధికి ఖర్చు చేస్తున్నామని స్పష్టం చేశారు.

ఫేస్‌లెస్‌ విధానంతో పన్ను అసెస్‌మెంట్‌లో పారదర్శకతను తీసుకు వచ్చామన్నారు. సత్వర రిటర్న్‌ల చెల్లింపులకు అవకాశం కల్పించామని వెల్లడించారు. జీఎస్టీ విధానం తీసుకు రావడంతో పన్ను పరిధి రెట్టింపయిందన్నారు. సరాసరి నెలవారీ జీఎస్టీ ఆదాయం రూ.1.66 కోట్లకు చేరిందని చెప్పుకొచ్చారు. జైవిజ్ఞాన్‌, జైకిసాన్‌, జైఅనుసంధాన్‌ అనేది తమ ప్రభుత్వ ప్రధాన లక్ష్యమని చెప్పారు.

‘సమీకృత సాంకేతిక అభివృద్ధి దిశగా రక్షణ రంగానికి ఊతమిస్తున్నాం. మార్కెట్ వ్వవస్థతతో నూతన పరిజ్ఞానాన్ని అనుసంధానిస్తే వ్యవసాయరంగాలకు కొత్త ఆదాయ మార్గాలు కనిపిస్తాయి. వ్యవసాయ ఉత్పత్తులకు విలువ జోడించామని, వృథాను అరికట్టి రైతులకు అధిక ఆదాయం సమకూర్చే పథకాలను అమలు చేశాం’అని అన్నారు.

‘వ్యవసాయ ఉత్పత్తుల కోసం గిడ్డంగులు, ప్రాసెసింగ్‌ కోసం ఆర్థిక సాయం అందిస్తున్నాం. నూనె గింజల ఉత్పత్తిలో స్వయం సమృద్ధి సాధించేందుకు కొత్త పథకం తీసుకు వస్తున్నాం. పాడి అభివృద్ధి కోసం రైతులకు ఆర్థికసాయం చేస్తాం. రాష్ట్రీయ డెయిరీ ప్రాసెసింగ్‌, గోకుల్‌ మిషన్‌ ద్వారా డెయిరీ ప్రాసెసింగ్‌కు ఆర్థిక సాయం అందిస్తున్నాం. 83 లక్షల ఎస్‌ఎస్‌జీల ద్వారా 9 కోట్లమంది మహిళలు ఆర్థికంగా ఉన్నతి సాధించారు. కోటిమంది లక్షాధికారులుగా తయారయ్యారు. 2 కోట్ల నుంచి 3 కోట్లమంది మహిళలు లక్షాధికారులు కావాలన్నదే లక్ష్యం’అని వివరించారు.

2024-25 ఆర్థిక సంవత్సరానికి సంబంధించి మధ్యంతర బడ్జెట్‌ (Interim Budget)ను పార్లమెంట్‌లో కేంద్ర ఆర్థిక శాఖ మంత్రి నిర్మలా సీతారామన్ (Nirmala Sitaraman) ప్రవేశ పెట్టారు. వరుసగా ఆరవసారి బడ్జెట్‌ను ప్రవేశ పెట్టి మొరార్జీ దేశాయ్ రికార్డును సమం చేశారు. ఈ సారి బడ్జెట్‌లో పన్ను స్లాబ్‌ల్లో ఎలాంటి మార్పులు చేయలేదు. బడ్జెట్ కు సంబంధించిన కాపీని ఈ సారి డిజిటల్ రూపంలో అందుబాటులోకి తీసుకు వచ్చారు.

బడ్జెట్‌ను ప్రవేశ పెట్టే సందర్బంగా నిర్మలా సీతారామాన్ మాట్లాడుతూ… ప్రధాని మోడీ నాయకత్వంలోని తమ ప్రభుత్వం నాలుగు కులాలకు ప్రాధాన్యతనిచ్చిందని వెల్లడించారు. పేదలు, మహిళలు, యువత, అన్నదాతలు అనే కులాలను శక్తివంతం చేసేందుకు తమ ప్రభుత్వం ప్రయత్నాలు చేసిందని పేర్కొన్నారు.

