National

విమానం కుప్పకూలి(Plane Crash) ఏడుగురు దుర్మరణం పాలయ్యారు. ఈ ఘటన బ్రెజిల్(Brazil)లో చోటుచేసుకుంది. అక్కడి ఆగ్నేయ మినాస్ గెరైస్(Southeast Minas Gerais) రాష్ట్రంలో ఆదివారం ఉదయం 10:30గంటలకు ఈ ప్రమాదం జరిగినట్లు తెలుస్తోంది.

సింగిల్-ఇంజిన్ గల ఈ విమానం గాల్లో ఉండగానే ముక్కలై మైనింగ్ పట్టణంలోని ఇటావాలో ఉదయం 10:30 గంటలకు కుప్పకూలినట్లు అగ్నిమాపక సిబ్బంది అక్కడి వార్తా సంస్థకి తెలిపారు. పొరుగున ఉన్న సావోపాలో రాష్ట్రంలోని క్యాంపినాస్ నగరం నుంచి బయల్దేరిన కాసేపటికే ఈ ప్రమాదం చోటు చేసుకుందని అధికారులు వెల్లడించారు.

సమాచారం అందుకున్న అగ్నిమాపక సిబ్బంది వెంటనే ఘటనా స్థలానికి చేరుకున్నారు. అయితే అప్పటికే విమానంలో ఉన్న ఏడుగురు ప్రాణాలు కోల్పోయారు. ముగ్గురి మృతదేహాలను వారు బయటికి తీశారు. విమానం ఓ కొండపై పడిపోయినట్లు తెలుస్తోంది. ఈ ప్రమాదానికి సంబంధించి పూర్తి వివరాలు తెలియాల్సి ఉంది.

బ్రెజిల్‌లో చిన్న విమానాలు కూలిన ఘటనలు తరచూ చోటుచేసుకుంటున్నాయి. రెండు రోజుల కిందటే సావోపాలోని అటవీ ప్రాంతంలో ఓ చిన్న విమానం కూలిపోయి ఇద్దరు మృతిచెందారు. గతేడాది  డిసెంబరులో బ్రెజిల్‌లోని ఇల్హబెలా ద్వీపానికి వెళుతున్న హెలికాప్టర్ కూలడంతో నలుగురు ప్రాణాలు కోల్పోయారు. మరో విమానం బ్రెజిల్‌లోని ఉత్తర అమెజాన్ రాష్ట్రంలో గతేడాది సెప్టెంబరులో ఒక విమానం కూలిపోలింది. ఈ ఘటనలో 14 మంది మృతిచెందారు.

“న్యాయం” అనేది ప్రతి భారతీయ పౌరుడి హక్కు అని ప్రధాని నరేంద్ర మోడీ (PM Modi) అన్నారు. నేటి ఆర్థిక విధానాలు రేపటి శక్తివంతమైన భారత్‌ (India)కు పునాదులు వేస్తాయని చెప్పారు. నేడు రూపొందించబడుతున్న చట్టాలు భారత ఉజ్వల భవిష్యత్తును బలోపేతం చేస్తాయని తెలిపారు. విశ్వసనీయ న్యాయ వ్యవస్థ కోసం తమ ప్రభుత్వం నిరంతరం పని చేస్తూ అనేక నిర్ణయాలు తీసుకుంటోందన్నారు.

సుప్రీంకోర్టు వజ్రోత్సవాల సందర్బంగా నిర్వహించిన సమావేశంలో ప్రధాని మోడీ మాట్లాడుతూ…. దేశంలో ప్రస్తుతం నెలకొన్న పరిస్థితులను దృష్టిలో పెట్టుకుని ఉత్తమ అభ్యాసాలకు అనుగుణంగా దేశంలోని చట్టాలను ఆధునీకరిస్తున్నామని వెల్లడించారు. వలస పాలన కాలం నాటి చట్టాలను రద్దు చేసి వాటి స్థానంలో మూడు కొత్త చట్టాలను తీసుకు వస్తున్నామని చెప్పారు.

ఈ మూడు నేరచట్టాల వల్ల దేశంలోని న్యాయ, పోలీసు, దర్యాప్తు వ్యవస్థలు కొత్త దశలోకి ప్రవేశించాయని అన్నారు. ఇప్పుడు ప్రపంచం దృష్టంతా భారత్​ పైనే ఉందని పేర్కొన్నారు. ఇప్పుడు భారత్ పై విశ్వాసం పెరుగుతోంది. న్యాయానికి ప్రతి పౌరుడు అర్హుడన్నారు. ప్రతి పౌరుడికి సులభంగా న్యాయం అందేలా చేయడమే భారత లక్ష్యమన్నారు. ప్రస్తుతం రూపొందిస్తున్న చట్టాలు భారత్ భవిష్యత్తును మరింత ప్రకాశ వంతం చేస్తాయని వివరించారు.