దేశంలో 30 కోట్లమంది మహిళలకు ముద్ర రుణాలు అందజేశామని వివరించారు. ముద్ర యోజన ద్వారా దేశంలో యువతకు రూ. 25 లక్షల కోట్ల రుణాలను అందించామని తెలిపారు. స్కిల్‌ ఇండియా మిషన్‌ ద్వారా కోటి 40 లక్షల మంది యువతకు నైపుణ్య శిక్షణ ఇప్పించి ఉపాధి కల్పించామన్నారు. వ్యవసాయ రంగంలో నూతన సాంకేతికతను తీసుకు వచ్చి విలువ జోడింపు ద్వారా కొత్త విధానాలు అమలులోకి తీసుకు వచ్చామని స్పష్టం చేశారు.

4.5 కోట్ల మందికి బీమా సౌకర్యాన్ని కల్పించామని చెప్పారు. పీఎం కిసాన్‌ సమ్మాన్‌ నిధి ద్వారా 11.8 కోట్ల మంది చిన్న, సన్నకారు రైతులకు ఆర్థికసాయం అందించామన్నారు. ప్రత్యక్ష నగదు బదిలీ పథకంతో రూ.34 లక్షల కోట్లు పేదలకు జన్‌ధన్‌ ఖాతాల ద్వారా అందించిమని వివరించారు. 3 వేల ఐటీఐలు, 7 ఐఐటీలు, 16 ఐఐఐటీలు, 7 ఐఐఎంలు కొత్తగా ప్రారంభించామని…స్టార్టప్‌ ఇండియా స్టార్టప్‌ సపోర్టు ద్వారా యువతను కొత్త పారిశ్రామికులుగా తయారుచేశామని పేర్కొన్నారు.

వీసాల రిజిస్ట్రేషన్‌(Registration of visas) ప్రక్రియలో మోసాలను అరికట్టేందుకు అగ్ర రాజ్యం అమెరికా కీలక నిర్ణయం తీసుకున్నది. 2025 ఆర్థిక సంవత్సరానికి జారీచేసే హెచ్‌-1బీ వీసాల(H-1B Visa) లాటరీ ప్రక్రియను ప్రక్షాళన చేసేందుకు కొత్త నిబంధనలు ప్రకటించింది. 2025 సంవత్సరానికి జారీ చేసే వీసాల ప్రక్రియకు ఈ కొత్త నిబంధన అమలు కానుంది.

దీంతో ఇకపై వీసా కోసం ఎవరు ఎన్ని దరఖాస్తులు చేసుకున్నా ఒకే దరఖాస్తుగా పరిగణించనున్నారు. గతేడాది ఈ వీసాల కోసం ఏకంగా 7.80 లక్షల దరఖాస్తులు వచ్చాయి. ఒకే వ్యక్తి తరఫున అనేక దరఖాస్తులు సమర్పించి లాటరీ విధానంలో ప్రయోజనం పొందేందుకు పలు కంపెనీలు ప్రయత్నిస్తున్న నేపథ్యంలో ఈ నిబంధనను ప్రవేశపెట్టారు.

పిటిషన్ల సంఖ్యతో నిమిత్తం లేకుండా దరఖాస్తుదారులందరికీ సమాన అవకాశాలు కల్పించేందుకు ‘కేంద్రీకృత ఎంపిక ప్రక్రియ’ నిర్ణయం తీసుకున్నట్లు అమెరికా పౌరసత్వ, వలస సేవల విభాగం (యూఎస్‌సీఐఎస్‌) వెల్లడించింది. కొత్త నిబంధనల ప్రకారం ప్రతి దరఖాస్తుదారుడు సరైన పాస్‌పోర్టు వివరాలు, ప్రయాణ పత్రాలను విధిగా సమర్పించాల్సి ఉంటుంది.

తప్పుడు సమాచారం ఉన్న దరఖాస్తులను తిరస్కరించే అధికారం యూఎస్‌సీఐఎస్‌కి ఉంటుంది. వీసాల తొలి రిజిస్ట్రేషన్‌ 2025 మార్చి 6 నుంచి 22 వరకు కొనసాగుతుందని యూఎస్‌సీఐఎస్ తెలిపింది. ఫిబ్రవరి 28 నుంచి కంపెనీలు తమ అకౌంట్లను తెరుచుకునేందుకు అనుమతి ఇవ్వనున్నారు. ఫామ్ ఐ-129, నాన్-క్యాప్ హెచ్ 1బి పిటిషన్ల కోసం ఫామ్ ఐ-907 పత్రాలను ఆన్‌లైన్‌లో నమోదు చేయాల్సి ఉంటుంది.