వికసిత్ భారత్‌లో సాధికార న్యాయ వ్యవస్థ కూడా ఒక భాగమన్నారు. దేశంలో విశ్వసనీయ న్యాయవ్యవస్థను ఏర్పాటు చేసే లక్ష్యంతో ప్రభుత్వం చర్యలు చేపడుతోందని వెల్లడించారు. ఈ దిశలో జన్ విశ్వాస్ బిల్లు ఒక అడుగని పేర్కొన్నారు. భవిష్యత్తులో న్యాయవ్యవస్థపై అనవసరమైన భారాన్ని ఈ బిల్లు పూర్తిగా తగ్గిస్తుందన్నారు. సుప్రీం కోర్టు మాజీ న్యాయమూర్తి, ఆసియాలో సుప్రీం కోర్టు తొలి మహిళా న్యాయమూర్తి జస్టిస్ ఫాతిమా బీబీని పద్మభూషన్‌తో సత్కరించామన్నారు. ఇది దేశమంతా గర్వపడాల్సిన విషయమని వివరించారు.

బిహార్ సీఎంగా నితీశ్ కుమార్ (Nitish Kumar) తొమ్మిదవ సారి ప్రమాణ స్వీకారం చేశారు. సీఎంగా నితీశ్ కుమార్‌తో గవర్నర్ రాజేంద్ర అర్లేకర్‌ (Rajendra Arlekar) ప్రమాణం చేయించారు. రాజ్ భవన్‌లో నిర్వహించిన ప్రమాణ స్వీకార కార్యక్రమానికి బీజేపీ జాతీయ అధ్యక్షులు జేపీ నడ్డా హాజరయ్యారు.

ఆయనతో పాటు లోక్ జనశక్తి పార్టీ చీఫ్ చిరాగ్ పాశ్వాన్, బిహార్ బీజేపీ చీఫ్ సామ్రాట్ చౌదరి హాజరయ్యారు. నితీశ్ కుమార్‌తో పాటు డిప్యూటీ సీఎంలుగా సామ్రాట్ చౌదరి, విజయ్ సిన్హాలు ప్రమాణం చేశారు. మొత్తం 8 మంది సభ్యులు మంత్రులుగా ప్రమాణం చేశారు. బీజేపీ నుంచి ప్రేమ్ కుమార్, జేడీయూ నుంచి విజేంద్ర యాదవ్, విజయ్ చౌదరి, శ్రావణ్ కుమార్, హిందుస్తానీ అవామీ మోర్చ నుంచి సంతోష్ సుమన్, స్వతంత్ర అభ్యర్థి సుమిత్ సింగ్ మంత్రులుగా ప్రమాణం చేశారు.

బిజేపీ లెజిస్లేటరీ పార్టీ నేతగా సామ్రాట్ చౌదరి, ఉపనేతగా విజయ్ సిన్హాలను ఎన్నుకున్నట్టు బీజేపీ జాతీయ కార్యదర్శిగా వినోద్ తవాడే వెల్లడించారు. నితీశ్ కుమార్ మొదట 2000 మార్చిలో మొదటి సారి సీఎంగా ప్రమాణం చేశారు. ఆ తర్వాత 2005 నవంబర్ లో రెండవ సారి, 2010 నవంబర్ లో మూడవ సారి, 2015 పిబ్రవరిలో నాల్గవ సారి ప్రమాణం చేశారు.

2015 ఫిబ్రవరిలో ఆరవసారి, 2017 జూలైలో ఆరవసారి, 2020 నవంబర్ లో ఏడవసారి, 2022 అగస్టులో 8వ సారి ప్రమాణ స్వీకారం చేశారు. తాజాగా తొమ్మిదవ సారి ఆయన సీఎంగా ప్రమాణం చేశారు. మరోవైపు ఇండియా కూటమి నుంచి వెైదొలిగినందుకు నితీశ్ కుమార్ పై విపక్షాలు తీవ్ర విమర్శలు గుప్పిస్తున్నాయి.

విపక్ష ఇండియా కూటమి (India Alliance)నుంచి నితీశ్ కుమార్ (Nitish Kumar) వైదొలగడం, బిహార్ సీఎం పదవికి రాజీనామా చేయడం వంటి పరిణామాలపై ఆర్జేడీ అధినేత లాలూ ప్రసాద్ యాదవ్ (Lalu Prasad Yadav) కూతురు రోహిణి ఆచార్య (Rohini Acharya) ట్వీట్ చేశారు.

నితీశ్ కుమార్‌ను చెత్తతో పోలుస్తూ ఆమె విమర్శలు గుప్పించారు. చెత్త ఇప్పుడు చెత్త కుప్పలోకి వెళ్లిపోయిందని చెప్పారు. అత్యంత దుర్వాసనతో కూడిన చెత్త కుప్పను పొందినందుకు డస్ట్‌బిన్‌కు అభినందనలంటూ వ్యంగ్యాస్త్రాలు సంధించారు. అంతకు ముందు నితీశ్ కుమార్ రాజీనామా చేయక ముందు ఆమె ఎక్స్‌‌‌లో స్పందించారు.

తమ ఊపిరి ఉన్నంత వరకు, మతతత్వ శక్తులపై తమ పోరాటం కొనసాగుతుందని స్పష్టం చేశారు. అనంతరం 2017లో తన తండ్రి ఆర్జేడీ చీఫ్ లాలూ ప్రసాద్ యాదవ్ చేసిన ట్వీట్ ఆమె రీ ట్వీట్ చేశారు. 2017లో కూడా నితీశ్ కుమార్ మిత్రపక్షం ఆర్జేడీని వదిలి బీజేపీ వైపు చేరారు. అప్పుడు నితీశ్ కుమార్ పై లాలూ ప్రసాద్ యాదవ్ తీవ్రస్థాయిలో మండిపడ్డారు.

నితీశ్ కుమార్ ఒక పాము లాంటి వాడని అన్నారు. పాము ఎలాగైతే తన శరీరం నుంచి కుబుసాన్ని విడిచి పెడుతుందో…. నితీశ్ కూడా ప్రతి రెండేండ్లకు ఒకసారి తన మిత్ర పక్షాను వదిలి పెడతారంటూ తీవ్ర వ్యాఖ్యలు చేశారు. ఈ విషయంలో ఎవరికైనా సందేహం ఉందా అని ఆయన ప్రశ్నించారు.

జేడీయూ-బీజేపీ కూటమి (JDU-BJP Alliance) ఏర్పాటు విషయంలో ఎన్నికల వ్యూహకర్త ప్రశాంత్ కిషోర్ (Prashant Kishor) కీలక వ్యాఖ్యలు చేశారు. బిహార్‌లో నూతనంగా ఏర్పాటైన జేడీయూ-బీజేపీ కూటమి ఎంతో కాలం ఉండబోదని తెలిపారు. 2025 అసెంబ్లీ సార్వత్రిక ఎన్నికల వరకు కూడా ఈ కూటమి మనుగడ సాగించలేదని వ్యాఖ్యానించారు.

బీజేపీ-జేడీయూ కూటమి ఒక ఏడాది కన్నా ఎక్కువ కాలం ఉండబోదని వెల్లడించారు. ప్రస్తుతం బిహార్‌లో ఎన్డీఏ ఫేస్‌గా నితీశ్ కుమార్, బీజేపీ అండదండలతో ఉనికిలోకి వచ్చిన ఈ కూటమి రాబోయే ఎన్నికల వరకు కూడా మనుగడ సాగించదని చెప్పారు. లోక్ సభ ఎన్నికల తర్వాత ఆరు నెలలకే మార్పు జరుగుతుందన్నారు.

కావాల్సిస్తే ఈ విషయాన్ని తాను రాసిస్తానని పేర్కొన్నారు. బిహార్ సీఎం నితీశ్ కుమార్ తన పదవికి రాజీనామా చేశారు. మహాఘట బంధన్2లోని ఆర్జేడీ, కాంగ్రెస్‌లకు షాక్ ఇస్తూ ఆయన ఎన్డీఏ పక్షం చేరారు. ఆదివారం సాయంత్రం 5 గంటలకు ఆయన మరోసారి ముఖ్యమంత్రిగా ప్రమాణ స్వీకారం చేయబోతున్నారు.

నితీశ్ కుమార్ పై కాంగ్రెస్, ఆర్జేడీలు తీవ్ర స్థాయిలో మండిపడుతున్నాయి. నితీశ్ కుమార్ తరుచూ తన రాజకీయ భాగస్వాముల్ని మారుస్తూ ఉంటారని ఆరోపిస్తున్నాయి. రంగులు మార్చడంతో ఆయన ఊసరవెల్లతో పోటీ పడుతున్నారంటూ కాంగ్రెస్ సీనియర్ నేత జై రాం రమేశ్ ట్వీట్ చేశారు.

విపక్ష ఇండియా కూటమిని (India Alliance) వీడి బిహార్ సీఎం నితీశ్ కుమార్ (Nitish Kumar)ఎన్డీఏలో చేరడంపై కాంగ్రెస్ సీనియర్ నేత పవన్ ఖేరా (Pawan Khera) తీవ్ర స్థాయిలో విరుచుకుపడ్డారు. నితీశ్ కుమార్ తరుచూ కూటములు మారడంపై ఆయన వ్యంగ్యాస్త్రాలు సంధించారు.

గిన్నీస్ బుక్ ఆఫ్ రికార్డ్స్ ను నితీశ్ బుక్ ఆఫ్ రికార్డ్స్ అంటూ పిలుస్తారని ఎద్దేవా చేశారు. నితీశ్ కుమార్ ఏ ఉద్దేశంతో ఇండియా కూటమిని ప్రారంభించారో తమకు తెలియదని చెప్పారు. ఆయన ఇప్పటి వరకు అటు నుంచి ఇటు.. ఇటు నుంచి అటు తొమ్మిది సార్లు మారడన్నారు.

ఎప్పుడూ 400 సీట్లపై పెద్ద ఎత్తున వాదనలు వినిపించే పార్టీ వాస్తవికతను ఈ పరిణామాలు చెబుతున్నాయని చెప్పారు. బీజేపీపై కాంగ్రెస్ సీనియర్ నేత జైరాం రమేశ్ తీవ్ర విమర్శలు గుప్పించారు. ఇండియా కూటమిని వీడి నితీశ్ కుమార్ ఎన్డీఏ కూటమికి తిరిగి వెళ్లడం వెనక ప్రధాని మోడీ పాత్ర ఉందని ఆరోపించారు.

ఇది ప్రధాని నరేంద్ర మోడీ పన్నిన ముందస్తు కుట్ర అంటూ తీవ్ర ఆరోపణలు గుప్పించారు. ఈ పరిణామాలు ఇండియా కూటమి అవకాశాలపై ఎలాంటి ప్రభావమూ చూపబోవని స్పష్టం చేశారు. ఇది ఇలా వుంటే ఆదివారం సాయంత్రం 5 గంటలకు నితీశ్ కుమార్ సీఎంగా ప్రమాణ స్వీకారం చేయనున్నారు.

విపక్ష ఇండియా కూటమి (India Alliance)కి భారీ ఎదురుదెబ్బ తగిలింది. కూటమి నుంచి బిహార్ సీఎం నితీశ్ కుమార్ (Nitish Kumar)వైదొలిగారు. నితీశ్ కుమార్ తన సీఎం పదవికి కూడా రాజీనామా చేశారు. ఈ పరిణామాలపై ఏఐసీసీ అధ్యక్షుడు మల్లికార్జున ఖర్గే (Mallikarjun Kharge)స్పందించారు.

ఈ సంగతి తమకు ముందే తెలుసని వెల్లడించారు. దేశంలో ‘ఆయారామ్- గయారామ్’లు చాలా మంది ఉన్నారని వ్యాఖ్యానించారు. అంతకు ముందు నితీశ్ కుమార్, తాను కలసి పోరాటం చేశామని వెల్లడించారు. ఆర్జేడీ చీఫ్ లాలూ ప్రసాద్ యాదవ్, తేజస్వీయాదవ్‌తో తాను మాట్లాడానని పేర్కొన్నారు.

కూటమి నుంచి నితీశ్ వెళ్లిపోతున్న విషయాన్ని వాళ్లు చెప్పారని తెలిపారు. ఒక వేళ ఆయనకు ఇక్కడే కొనసాగాలని ఉంటే ఇక్కడే ఉండేవారని వివరించారు. కానీ, ఆయన వెళ్లిపోవాలని నిర్ణయించుకున్నారని స్పష్టం చేశారు. అందుకే వెళ్లిపోయారన్నారు. ఆ విషయం తమకు ముందే తెలుసని తెలిపారు.

ఇండియా కూటమిని తాము యదాతథంగా కొనసాగించాలని అనుకున్నామని చెప్పారు. అందుకే తాము ఏదైనా విషయాన్ని చెబితే మిత్ర పక్షాలకు తప్పుడు సంకేతాలు వెళ్తాయన్నారు. లాలూ ప్రసాద్ యాదవ్, తేజస్వీయాదవ్ కూడా ఇదే విషయాన్ని తమకు చెప్పారని చెప్పుకొచ్చారు. కానీ ఈ రోజు అదే రుజువైందన్నారు.